ვიქტორიას თავბრუსხვევა და მარიას შეცდომები

ტოკიოს "პრემიერ" კატეგორიის ტურნირზე 27 სექტემბერს ნახევარფინალისტები გამოვლინდნენ ტოკიოს "პრემიერ" კატეგორიის ტურნირზე 27 სექტემბერს ნახევარფინალისტები გამოვლინდნენ. ბრძოლას ჩამოშორდნენ პირველ და მეორე ნომრად განთესილი ჩოგბურთელები.ერთ-ერთი ცენტრალური მატჩი რუს მარია შარაპოვასა და ავსტრალიელ სამანტა სტოსურს შორის გაიმართა. 27 სექტემბრის შეხვედრის წინ, ურთიერთშეხვედრებში ანგარიში იყო 10:1 რუსის სასარგებლოდ. სამანტამ მარია ერთადერთხელ შარშან, წლის შემაჯამებელ ტურნირზე დაამარცხა, სადაც შარაპოვა ტრავმით ჩავიდა. ამჯერად სტოსურმა დაამტკიცა, რომ ის წარმატება შემთხვევითი არ ყოფილა.პირველი სეტი (ისევე, როგორც მთელი მატჩი) თანაბარ ბრძოლაში მიმდინარეობდა. შარაპოვამ პირველმა აიღო მეტოქის მოწოდება, მაგრამ მომდევნო გეიმშივე დაკარგა საკუთარი, რითაც სამანტას ანგარიში გაათანაბრებინა - 4:4. პარტიის ნერვულ ენდშპილში უფრო ძლიერი სამანტა აღმოჩნდა. მან ორი დაფარული სეტბოლი მოიგერია, შემდეგ კი აქტიური თამაშით რამდენიმე შეცდომა დააშვებინა მეტოქეს - 6:4.მეორე პარტიაში მარიამ უკვე მესამე გეიმში გააკეთა ბრეიკი და ისევ ვერ შეძლო უპირატესობის განვრცობა. მან რამდენიმე შეცდომა დაუშვა მეოთხე გეიმში და ანგარიში ისევ გათანაბრდა. მსგავსი პრობლემები ჰქონდა რუსს ჰიზერ უოტსონთან შეხვედრაში, როცა ბრეიკის განვრცობა ვერ შეძლო. შარაპოვამ ცუდად ჩაატარა მერვე გეიმი და "მშრალი" ანგარიშით დათმო საკუთარი მოწოდება. თუმცა მატჩზე ჩაწოდებისას სტოსურმა ინერვიულა და ასევე ნულზე დათმო თავისი გეიმი.საბოლოოდ, ყველაფერი ტაი-ბრეიკში დასრულდა. სტოსურმა ვერ გამოიყენა ოთხი მატჩბოლი, თანაც ყოველთვის ბადეს არტყამდა ბურთს. ამ შეცდომების გამო სამანტამ მეტოქეს სეტბოლები მისცა, მაგრამ ვერც რუსმა გამოიყენა შანსი. მეხუთე მატჩბოლზე მარია შეცდა - 10:12. არ განმეორდა ხუთი თვის წინანდელი შეხვედრა, როცა შარაპოვამ მატჩბოლი მოიგერია და ისე დაამარცხა ავსტრალიელი.სტოსურს მეოთხედფინალში კიდევ ერთ რუს ჩოგბურთელთან - ნადია პეტროვასთან მოუწევს თამაში. პეტროვა ტოპ-ათეულის ახალწვეულს სარა ერანის ხვდებოდა. იტალიელი ვალდებული იყო, გამარჯვებით დაესრულებინა ეს შეხვედრა. პირველი სეტის მოგების შემდეგ ერანი მეორეში 4:1 დაწინაურდა და ერთი ბურთი აშორებდა მეხუთე გეიმის მოგებასთან, მაგრამ აქედან მოყოლებული, პეტროვამ ინიციატივა მოიპოვა და ერანი მხოლოდ თვალს ადევნებდა იმას, თუ როგორ გაუფრინდა ხელიდან თითქმის განაღდებული გამარჯვება.პეტროვა სეზონში მესამედ გავიდა WTA-ს ტურნირის ნახევარფინალში, თუმცა უფრო შორს წასვლა ჯერ ვერ შეძლო. გარდა ამისა, აღსანიშნავია ისიც, რომ რუსმა 2010 წლის ზაფხულის შემდეგ პირველად მოუგო ტოპ-ათეულის წევრს.* * *მეორე ნახევარფინალში ითამაშებენ ანჟელიკ კერბერი და ტურნირის მოქმედი ჩემპიონი აგნიეშკა რადვანსკა. კერბერმა მეოთხედფინალის ბარიერი უბრძოლველად გაიარა, რადგან მისმა მეტოქემ - ვიქტორია აზარენკამ თავბრუსხვევის გამო უარი თქვა კორტზე გასვლაზე. თუმცა მისი უარი მოულოდნელი არ ყოფილა. წინა დღეს, რობერტა ვინჩისთან მოგებულ მატჩში ჩანდა, რომ ბელორუსი თავს ცუდად გრძნობდა.რაც შეეხება რადვანსკასა და კაროლინ ვოზნიაცკის მეოთხედფინალს, ის არანაკლებ დაძაბული იყო, ვიდრე შარაპოვასა და სტოსურის დაპირისპირება. უკვე მესამე გეიმში პოლონელმა ბრეიკი გააკეთა, მიუხედავად იმისა, რომ თამაში ვოზნიაცკის კონტროლით მიმდინარეობდა, მაგრამ დანიელი ვერ ახერხებდა დაწყებული საქმის ბოლომდე მიყვანას. პარტიის შუაში რადვანსკამ კონცენტრაცია დაკარგა, რის ხარჯზეც ვოზნიაცკიმ დაკარგული ბრეიკი დაიბრუნა. მაგრამ მწვრთნელის დახმარებით პოლონელმა თავი ხელში აიყვანა და სეტი გამარჯვებით დაასრულა.მეორე პარტიაში თამაშის სცენარი დიდად არ შეცვლილა. მალე ორივეს დაღლილობა დაეტყო და ჩოგბურთელებმა შეცდომების დაშვება დაიწყეს. ამასთან, ყველა ბურთზე ბოლომდე იბრძოდნენ. უფრო მეტი "სიჯიუტით" რადვანსკა გამოირჩეოდა, რომელიც კარგად იცავდა თავს და ექვსი ბრეიკ-პოინტიდან ხუთი მოიგერია.ვოზნიაცკიმ კი სამჯერ წააგო საკუთარი მოწოდება, მათ შორის, ბოლო - მეცხრე გეიმში. 5:3-ზე პოლონელმა მიღებაზე ორმაგი მატჩბოლი მიიღო, მაგრამ დანიელმა ეს საფრთხე კარგი მოწოდებითა და ბადესთან წარმატებული თამაშით მოიგერია. თუმცა იქვე ვოზნიაცკიმ ჯერ აუტში გაუშვა ბურთი, შემდეგ კი წარუმატებელი მოკლე დარტყმა შეასრულა.Pan Pacific Openტოკიო (იაპონია). ჰარდი1/4-ფინალინადეჟდა პეტროვა (რუს, 17)-სარა ერანი (იტა, 6) 3:6, 7:5, 6:3; სამანტა სტოსური (ავსტრა, 8)-მარია შარაპოვა (რუს, 2) 6:4, 7:6(10); ანჟელიკ კერბერი (გერ, 5)-ვიქტორია აზარენკა (ბლრ, 1) უარი; აგნიეშკა რადვანსკა (პოლ, 3)-კაროლინ ვოზნიაცკი (დან, 10) 6:4, 6:3.1/2-ფინალიკერბერი (5)-ა. რადვანსკა (3); სტოსური (8)-პეტროვა (17).ყოველდღიური სპორტული გაზეთი "ლელო"

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

საქართველოს ხელბურთის ეროვნულმა ფედერაციამ 2025 წელი შეაჯამა

საზონოვი არ ათამაშეს - "ტორინო" "კალიარისთან" დამარცხდა

უარი გეჰის და უპამეკანოს - "რეალს" ორი ახალი სამიზნე ჰყავს

ვინგსმა სოხუმი-საქართველო დაამარცხა და “ა” ლიგის ბოლო, მე-6 საგზური მოიპოვა

ტერი შეიძლება ჩემპიონშიფის გუნდს ჩაუდგეს სათავეში

"მანჩესტერ იუნაიტედი" ბელინგემის გადაბირებას შეეცდება

"წიტაიშვილი "ლაციოს" სჭირდება - მისი კარიერა შეიძლება სწრაფად შეიცვალოს" - იტალიური მედია

[VIDEO] ჩაკვეტაძის "უოტფორდმა" ისევ გაიმარჯვა და წინ მიიწევს

კიდევ ერთი ქართველი "ნაპოლიში"? - "პარტენოპეი" გიორგი წიტაიშვილის დამატების ვარიანტს განიხილავს

"რუსეთის მხარდამჭერი ყველა ქვეყანა გარიცხეთ" - შევჩენკოს მოწოდება ოლიმპიურ თამაშებზე

თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა

"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა

მწვრთნელს თავი მოაწონა - "ბარსელონა" რაშფორდის გამოსყიდვას შეეცდება

სალაჰი შობის დღესასწაულის მილოცვის გამო კრიტიკის ობიექტი გახდა

დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს

"ხვიჩას ძალიან კარგად ვეწყობი, რუსულად და ინგლისურად საუბარი შეგვიძლია" - საფონოვმა პსჟ-ში თავის მეგობრებზე ისაუბრა

"დრო იწურება, გადარიცხეთ ფული უკრაინის დასახმარებლად!" - დიდი ბრიტანეთიდან აბრამოვიჩს ბოლო გაფრთხილება მისცეს

[VIDEO] გენიალური ნიკოლა იოკიჩის 56 ქულა და სამმაგი დუბლი - "დენვერმა" "მინესოტა" ოვერტაიმში დაამარცხა

პარალელები დონარუმასთან - რა პოლიტიკის დაგეგმვას ცდილობს პსჟ და რატომ შეიძლება არ განაახლოს კონტრაქტი დემბელემ

ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!