საქართველოს გუნდები საჭადრაკო ოლიმპიადაზე მცირე ვერცხლსა და ბრინჯაოს დასჯერდნენ

სტამბულში დამთავრდა მე-40 მსოფლიო საჭადრაკო ოლიმპიადა, რომელშიც 127 ქალთა და 157 ვაჟთა ნაკრები მონაწილეობდა სტამბულში დამთავრდა მე-40 მსოფლიო საჭადრაკო ოლიმპიადა, რომელშიც 127 ქალთა და 157 ვაჟთა ნაკრები მონაწილეობდა.9 სექტემბერს ბოლო, მე-11 ტურის პარტიები გაიმართა. საქართველოს მანდილოსანთა ნაკრებმა ესპანელთა გუნდს 2,5:1,5 მოუგო: ანა მათნაძე - ნანა ძაგნიძე 0:1 (მათნაძემ წლის დასაწყისში ფედერაცია შეიცვალა და ოლიმპიადაზე პირინეელთა სპორტულ ღირსებას იცავდა), ბელა ხოტენაშვილი - ოლგა ალექსანდროვა 0:1, საბრინა ვეგა გუტიერესი - ნინო ხურციძე 0,5:0,5, ნინო ბაციაშვილი - იუდანია ჰერნანდესი 1:0.ამ გამარჯვების შემდეგ საქართველოს ნაკრებმა 22 შესაძლებლიდან 15 ქულასღა მოუყარა თავი და მე-8 ადგილზე გავიდა.გუნდის წევრთა მონაგარი კი ასეთია: ძაგნიძემ 8 პარტიიდან 6 ქულა მოაგროვა, პირველ დაფაზე ჰოუ იფანის შემდეგ მე-2 ადგილი დაიკავა და მცირე ვერცხლის მედალი ერგო, თან რეიტინგი 8 პუნქტით გაიმდიდრა. დანარჩენებმა კი ეს მაჩვენებელი გაიუარესეს: ბელა ხოტენაშვილი - 6,5 ქულა (10-დან), რეიტინგი: - 4,9, ლელა ჯავახიშვილი - 5 (9), - 14,1, ნინო ხურციძე - 5 (9), - 14,1, ნინო ბაციაშვილი - 6 (8), - 3,8.რაც შეეხებათ ლიდერებს, რუსებმა ყაზახები გაანადგურეს - 4:0, ჩინელებმა კი ბულგარელებს სძლიეს 2,5:1,5. ორივე გუნდს თანაბარი ქულები (19-19) მოუგროვდა.დამატებითი მაჩვენებლებით ჩვენმა ჩრდილოელმა მეზობლებმა (ტატიანა კოსინცევა, ვალენტინა გუნინა, ნადეჟდა კოსინცევა, ალექსანდრა კოსტენიუკი, ნატალია პოგონინა) ჩემპიონის ტიტული შეინარჩუნეს. ჩინელებს მე-2 ადგილი ერგოთ. 18 ქულით მესამე ადგილზე უკრაინელები გავიდნენ, რომლებმაც ბოლო ტურში გერმანელებს მოუგეს 3,5:0,5.ოლიმპიადაზე მედლები დაფების მიხედვითაც განაწილდა: I დაფა: 1. ჰოუ იფანი (ჩინეთი), 2. ნანა ძაგნიძე (საქართველო), 3. კატერინა ლაგნო (უკრაინა). II დაფა. 1. ჟაო სიუ (ჩინეთი), 2. მარია მუზიჩუკი (უკრაინა), 3. ბეთულ ილდიზი (თურქეთი)... 5. ბელა ხოტენაშვილი. III დაფა. 1. ნადეჟდა კოსინცევა (რუსეთი), 2. იოლანტა ზავადსკა (პოლონეთი), 3. ტანია საჩდევი (ინდოეთი)... 12. ლელა ჯავახიშვილი. IV დაფა. 1. ჰუან ქიანი (ჩინეთი), 2. სილვია კოლასი (საფრანგეთი), 3. ალექსანდრა კოსტენიუკი (რუსეთი)... 13. ნინო ხურციძე. სათადარიგოები. 1. ნატალია პოგონინა (რუსეთი), 2. მელისა გომეს კასტრილონი (კოლუმბია), 3. მადინა დავლეტბაიევა (ყაზახეთი). 4. ნინო ბაციაშვილი.ვაჟთა ტურნირი 22 შესაძლებლიდან, ასევე, 19-19 ქულით დაასრულეს სომხებმა და რუსებმა. დამატებითი მაჩვენებლებით პირველ ადგილზე სომხები (ლევონ არონიანი, სერგეი მოვსესიანი, ვლადიმირ აკოფიანი, გაბრიელ სარგისიანი, ტიგრან პეტროსიანი) გავიდნენ, ვერცხლი რუსებს ხვდათ. 18 ქულით მესამე ადგილი აქაც უკრაინელებმა დაიკავეს.საქართველოს ნაკრები გუშინ დანიელებთან 1:3 დამარცხდა (მიხეილ მჭედლიშვილი - ბერგ ჰანსენი 0,5:0,5, ლარს შანდორფი - მერაბ გაგუნაშვილი 1:0, თორნიკე სანიკიძე - ალან სთიგ რასმუსენი 0:1, ჯეიკობ ვანგ გლადი - კონსტანტინე შანავა 0,5:0,5) და 13 ქულით 36-ე ადგილზე გავიდა. ნაკრების დებიუტანტმა შანავამ, რომელსაც ბაადურ ჯობავას ნაცვლად უხმეს გუნდში, სათადარიგოებს შორის რვა შესაძლებლიდან 6 ქულით ბრინჯაოს მედალი დაიმსახურა.თან საკუთარ რეიტინგს 12,2 პუნტი შესძინა. სხვა ჩვენებურთა მონაგარი ასეთია: მიხეილ მჭედლიშვილი - 5,5 (10), - 0,8, მერაბ გაგუნაშვილი - 6,5 (11), +6,3, თორნიკე სანიკიძე - 4 (7), -5,9, ლევან ფანცულაია - 4,5 (8), +2,6.მედლები დაფების მიხედვით: I დაფა. 1. ლევონ არონიანი (სომხეთი), 2. რადოსლავ ვოიტაშეკი (პოლონეთი), 3. თეიმურ რაჯაბოვი (აზერბაიჯანი). II დაფა. 1. დავიდ ნავარა (ჩეხეთი), 2. ანტონ ფილიპოვი (უზბეკეთი), 3. გატა კამსკი (აშშ)... 19. მერაბ გაგუნაშვილი (საქართველო). III დაფა. 1. შაჰრიარ მამედიაროვი (აზერბაიჯანი), 2. ვლადიმირ აკოფიანი (სომხეთი), 3. სერგეი კარიაკინი (რუსეთი). თორნიკე სანიკიძე საუკეთესო ოცეულში ვერ მოხვდა. IV დაფა. 1. ვლადისლავ ტკაჩიევი (საფრანგეთი), 2. აბჯით გუფთა (ინდოეთი), 3. დანიელ ფრიდმანი (გერმანია)... 17. ლევან ფანცულაია (საქართველო). სათადარიგოები. 1. დმიტრი იაკოვენკო (რუსეთი), 2. ბართლომეი მაჩეია (პოლონეთი), 3. კონსტანტინე შანავა (საქართველო).ქალ-ვაჟთა გუნდების საერთო მონაგრით ხუთგზის მსოფლიოს ჩემპიონის, ნონა გაფრინდაშვილის თასი რუსეთის გუნდს (38 ქულა) გადაეცა. 36-36 ქულით მეორე-მესამე ადგილებზე ჩინელები და უკრაინელები გავიდნენ.ყოველდღიური სპორტული გაზეთი "ლელო"

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

ფელიქსს "ბარსელონაში" დაბრუნება სურს

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

მატჩის დღე! ლოგიკის დროით, საქართველოს გამარჯვების დროა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო