- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. VII ტურის წინ: როცა "ბარსა" და "რეალი" თამაშობენ, მსოფლიო ჩერდება
<p>7 ოქტომბერს, "კამპ ნოუზე" გასამართი 222-ე კლასიკოს წინ მადრიდის "რეალი" "ბარსელონასთან" ისტორიულ ჭიდილში 88:87-ს იგებს</p><p><br> ვალენსიური დერბის მოყვარულებთან ბოდიში! ვერც ბასკურ-ნავარული კლუბების მოყვარულებს გავახარებთ, არადა, მათ შორის 7 ოქტომბერს დიდი დაპირისპირებაა, 5 ოქტომბერს გამართულ შეხვედრაზეც მხოლოდ სტატისტიკით უნდა დაკმაყოფილდეთ - კვირას ხომ ელ კლასიკოა!</p><p><span style="color: #ff0000;"><strong>400 მილიონი ტელემაყურებელი</strong></span></p><p>"მედიაპრო", კომპანია, რომელსაც კვირის სუპერმატჩის ჩვენების და დისტრიბუციის უფლება აქვს მთელ მსოფლიოში, ვარაუდობს, რომ 7 ოქტომბრის კლასიკოს ტელეაუდიენცია 400 მილიონი ადამიანი იქნება!</p><p>"ბარსა"-"რეალს" აჩვენებენ ცოცხლად 30-ზე მეტ ქვეყანაში, საქვეყნოდ ცნობილი არხები: "სქაი", "ალ ჯაზირა", ESPN და სხვები.</p><p>მხოლოდ "მედიაპრო" მატჩს 300 პროფესიონალით მოემსახურება, სხვა ტელევიზიები კიდევ 500 თანამშრომელს დაიხმარენ, რომ აღარაფერი ვთქვათ მატჩზე აკრედიტებულ პრესის უამრავ წარმომადგენელზე.</p><p>მოკლედ, პლანეტის მთავარი გულისცემა 7 ოქტომბერს, ჩვენი დროით ათი საათიდან "კამპ ნოუზე" იქნება...</p><p>მიუხედავად ასეთი დიდი აჟიოტაჟისა, ტურის ცენტრალური შეხვედრა სატურნირო მდგომარეობის მიხედვით სულ სხვა თამაშია (ამაზე ქვემოთ), ეს "რეალის" მთავარმა მწვრთნელმა <strong>ჟოზე მოურინიომ</strong> საკუთარ თავს დააბრალოს. 6 ტურში "რეალმა" მხოლოდ 10 ქულა მოაგროვა, ეს კი ლა ლიგაში ჯერჯერობით მხოლოდ მე-6 ადგილს ჰყოფნის.</p><p>იმის გამო, რომ <strong>ტიტო ვილანოვას</strong> გუნდმა უბრალოდ ფანტასტიკურად დაიწყო სეზონი, სხვაობა ამ დროისთვის უზარმაზარია - 8 ქულა და მასპინძლების კიდევ 3 ქულით გაზრდის შანსი აქვთ.</p><p>თუკი ეს მოხდა, შეიძლება ითქვას, რომ "რეალისთვის" საჩემპიონო ტიტულის შენარჩუნება საოცნებო გახდება.</p><p><span style="color: #ff0000;"><strong>ყველაზე მაგარი სტარტი ევროპაში</strong></span></p><p>44 წლის თავკაცის გუნდი ერთადერთია ევროპაში, რომელმაც სეზონის დაწყებიდან ყველა შეხვედრა მოიგო, როგორც ჩემპიონატში, ასევე ევროთასებზე - 6 ლა ლიგაში და 2 ჩემპიონთა ლიგაზე.</p><p>ჰორიზონტზე კი კიდევ ერთი საკლუბო რეკორდია - გამარჯვების შემთხვევაში <strong>ტიტო ვილანოვა</strong> "ბარსას" ისტორიაში უნიკალური მწვრთნელი გახდება - ჯერ ამხელა გრანდის არც ერთ მწვრთნელს არ მოუგია სეზონის სტარტზე ზედიზედ 7 მატჩი.</p><p>ამასთანვე აღვნიშნოთ, რომ ეს <strong>ტიტოს</strong> პირველი კლასიკოა პრიმერაში.</p><p>მოკლედ, "ბარსა" შეუჩერებელია. "რეალი"? 8 ქულა მართლაც ძალიან დიდი ჩამორჩენაა, მაგრამ "სამეფო კლუბის" სასარგებლოდ რამდენიმე ფაქტორი მაინც მოქმედებს - <strong>ჟოზეს</strong> გუნდი ერთადერთია, რომელმაც ამ სეზონში (სუპერთასზე) შეძლო "ბარსელონას" დამარცხება, ეს მან 29 აგვისტოს "სანტიაგო ბერნაბეუზე" მოახერხა და ტიტულიც წაართვა.</p><p>გარდა ამისა, "რეალი" აშკარად უკეთ ათამაშდა ბოლო დროს: ბოლო 7 თამაშიდან 6 მოიგო და მხოლოდ "სევილიასთან" დამარცხდა.</p><p>დამარცხებულთა შორის არიან: "ბარსელონა", "მანჩესტერ სიტი", "დეპორტივო" და "აიაქსი".</p><p>ბოლო წლებში ხშირად კლასიკოს ბედი ამ ორი გუნდის ორ მეგავარსკვლავზეა დამოკიდებული; <strong>ლიონელ მესისა</strong> და <strong>კრიშტიანო რონალდოზე</strong>.<strong> </strong></p><p>თუკი არგენტინელმა ბოლო დროს მნიშვნელოვნად მოუკლო, პორტუგალიელმა "აიწყვიტა": 27 წლის <strong>რონალდომ</strong> ბოლო 4 მატჩში 8 გოლი გაიტანა, ზედიზედ ორი შეხვედრაა ის ჰეთთრიკს აკეთებს. აი, მასზე 2 წლით უმცროსს კი "სპარტაკთან" მატჩის მერე აღარ გაუტანია ანუ უკვე ზედიზედ სამი მატჩია.</p><p>თუმცა აქვე ვიტყვით, რომ <strong>მესიმ</strong> ამ სამ შეხვედრაში 4 საგოლე პასი გააკეთა.</p><p><strong></p><p><span style="color: #ff0000;">ხალხი კაკას ითხოვს, რას გადაწყვეტს მოუ?</span></strong></p><p>ეს შეხვედრა განსაკუთრებული იქნება "ბარსას" ჩილელი ფორვარდისთვის - თუკი მოედანზე გამოსვლა მოუწევს, <strong>ალექსის სანჩესი</strong> 50-ედ მოირგებს "ბარსელონას" მაისურს კარიერაში.</p><p>წინა 49 შეხვედრაში მან 16 გოლი გაიტანა. ბრწყინვალე სტატისტიკაა, თუმცა იტალიიდან გადმობარგებულისგან მეტს ელოდნენ, მაგრამ ტრავმებმა <strong>ალექსისს</strong> ხელი შეუშალეს თავის წარმოჩენაში.</p><p><strong>ტიტოს</strong> ბევრი ტრავმირებული ჰყავს, ლაზარეთში მყოფთაგან ერთადერთს აქვს თამაშის შანსი - <strong>ჟერარდ პიკეს</strong>. ის ტრენაჟორების დარბაზში ვარჯიშობს და მხოლოდ თამაშის დღეს გახდება ცნობილი, შეძლებს თუ არა გამოსვლას.</p><p><strong>ჟოზეს</strong> ტრავმირებული არავინ ჰყავს, დისკვალიფიკაციამოხდილი <strong>ფაბიო კოენტრაოც</strong> დაემატა, მაგრამ შემადგენლობასთან დაკავშირებით მაინც პრობლემები აქვს - <strong>მოურინიომ</strong> არ იცის, ვის დააყენებს შემტევ ნახევარმცველად, <strong>ლუკა მოდრიჩს</strong>, რომელიც ჯერ ვერ ამართლებს იმედებს, <strong>მესუთ იოზილს</strong>, რომელიც ცუდ ფორმაშია თუ <strong>კაკას</strong>, რომელსაც ნდობა ახლაღა გამოუცხადეს. არის კიდევ ერთი ვარიანტი - არც ერთი მათგანი!</p><p>სხვათა შორის, "მარკამ" ამ თემაზე გამოკითხვაც კი მოაწყო - ხმების 68% <strong>კაკამ</strong> მიიღო, მაგრამ არა გვგონია, <strong>მოურინიო</strong> ხალხის ხმას დაყაბულდეს.</p><p><span style="color: #ff0000;"><strong>იცით თუ არა, რომ (ისტორიიდან)...</strong></span></p><p>* ჩემპიონატში პირველი კლასიკო გაიმართა 1929 წლის 17 თებერვალს. "ბარსელონა" შინ 1:2 დამარცხდა "რეალთან". მანუელ პარერას გოლს მადრიდელმა რაფაელ მორერამ დუბლით უპასუხა.</p><p>* კლასიკოებში პირველი გოლი "რეალის" რაფაელ მორერამ გაიტანა მე-10 წუთზე.</p><p>* ჩემპიონატის ეგიდით სულ ჩატარდა 165 კლასიკო: "რეალმა" მოიგო - 69, "ბარსელონამ" 65, ფრედ 31 მატჩი დასრულდა. ბურთების შეფარდება 267-263 "რეალის" სასარგებლოდ.</p><p>* სულ ჩატარდა 221 კლასიკო: 88 მოიგო "რეალმა", 87 - "ბარსელონამ", ფრედ 46 მატჩი დასრულდა. ბურთების შეფარდება 367-359. შესაშური თანაფარდობაა!</p><p>* ამხანაგური მატჩების ჩათვლით, სულ 252 კლასიკო გაიმართა.</p><p>* კლასიკოების რაოდენობა ტურნირების მიხედვით: 165 - ჩემპიონატი, 30 - კოპა დელ რეი, 6 - ლიგის თასი, 12 - ესპანეთის სუპერთასი, 8 - ჩემპიონთა ლიგა, 32 - ამხანაგური მატჩები.</p><p>* ყველაზე დიდი ანგარიშით "რეალმა" "ბარსელონა" დაამარცხა - 11:1, ხოლო "ბარსელონამ" "რეალი" - 8:2.</p><p>* "რეალმა" ზედიზედ 7 კლასიკო მოიგო (1962-1965).</p><p>* კლასიკოს ბომბარდირები: 18 - ალფრედო დი სტეფანო; 15 - ლიონელ მესი, რაული; 14 - სესარ როდრიგესი, ფრანსისკო ხენტო, ფერენც პუშკაში; 12 - სანტილიანა.</p><p>* 33 ფეხბურთელს კლასიკოში ორივე გუნდის შემადგენლობაში აქვს მიღებული. მათ შორის ბერნდ შუსტერს, გეორგე ჰაჯის, მიქაელ ლაუდრუპს, ლუის ენრიკეს, ლუიშ ფიგუს, რონალდოს, სამუელ ეტოოსა და ხავიერ სავიოლას.</p><p>* დღეისათვის გუნდებში არ ირიცხებიან ისეთი ფეხბურთელები, რომელთაც მოწინააღმდეგე გუნდში უთამაშიათ.</p><p><strong></p><p><span style="color: #ff0000;">იცით თუ არა, რომ (დღეს)...</span></strong></p><p>* უკვე ლა ლიგის 25 მატჩია ზედიზედ, რაც "ბარსას" ერთი გოლი მაინც გააქვს.</p><p>* ამ სეზონში "ბარსელონას" ყველაზე მეტი ზუსტი დარტყმა აქვს კარში - 52, "რეალს" კი ყველაზე მეტი აცილება - 54.</p><p>* "რეალმა" ყველაზე მეტჯერ გაარტყა ბურთი ძელებს - 6, "სამეფო კლუბმა" ყველა გოლი (12) საჯარიმოს შიგნიდან გაიტანა.</p><p>* "ბარსელონას" გაზრდილებმა სეზონში გოლების 64,7% გაიტანეს, მაშინ როცა "რეალის" აღზრდილს ამ სეზონში ჯერ გოლი არ გაუტანია.</p><p>* კრიშტიანო რონალდომ 19-ჯერ დაარტყა კარში ზუსტად, ლიონელ მესიმ - 18-ჯერ. ორივემ 6-6 გოლი გაიტანეს.</p><p>* "ბარსელონას" ფეხბურთელებმა ამ სეზონში ჯამში 4 181 პასი გააკეთეს, "რეალის" - 3 056.</p><p>* "ბარსას" მთავარი მეპასე ჩავია (ლა ლიგისაც ის არის) - 530 პასი, "რეალის" - ჩაბი ალონსო - 434.</p><p>* "ბარსას" 17 გოლიდან 11 ცაცია ფეხითაა გატანილი. ამავე დროს გაშვებული 5-დან 4 ცაციით გაუტანეს "ბლაუგრანას".</p><p>* "ბარსა" 53-ჯერ დაჯარიმდა და 10 ყვითელი ბარათი მიიღო, ხოლო "რეალი" 75-ჯერ დაჯარიმდა და 12 ყვითელი ბარათი მიიღო.</p><p>* "ბარსელონაში" ყველაზე მეტჯერ ადრიანო დაჯარიმდა - 6-ჯერ, "რეალში" - სერხიო რამოსი - 17-ჯერ.</p><p><span style="color: #ff0000;"><strong>ფრაზები ელ კლასიკოს წინ</strong></span></p><p><strong>სტივ მაკმანამანი</strong> (ინგლისის ნაკრების ყოფილი ლიდერი): "ელ კლასიკო ფეხბურთში ყველაზე მთავარი მატჩია".</p><p><strong>ჩავი</strong> (ბარსელონა): "ძალიან კარგი იქნება, კლასიკოზე ჰეთთრიკს თუ შევასრულებ".</p><p><strong>ჟოზე მოურინიო </strong>(რეალი): "ბარსელონასთან" ქიშპობა ძალზე სასიამოვნოა".</p><p><strong>იოჰან კრუიფი</strong> (ჰოლანდიური ფეხბურთის და "ბარსას" ლეგენდა): "ახლა "რეალი" საშიშია, როგორც არასდროს".</p><p><strong>ხოსეპ გვარდიოლა</strong> (ბარსელონას ყოფილი მწვრთნელი): "როცა "რეალი" და "ბარსა" თამაშობენ, მსოფლიო ჩერდება".</p><p><span style="text-decoration: underline;">სავარაუდო შემადგენლობები</span></p><p>"მარკას" მიხედვით</p><p>ბარსელონა: ვალდესი - დ. ალვეში, სონგი, პიკე, ალბა - ჩავი, ბუსკეტსი, ფაბრეგასი - სანჩესი, მესი, ინიესტა.</p><p>რეალი: კასილიასი - არბელოა, ს. რამოსი, პეპე, მარსელო - ხედირა, ჩაბი ალონსო - დი მარია, მოდრიჩი, რონალდო - ბენზემა.</p><p><span style="color: #ff0000;"><strong>ორი ნულის ამბავი</strong></span></p><p>მაგრამ არის ერთი მატჩიც, რომელიც აუცილებლად უნდა აღვნიშნოთ - "ვისენტე კალდერონზე" "ატლეტიკო", რომელიც დიდებულად თამაშობს ლა ლიგაშიც და ევროპალიგაზე, მასპინძლობს "მალაგას", რომელიც ასევე დიდებულად თამაშობს ლა ლიგაში და ჩემპიონთა ლიგაზეც.</p><p>არც <strong>დიეგო სიმეონეს</strong> გუნდს და არც <strong>მანუელ პელეგრინისას</strong> ამ სეზონში არ წაუგია.</p><p>დიდებულ ფორმაშია "ატლეტიკოს" ფორვარდი <strong>რადამელ ფალკაო</strong>, კოლუმბიელს 7 გოლი აქვს გატანილი და ბომბარდირთა დავაში პირველობს.</p><p><strong><span style="color: #ff0000;">ესპანეთი. ლა ლიგა. VII ტური</span></strong></p><p><strong>5 ოქტომბერი</p><p><em>სელტა-სევილია 2:0</em></strong></p><p><strong>6 ოქტომბერი</strong></p><p><em><strong>ვალეკანო-დეპორტივო 18:00</strong></em></p><p>ტრავმა: არავინ</p><p><em>ბოლო 6 მატჩი </em></p><p>+2=1-3 +1=3-2</p><p><em>ურთიერთშეხვედრები</em></p><p>სულ 15 თამაში: +2=6-7, (12-22)</p><p><em><strong>სარაგოსა-ხეტაფე 20:00</strong></em></p><p>დისკვალიფიკაცია: ალექსისი (ხეტ)</p><p>ტრავმა: ობრადოვიჩი, პინტერი (სარ)</p><p><em>ბოლო 6 მატჩი </em></p><p>+2=0-4 +2=1-3</p><p><em>ურთიერთშეხვედრები</em></p><p>სულ 17 თამაში: +8=5-4, (28-22)</p><p><em><strong>ვალიადოლიდი-ესპანიოლი 22:00</strong></em></p><p>დისკვალიფიკაცია: ვაკასო (ესპ)</p><p>ტრავმა: სასტრე, ებერტი - გარსია, მატიონი, ბაენა</p><p><em>ბოლო 6 მატჩი </em></p><p>+3=0-3 +0=1-5</p><p><em>ურთიერთშეხვედრები</em></p><p>სულ 28 თამაში: +7=9-12, (19-31)</p><p><em><strong>ბეტისი-სოსიედადი 00:00</strong></em></p><p>დისკვალიფიკაცია: კასტო (ბეტ)</p><p>ტრავმა: პაულაუ - პარდო, ელუსტონდო, იფრანი</p><p><em>ბოლო 6 მატჩი </em></p><p>+3=0-3 +3=0-3</p><p>ურთიერთშეხვედრები</p><p>სულ 28 თამაში: +11=9-8, (34-26)</p><p><strong>7 ოქტომბერი</strong></p><p><em><strong>ლევანტე-ვალენსია 14:00</strong></em></p><p>დისკვალიფიკაცია: ფეგული (ვალ)</p><p>ტრავმა: პალიარდო, ხუანლუ - რ. კოშტა, მატიო, ალბელდა, კანალესი, პიატი, ბანეგა</p><p><em>ბოლო 6 მატჩი </em></p><p>+2=1-3 +2=2-2</p><p><em>ურთიერთშეხვედრები</em></p><p>სულ 12 თამაში: +1=4-7, (8-23)</p><p><em><strong>მალიორკა-გრანადა 18:00</strong></em></p><p>დისკვალიფიკაცია: ჩიმო - ბენიტესი</p><p>ტრავმა: მარკესი, ხიმენესი - იგჰალო, ფ. რიკო, იებდა, ლუსენა</p><p><em>ბოლო 6 მატჩი </em></p><p>+3=2-1 +1=2-3</p><p><em>ურთიერთშეხვედრები</em></p><p>სულ 2 თამაში: +0=2-0, (2-2)</p><p><em><strong>ბილბაო-ოსასუნა 20:00</strong></em></p><p>დისკვალიფიკაცია: ამორებიეტა (ბილ)</p><p>ტრავმა: ი. პერესი, ანდერი - ბერტრანი, დამია</p><p><em>ბოლო 6 მატჩი </em></p><p>+1=2-3 +1=1-4</p><p><em>ურთიერთშეხვედრები</em></p><p>სულ 28 თამაში: +11=9-8, (37-31)</p><p><em><strong>ბარსელონა-რეალი 21:50</strong></em></p><p>ტრავმა: ადრიანო, კვენკა, პიკე (?), პუიოლი, აბიდალი, მუნიესა (ბარ)</p><p><em>ბოლო 6 მატჩი </em></p><p>+6=0-0 +3=1-2</p><p><em>ურთიერთშეხვედრები</em></p><p>სულ 49 თამაში: +22=14-13, (85-63)</p><p><em><strong>ატლეტიკო-მალაგა 23:30</strong></em></p><p>ტრავმა: ემრე, ფალკაო (?) - ტულალანი, ბუონანოტე, ბაპტიშტა, ხუანმი</p><p><em>ბოლო 6 მატჩი </em></p><p>+5=1-0 +4=2-0</p><p><em>ურთიერთშეხვედრები</em></p><p>სულ 18 თამაში: +9=3-6, (30-22)</p><p><em>შენიშვნა: ურთიერთშეხვედრები ჩემპიონატისა და თასის მატჩები 1994 წლიდან</em></p><p><span style="color: #ff0000;"><strong>სატურნირო ცხრილი</strong></span></p><p>ა გ თ მ ფ წ ბ ქ</p><p>1. ბარსელონა 6 6 0 0 17-5 18</p><p>2. ატლეტიკო 6 5 1 0 16-7 16</p><p>3. მალაგა 6 4 2 0 10-2 14</p><p>4. სევილია 6 3 2 1 8-5 11</p><p>5. მალიორკა 6 3 2 1 7-4 11</p><p>6. რეალი 6 3 1 2 12-5 10</p><p>7. ვალიადოლიდი 6 3 0 3 10-6 9</p><p>8. სოსიედადი 6 3 0 3 8-9 9</p><p>9. ბეტისი 6 3 0 3 10-13 9</p><p>10. ვალენსია 6 2 2 2 8-8 8</p><p>11. ხეტაფე 6 2 1 3 7-10 7</p><p>12. ვალეკანო 6 2 1 3 7-13 7</p><p>13. ლევანტე 6 2 1 3 7-13 7</p><p>14. სელტა 6 2 0 4 7-8 6</p><p>15. სარაგოსა 6 2 0 4 5-8 6</p><p>16. დეპორტივო 6 1 3 2 8-12 6</p><p>17. გრანადა 6 1 2 3 4-9 5</p><p>18. ბილბაო 6 1 2 3 8-14 5</p><p>19. ოსასუნა 6 1 1 4 7-10 4</p><p>20. ესპანიოლი 6 0 1 5 7-12 1</p><p><strong>ბომბარდირები:</strong></p><p>7 - რადამელ ფალკაო (ატლეტიკო); 6 - ლიონელ მესი (ბარსელონა), კრიშტიანო რონალდო (რეალი); 4 - ტომერ ჰემედი (მალიორკა), ალვარო ნეგრედო (სევილია).</p><p><strong>ყოველდღიური სპორტული გაზეთი "ლელო"</strong></p>
-
shota
VIVA BARSAAAAAAAAAAAA
"რეალმა" ესპანეთის ჩემპიონატში საკუთარი რეკორდი გააუმჯობესა
რაშფორდს მიმდინარე სეზონში ტრებლის მოგების სჯერა
ბელინგემმა ვარჯიში დაიწყო - "რეალი" აჩქარებას არ აპირებს
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა