<p>ფუტსალში საქართველოს ჩემპიონს თბილისში უეფას თასის ელიტრაუნდის მატჩები აქვს ჩასატარებელი და სათამაშო პრაქტიკა ჰაერივით სჭირდება <br> ფუტსალში ეროვნული ჩემპიონატის დაწყება 1 ოქტომბრის არჩევნების გამო გადაიდო. არადა, მალე "იბერია სტარს" თბილისში უეფას თასის ელიტრაუნდის მატჩები აქვს ჩასატარებელი და სათამაშო პრაქტიკა ჰაერივით სჭირდება.</p><p>სწორედ ამ მიზნით შაბათს "არენაში" "იბერია სტარმა" საქართველოს ეროვნულ ნაკრებთან ამხანაგურად ითამაშა: თბილისელთა მთავარმა მწვრთნელმა <strong>სერჟიო ბენატიმ</strong> მატჩი მოსამზადებლად გამოიყენა, ხოლო ნაკრების დამრიგებლებმა, <strong>ავთანდილ ასათიანმა</strong> და <strong>ბესო არველაძემ</strong> კანდიდატების მზადყოფნა შეამოწმეს.</p><p>"იბერიადან" ნაკრების შემადგენლობაში ითამაშეს მეკარე <strong>ჯამბურიამ </strong>და <strong>ჯვარაშვილმა</strong>. თუმცა ჩემპიონს ეხმარებოდნენ ნაკრების ლიდერები, <strong>ალთუნაშვილი</strong> და <strong>ძაბირაძე</strong>. ჩამოსვლა ვერ მოახერხეს ლეგიონერებმა, ბაქოს "ნეფთჩის" მოთამაშეებმა <strong>მაისაიამ</strong> და <strong>სებისკვერაძემ</strong>, კვიპროსის "ომონიადან" - <strong>დევდარიანმა</strong> და <strong>თოთლაძემ</strong>.</p><p>"იბერია", რომლის შემადგენლობაშიც მრავალი ბრაზილიელია, უპირატესობას ფლობდა და 4:1 გაიმარჯვა. "იბერიადან" გაიტანეს <strong>ბრუნო მელომ </strong>(2), <strong>ალეკო ძაბირაძემ</strong> და <strong>აუგუშტომ</strong>, ნაკრებიდან - <strong>გიორგი ტიკურიშვილმა</strong>.</p><p><em>"ჩვენს ჩემპიონს წარმატება მინდა ვუსურვო ელიტრაუნდში. რაც შეეხება ნაკრებს, მას დიდი პოტენცია გააჩნია, მაგრამ მეტი საერთაშორისო ამხანაგური თამაში სჭირდება"</em>, - თქვა მატჩის შემდეგ ფუტსალის ასოციაციის პრეზიდენტმა <strong>ლევან ცქიტიშვილმა</strong>.</p><p><strong>ავთანდილ ასათიანი:</strong></p><p><em>"მომეწონა ბიჭების შემართება. იმედია, შეხვედრა ორივეს წაგვადგება, რადგან დავინახეთ ჩვენი სუსტი თუ ძლიერი მხარეები".</em></p><p><strong>სერჟიო ბენატი:</strong></p><p><em>"საქართველოს ნაკრების დაცვითი ხაზი საკმაოდ ძლიერია და რაც მთავარია, მიმაჩნია, რომ ყველა მოთამაშე ინდივიდუალურად ძლიერია და მეტოქეებს დიდ საფრთხეს შეუქმნიან".</p><p></em></p><p>ცხადია, ბრაზილიელ ლეგიონერებთან ჩვენი ნაკრების წევრები დაიჩრდილნენ. თუმცა ღირს თუ არა მათი მასობრივი ნატურალიზაცია?</p><p>პორტუგალიის ეროვნული ნაკრების ყოფილი კაპიტანი, "ბენფიკას" ყოფილი მწვრთნელი და ამჟამად ჩინეთში მოღვაწე <strong>ანდრე ლიმა</strong> ამბობს:</p><p><em>"მომავალი არა აქვს ფედერაციას, რომელიც ფუტსალის ნაკრების გაძლიერებას ნატურალიზაციის საშუა</em><em>ლებით ხედავს. ნატურალიზება მაშინაა დასაშვები, თუ მოთამაშეს სახელმწიფოსთან დაზუსტებულად აქვს წინაპრების კავშირი. და თუ მაინც აირჩევთ ამ გზას, თქვენ ვერასდროს განვითარდებით".</p><p></em></p><p>ჩვენი ფუტსალის ასოციაციას "იბერიას" 2-3 ლეგიონერის ნატურალიზაცია სურს, მაგრამ მათ მასობრივ დამატებაზე უარს ამბობს და როგორც ჩანს, რთულ გზას ირჩევს და უფრო მნიშვნელოვნად საკუთარი რესურსის ათვისებას მიიჩნევს.</p><p>ახლა ასოციაცია ფეხბურთის ფედერაციის პასუხს ელის, რომ პორტუგალიაში მივლინება დაუფინანსოს. არადა, ორგანიზაციის წლის ბიუჯეტი 100 000 ლარია, რაც ნაკრებს თამაშების ჩატარების მწირ შანსს აძლევს.</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/sportall.ambebi.ge/fexburti/qarthuli-fekhburthi/futzali/39196-vato-tseretheli-qarthul-futsalshi-gamyinvareba-dasrulda.html" target="_blank">ვატო წერეთელი: ქართულ ფუტსალში გამყინვარება დასრულდა</a></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?