- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მერანი-ზესტაფონი 0:3 - ახალი ლეგენდა გივი დიდავა [VIDEO]
![მერანი-ზესტაფონი 0:3 - ახალი ლეგენდა გივი დიდავა [VIDEO]](images/new_photo/QARTULI/SOCCER/Clubs/Merani/season2012-13/merani-zestafoni-0-3-31102012-givi-didava.jpg)
<p>საქართველოს ჩემპიონატი. უმაღლესი ლიგა. XII ტური</p><p><br> წინა ტურში ორივე გუნდმა მარცხი იწვნია: "ზესტაფონი" საკმაოდ დაძაბულ ბრძოლაში თბილისის "დინამოსთან" დამარცხდა და ცხრილში საფეხურით ჩამოქვეითდა.</p><p>გასულ წლებთან შედარებით, იმერლებს ნაკლებად ამბიციური გეგმა აქვთ: ისინი საპრიზო ადგილის დაკავებას ლამობენ, რაც რასაკვირველია, მეტ-ნაკლებად სტაბილურ თამაშს გულისხმობს.</p><p>"მერანის" მიზანი კი უმაღლეს ლიგაში დარჩენაა. ამიტომაც ამ შეხვედრაში მათთვის თუნდაც ქულა მისაღები შედეგი უნდა ყოფილიყო, მაგრამ ვერც ფრეს შესწვდნენ.</p><p>ამჟამად <strong>მალხაზ ჟვანიას</strong> გუნდის მდგომარეობას კატასტროფულს ნამდვილად ვერ ვუწოდებთ, მაგრამ უდავოა, დარჩენილ ტურებში "მერანს" დიდი ბრძოლების გადატანა მოუწევს.</p><p>აქვე ვთქვათ ისიც, რომ "მერანისა" და "ზესტაფონის" შეხვედრის დაწყებას წინ დაჯილდოების ცერემონიალი უძღვოდა: "მერანის" პრეზიდენტმა <strong>ფრიდონ ინჯიამ</strong> საზეიმო ვითარებაში სპეციალური პრიზითა და ფასიანი საჩუქრებით დააჯილდოვა უბერებელი მერანელი <strong>გივი დიდავა</strong>, რომელმაც საქართველოს ჩემპიონატის უმაღლეს ლიგაში სარეკორდო, 443-ე მატჩი ჩაატარა.</p><p>მანამდე ეს მიღწევა <strong>ზურაბ იონანიძეს</strong> ეკუთვნოდა.</p><p><strong>დიდავას</strong> კარიერა 1994 წლიდან დაიწყო და ის საკმაოდ წარმატებული გამოდგა. მას სხვადასხვა დროს თბილისის "დინამოსა" და ქუთაისის "ტორპედოში" უთამაშია, რომელთან ერთადაც ჯამში 7-ჯერ გახდა ქვეყნის ჩემპიონი. <strong></p><p>გივი დიდავას</strong> საქართველოს ეროვნული ნაკრების ღირსება 21 მატჩში დაუცავს.</p><p>უშუალოდ პაექრობას რაც შეეხება: "ზესტაფონმა" მატჩი თავიდანვე აქტიურად დაიწყო, მაგრამ მის შეტევებს სისწრაფე და სიმწვავე აკლდა, რის გამოც მეტოქის კართან რეალურ მომენტს ვერ ქმნიდა. ნახევარმომენტები თუ ეთქმის <strong>იელიჩისა</strong> და <strong>შარიქაძის </strong>დარტყმებს, რომელსაც შედეგი არ მოჰყოლია.</p><p>ტაიმის შუაწელს თამაში შედარებით გათანაბრდა, მასპინძლებიც გამოცოცხლდნენ და რამდენიმე დასამახსოვრებელი მომენტიც შექმნეს: ჯერ <strong>კიჭი მელიავამ</strong> დაარტყა შორი მანძილიდან, შემდეგ კი <strong>ცოტნე ბუკიამ</strong>.</p><p>35-ე წუთზე <strong>გიორგი რეხვიაშვილმა</strong> კუთხური ეშმაკურად ჩამოაწოდა. საჯარიმოში შექმნილ არეულობაში კარგად გაერკვა <strong>როინ კვასხვაძე</strong>, რომელმაც სიტუაცია დროულად განმუხტა.</p><p>სწორედ ეს ეპიზოდი აღმოჩნდა გარდამტეხი. სტუმრები მნიშვნელოვნად გააქტიურდნენ და შედეგმაც არ დაახანა: <strong>თორნიკე აფციაურმა </strong>შესანიშნავი სოლო-რეიდით უკან ჩამოიტოვა მარტვილელთა მარცხენა მცველი <strong>კიჭი მელიავა</strong> და ბურთი ახლოს მყოფ <strong>ლევან შარიქაძეს</strong> გადააწოდა, რომელმაც ცაციათი მეკარისაგან მარჯვენა მაღალ კუთხეში ეფექტურად გაისროლა - 0:1.</p><p>ტაიმის ბოლოს გატანის შანსი ხელიდან გაუშვა ზესტაფონელთა გერმანელმა ლეგიონერმა <strong>პატრიკ მილხრაუმმა</strong>, რომელიც მეკარესთან მარტო აღმოჩნდა, თუმცა <strong>ჯონი შეროზიას</strong> ვერ აჯობა.</p><p>სხვათა შორის, სამი გაშვებული ბურთის მიუხედავად, <strong>შეროზია</strong> მერანელთაგან საუკეთესო იყო.</p><p>შესვენების შემდეგ თამაშის ტემპი დავარდა, თუმცა ბრძოლა მოედნის თითოეული მონაკვეთისათვის მიმდინარეობდა. შეიძლება ითქვას, რომ მასპინძლები შედარებით გამოცოცხლდნენ, თუმცა თამაშის სადავეები ხელთ მაინც ვერ იგდეს. ანგარიშის გათანაბრების შესაძლებლობა <strong>მამუკა ტორონჯაძეს</strong> მიეცა, თუმცა მისი ძლიერად დარტყმული <strong>კვასხვაძემ</strong> უკუაგდო.</p><p>ფაქტობრივად, ეს იყო და ეს, დარჩენილ დროში მერანელებს რაიმე ღირებული არაფერი შეუქმნიათ. სამაგიეროდ, სტუმრებმა გამოაჩინეს "კლანჭები" და დროის მოკლე პერიოდში ერთმანეთის მიყოლებით ორჯერ, ორივე შეცვლაზე შემოსული ფეხბურთელების წყალობით იხეირეს: 83-ე წუთზე <strong>თორნიკე გრიგალაშვილმა</strong> მცველების შეცდომით ისარგებლა და თავისიანების უპირატესობა ორამდე გაზარდა, ხოლო ოთხ წუთში <strong>შარიქაძის</strong> გადაცემის შემდეგ მეკარესთან პირისპირ დარჩენილმა <strong>თორნიკე გორგიაშვილმა</strong> საბოლოო ანგარიში დააფიქსირა - 3:0.</p><p>ვთქვათ ისიც, რომ მატჩის უდავოდ საუკეთესო ფეხბურთელი <strong>ლევან შარიქაძე</strong> იყო, რომელმაც თავისი გუნდის გამარჯვებაში ლომის წილი დაიდო. გარდა იმისა, რომ მან ჩინებული გოლი გაიტანა, ორი საგოლე გადაცემაც მიითვალა.</p><p>შარშანდელი სეზონიდან გამომდინარე, "მერანის" მთავარი მწვრთნელის, <strong>მალხაზ ჟვანიას</strong> პროფესიონალიზმში ეჭვის შეტანა არასწორი იქნება. არც გულშემატკივრებისაგან ივარგებს დაუფასებლობა, რადგან "მერანის" წინსვლის საქმეში მას დიდი როლი მიუძღვის. უფრო მართალნი ვიქნებით, თუ ვიტყვით, რომ გუნდი გადახალისებასა და აშკარად გაძლიერებას საჭიროებს.</p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XII ტური</strong></span></p><p>31.10. მარტვილი. ცენტრალური. 1000 მაყურებელი</p><p><em><strong>მერანი-ზესტაფონი 0:3</strong></em> (<a href="/mtavari/video.html?view=video&video=1559" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>0:1 შარიქაძე (37. აფციაურის პასით), 0:2 თორ. გრიგალაშვილი (83. შარიქაძის პასით), 0:3 გორგიაშვილი (87. შარიქაძის პასით)</p><p><em>მერანი (4-5-1) ზესტაფონი (4-2-3-1)</em></p><p>შეროზია რ. კვასხვაძე</p><p>მჭედლიშვილი ღონღაძე</p><p>იობაშვილი კობახიძე</p><p>გ. ჟვანია ელიავა</p><p>მელიავა თევდ. გრიგალაშვილი</p><p>დიდავა იელიჩი</p><p>ნოზაძე მენთეშაშვილი</p><p>ც. ბუკია შარიქაძე</p><p>ფონიავა აფციაური</p><p>რეხვიაშვილი მილხრაუმი</p><p>კუჭუხიძე წინამძღვრიშვილი</p><p><em>მწვრთნელები:</em></p><p>მ. ჟვანია დ. მუჯირი; ზ. ზამთარაძე</p><p><em>მერანი</em></p><p>46. ნოზაძე - ს. ლომია</p><p>46. კუჭუხიძე - ტორონჯაძე</p><p>70. ც. ბუკია - ამბროლაძე</p><p>სათადარიგოები: ბერია, კიკალიშვილი, ქარქუზაშვილი, გაბისონია</p><p><em>ზესტაფონი</em></p><p>58. წინამძღვრიშვილი - ბოტი გოა</p><p>71. მილხრაუმი - თორ. გრიგალაშვილი</p><p>75. აფციაური - გორგიაშვილი</p><p>სათადარიგოები: მამალაძე, ბენაშვილი, სარდალიშვილი, გაგოშიძე</p><p><em>გაფრთხილება:</em> ელიავა (51), აფციაური (60)</p><p><em>არბიტრი:</em> თ. ხუჭუა</p><p><strong>ყოველდღიური სპორტული გაზეთი "ლელო"</strong></p>
ქეცბაიას პირველი კომენტარი: მოედანზე თუ შევვარდებოდი და თამაშს ჩავშლიდი, თორემ...
"საქართველო საოცარი ქვეყანაა, მათ რუსები არ მოსწონთ და ჩვენი მსგავსი მენტალიტეტი აქვთ" - ინტერვიუ "გაგრას" უკრაინელ ფორვარდთან
"იბერიამ" "ლეგანესიდან" მცველი დაიმატა
კიტეიშვილმა ვერ ითამაშა - "შტურმი" ჩემპიონთა ლიგაზე "ფენერბაჰჩესთან" დამარცხდა
18-წლამდელები სამხრეთ აფრიკაში ჩავიდნენ
ტყვიის სროლა. დიდი წარმატება ვროცლავში
"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა
კვლავ აფრიკაში - ერვე რენარი ნაცნობ ადგილას დასაქმდა
კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო
ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა
Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე
20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა
ქართველი მსაჯები ევროპა ლიგის მატჩს განსჯიან
[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს
"ლარნესთან" მატჩში "იბერია 1999"-ის შემადგენლობა ცნობილია
ნორვეგიის ნაკრების მეკარე "ლაიფციგში" დაბრუნდა
ოფიციალურად: საბა საზონოვი “ხეტაფეს” ფეხბურთელია
ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა
ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა
ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე
გადადის თუ არა ფერან ტორესი პსჟ-ში?
მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?
"ბარსელონამ" ტერ შტეგენი "აიაქსში" გაუშვა