- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დირკ ნოვიცკი: NBA დიდი ბიზნესია
<p>"დალას მავერიქსის" ლიდერი მოახლოებული სეზონის წინ თავისი კლუბის კინაღამ ჩაშლილ სატრანსფერო პოლიტიკაზე ლაპარაკობს <br> "დალას მავერიქსის" ლიდერი დირკ ნოვიცკი მოახლოებული სეზონის წინ ლაპარაკობს თავისი კლუბის კინაღამ ჩაშლილ სატრანსფერო პოლიტიკაზე, ტერის მიმართ მაიოს უპირატესობაზე და მარკ ქიუბანთან დიდ მეგობრობაზე...</p><p><strong></p><p>- დირკ, როგორ შეაფასებთ განვლილ ზაფხულს - </strong>"<strong>დალასი</strong>"<strong> გაძლიერდა?</p><p></strong>- გულახდილად გეტყვით - ზაფხულის დასაწყისმა იმედგაცრუება მოგვიტანა. დერონ უილიამსის გადაბირება ვერ შევძელით და ის "ბრუკლინში" დარჩა. შემდეგ იყო დუაიტ ჰოვარდის ხელში ჩაგდების შანსი, მაგრამ ის "ლეიკერსში" გაცვალეს.</p><p>ყველაზე მძიმე დარტყმა კი ტერისა და კიდის წასვლა აღმოჩნდა. ისინი ხომ ჩემი საუკეთესო მეგობრები იყვნენ.</p><p>იმედგაცრუებული და გამოფიტული ვიყავი, გუნდი დაშლილი იყო, მაგრამ კლუბის ხელმძღვანელობამ შეძლო საზაფხულო კამპანიის მაღალ დონეზე დასრულება. შემადგენლობა ძალიან კარგი მოთამაშეებით შეივსო.</p><p>მომწონს კამანი, კოლისონი, მაიო... ასევე კარგად შეგვცვლის მე და კრისს ელტონ ბრენდი - ის კარგია დაცვაში.</p><p>ვფიქრობ, ეს კალათბურთელები შეუნარჩუნებენ გუნდს კონკურენტუნარიანობას, თუმცა წელი ძალიან რთული იქნება. რაც შეეხებათ დასავლეთის ფავორიტებს, "ოკლაჰომა" და "ლეიკერსი" უკონკურენციოდ არიან, თუმცა ჩვენ აუცილებლად ვიბრძოლებთ.</p><p><strong>- თქვენ თავად მონაწილეობდით თავისუფალი აგენტების შერჩევის პროცესში?</p><p></strong>- ამ თემაზე მხოლოდ დერონთან მქონდა ურთიერთობა. მან მითხრა, რომ სურს ჩვენთან გადმოსვლა, რადგან აქ არის დაბადებული. ის ჩვენი მთავარი მიზანი იყო და მიმაჩნია, რომ ისიც დაინტერესებული იყო ჩვენი წინადადებით.</p><p>ის შეხვდა "მავერიქსის" სხვა მოთამაშეებს, დიდი ხანი საუბრობდა მწვრთნელ რიკ კარლაილთან და დონი ნელსონთან. ჩვენი ბოსები მას ივლისის დასაწყისში ესტუმრნენ. ვფიქრობ, მოლაპარაკებები ახლოს იყო წარმატებასთან, მაგრამ მან "ნეტსში" დარჩენა ამჯობინა. ამის გამო ვერ ვუსაყვედურებ, რადგან ღიად ამბობდა, რომ ორ ვარიანტს განიხილავდა. მას წარმატებას ვუსურვებ. დერონი კარგი ბიჭია.</p><p><strong>- რას იტყოდით სტივ ნეშის გადაწყვეტილებაზე?</p><p></strong>- სიმართლე გითხრათ, არ მეგონა, რომ ის სადმე წავიდოდა. ამას ცოტა ვინმე თუ ელოდა. რამდენი ხანია "ფინიქსი" და "ლეიკერსი" კონკურენტები არიან? ხუთი, ექვსი, შვიდი წელი... ძალიან დიდი ხანი! ეს მართლა დიდი სიუპრიზი იყო.</p><p>მაგრამ ნეშის გამო ძალიან მიხარია, როგორც იქნა, ის დიდ გუნდში მოხვდა. მისი პარტნიორები არიან - კობი, დუაიტი, პაუ. მათ შეუძლიათ ჩემპიონატის მოგება. ვნახოთ, რამდენად მოახერხებენ ამას.</p><p><strong>- შეგიძლიათ შეადაროთ ო ჯეი მაიო და ჯეისონ ტერი? თქვენს ახალბედას შეუძლია მოედანზე გააკეთოს რაიმე ახალი, რაც ტერის არ შეეძლო?</p><p></strong>- ცხადია, რომ ის გაცილებით ახალგაზრდაა, მხოლოდ 24 წლისაა, ტერი კი 35 წლის იყო. დარწმუნებული ვარ, ჯეისონი მას არაფერში ჩამორჩება და საერთოდაც, მათი ფუნქციები მოედანზე თითქმის ერთნაირია. თუმცა ო ჯეი უფრო ათლეტური და მაღალია და ამაშია მისი უპირატესობა.</p><p>ჩვენ გვინდა, რომ ის ისეთივე მნიშვნელოვანი ფიგურა გახდეს გუნდისთვის, როგორიც ტერი იყო: შეასრულოს ტყორცნები მეოთხე მეოთხედში, გაითამაშოს პინ-ნ-როლები მეორე ნომრის პოზიციაზე, კარგად გაიხსნას სასროლად ჩემი ორმაგი მეურვეობის დროს და ხანდახან თავის თავზე აიღოს ინიციატივა.</p><p>მარტივად რომ ვთქვათ, გახდეს მეორე ტერი, მაგრამ უფრო ფართო მასშტაბებით. ვფიქრობ, დროთა განმავლობაში ო ჯეი შეიძლება გადაიქცეს "მავერიქსის" ლიდერად.</p><p><strong>- თქვენი ხანგრძლივი კარიერის განმავლობაში კლუბში ბევრი პარტნიორი გამოიცვალეთ. ვფიქრობ, უკვე დიდი ხანია მიხვდით, რომ NBA - დიდი ბიზნესია. ყოფილა შემთხვევები, როცა კლუბის ხელმძღვანელობის გადაწყვეტილებას შოკში ჩაუგდიხართ?</p><p></strong>- ტრეიდის ან კონტრაქტის არგაგრძელების გადაწყვეტილება ყოველთვის მოულოდნელია, ხანდახან იმედგაცრუების მომტანი, მაგრამ არა შოკისმომგვრელი. ეს მართლაც ბიზნესია და აქ მძიმე გადაწყვეტილებების მიღება გიხდება.</p><p><strong>- პირადად თქვენ რომელმა გადაწყვეტილებამ მოგიტანათ იმედგაცრუება?</p><p></strong>- რთული სათქმელია, შესაძლოა იმან, როცა სტივ ნეში წავიდა. ჩვენ ახლო მეგობრები ვიყავით. კიდევ ერთი მეგობრის - ფინლის წასვლა. რა თქმა უნდა, შეიძლება ერთი ან ორი დღე განაწყენებული იყო, მაგრამ აუცილებელია პროფესიონალად დარჩე, წინ იყურო, თორემ ჩვეულ დონეზე ვეღარ ითამაშებ.</p><p>ასეთი გრძნობა მქონდა ამ ზაფხულსაც, როცა ჯეისონები (ტერი და კიდი) წავიდნენ, მაგრამ ახლა ოპტიმიზმით ველოდები სეზონის დაწყებას, რადგან ისევ კარგი გუნდი გვყავს.</p><p><strong>- კლუბის მფლობელთან მარკ ქიუბანთან მეგობრული დამოკიდებულება გაქვთ - სპორტისთვის ეს ცოტა უჩვეულო სიტუაციაა...</p><p></strong>- ეს ურთიერთობა ათ წელზე მეტი ხანია გრძელდება. ყველაფერი იქიდან დაიწყო, როცა დაახლოებით 12 წლის წინ, მან გუნდი იყიდა. იმ დროს ის ჩვენი ყველაზე დიდი გულშემატკივარი გახლდათ. პრაქტიკულად ყველგან იყო: ვარჯიშებზე, საშინაო მატჩებზე, თვითმფრინავში ჩვენთან ერთად. აი ასე ვატარებდით ბევრ დროს ერთად.</p><p>მაშინდელი "დალასიდან" მე ერთადერთი შემოვრჩი. ამ დროის განმავლობაში კარგად გავიცანი ბოსი, ამიტომაც ჩვენ მეგობრები ვართ. მარკი შესანიშნავი ადამიანია, ის ძალიან ბევრს მეხმარებოდა მაშინ, როცა მე ეს ძალიან მჭირდებოდა. საკმარისი იყო, უბრალოდ დალაპარაკებოდი ამ საქმეზე.</p><p><strong>- მაინც რაში გეხმარებოდა?</p><p></strong>- მეხმარებოდა საკალათბურთო მოედნის მიღმა. იყო პირადი თხოვნებიც. არ შემიძლია ახლა ამაზე ლაპარაკი. ვიტყვი, რომ მარკი ყოველთვის ჩემს გვერდით იყო. არ აქვს მნიშვნელობა, რა სახის დახმარება მჭირდებოდა, ერთი სიტყვაც საკმარისი იყო და ის ისევ ჩემთან მოდიოდა. კარგია იმის გაცნობიერება, რომ არსებობს ასეთი ადამიანი, რომელსაც შეგიძლია დაეყრდნო. მას ყოველთვის სჯეროდა ჩემი და მხარს მიჭერდა.</p><p>მაგალითად, 2010 წელს, როცა თავისუფალი აგენტი გავხდი, ერთმანეთს შევხვდით და კარგად ვილაპარაკეთ. მე მას ვუთხარი, რომ "დალასში" უკვე იმდენი ხანია ვთამაშობ, სისულელე იქნებოდა სხვაგან გადასვლა.</p><p>მარკმა ახალი კონტრაქტი შემომთავაზა და დავიწყეთ ახალი ბრძოლა დასავლეთში. საბოლოოდ, შევძელით ჩემპიონობის მოგება, რომელიც ასე ძალიან გვინდოდა. ეს დაუვიწყარი იყო.</p><p><strong>- </strong>"<strong>დალასს</strong>"<strong> არასოდეს დატოვებთ. ასე არ არის?</p><p></strong>- დღეს მე აქ ყველაფერი მაწყობს. ტექსასში უკვე 15 წელი გავატარე, რაც ჩემი ცხოვრების თითქმის ნახევარია. ამ დროის განმავლობაში ბევრი მეგობარი შევიძინე, მოვიგე საჩემპიონო ბეჭედი, მოკლედ, ფესვები გავიდგი. აქ ყოველთვის კარგად ვგრძნობდი თავს.</p><p>კალათბურთში ბევრს მივაღწიე. კიდევ რაზე შეიძლება ოცნება? წასვლაზე არ ვფიქრობ და ყველაფერი იქითკენ მიდის, რომ აქ დავასრულებ კარიერას.</p><p><strong>ყოველდღიური სპორტული გაზეთი "ლელო"</strong></p>
[VIDEO] მამუკელაშვილის 20 წუთი - სანდრომ "ლეიკერსის" მაისურით პირველად ითამაშა
"პატარა გოგოს ჰგავს" - NBA-ის ყოფილმა კალათბურთელმა ლებრონ ჯეიმსი გააკრიტიკა
"კარიერის დასრულება?" - კარიმ სამომავლო გეგმებზე ისაუბრა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში
[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ
ბასილაშვილმა მანარინოსაც ადვილად მოუგო და ალმათის ტურნირის ნახევარფინალშია!
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...