<p>საქართველოს ჩემპიონატი. უმაღლესი ლიგა. XI ტური <br> "სპექტაკლი" მართლაც თვალსასეირო გამოდგა და სუსტ, მაგრამ გადაუღებელ წვიმას არშეპუებულმა მაყურებელმა, რომელსაც სტადიონის ადმინისტრაციამ სასიამოვნო სიურპრიზი მოუწყო (ცელოფნის ლაბადებით დაასაჩუქრა) უფრო იმხიარულა, ვიდრე ინერვიულა.</p><p>სამწუხარო მხოლოდ ის იყო, რომ ამ "სპექტაკლში" "როლებს" მხოლოდ "ჩიხურას" ფეხბურთელები ასრულებდნენ, სტუმრებმა კი ორიოდე ხეირიანი მომენტის შექმნის გარდა ვერაფრით გამოიჩინეს თავი.</p><p>არადა, სატურნირო მდგომარეობა ორივე გუნდს უძლიერებდა სპორტულ ჟინს და მაღალ სათამაშო განწყობას: "ჩიხურას" წარუმატებლობის შემთხვევაში, შეიძლებოდა, პირველი წრის ბოლო მატჩში საფრთხის ქვეშ დაეყენებინა დასახული პროგრამა-მინიმუმი - მოწინავე ექვსეულში დამკვიდრება; ბათუმელებს კი მოგება ლიგაში დარჩენის იმედს უსახავდა მეორე წრეში.</p><p>თამაში საჩხერელთა იერიშებით დაიწყო და <strong>კირკიტაძეს</strong> მეტი სიზუსტე რომ გამოეჩინა, ანგარიში მე-3 წუთზე გაიხსნებოდა. მალევე <strong>დეკანოიძის</strong> პასით <strong>შარაშენიძის</strong> ძლიერი დარტყმა კუთხურზე მოიგერია <strong>პიტსანმა</strong>. მე-14 წუთამდე რამდენიმე დარტყმა და კუთხური მოინაგრეს საჩხერლებმა, ხსენებულ დროს კი <strong>ოდიკაძის</strong> იუველური პასით მეკარესთან პირისპირ გასასვლელად გამზადებული <strong>დეკანოიძე</strong> საჯარიმოში მოცელეს.</p><p>უეჭველი პენალტი (უკვე მეოთხედ) გოლად აქცია გამოცდილმა <strong>ოდიკაძემ</strong>.</p><p>მე-15 წუთზე მეორე გოლის მომლოდინე მაყურებელს ამაოდ აღმოხდა ყიჟინა: <strong>დეკანოიძემ</strong> შორიდან ოსტატურად გაგზავნა მეკარის თავს ზემოთ ბურთი კარისკენ, მაგრამ კარის ასაღებად სანტიმეტრები დააკლდა.</p><p>მე-20 წუთზე ისევ <strong>დეკანოიძემ</strong> გამოიჩინა თავი უძლიერესი დარტყმით. ამ მომენტშიც იყოჩაღა <strong>პიტსმანმა</strong> - კუთხურზე მოიგერია. მსგავსი მომენტი განმეორდა 32-ე წუთზეც, ამჯერად <strong>კვასხვაძის</strong> დარტყმის შემდეგ.</p><p>36-ე წუთზე სტუმრებმა შეგვახსენეს, რომ ისინიც იყვნენ მოედანზე: პირისპირ გასულმა <strong>ცნობილაძემ</strong> ბურთი კარს ააცილა.</p><p>41-ე წუთზე მაინც მოხდა, რაც უფრო ადრეც უნდა მომხდარიყო: მრავალსვლიანი კომბინაცია, <strong>დეკანოიძის</strong> მახვილგონივრული პასი, <strong>კირკიტაძის</strong> ჩაწოდება, <strong>კვასხვაძის</strong> თავური და გოლი-შედევრი!</p><p>მეორე ტაიმიც ისე ენერგიულად დაიწყო "ჩიხურამ", რომ ეტყობოდა, ამ ანგარიშს არ დასჯერდებოდა. თუმცა მცდელობამ შედეგი არ გამოიღო და პირიქით - 62-ე წუთზე <strong>სომხიშვილი</strong> უძლური იქნებოდა, <strong>ცნობილაძის</strong> თავური კარს რომ სულ ოდნავ არ ასცდენოდა.</p><p>64-ე წუთზე <strong>შარაშენიძის</strong> გარღვევას და საგოლე დარტყმას ძელი გადაეღობა. ანგარიშის გაზრდა რამდენჯერმე შეეძლო <strong>დეკანოიძე-კირკიტაძე-შარაშენიძის</strong> აქტიურად მოქმედ სამეულს, მაგრამ ბოლო მომენტებში მათ სიზუსტე აკლდათ.</p><p>84-ე წუთზე <strong>დეკანოიძის</strong> მაღალ ჩაწოდებას ჩვეული ოსტატობით შეაგება თავი ახალშემოსულმა <strong>გაგა ჩხეტიანმა</strong> და საბოლოო შედეგიც დააფიქსირა.</p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XI ტური</strong></span></p><p>27.10. ივანწმინდა. 300 მაყურებელი</p><p><em><strong>ჩიხურა-დინამო(ბთ) 3:0</strong></em></p><p>1:0 ოდიკაძე (14, პენალტით), 2:0 კვასხვაძე (41), 3:0 ჩხეტიანი (84)</p><p><em>ჩიხურა დინამო</em></p><p>სომხიშვილი პიტსანი</p><p>ოდიკაძე ხუხია</p><p>ლ. ჭელიძე ლობჟანიძე</p><p>საჯაია თოთაძე</p><p>ჩიკვაიძე ი. კვეკვესკირი</p><p>დიღმელაშვილი ვარშანიძე</p><p>ლომაშვილი თევდორაძე</p><p>ნ. კვასხვაძე მახარაძე</p><p>კირკიტაძე ტიმჩიშინი</p><p>დეკანოიძე ცნობილაძე</p><p>შარაშენიძე ზოიძე</p><p><em></p><p>მწვრთნელები:</em></p><p>ს. ფრუიძე გ. გურული</p><p><em>ჩიხურა</em></p><p>78. შარაშენიძე - გ. ჩხეტიანი</p><p>13. ჭელიძე - გუშარაშვილი</p><p>87. დეკანოიძე - ნ. მაისურაძე</p><p>სათადარიგოები: მწყერაშვილი, ქიმაძე, ზაბახიძე, ბაკურაძე</p><p><em>დინამო</em></p><p>53. თევდორაძე - ბაციკაძე</p><p>78. მახარაძე - ცანავა</p><p>53. ზოიძე - ბერიძე</p><p>სათადარიგოები: მამინაშვილი, დიასამიძე, ნასუაშვილი</p><p><em>გაფრთხილება:</em> ლობჟანიძე (14), ოდიკაძე (37)</p><p><em></p><p>არბიტრი:</em> თ. ხუჭუა</p><p><strong>ყოველდღიური სპორტული გაზეთი "ლელო"</strong></p>
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
გულიაშვილს ორი გოლი გაუუქმეს - "რასინგმა" მნიშვნელოვანი ქულები დაკარგა
მიქაუტაძის 85 წუთი - "ვილიარეალმა" "სელტას" მოუგო
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
crocobet დიდი 10 | "ბათუმი" საქართველოს ჩემპიონია!
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა