<p>არნემის "ვიტესის" მფლობელის მეგობრები თბილისის "დინამოს" დაბრუნებისთვის აპირებენ ბრძოლას <br> <strong>მერაბ ჟორდანია</strong> თბილისში ჩამოდის; შესაძლოა, უკვე აქ იყოს კიდეც.</p><p>მისი ჩამოსვლა ვერ იქნება ოდენ კერძო ვიზიტი - ჟორდანიას მეგობრები "დინამოს" დაბრუნებისთვის აპირებენ ბრძოლას.</p><p>დრომ ბევრი რამე შეცვალა. ჟორდანიაც არ არის ის ფიგურა, რაც რამდენიმე წლის წინათ იყო, ის უკვე საერთაშორისო სარბიელზეა გასული.</p><p>ჟორდანია საფეხბურთო წიაღიდანაა გამოსული. ხელოვნურად არ მომხდარა მისი გამოჩენა არც "დინამოს" ხელმძღვანელობაში და არც ფეხბურთის ფედერაციის სათავეში. მისთვის არც ერთი აქაური თანამდებობა არ მიურთმევიათ ლანგარზე დადებულივით.</p><p>ჟორდანია ბევრისთვის მიუღებელი ფიგურაა, მაგრამ ისიც ფაქტია, რომ არნემის "ვიტესის" პრეზიდენტია და კლუბს მის ხელში წარმატებები აქვს.</p><p>ჟორდანიას ყოველთვის ეხერხებოდა ადამიანებთან ურთიერთობა, ჟურნალისტებთან და ოფიციალურ საუბრებში ყოველთვის მოზომილი, გაწონასწორებული იყო. მე არ მახსოვს მისი კონფლიქტური გამოსვლები თუ განცხადებები.</p><p>ჟორდანიას საქართველოდან წასვლა მოუწია და კარგა ხანს არ ჩანდა საფეხბურთო ასპარეზზე. გარკვეული პაუზის შემდეგ კი ჰოლანდიის პერიფერიულ კლუბში, "ვიტესში" გამოჩნდა. იქაური მედია ცნობისმოყვარეობით იყო შეპყრობილი, ჟორდანიას ბევრ კითხვაზე უწევდა პასუხის გაცემა.</p><p>გაქვთ ფული? რა აქტივების მფლობელი ბრძანდებით? - მეტწილად ამას ეკითხებოდნენ "ვიტესის" ქართველ მფლობელსა და პრეზიდენტს.</p><p>ჰოლანდია ევროპაა და რეპუტაცია იქ, დიახაც, ფასეულობაა, რასაც მხოლოდ ფულით ვერ მოინაგრებ. ჟორდანიამ მოახერხა ჰოლანდიურ საზოგადოებაში გაჯერება, ამას კი შეძლება უნდა.</p><p>ჟორდანიას ხელში "ვიტესმა" ათწლიანი პაუზის შემდეგ პირველად ითამაშა ევროსარბიელზე. "ვიტესი" ერედივიზიონის მიმდინარე გათამაშებაში მესამე ადგილზეა, უკან ჰყავს მოტოვებული "აიაქსი" და "ფეიენოორდი".</p><p>არნემულ კლუბში სამი ქართველია და იქ კიდევ ორ ნიჭიერ ჩვენებურს ელოდებიან - <strong>ლუკა ზარანდიას</strong> და <strong>ცოტნე მესხს</strong>.</p><p>"ვიტესი" თავისებური არხი გახდა ქართველი ფეხბურთელებისთვის, რუსეთის და უკრაინის ალტერნატივა, უკეთესი პერსპექტივა, რადგან თუ ჰოლანდიაში თავს გამოიჩენ, ტოპ-ევროპული ლიგები ლამის ხელის გაწვდენაზეა.</p><p>ჟორდანიას ახლო და პარტნიორული ურთიერთობა აქვს <strong>რომან აბრამოვიჩთან</strong>, რაც პატარა საქმე არ უნდა იყოს. ჟორდანია "გაზპრომთანაც" კი აწარმოებდა მოლაპარაკებას "ვიტესის" სპონსორობაზე და ვნახოთ, რა გამოვა ამ ყველაფრიდან.</p><p>ჟორდანია ახლოს იცნობს <strong>მიშელ პლატინის</strong> და ფრანგი უეფას პრეზიდენტობისთვის რომ იყრიდა კენჭს, ჟორდანიას მხარდაჭერის იმედიც ჰქონდა.</p><p>ჟორდანიას დღეს მეტი გამოცდილება და მეტი საერთაშორისო კონტაქტები აქვს. ის თითქოს კარგად არის შეიარაღებული, მის არსენალში უკვე არაერთი ეფექტური მექანიზმია.</p><p>ჟორდანიას ბევრი რამ ექნება მოსაყოლი ქართულ ამბებზეც, განსაკუთრებით, "დინამოზე". ის ალბათ მზად იქნება ნებისმიერი კითხვისთვის. მისი საქართველოში ჩამოსვლა თითქოს მომწიფდა.</p><p>საქართველო სულ სხვა სპეციფიკაა, აქ განსაკუთრებული ალღოა საჭირო და ვნახოთ, ამჯერად როგორ გაართმევს საქმეს თავს ჟორდანია.</p><p>ის არ ჰგავს არც <strong>ზვიად სიჭინავას</strong>, არც უმცროს <strong>ნოდარ ახალკაცს</strong>, არც <strong>რომან ფიფიას</strong> და არც არავის - ამასაც შეძლება უნდა.</p><p>და წარსული? აბა, რა გითხრათ, ალბათ, არც ეს იქნება უხერხული თემა ჟორდანიასთვის...</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></p><p></strong><a href="/fexburti/qarthuli-fekhburthi/skhvadaskhva/40813-merab-zhordania-thbilisshi-chamodis-ratha-shvidtsliani-dumili-daarghvios.html" target="_blank">მერაბ ჟორდანია თბილისში ჩამოდის, რათა შვიდწლიანი დუმილი დაარღვიოს</a><strong></p><p></strong><a href="/fexburti/qarthuli-fekhburthi/skhvadaskhva/40762-kviris-1000-tsvrilmani-daubrundeba-thbilisis-qdinamoq-damfudzneblebs.html" target="_blank">კვირის 1000 წვრილმანი: დაუბრუნდება თბილისის "დინამო" დამფუძნებლებს?</a></p><p><a href="/fexburti/qarthuli-fekhburthi/legionerebi/39410-evrokomisia-gazpromi-putini-rusebma-am-kompotshi-merab-zhordaniac-akhsenes.html" target="_blank">ევროკომისია, გაზპრომი, პუტინი.... რუსებმა ამ კომპოტში მერაბ ჟორდანიაც ახსენეს</a><strong></strong></p>
luxuta
ის რამ დაგაწერინა ხელოვნურად არ მომხდარა მისი გამოჩენა არც "დინამოს" ხელმძღვანელობაში და არც ფეხბურთის ფედერაციის სათავეშიო, ნუთუ კახი ასათიანის გვარი არ გსმენია?! საბედნიეროდ ჯერ კიდევ ცოცხლები არიან იმ ყრილობის მონაწილეები გაყინულ ოთახში პალტომოფარებულმა კახიმ რომ დამოძღვრა აბა ხომ იცით ჩემი სიძე რომ უნდა აირჩიოთო
nona
ჩარკვიანი აქაა, ჟორდანია ჩამოდის, ალბათ კიტოვანიც ზარ-ზეიმით ჩამოვა. რა ძნელი მემკვიდრეობა ერგო ბატონ ბიძინას. ამათ რა გაუძლებს.
kolia
ლელო რას ქომაგობს ჟორდანიას!!! თქვენც ხომ არ გაფინანსებს. ა, გაიყიდეთ წითელ თუმნიანებზე?
avto
არაფერ სარგებელს არ მოუტანს ჟორდანია დინამოს. ფიფია საქმის კაცია და დანაშაული იქნება მისთვის დინამოს წართმევა
ზუზუ
არ დაგავიწყდეთ,რომ საქართველოში ჟორდანიას კარიერა კახი ასათიანის დამსახურება იყო! მანამდე კი მხედრიონელი ზაზა ვეფხვაძე და გია სვანაძე იყვნენ მისი მფარველები!!! კიდევ ბევრის თქმა შეიძლება ,მაგრამ ამჯერად დავინდობ მისტერ გოჭოიას!!!
shako
თავართქილაძე რა გაწუხებს რა ინტრიგებს ხლართავ აქ?? დინამო ფიფიასია და კიდევ ფიფიასი იქნება დიდი ხანი კაცს უკვე 25 მილიონზე მეტი აქ დახარჯული რაც წინა მორბედებს ბოლო 18 წლის განმავლობაში არ დაუხარჯავთ დინამო თუ ფიფიას წაართვეს იქნება უსინდისობა და სამართალი აქ ვერასდროს დაისადგურებს
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა