<p>საქართველოს ძიუდოისტთა ახალგაზრდული ნაკრები ხორვატიაში ევროპის 20-წლამდელთა ჩემპიონატში იასპარეზებს <br> საქართველოს ძიუდოისტთა ახალგაზრდული ნაკრები უკვე ხორვატულ პორეჩშია, სადაც 21 სექტემბერს ევროპის 20-წლამდელთა ჩემპიონატი დაიწყება, რომელიც 23-მდე გასტანს.</p><p>ჩვენი ნაკრების მთავარმა მწვრთნელმა <strong>გიორგი გუგავამ</strong> უკლებლივ გამოიყენა კვოტა, ანუ ყველა წონაში 2-2 სპორტსმენი წაიყვანა: <strong>ლერი ჭელიძე, მინდია ღოლიჯაშვილი</strong> (ორივე - 55), <strong>ვაჟა მარგველაშვილი, ლუხუმ ჩხვიმიანი</strong> (60), <strong>ბექა ტუღუში, ბექა ვიბლიანი</strong> (66), <strong>ლევან გუგავა, ფრიდონ გიგანი</strong> (73), <strong>ბექა ღვინიაშვილი, ბექა დონღვანი</strong> (81), <strong>ლაშა ტაველური, რევაზ წულუკიძე</strong> (90), <strong>გურამ თუშიშვილი, გიორგი ქავთარაძე</strong> (100), <strong>ლევან მატიაშვილი, როსტომ ხახალეიშვილი</strong> (+100).</p><p>ძიუდოს ქომაგი იოლად შეამჩნევს, რაოდენ გადახალისებულია ეს ნაკრები შარშანდელს შემდეგ - იმ გუნდიდან მხოლოდ ევროპის ვიცე-ჩემპიონები - <strong>ჭელიძე</strong> და <strong>მატიაშვილი</strong>, აგრეთვე - <strong>მარგველაშვილი, გიგანი</strong> და <strong>ქავთარაძე</strong> დარჩნენ.</p><p>მართალია, შარშანვე ამ გუნდში მსოფლიოზე <strong>ღვინიაშვილმა</strong> და <strong>თუშიშვილმაც</strong> იჭიდავეს, როგორც ჭაბუკებში მსოფლიოს ჩემპიონებმა და ღვინიაშვილმა ბრინჯაო მოიპოვა, მაგრამ ის მათთვის გამოსაცდელი ტურნირი იყო.</p><p>წლეულს ორივეს შანსი ეძლევა იმის დასამტკიცებლად, რომ შარშანდელი მათი წარმატება შემთხვევითი არ იყო და ისინი ჭაბუკებიდან გადმოსვლის შემდეგაც აგრძელებენ კანონზომიერ პროგრესს.</p><p>ეს განსაკუთრებით <strong>ღვინიაშვილზე</strong> ითქმის, რომელმაც შარშან 17-წლამდელებში ყველაფერი მოიგო - ევროპისა და მსოფლიოს პირველობა, ევროპის ახალგაზრდული ოლიმპიური ფესტივალი (რასაც ზემოხსენებული მსოფლიოს ახალგაზრდული ბრინჯაოც ემატება), თუმცა წლეულს წააგო გერმანიის ტურნირი.</p><p>ჭაბუკთა ნაკრები ძალზე სპეციფიკურია - იქ წარმატება სასიამოვნოა, საყურადღებოც, მაგრამ ახალგაზრდული ნაკრები სულ სხვა დონეა და იქ გადასულებს თავიდან უწევთ საკუთარი სიძლიერის დამტკიცება. ცხადია, ეს ეხება ყველას, მაგრამ <strong>ღვინიაშვილისნაირი</strong> ტალანტები განსაკუთრებულ ყურადღებას იქცევენ.</p><p>ბარემ აქვე იმასაც გეტყვით, რომ <strong>თუშიშვილისა </strong>და <strong>ღვინიაშვილის</strong> გარდა, ჭაბუკთა ნაკრებიდან <strong>ჩხვიმიანი, ვიბლიანი, დონღვანი</strong> და <strong>ხახალეიშვილი</strong> გადმოვიდნენ.</p><p>სამწუხაროდ, პორეჩში გოგოების ტურნირში მონაწილე არ გვეყოლება და მხოლოდ ბიჭების შეჯიბრება გვექნება საქომაგო. 21-ში მათგან 55, 60 და 66-ის ფალავნები იჭიდავებენ, 22-ში 73 და 81-ის წარმომადგენლები იასპარეზებენ, დასკვნით დღეს - 23 სექტემბერს - დანარჩენები.</p><p>აქვე გავიმეორებთ ჩვენი ახალგაზრდული ნაკრების მონაგარს ბელგიურ ლომელში ევროპის თანატოლთა შარშანდელ პირველობაზე - თითო ოქრო-ბრინჯაო და ორი ვერცხლი. ოქროს მედალი შარშან აწ უკვე ოლიმპიურმა ჩემპიონმა <strong>ლაშა შავდათუაშვილმა</strong> (66) მოიგო, ვერცხლისმედალოსნებზე ზემოთაც გითხარით - <strong>ჭელიძე</strong> და <strong>მატიაშვილი</strong>, ბრინჯაოს მედალს კი <strong>მიხეილ ჩოხელი</strong> (73) დაეუფლა.</p><p>მართალია, <strong>გუგავას</strong> წლეულს გადახალისებული გუნდი ჰყავს, მაგრამ ვინძლო, მათ შორის ამჯერადაც იყოს მომავალი ოლიმპიური ჩემპიონი, თორემ შარშან ამ დროს <strong>შავდათუაშვილის</strong> ტალანტის მიუხედავად, ძნელად რომ ვინმეს ეფიქრა მისგან ოლიმპიური ოქრო. ყოველ შემთხვევაში - ასე მსწრაფლ, დროის ასე მოკლე მონაკვეთში.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[VIDEO] დაბრუნებაც ასეთი უნდა - ზაალიშვილმა ოთხივე მეტოქეს იპონით მოუგო და ევროპის თასის გამარჯვებული გახდა
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო