<p>“მილანის” ჩავარდნაზე, კრიზისსა და ათას უბედურებაზე ჯერ კიდევ ზაფხულში საუბრობდნენ იტალიურ საფეხბურთო სამყაროში. დღეს კი ეს თემა ერთ-ერთი ყველაზე აქტუალურია <br> “მილანის” ჩავარდნაზე, კრიზისსა და ათას უბედურებაზე ჯერ კიდევ ზაფხულში საუბრობდნენ იტალიურ საფეხბურთო სამყაროში. დღეს კი ეს თემა ერთ-ერთი ყველაზე აქტუალურია.. დიახ, პირველი მარცხი ლომბარდიულმა გრანდმა, ალბათ, მაშინ განიცადა, როდესაც წამყვან ფეხბურთელებს შეელია; მეორე და მესამე კი უკვე სერია ა-ს საშინაო მატჩებში შედგა. ყველაფერ ამას ჩემპიონთა ლიგაზე წარუმატებელი სტარტი მოჰყვა და ბუნებრივია, რომ ამან გულშემატკივართა აღშფოთება გამოიწვია.</p><p>თუ “გაძეტა დელო სპორტს” დავუჯერებთ, არა მარტო გულშემატკივართა - “ანდერლეხტთან” საშინაო ფრის შემდეგ თვით კლუბის პრეზიდენტი, სილვიო ბერლუსკონი იყო გაგიჟებული და მასიმილიანო ალეგრის გათავისუფლებასაც კი აპირებდა. ავტორიტეტული გამოცემა ასეთ ინფორმაციას ავრცელებს და იქვე დასძენს, რომ მწვრთნელი ადრიანო გალიანიმ გადაარჩინაო - “მილანის” ვიცე-პრეზიდენტმა სენიორ მასიმილიანოსთვის კიდევ ერთი შანსის მიცემა ითხოვა. ეს ერთი შანსი კი მას სერია ა-ს მომდევნო ტურში, “უდინეზესთან” მიეცემა. მართალია, ეს ცნობა მხოლოდ უცნობ წყაროზეა დაფუძნებული და არ საბუთდება, მაგრამ კვამლი რომ უცეცხლოდ არ ჩნდება, ესეც ფაქტია.</p><p>"გაძეტა" ამაოდ ცდილობდა მასიმილიანო ალეგრისთან დაკავშირებას. სამაგიეროდ, ადრიანო გალიანის ჩამოართვა კომენტარი: “სიმართლე გითხრათ, “ანდერლეხტთან” თამაშით ძალიან უკმაყოფილო დავრჩი, მაგრამ ეს იმას არ ნიშნავს, რომ მთავარი მწვრთნელის გათავისუფლების საკითხი დგას დღის წესრიგში. ალეგრის აუცილებლად დაველაპარაკები, გავარკვევ, რა ხდება გუნდში და რატომ ვთამაშობთ ასე უფერულად. ვფიქრობ, მასიმილიანო გამოსავალს იპოვის და ყველაფერი დალაგდება”.</p><p>მართალია, ბოლო წინადადებით გალიანიმ მწვრთნელის მიმართ თითქოს ნდობა გამოხატა, მაგრამ მეორე მხრივ, ეს იყო პირველი შემთხვევა, როდესაც კლუბის ვიცე-პრეზიდენტმა უკმაყოფილება საჯაროდ გამოთქვა და ვითარებაში გარკვევის სურვილი გაუჩნდა. ვნახოთ, “უდინეზე”-“მილანის” პაექრობა კარსაა მომდგარი და საინტერესოა, როგორ განვითარდება პროცესები.</p><p><strong>ყოველდღიური სპორტული გაზეთი "ლელო"</strong></p>
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა