<p>ქუთაისში გამართულ მატჩში მასპინძლებმა დაგეგმილი ქულები კი მოიპოვეს, მაგრამ მათ თამაშში უამრავი წუნი შეინიშნებოდა <br> 2 ნოემბერს გამართული მატჩის ფავორიტი <strong>დავით უსტიაშვილის</strong> გუნდი იყო. ქუთაისლებმა დაგეგმილი ქულები კი მოიპოვეს, მაგრამ მასპინძელთა თამაშში უამრავი წუნი შეინიშნებოდა და იოლი გამარჯვების მიუხედავად, ქუთაისელი გულშემატკივრები ბოლომდე კმაყოფილები ვერ დარჩნენ.</p><p>უჩვეულოდ სუსტად გამოიყურებოდნენ "ქუთაისის" ლიდერები <strong>გიორგი ბარბაქაძე</strong> და <strong>რევაზ დიდია</strong>, პერიმეტრიდან სროლები არც ერთს არ წაუვიდა. შედეგად <strong>ბარბაქაძემ</strong> მხოლოდ 3, <strong>დიდიამ</strong> კი 5 ქულა მოაგროვა, რაც ამ კალათბურთელებისთვის ძალზედ დაბალი მაჩვენებელია.</p><p>როგორც ჩანს მასპინძლები სტუ-სთან იოლ გასეირნებას ელოდნენ და შეხვედრას ბოლომდე მობილიზებული ვერ შეხვდნენ.</p><p>ქუთათურებმა მატჩი მძიმედ დაიწყეს, მართალია, <strong>მათიაშვილის</strong> ორი ზუსტი საჯარიმოთი დაწინაურდნენ, მაგრამ <strong>ქორიძისა</strong> და <strong>პირველაშვილის</strong> კარგი თამაშის შედეგად სტუმრებმა 5:0 გაქცევა მოაწყვეს და საწყის წუთებში წინაც გავიდნენ 8:7.</p><p>შეხვედრა ორმხრივ შეცდომებში მიმდინარეობდა, ხშირი იყო გარბენები, არაზუსტი პასები, ბურთის უწყინარ სიტუაციაში დაკარგვა და არაზუსტი სროლები.</p><p>პირველ პერიოდში მასპინძლების ლიდერობა <strong>ბუბა კვიმსაძემ</strong> ითავა, რომლის თამამმა შეტევებმა შედეგი გამოიღო და "ქუთაისმა" პირველი პერიოდი 18:16 მოიგო.</p><p>თამაშის ხარისხი მომდევნო მეოთხედშიც არ გაუმჯობესებულა, თუმცა <strong>დავით უსტიაშვილის</strong> შეგირდებმა გამოცდილების ხარჯზე თანდათან ანგარიში გაზარდეს, შედეგიანად უტევდა <strong>რიჩარდ მათიაშვილი</strong>, რომელმაც საბოლოოდ ქუთაისელთაგან ყველაზე მეტი 17 ქულა დააგროვა და ორმაგ დუბლამდე 1 მოხსნა დააკლდა...</p><p><strong>კვიმსაძის</strong> ზუსტი სამქულიანის შემდეგ ქუთათურები 10 ქულით დაწინაურდნენ (38:28) და პირველი ტაიმიც ასე მორჩა.</p><p>ქუთაისლებმა მესამე პერიოდში 15 ქულამდე გაზარდეს სხვაობა. კარგად ჩაერთო თამაშში <strong>დავით ბარბაქაძე</strong>, რომელმაც საბოლოოდ გუნდს 10 ქულა მოუტანა. აქტიურობდა <strong>თემურ ბაბუნაშვილიც</strong> (12).</p><p>დასკვნითი მეოთხედში <strong>ზაურ ფაშაევისა</strong> და <strong>დავით ბარბაქაძის</strong> კარგი თამაშის წყალობით მასპინძლები 19 ქულითაც დაწინაურდნენ (68:49), თუმცა, შემდეგ კვლავ შეცდომებს მოუხშირეს და სტუმრებმა სხვაობა მცირედით შეამცირეს.</p><p><span style="color: #ff0000;"><strong>სუპერლიგა 2012-13. III ტური</strong></span></p><p>02.05 ქუთაისი</p><p><em><strong>ქუთაისი-სტუ 76:63</strong></em></p><p>(18:16, 20:12, 23:16, 16:19)</p><p><em>ქუთაისი წთ მ პ შ ჩ დ ქ</em></p><p>ფაშაევი 31 5 4 1 0 10</p><p>ბაბუნაშვილი 21 1 2 3 3 0 12</p><p>დიდია 24 5 6 3 0 0 5</p><p>გრძელიძე 9 4 2 2 0 0 1</p><p>კვიმსაძე 20 5 3 2 1 1 11</p><p>მესხი 2 0 0 0 0 0 0</p><p>დ. ბარბაქაძე 19 2 2 3 1 1 10</p><p>ლომინაშვილი 11 9 1 3 0 1 2</p><p>გ. ბარბაქაძე 30 5 3 3 3 0 3</p><p>კოღუაშვილი 4 1 0 0 0 0 5</p><p>მათიაშვილი 23 9 2 5 2 2 17</p><p><em>სტუ წთ მ პ შ ჩ დ ქ</em></p><p>ჩაჩიბაია 9 0 2 1 0 0 0</p><p>თევზაძე 5 1 0 1 0 0 0</p><p>კორკოტაძე 27 4 2 1 1 0 10</p><p>მაჩალაძე 16 6 3 2 3 0 4</p><p>პირველაშვილი 26 4 4 4 0 0 11</p><p>დ. დვალიშვილი 24 4 2 1 2 0 4</p><p>შერმადინი 17 4 2 1 0 0 9</p><p>კუჭავა 14 3 2 1 2 0 6</p><p>ძიძიგური 19 5 2 5 4 0 5</p><p>ჯანაშია 18 4 0 2 0 0 11</p><p>ქორიძე 21 4 2 3 3 0 3</p><p><em>მსაჯები:</em> დავით ბერიკაშვილი, დავით ბერიშვილი, გურამ მიქელაძე</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა