- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კოლხეთი-ტორპედო 1:1 - ფოთელებმა ლიდერი შეაჩერეს და ბოლოზე დაეშვნენ
<p>საქართველოს ჩემპიონატი. პრემიერლიგა. VII ტური <br> მატჩი სანახაობრივი ვერ გამოდგა, თუმცა დაძაბულობა პირველიდან ბოლო წუთამდე არ აკლდა.</p><p>ჩემპიონატის თანალიდერი ქუთათურები აუტსაიდერ მეტოქესთან, ალბათ, ზედმეტად თვითდაჯერებულები გამოვიდნენ და ამის გამო დაისაჯნენ კიდეც - ვერ ვიტყვით, რომ "ტორპედომ" მეტოქე არ დააფასა, რამეთუ თუნდაც აუტსაიდერი "კოლხეთი" საკუთარ "ფაზისზე" მუდამ კერკეტი კაკალია, მაგრამ მასპინძლებმა მეტოქეს გაცილებით მეტი წინააღმდეგობა გაუწიეს, ვიდრე ამას სტუმრები ელოდნენ.</p><p>მეტიც, იღბალი რომ <strong>დავით მახარაძის</strong> გუნდის მხარეს ყოფილიყო, ან თუნდაც კოლხთა გამოცდილ მცველს მიუტევებელი შეცდომა არ დაეშვა, არავინ იცის, მოახერხებდნენ თუ არა სტუმრები ქულის მოპოვებას.</p><p>თუმცა ეს არ ნიშნავს, რომ "ტორპედომ" მეტოქეზე ცუდი შთაბეჭდილება დატოვა. პირიქით, უმეტეს დროს ტერიტორიულ უპირატესობასაც ფლობდა და მეტოქე ფიზიკურადაც დაჩაგრა, რაც მოსალოდნელიც იყო, მაგრამ ამით ასე მნიშვნელოვანი და ალბათ, დაგეგმილი 3 ქულის მოპოვება ვერ მოახერხა.</p><p>პირველი რეალური ხიფათი ფოთელებმა შექმნეს, როცა კარგი კონტრშეტევა მეტად აქტიური <strong>ილია პავლიაშვილის</strong> მონაწილეობით <strong>თემურ ფარულავას </strong>დარტყმით დასრულდა - <strong>ომარ მიგინეიშვილმა</strong> ბურთს ხელი კი გაჰკრა, მაგრამ საბოლოოდ ქუთათურები ხარიხამ გადაარჩინა.</p><p>იქვე სტუმრებმა მეტოქეს კარგი კონტრშეტევით უპასუხეს და დამაგვირგვინებელ ფაზაში რომ ევარგათ, ანგარიშსაც გახსნიდნენ - მათი შეყოვნება კოლხი მცველებისთვის ვითარების განსამუხტად საკმარისი გამოდგა.</p><p>ამას ისევ კოლხების ხიფათი მოჰყვა, როცა <strong>პავლიაშვილს</strong> დამაგვირგვინებელ ფაზაში მიზანმა უმტყუნა. თუმცა ფოთელებმა ანგარიშის გახსნა მაინც მოახერხეს და ეს მცველების დამსახურებით მოხდა. აქვე უნდა ითქვას, რომ კოლხი უკანახაზელები თამამად მიდიოდნენ შეტევაში.</p><p>მე-20 წუთზე <strong>ჯემალ გაბუნიამ</strong> მარცხნიდან საჯარიმოში ჩაჰკიდა. გამოსვლაზე მეკარე შეცდა (<strong>მიგინეიშვილს</strong> ამაში, სავარაუდოდ, მეტოქესთან ერთად თანაგუნდელიც "დაეხმარა") და დაუცველ კართან ეულად დარჩენილ <strong>პაატა ცხვიტარიას</strong> არგატანის "შანსიც" არ ჰქონდა, 1:0.</p><p>გოლის ავტორი მატჩის გმირი შესაძლოა გამხდარიყო, მაგრამ ტაიმის ბოლოსწინა წუთზე ანტიგმირად იქცა - საჯარიმოში თავით თამაშისას მიუტევებელი შეცდომა მოუვიდა და ჩინებულ პოზიციაში აღმოჩენილ <strong>გიორგი დათუნაიშვილს</strong> ანგარიშის გათანაბრება არ გასჭირვებია, 1:1.</p><p>იმერლებს მანამდეც ჰქონდათ შანსი - ჯერ <strong>ვალერი ბოლქვაძის</strong> ჩაწოდებულზე <strong>ზაზა ჭელიძე</strong> თავით ურტყამდა და მიწაზე დავარდნილი ბურთი ხარიხას გადაევლო, ხოლო შემდეგ უკვე <strong>ელგუჯა გრიგალაშვილის</strong> სახიფათო დარტყმა <strong>არდალიონ მიქაბერიძემ</strong> ჩინებულ ნახტომში მოიგერია.</p><p>მას შემდეგ კი, რაც იმერლებმა გაათანაბრეს, ფოთელები აირივნენ და კინაღამ მეორეც გაუშვეს - პირველ შემთხვევაში, კოლხთა დიდი პროტესტის მიუხედავად, თანამსაჯმა თამაშგარე არ დააფიქსირა, თუმცა "ტორპედომ" შანსი ვერ გამოიყენა. ხოლო იქვე უკვე ქუთათურებს მოეჩვენათ საეჭვოდ მეკარესთან მორიგ ერთი-ერთზე გასვლისას ლაინსმენის მიერ წამოწეული ალამი.</p><p>მეორე ტაიმის დასაწყისშივე ნახევარდაცვის გასაძლიერებლად <strong>დავით მახარაძემ თორნიკე მოსიაშვილი</strong> შეუშვა. კოლხთა სასახელოდ უნდა ითქვას, რომ ანგარიშის შენარჩუნება ისე მოახერხეს, რომ არც შეტევაზე უთქვამთ უარი. <strong></p><p>გია გეგუჩაძემაც</strong> ჯერ ბოლო თამაშებში გოლგამტანი <strong>ნიკა საბანაძე</strong> ჩართო, შემდეგ კი <strong>გრიგოლ დოლიძე </strong>და სულ ბოლოს <strong>გიორგი ფანცულაიაც.</strong> ტერიტორიული უპირატესობაც გაზარდეს, მაგრამ 3 ქულის მომტანი გოლის გატანა ვერ მოახერხეს.</p><p>თუმცაღა 88-ე წუთზე <strong>დოლიძემ</strong> კი გაიტანა, მაგრამ ლაინსმენს თამაშგარეს მაუწყებელი ალამი გოლამდე ჰქონდა წამოწეული, რის გამოც ქუთათურთა რისხვაც დაიმსახურა.</p><p>მანამდე ერთადერთი რეალური ხიფათი მასპინძლებმა შექმნეს, როცა <strong>გიორგი კილასონიას</strong> ჩაწოდებულზე დაცვა შეცდა, მაგრამ <strong>შალვა კვანტალიანმა</strong> შანსი ვერ გამოიყენა და <strong>მიგინეიშვილს</strong> აღება არ გასჭირვებია.</p><p>სულ ბოლო წამებზე, პირველი გოლის მსგავსად, ისევ <strong>გაბუნია</strong> აწვდიდა შორეულ ძელთან და ისევ არადამაჯერებელი იყო <strong>მიგინე</strong><strong>იშვილი</strong>, თუმცა <strong>გიორგი ვადაჭკორიამ</strong> ამაში დამნაშავედ კოლხი ფორვარდები მიიჩნია.</p><p>საბოლოოდ, ფრე 1:1. ფოთელებმა მეტოქეს ქულები კი დააკარგვინეს, მაგრამ ამ შედეგით თავად ბოლო ადგილზე დაეშვნენ, ხოლო ქუთაისელები თანალიდერებად მაინც დარჩნენ - მათ მხოლოდ მოგებათა სერია და ერთპიროვნულად პირველობა ჩაუშალეს.</p><p><span style="color: #ff0000;"><strong>მატჩის შემდეგ:</strong></span></p><p><strong> დავით მახარაძე</strong> ("კოლხეთი"): <em>"სამწუხაროდ, სატურნირო მდგომარეობა მძიმე წნეხის ქვეშ გვაყენებს და ამიტომაც ლიდერებთან ფრე ფსიქოლოგიური კუთხითაც წაგვადგება.</p><p>დასანანი გოლი გავუშვით, თუმცა მხოლოდ ანგარიშის შენარჩუნებაზე არ გვიფიქრია და რომ მოგვეგო, გასაკვირი ესეც არ იქნებოდა".</em></p><p><strong>გია გეგუჩაძე</strong> ("ტორპედო"): <em>"დაუგეგმავი ქულები დავკარგეთ. მსაჯებზე არასდროს ვსაუბრობ, უბრალოდ, დღეს ხშირი იყო გაჩერებები, რის გამოც თამაშის დინამიკა ირღვეოდა, რამაც შეხვედრაზე გავლენა მოახდინა".</em></p><p><span style="color: #ff0000;"><strong>საქართველოს ჩემპიონატი. პრემიერლიგა. VII ტური</strong></span></p><p>25.09.2012. ფოთი. ფაზისი. 500 მაყურებელი</p><p><em><strong>კოლხეთი-ტორპედო 1:1 </strong></em></p><p>1:0 ცხვიტარია (9. გაბუნიას პასით), 1:1 გ. დათუნაიშვილი (44)</p><p><em>კოლხეთი ტორპედო</em></p><p>4-1-3-1-1 4-1-4-1</p><p>ა. მიქაბერიძე მიგინეიშვილი</p><p>გ. კილასონია რიგვავა</p><p>ცხვიტარია კვახაძე</p><p>ფარულავა ზ. ჭელიძე</p><p>გაბუნია გ. გურული</p><p>გოგონაია გ. დათუნაიშვილი</p><p>ცხადაია კუხიანიძე</p><p>ქებაძე ვ. ბოლქვაძე</p><p>პ. დათუნაიშვილი ფირცხალავა</p><p>პავლიაშვილი ე. გრიგალაშვილი</p><p>კვანტალიანი ბერიაშვილი</p><p><em>მწვრთნელები:</em></p><p>დ. მახარაძე გ. გეგუჩაძე</p><p><em>კოლხეთი</em></p><p>46. ცხადაია - მოსიაშვილი</p><p>83. პავლიაშვილი - კობერიძე</p><p>90+1. კვანტალიანი - ზ. ჩხეტიანი</p><p>სათადარიგოები: ხარშილაძე, ქორჩილავა, აფხაზავა, ღუჭაშვილი</p><p><em>ტორპედო</em></p><p>46. ფირცხალავა - საბანაძე</p><p>73. ვ. ბოლქვაძე - დოლიძე</p><p>81. ბერიაშვილი - ფანცულაია</p><p>სათადარიგოები: ქვილითაია, შერგელაშვილი, გიგაური, ტუღუში</p><p><em>გაფრთხილება:</em> ცხვიტარია (57), მიგინეიშვილი (68), პავლიაშვილი (72), მიქაბერიძე (84)</p><p><em>არბიტრი:</em> გ. ვადაჭკორია (თბილისი)</p><p><strong>ყოველდღიური სპორტული გაზეთი "ლელო"</strong></p>
ბართიშვილს პირადად დააკვირდნენ - "არსენალის" სკაუტი "იბერიას" მატჩზე და ქართველის შესაძლო ტრანსფერის ამბავი
"ტორპედომ" შულაია დაიმატა
ოფიციალურად | ნოდარ ყალიჩავა ბათუმის "დინამოს" ფეხბურთელია
"ტუხელი გერმანიის ჯაშუშია?" - ინგლისში ნაკრების მწვრთნელით უკმაყოფილოები არიან
ცნობილი გახდა, როდის ჩადგება ჩაკვეტაძე მწყობრში
"იამალ, გვიხსენ რონალდოს ფანები მესის ჩემპიონობისა და კატასტროფისგან" - ამერიკელი მომღერალი
"თუ მუნდიალს მოვიგებთ, ტატუდ მის სახეს დავიხატავ" - კუკურელიამ პირობა დადო
"რეალმა" შესაძლოა, კიდევ ერთი უკრაინელი მეკარე დაიმატოს
"იმაზე უკეთესი ყოფილა, ვიდრე მეგონა" - გორდონი მესით აღფრთოვანებულია
"ბორდო" საფრანგეთის მე-6 დივიზიონში დააქვეითეს
ინგლისელები ტუხელს არ გაუშვებენ - გერმანელი მწვრთნელი უკვე ევროპის ჩემპიონატზე ფიქრობს
"ამ მუნდიალისთვის ასე ვემზადებოდი" - მესიმ გაამხილა, როგორ ახერხებს 39 წლის ასაკშიც ბრწყინვალე ფორმაში ყოფნას
"კუნძულები ჩვენია" - გამარჯვებულმა არგენტინელებმა მოედანზე ბანერი გაიტანეს
საქართველოს 20-წლამდელთა ნაკრებმა ესტონეთი დაამარცხა
[VIDEO] ფეხბურთის გამარჯვება. არგენტინული საოცრება - მესის გუნდმა ინგლისურ "ავტობუსს" თამაში შემოუტრიალა და ფინალში გავიდა!
სალაჰი შეიძლება პრემიერლიგიდან არ წავიდეს
მამარდაშვილმა ირაოლასთან ვარჯიში დაიწყო - წავა ალისონი "ლივერპულიდან"?
"საფრანგეთი სრულად უკანალშია - ბედნიერები ვართ" - UFC-ის მებრძოლი
სატონი: ესპანეთმა საფრანგეთს სკალპი გააძრო
"წინ, არგენტინა მეკობრე - უზურპატორი ინგლისელების წინაღმდეგ!" - ქვეყნის ვიცე-პრეზიდენტი
პსჟ-ის რიგებს სავარაუდოდ, გუნდის 18 წლის შემტევი დატოვებს
ბრილიანტებიანი სამკაული - იამალმა თავის თავს საკმაოდ ძვირადღირებული საჩუქარი გაუკეთა
"ოჯახში 7 წლის განმავლობაში ჩემი ხელფასიდან 1 პენი არ დაგვიხარჯავს, ბონუსებით ვცხოვრობდით" - ოსკარმა ჩინეთში გამომუშავებულ მილიონებზე ისაუბრა