საქართველოს ძიუდოს აკადემიამ მოზარდთა სარეიტინგო შეჯიბრებას უმასპინძლა

ახლანდელი ასპარეზობა იმ ბირთვის გამოკვეთას ისახავს მიზნად, რომელსაც მწვრთნელები სამომავლოდ დაეყრდნობიან ამ დღეებში საქართველოს ძიუდოს აკადემიამ 1999-2000 წლებში დაბადებულ მოზარდთა სარეიტინგო შეჯიბრებას უმასპინძლა.ეს სწორედ ის ასაკია, რომელსაც 2015 წელს თბილისში გასამართ ევროპის ახალგაზრდულ ოლიმპიურ ფესტივალში უწევს გამოსვლა და მათთვის საგანგებო ტურნირებიც ამ ღონისძიებისთვის უკეთ მოსამზადებლად შემოიღეს.ახლანდელი ასპარეზობაც იმ ბირთვის გამოკვეთას ისახავს მიზნად, რომელსაც მწვრთნელები სამომავლოდ დაეყრდნობიან. მართალია, ეს ჯგუფი უკვე არსებობს და ამ ასაკში საქართველოს პირველობებიც ტარდება, მაგრამ ახალ-ახალი კადრების შევსება, კონტინგენტის განახლება მუდმივად საჭირო პროცესია.ახლანდელი ტურნირიც ამ მიზანს ემსახურებოდა და დანიშნულება მეტ-ნაკლებად გაამართლა. ძნელია, ყოველ შეჯიბრებაზე ახალი სახეები გამოჩნდნენ და ახლანდელ მედალოსანთა უმეტესობასაც მწვრთნელები კარგად იცნობენ. კვარცხლბეკი წონებში უმეტესად ისევ რეიტინგის ლიდერებმა შეავსეს, თუმცა ტურნირს არც ახალი კადრების გამოჩენის გარეშე ჩაუვლია.შეჯიბრებაში ქვეყნის ყველა რეგიონი მონაწილეობდა, სადაც კი ძიუდოა განვითარებული. მოზარდებმა მოტივაცია ბოლომდე გამოიყენეს და ბლომად მონაწილეც შეგროვდა - 210-მდე ნორჩი ფალავანი ჭიდაობდა.ეს ციფრი ცოტა მეტიც იქნებოდა, რომ არა ფედერაციის ახლებური მიდგომა და პრინციპულობა - ვინც წონა ვერ ჩააბარა, მათ არც ახალ წონაში გამოსვლის ნება მისცეს და არც იმ წონებში აჭიდავეს ვინმე მათ ნაცვლად.ადრე სხვაგან გადანაცვლებაც ჩვეულებრივი ამბავი იყო და მონაწილის შეცვლაც, იმის მიუხედავად, რომ ფედერაცია მუდამ ეწინააღმდეგებოდა ამას, როგორც დისციპლინის დარღვევას, მაგრამ ანგარიშს უწევდნენ გუნდების თხოვნას, თუმცა მუდამ აფრთხილებდნენ, რომ ეს იქნებოდა ბოლო შემთხვევა.როგორც იქნა, ეს "ბოლო" ამ ტურნირზე დადგა, თუმცა წინააღმდეგობა ახლაც დიდი იყო. განსაკუთრებით - რეგიონების გუნდებისგან, რომლებმაც ყოველი გამოკლებული სპორტსმენის თბილისში ჩამოსაყვანად გარკვეული ხარჯი მართლაც გასწიეს, მაგრამ დისციპლინა რომ აუცილებელია და მოზარდი დასაწყისიდანვე უნდა მიაჩვიო წესრიგის დაცვას, ეს მათაც უნდა ესმოდეთ (იქნებ ამ მარტივი ჭეშმარიტების დარღვევაა, ეროვნულ გუნდებშიც ასე ხშირად რომ ვეჯახებით ზედმეტი წონის პრობლემას).ახლანდელ დავაში ფედერაციას ჭაბუკთა ნაკრების სამწვრთნელო შტაბიც გვერდით დაუდგა, განსაკუთრებით - ნაკრებთა კოორდინატორმა ირაკლი უზნაძემ იაქტიურა და ფედერაციამ საბოლოოდ თავისი პოზიცია დაიცვა - ვისაც ზედმეტი წონა აღმოაჩნდა, უპირობოდ მოხსნეს შეჯიბრებიდან.ფედერაციის კიდევ ერთი სიახლე წონით კატეგორიებს უკავშირდებოდა. ამ ასაკის ნაკრები შარშან შეიქმნა და ტურნირებსაც მაშინ ჩაეყარა საფუძველი, მაგრამ ეს ბავშვები იზრდებიან, წონა ემატებათ და შარშანს მერე მათ დიდ ნაწილს ზედა წონაში უწევდა გამოსვლა.ამიტომ დღის წესრიგში წონითი კატეგორიების შეცვლის საკითხი დადგა, რაც შემდეგნაირად განხორციელდა - გაუქმდა 30 კილოგრამის კატეგორია, სანაცვლოდ კი 60 შემოიღეს. შეიცვალა მძიმე წონაც, რომელიც +55-ის ნაცვლად +60 გახდა, თუმცა აქ ძველი სარეიტინგო ქულები გადაჰყვათ. 60-ში კი ათვლა ამ შეჯიბრებიდან დაიწყო.კვარცხლბეკი34 კგ. 1. სანდრო ძამაშვილი (ქვემო ქართლი); 2. ოთარ ტალახაშვილი (კახეთი); 3. გიორგი თინაშვილი (თბილისი), ვალერი ნოზაძე (სამცხე-ჯავახეთი).38 კგ. 1. ნიკა კობაიძე (თბილისი); 2. გიორგი თუთაშვილი (იმერეთი); 3. საბა კაპანაძე (სამხრეთ ოსეთი), ნოდარ გელაშვილი (შიდა ქართლი).42 კგ. 1. ლაშა ბექაური (კახეთი); 2. ლევან ფსუტური (შიდა ქართლი); 3. ამირან დარბაისელი (თბილისი), ვლადიმერ ახალკაცი (სამცხე-ჯავახეთი).46 კგ. 1. ალეკო მამიაშვილი (შიდა ქართლი); 2. ლუკა ხერგიანი (ქვემო ქართლი); 3. ნიკა ზვიადაური, მიხეილ ბახბახიშვილი (ორივე - კახეთი).50 კგ. 1. გოგა გოგაშვილი (თბილისი); 2. სოსო ებილაშვილი (ქვემო ქართლი); 3. ნოდარ ბერიაშვილი (სამხრეთ ოსეთი), საბა მეშველიანი (რაჭა-ლეჩხუმი).55 კგ. 1. ნუგზარ ტაბლიაშვილი (ქვემო ქართლი); 2. ტარიელ ბუქულაშვილი (შიდა ქართლი); 3. ალეკო სულაკაძე (იმერეთი), ლაშა მათიაშვილი (კახეთი).60 კგ. 1. შათირ შერაზადიშვილი; 2. რეზო თაბუკაშვილი (ორივე - შიდა ქართლი); 3. ნიკა ბურდული (კახეთი), ჰამლეტ მარგველაშვილი (თბილისი).+60 კგ. 1. ამირან წიქორიძე (იმერეთი); 2. ჯაბა ქარელიშვილი; 3. ოთარ გოგიძე (ორივე - შიდა ქართლი), პაატა მარტიაშვილი (კახეთი).

საქართველოს ძიუდოს ახალგაზრდულმა ნაკრებმა პოდგორიცაში ევროპის გუნდურ ჩემპიონატზე ბრინჯაოს მედალი მოიპოვა

"ჯაფარიძის განცხადებით გაოგნებულები ვართ" - გერმანიის ძიუდოს ფედერაცია

[VIDEO] მოტეხილი ყბა და კბილები - ქართველი და გერმანელი ძიუდოისტების დაპირისპირება ხელჩართულ ჩხუბში გადაიზარდა

თაჩ რაგბის ტურნირი ტაბახმელაში

ეკვადორის ნაკრებს გალიარდო ჩაუდგა სათავეში

"წელს "ოქროს ბურთის" მოგებას მე ვიმსახურებ" - ლამინ იამალი

კვარაცხელიას 66 წუთი - პსჟ-მ "ბრესტს" მინიმალური ანგარიშით მოუგო

VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება

საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო

"ბრესტთან" მატჩში პსჟ-ს შემადგენლობა ცნობილია

[VIDEO] მამაგეიშვილმა გაიტანა, კიტეიშვილმა პენალტი ვერ გამოიყენა - "შტურმმა" ლიდერს "ლასკს" მოუგო

VIDEO | ეროვნული ლიგა | დილა 2-2 დინამო (ბთ). ლიდერი ორშაბათამდე თუ..?

გოგლიჩიძე არ ათამაშეს - "მონცა" "ლეჩესთან" დამარცხდა

ქართველების გარეშე - "ჰაიდენჰაიმმა" "ჰოლშტაინს" მოუგო

იეგოიანის "ექსელსიორი" სახლში "უტრეხტთან" დამარცხდა

ხვალ "სან სიროზე" სერია A-ში ჩაკვეტაძის დებიუტია მოსალოდნელი

"კრიტიკა არ მადარდებს" - დემბელემ "ოქროს ბურთის" მოგების შემდეგ მის მიმართ დამოკიდებულებაზე ისაუბრა

ნიკოლოზ ბასილაშვილი გუანჯოუს ჩელენჯერზე იასპარეზებს

"ძალიან დიდი პოტენციალი აქვს" - მოურინიო დიომანდეს თამაშით კმაყოფილია

ზაფხულის სატრანსფერო საგის მთავარი მონაწილე ტრავმირებულია

არაბეთიდან კატარში - ბროზოვიჩი აზიურ ტურნეს აგრძელებს

იქნება თუ არა დღეს კვარაცხელია ძირითადში - L'Équipe-ის პროგნოზი

"ზოგიერთმა მათგანმა ფეხბურთის შესახებ ბევრი არაფერი იცის" - კვარაცხელიას ჟურნალისტებმა შედარება სთხოვეს