- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევროთასებზე ტულონი და კლერმონი ფავორიტები არიან
<p>დღეს ევროთასების გათამაშება იწყება. ყველაზე პრესტიჟულ, "ჰეინეკენის" თასის გათამაშებაში ქართველ მორაგბეთა სამი ფრანგული კლუბი, "კლერმონი", "კასტრი" და "ტულონი" იასპარეზებს...</p><p><br> დღეს ევროთასების გათამაშება იწყება. ყველაზე პრესტიჟულ, "ჰეინეკენის" თასის გათამაშებაში ქართველ მორაგბეთა სამი ფრანგული კლუბი, "კლერმონი", "კასტრი" და "ტულონი" იასპარეზებს. სამიც, "მონპელიე", "აჟენი" და "ბრივი" "ემლინ ჩელენჯ კაპის" გათამაშებაში მოსინჯავს ძალებს.</p><p>"ჰეინეკენის" თასის ამჟამინდელი მფლობელი ფრანგული "ტულუზია", რომელმაც შარშანდელი გათამაშების ფინალში ბასკური "ბიარიცი" დაამარცხა. ფრანგული კლუბები წლეულსაც ერთობ სოლიდურად გამოიყურებიან და გამორიცხული არ არის, ისევ ფრანგული ფინალის მომსწრენი გავხდეთ.</p><p>"ჰეინეკენის" თასის წლევანდელ გათამაშებაში 24 გუნდი ექვს ჯგუფშია განაწილებული. ანტონ ფეიქრიშვილისა და აქვსენტი გიორგაძის "კასტრი" A ჯგუფში იასპარეზებს. ჩვენებურთა გუნდს მეტოქეობას გაუწევენ უელსური "კარდიფი", შოტლანდიური "ედინბურგი" და ინგლისური "ნორსჰემპთონი".</p><p>ინგლისელები ჯგუფის ფავორიტებად არიან მიჩნეული, თუმცა არც უელსელების გამორიცხვა შეიძლება, მით უფრო, რომ "ჰეინეკენის" თასის ფინალს წლეულს სწორედ კარდიფი უმასპინძლებს. კარდიფელები ყველა ღონეს იხმარენ როგორც ჯგუფური ტურნირის, ისე მთლიანად გათამაშების მოსაგებად.</p><p>რაც შეეხება "კასტრს", ის შინ ბევრს გაამწარებს და უნდა ვივარაუდოთ, რომ ვინც კასტრში მოიგებს, ჯგუფის გამარჯვებულიც ის იქნება. "ედინბურგი", ალბათ, აუტსაიდერია, რისი დასტურიც "მაგნერს" ლიგაში ამ გუნდის სუსტი თამაშია.</p><p>პირველ ტურში "კასტრი" სტუმრად ეთამაშება "ნორსჰემპთონს". ფეიქრიშვილი, რომელმაც ტრავმა ახლახან მოიშუშა, სათადარიგოთა შორისაა. გიორგაძე განაცხადში არ არის.</p><p>B ჯგუფი "სიკვდილის ჯგუფადაა" შერაცხული. ოთხივე გუნდი ტურნირის ფავორიტია: საფრანგეთის ჩემპიონი დავით ზირაქაშვილის "კლერმონი", წლევანდელი გათამაშების ლიდერი პარიზული "მეტრო რასინგი", ინგლისის ჩემპიონატის ლიდერი "სარასენზი" და "ჰეინეკენის" თასის 2009 წლის გათამაშების გამარჯვებული ირლანდიური "ლენსტერი".</p><p>შარშანდელ გათამაშებაში "ვულკანები" მეოთხედფინალში სწორედ ირლანდიურმა კლუბმა გამოთიშა, ასე რომ, ზირაქაშვილს და კომპანიას რევანშის აღების კარგი შანსე ეძლევათ. აღსანიშნავია, რომ "კლერმონი" ევროთასების გათამაშებაში მინიმუმ ნახევარფინალამდე ყოველთვის აღწევდა. სწორედ შარშან მოხდა პირველად, ჩვენებურის გუნდი რომ მეოთხედფინალში დამარცხდა.</p><p>პირველ ტურში "კლერმონი" შინ "სარასენზს" ეთამაშება. "ვულკანების" ახალზელანდიელი თავკაცი ვერნ კოტერი, როგორც ჩანს, ამ მატჩს და ზოგადად ტურნირს ამჯერად შარშანდელზე მეტი პასუხისმგებლობით ეკიდება და ინგლისელებს უძლიერესი შემადგენლობით დახვდება. მან ქართველი შერკინების ბურჯი დავით ზირაქაშვილი ძირითად შემადგენლობაში დააყენა.</p><p>ჯგუფის და, სავარაუდოდ, გათამაშების ერთ-ერთი უმთავრესი ფავორიტია პარზიზული "მეტრო რასინგი". პიერ ბერბიზიემ ირლანდიაში "ლენსტერთან" საპაექროდ ასევე უძლიერეს შემადგენლობას მოუყარა თავი. სებასტიან შაბალი, ლიონელ ნალე, ფრანსუა სტეინი და ხუან მარტინ ერნანდესი, ნებისმიერი გუნდისთვის მრისხანე ძალაა.</p><p>დავით ქუბრიაშვილის "ტულონის" მეტოქეები ჩ ჯგუფში ირლანდიური "მანსტერი", ინგლისური "ლონდონ აირიში" და უელსური "ოსფრიზი" იქნებიან. ჯგუფის ფავორიტი ჩვენებურის გუნდთან ერთად "მანსტერიცაა", რომელიც წლეულს ბრწყინვალე ფორმაშია და "მაგნერს კაპის" გათამაშებას ლიდერობს. მანსტერელებმა ხუთი თამაშიდან ოთხი მოიგეს.</p><p>ცხადია, გულხელდაკრეფილნი არც ინგლსური და უელსური კლუბები ისხდებიან, თუმცა ტულონელები ამბიციები ნამეტანი მოსძალებიათ. მათი მულტიმილიონერი პრეზიდენტი მურად ბურჯელალი მარტო საფრანგეთის ჩემპიონატის მოგებაზე როდი ოცნებობს. ელიტურ, პირველ დივიზიონში ტულონელები ახლა მესამე ადგილზე არიან, რაც მათ საშუალებას აძლევს, მთელი ძალები "ჰეინეკენის" თასის გათამაშებაში გადაისროლონ.</p><p>შარშან "ტულონმა" "ემლინ ჩელენჯ კაპის" ფინალში გააღწია და იქ უელსურ "კარდიფთან" დამარცხდა.</p><p>ბურჯელალის იმედი და გუნდის მთავარი დამრტყმელი ძალა ინგლისელი მგეზავი ჯონი ვილკინსონია, რომელიც წლეულს ბრწყინვალე ფორმაშია. პირველ ტურში "ტულონი" უელსურ "ოსფრიზს" უმასპინძლებს. ქუბრიაშვილი ძირითად შემადგენლობაშია.</p><p>შეგახსენებთ, რომ "ჰეინეკენის" თასის გათამაშება 1996 წლიდან იმართება. ყველაზე მეტჯერ, ოთხჯერ მას ფრანგული "ტულუზი" ფლობდა, რომელიც წლეულსაც ერთ-ერთი უმთავრესი კანდიდატია. ორ-ორჯერ გაიმარჯვეს "ჰეინეკენის" თასის გათამაშებაში ინგლისურმა კლუბებმა "ლესტერ ტაიგერზმა" და "ვოსფსმა". ასევე ორჯერ შემართა თასი ირლანდიურმა "მანსტერმაც".</p><p><strong></p><p>ჰეინეკენის თასი</strong></p><p><strong>A ჯგუფი</p><p></strong>ნორსჰემპთონი (ინგ) -კასტრი (საფ), კარდიფი (უელ) -ედინბურგი (შოტ)</p><p><strong>B ჯგუფი</p><p></strong>კლერმონი (საფ) -სარასენზი (ინგ), ლენსტერი (ირლ) -მეტრო რასინგი (საფ)</p><p><strong>ც ჯგუფი</p><p></strong>ტულონი (საფ) -ოსფრიზი (უელ), ლონდონ აირიში (ინგ) -მანსტერი (ირლ)</p><p><strong>D ჯგუფი</p><p></strong>ალსტერი (ირ) - აირონი (იტ), ბასი (ინგ) - ბიარიცი (საფ)</p><p><strong>E ჯგუფი</p><p></strong>ბენეტონი (იტ) - ლესტერი (ინგ), ჰლანეჰლი (უელ) - პერპინიანი (საფ)</p><p><strong>F ჯგუფი</p><p></strong>გლაზგო (შოტ) - ნიუპორტი (უელ), ტულუზი (საფ) - ვოსფსი (ინგ).</p><p>"ემლინ ჩელენჯ კაპის" გათამაშებაში ოცი გუნდი ხუთ ჯგუფშია განაწილებული. აქ, როგორც უკვე ვთქვით, ქართველ მორაგბეთა სამი გუნდი ასპარეზობს.</p><p>დავით ხინჩაგიშვილისა და ვასილ კაკოვინის "ბრივი" კენჭისყრამ B ჯგუფში გაამწესა, სადაც მას მეტოქეობას ინგლისური "სეილ შარქსი", ესპანური "ელ სალვადორი" და იტალიური "პადოვა" გაუწევენ. ბრივიელებისთვის კონკურენტი მხოლო ინგლისური კლუბია.</p><p>ვფიქრობთ, ესპანურ და იტალიურ გუნდებს ბრიველები იოლად გაუსწორდებიან, თუმცა ისიც გასათვალისწინებელია, რომ ჩვენებურთა გუნდს საფრანგეთის ჩემპიონატში არცთუ სახარბიელო მდგომარეობა აქვს და ამიტომ, შესაძლოა, ძალები დაზოგოს.</p><p>პირველ ტურში "ბრივი" შინ ეთამაშება "პადოვას".</p><p>ყველაზე ქართული ფრანგული გუნდი, მამუკა გორგოძის, გიორგი ჩხაიძის, გიორგი ჟღენტის, გოდერძი შველიძისა და მიხეილ ნარიაშვილის "მონპელიე" ჩ ჯგუფშია. მისი მეტოქეები არიან ინგლისური კლუბები "ნიუკასლი" და "ექსეტერი" და საფრანგეთის ჩემპიონატის აუტსაიდერი "ბურგუენი".</p><p>პირველ ტურში "მონპელიე" სტუმრად ეთამაშება ინგლისურ "ექსეტერს". ფაბიენ გალტიემ და ერიკ ბეშუმ ინგლისში, ფაქტობრივად, სათადარიგო შემადგენლობა იახლეს, რაც იმის მანიშნებელია, რომ ჩვენებურთა გუნდი "ემლინ ჩელენჯ კაპის" გათამაშებაში სერიოზულ მიზნებს არ ისახავს. "ექსეტერთან" მატჩში ძირითად შემადგენლობაში არიან შველიძე და ჩხაიძე. გორგოძე, ჟღენტი და ნარიაშვილი განაცხადში არ არიან.</p><p>ცხადია, "ემლინ ჩელენჯ კაპზე" საბრძოლველად არ სცხელა საფრანგეთის ჩემპიონატის ერთ-ერთ აუტსაიდერს ბექა შეყლაშვილის "აჟენსაც". ჩვენებურის გუნდი E ჯგუფში იასპარეზებს ინგლისურ "გლოსტერთან", ფრანგულ "ლა როშელთან" და იტალიურ "როვიგოსთან" ერთად. მაქსიმუმი, რისი მიღწევაც "აჟენს" შეუძლია, ჯგუფში მესამე ადგილის დაკავებაა.</p><p><strong>ყოველდღიური სპორტული გაზეთი</p><p>"ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ