<p>მილანის "ინტერმა" ტურინში "იუვენტუსს" წაუგებელი სერია დაასრულებინა და საკითხავი ახლა ისაა, ვინ გააჩერებს "ინტერს"?</p><p><br> რთული სათქმელია, რომელი უფრო მნიშვნელოვანი მოვლენაა: იტალიურ დერბიში "ინტერის" გამარჯვება, თუ "იუვენტუსის" წაუგებელი სერიის დასრულება.</p><p>თუმცა ეს ორივე ამბავი ერთ მატჩს უკავშირდება და ბუნებრივია, რომ მიმოხილვის უდიდესი ნაწილი სწორედ "იუვენტუსის" და "ინტერის" დაპირისპირებას დაეთმობა.</p><p><strong></p><p><span style="color: #ff0000;">დიდი იტალიური დერბი</span></p><p></strong>დიდი იტალიური დერბი შოკისმომგვრელად დაიწყო - მატჩის დაწყებიდან 18 წამი იყო გასული, როდესაც ტურინელებმა ანგარიში გახსნეს და გულშემატკივრები აღტაცებაში მოიყვანეს.</p><p>დიახ, ტურინელთა პირველივე იერიში გოლით დასრულდა, რომელიც <strong>არტურო ვიდალმა</strong> მიითვალა აქტივში. აღსანიშნავია, რომ პერუელს საგოლე პასი <strong>კვადვო ასამოამ</strong> გაუკეთა, რომელმაც ბურთი თამაშგარე მდგომარეობაში მიიღო.</p><p>მოკლედ, ტურინელებს არბიტრები კიდევ ერთხელ წაეხმარნენ და მატჩი რომ მასპინძელთა გამარჯვებით დასრულებულიყო, მორიგ სკანდალს ნამდვილად ვერ ავცდებოდით.</p><p><strong>ვიდალის</strong> გოლიდან ბევრი არ იყო გასული, როდესაც <strong>როდრიგო პალასიო</strong> შეიჭრა მეტოქის საჯარიმოში და თავური დარტყმით ბურთი <strong>ჯანლუიჯი ბუფონის</strong> კარის ბადეში გაახვია... თუმცა ლაინსმენმა თამაშგარე მდგომარეობა დააფიქსირა და თანაც, სრულიად სამართლიანად.</p><p>მთლიანობაში, შეხვედრის სტარტი ტურინელების გამოდგა - ამოსუნთქვის საშუალებას არ აძლევდნენ მილანელებს და მომენტიც გაცილებით მეტი შექმნეს.</p><p>ლომბარდიელებმა თამაში პირველი ნახევრის შუაწელს გამოასწორეს, ნელ-ნელა მოუმატეს და მეორე ტაიმში მეტოქის ნახევარზე საფუძვლიანად გადავიდნენ.</p><p>დროის სვლასთან ერთად, <strong>ანდრეა სტრამაჩონის</strong> გუნდის იერიშები სულ უფრო მწვავდებოდა, რამაც შედეგი 59-ე წუთზე გამოიღო - <strong>კლაუდიო მარკიზიომ</strong> თერთმეტმეტრიანი აიკიდა და <strong>დიეგო მილიტოს</strong> ანგარიშის გათანაბრების საშუალება მისცა.</p><p><strong>მილიტომ</strong> გაიტანა მეორე გოლიც, როდესაც <strong>ფრედი გუარინის</strong> უძლიერესი დარტყმის შემდეგ ბურთი <strong>ბუფონმა</strong> მოიგერია, დამატებაზე კი პირველი არგენტინელი გაჩნდა და დუბლი შეასრულა. <strong></p><p>მილიტომ</strong> მეორე გოლი 76-ე წუთზე გაიტანა და ბუნებრივია, რომ დარჩენილი დრო ტურინელთა შეტევებსა და მილანელთა კონტრშეტევებში წარიმართა. ერთ-ერთ ასეთ კონტრიერიშს მოჰყვა "ინტერის" მესამე გოლი, როდესაც <strong>იუტო ნაგატომო</strong> მასპინძლებმა ვერაფრით გააჩერეს, მისი გამოზომილი გადაცემის შემდეგ კი <strong>როდრიგო პალასიო ბუფონთან</strong> პირისპირ დარჩა და შეხვედრას საბოლოო წერტილი დაუსვა, 1:3.</p><p><strong><span style="color: #ff0000;">მწვრთნელთა დუელი</span></p><p></strong>დერბი საინტერესო გამოდგა სამწვრთნელო დაპირისპირების კუთხით. ყველა ერთხმად აღიარებს, რომ <strong>ანდრეა სტრამაჩონიმ</strong> აშკარად დაჯაბნა ვიზავი.</p><p>პირველ რიგში, მილანელებმა სწორად გადაანაწილეს ძალა მთელ 90 წუთზე და სწორედ მაშინ მოუმატეს, როდესაც ეს ყველაზე მეტად სჭირდებოდათ; მაშინ, როდესაც ტურინელებმა შეხვედრის პირველ 20 წუთში მოიკლეს თავი და შემდეგ არა იმდენად გაჩერდნენ, რამდენადაც წუნს უმატეს.</p><p><strong>სტრამაჩონიმ</strong> სწორი გადაწყვეტილება მიიღო, როდესაც გუნდი 3-4-1-2 ტაქტიკით განალაგა, შეგირდები შეტევაზე დაგეშა და არც მაშინ შეცვალა სტრატეგია, როდესაც "ინტერმა" ანგარიში გაათანაბრა. დროული იყო <strong>ფრედი გუარინის</strong> შეყვანა, რომელმაც გადაღლილი <strong>ანტონიო კასანო</strong> ჩაანაცვლა და სტუმრებს ახალი ენერგია შთაბერა. მილანელები სწორად იყენებდნენ პრესინგს.</p><p>რაც შეეხება <strong>ანჯელო ალესიოს</strong>, მან რამდენიმე გაუგებარი გადაწყვეტილება მიიღო და შედეგიც შესაბამისი მოიმკა. <strong>სტრამაჩონისგან</strong> განსხვავებით, არც შეცვლებმა გაუმართლა და ეს არაა გასაკვირი - <strong>ნიკლას ბენდტნერი</strong> იმდენად მოუქნელი ჩანდა "ინტერის" გააფთრებული მცველების გარემოცვაში, რომ ფეხბურთელის შთაბეჭდილებასაც არ ტოვებდა.</p><p><strong>ალესიომ</strong> მხოლოდ იმით გამოიჩინა თავი, რომ 38-ე წუთზე <strong>შტეფან ლიხტშტაინერი მარტინ კასერესით</strong> ჩაანაცვლა - მიზეზი <strong>შტეფანის </strong>აგრესიული თამაში, ყვითელი ბარათი და გაძევების რისკი გახლდათ.</p><p>მეორე ნახევარში <strong>ალესიომ კასერესიც</strong> შეცვალა და მის ნაცვლად, <strong>ფაბიო კვალიარელა</strong> ჩართო თამაშში. ფორვარდის გამოყვანა გასაგებია, მაგრამ <strong>კასერესის </strong>შეცვლას, სხვა ნებისმიერი მცველი გაეყვანა, ნამდვილად ჯობდა... <strong>მარტინი</strong> ტრადიციულად აქტიურია შეტევებში, ფლანგზე მწვავედ მოქმედებს და გოლების გატანაც ეხერხება.</p><p>ნამატჩევს <strong>ანდრეამ</strong> შეგირდები შეაქო და დასძინა, რომ ეს იყო ისტორიული გამარჯვება. <strong>ანჯელომ</strong> მეტოქე ადიდა და დაამატა, "ინტერი" გამარჯვებას იმსახურებდაო.</p><p><span style="color: #ff0000;"><strong>როგორც ძველ, კარგ დროს...</strong></span></p><p>გასული ტური წარმატებული გამოდგა მეორე მილანური გრანდისთვისაც - "როსონერიმ" ისე გადაურბინა მეტოქეს, როგორც ამას ძველ, კარგ დროს აკეთებდა.</p><p>"კიევოს", პრაქტიკულად, ყველამ გაუტანა, ვისაც არ ეზარებოდა და შედეგად, 5:1 "მილანის" სასარგებლოდ.</p><p>"ნაპოლიმ" ვერ ისარგებლა "იუვენტუსის" მარცხით და ლიდერს მხოლოდ ერთი ქულით მიუახლოვდა. არადა, ნეაპოლელები "ტორინოს" ბოლო წუთამდე უგებდნენ და გამათანაბრებელი გოლი ზედ მსაჯის საფინალო სასტვენის წინ გაუშვეს.</p><p>"ფიორენტინამ" "კალიარი" გაანადგურა, "ლაციო" კატანიაში განადგურდა, გენუური გუნდების საქმე კი ჭაკადაა.</p><p>დანარჩენზე ტურის შეჯამებაში...</p><p><span style="color: #ff0000;"></p><p><strong>იტალია. სერია A. XI ტური</strong></span></p><p><strong><em>მილანი-კიევო 5:1</em> </strong>(<a href="/mtavari/video.html?view=video&video=1568" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>მილანი (4-2-3-1): აბიატი - აბატე (86. დე შილიო), მექსე, საპატა, კონსტანტი - მონტოლივო (77. დე იონგი), ამბროზინი - ბოიანი, ემანუელსონი (68. ბოატენგი), ელ შაარავი - პაცინი.</p><p>კიევო (5-3-2): სორენტინო - ანდრეოლი, დაინელი, დრამე (61. სტოიანი), ფრეი, პაპი - ლუსიანო (55. მ. რიგონი), ჰეტემაი, გუანა - პელისიერი (65. დი მიკელე), თერეუ.</p><p>გოლები: 1:0 ემანუელსონი (16), 1:1 პელისიერი (18), 2:1 მონტოლივო (36), 3:1 ბოიანი (41), 4:1 პაცინი (90).</p><p>გაფრთხილება: დრამე, გუანა (კიევო).</p><p>კუთხური: 3-3; ჯარიმა: 12-9; თამაშგარე: 2-0; კარში დარტყმა: 18-7(8-3); ბურთის ფლობა: 63%-37%.</p><p>მაყურებელი: 45 000</p><p><strong><em>იუვენტუსი-ინტერი 1:3</em> </strong>(<a href="/mtavari/video.html?view=video&video=1567" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>იუვენტუსი (3-5-2): ბუფონი - ბონუჩი, ბარცალი, კიელინი - ლიხტშტაინერი (38. კასერესი - 79. კვალიარელა), ვიდალი, პირლო, მარკიზიო, ასამოა - ვუჩინიჩი (46. ბენდტნერი), ჯოვინკო.</p><p>ინტერი (3-4-1-2): ჰანდანოვიჩი - ჟულიო ჟესუსი, რანოკია, სამუელი - ძანეტი, კამბიასო, გარგანო, ნაგატომო - პალასიო - კასანო (69. გუარინი), მილიტო (80. მუდინგაი).</p><p>გოლები: 1:0 ვიდალი (1:0), 1:1 მილიტო (59-პენ.), 1:2 მილიტო (75), 1:3 პალასიო (90).</p><p>გაფრთხილება: ბონუჩი, კიელინი, ლიხტშტაინერი, პირლო - სამუელი, ძანეტი.</p><p>კუთხური: 3-3; ჯარიმა: 10-21; თამაშგარე: 5-3; კარში დარტყმა: 12-12(7-6); ბურთის ფლობა: 51%-49%.</p><p>მაყურებელი: 41 000</p><p><strong><em>პესკარა-პარმა 2:0</em></p><p></strong>პესკარა (4-3-1-2): პერინი - ძანონი, კოსიჩი, ბოკეტი, კაპუანო - კაშონე, ბლაზი (62. ნიელსენი), მოდესტო (75. ბალცანო) - კუინტერო - ჯონატასი (67. ვეისი), აბრუსკატო.</p><p>პარმა (4-3-3): მირანტე - ბენალოუანე (82. მარკიონი), პალეტა, ლუკარელი, გობი - მორონე (60. სანსონე), პაროლო, ვალდესი (53. მუსაჩი), როსი - ბიაბიანი, პაბონი.</p><p>გოლები: 1:0 აბრუსკატო (48), 2:0 ვეისი (90).</p><p>გაფრთხილება: აბრუსკატო, ჯონატასი - პაროლო, ვალდესი.</p><p>კუთხური: 7-7; ჯარიმა: 14-14; თამაშგარე: 4-4; კარში დარტყმა: 6-16(3-5); ბურთის ფლობა: 43%-57%.</p><p>მაყურებელი: 15 000</p><p><strong><em>ბოლონია-უდინეზე 1:1</em></p><p></strong>ბოლონია (4-3-1-2): ალიარდი - ანტონსონი, სორენსენი, კერუბინი, გარიჩი - პაციენცა (46. კრხინი), ტაიდერი, მორლეო (26. აბერო) - დიამანტი - გაბიადინი (72. კონე), ჯილარდინო.</p><p>უდინეზე (3-5-1-1): ბრკიჩი - ანჯელა, კოდა, დომიცი - ბასტა, ბადუ (50. პერეირა), ლაძარი (65. რანიჯი), ალანი, არმერო - მაიკოსუელი - დი ნატალე (78. ფარაონი).</p><p>გოლები: 1:0 დიამანტი (46), 1:1 დი ნატალე (73).</p><p>გაფრთხილება: ანტონსონი, სორენსენი, გაბიადინი - ანჯელა, დომიცი, ალანი.</p><p>კუთხური: 3-4; ჯარიმა: 24-15; თამაშგარე: 3-2; კარში დარტყმა: 4-7(2-2); ბურთის ფლობა: 43%-57%.</p><p>მაყურებელი: 22 000</p><p><strong><em>კატანია-ლაციო 4:0</em></p><p></strong>კატანია (3-5-2): ანდუხარი - ალვარესი, სპოლი, ლეგროტალიე - მარკეზე, ალმირონი (64. ბიაჯანტი), ისკო, ლოდი, ბარიენტოსი - ბერგესიო (26. დუკარა), გომესი (70. კასტრო).</p><p>ლაციო (4-4-2): ბიძარი - კონკო, ბიავა, დიასი, კავანდა (46. ბროკი) - კანდრევა, ლულიჩი, ლედესმა, მაური, ერნანესი (70. ფლოკარი) - როკი (70. კოზაკი).</p><p>გოლები: 1:0 გომესი (9), 2:0 ლოდი (25-პენ.), 3:0 გომესი (29), 4:0 ბარიენტოსი (74).</p><p>გაფრთხილება: ალვარესი (კატანია).</p><p>კუთხური: 7-6; ჯარიმა: 15-17; თამაშგარე: 1-2; კარში დარტყმა: 15-8(5-3); ბურთის ფლობა: 38%-62%.</p><p>მაყურებელი: 18 000</p><p><strong><em>ფიორენტინა-კალიარი 4:1</em></p><p></strong>ფიორენტინა (3-5-2): ვივიანო - რონკალია, გონსალო, ტომოვიჩი - კუადრადო (86. კასანი), პისარო, ბორხა ვალერო, რომულო, ლიამა (62. აკვილანი) - იოვეტიჩი (64. ელ ჰამდაუი), ტონი.</p><p>კალიარი (4-3-1-2): აგაცი - როსეტინი, ასტორი, მურუ, პიზანო - დესენა, ეკდალი, კაზარინი - კოსუ (72. ერიკსონი) - საუ (67. იბარბო), რიბეირო (52. პინილია).</p><p>გოლები: 1:0 გონსალო (14), 1:1 კაზარინი (42), 2:1 იოვეტიჩი (50), 3:1 ტონი (54), 4:1 კუადრადო (85).</p><p>გაფრთხილება: რონკალია, პისარო - კაზარინი.</p><p>კუთხური: 4-1; ჯარიმა: 25-20; თამაშგარე: 3-3; კარში დარტყმა: 11-6(4-3); ბურთის ფლობა: 55%-45%.</p><p>მაყურებელი: 26 000</p><p><strong><em>ნაპოლი-ტორინო 1:1</em></p><p></strong>ნაპოლი (3-4-1-2): დე სანკტისი - გამბერინი, კანავარო, კამპანიარო - მაჯო, ჯემაილი (77. ინლერი), ბერამი, დოსენა (86. არონიკა) - ჰამშიკი - პანდევი (62. ინსინიე), კავანი.</p><p>ტორინო (4-4-2): ჟილე - დარმიანი, გლიკი, დამბროზიო, როდრიგესი - გაცი (46. ბრიგი), ბაშა, სგრინია (70. სანსონე), ვივესი (73. სანტანა) - ჩერჩი, ბიანკი.</p><p>გოლები: 1:0 კავანი (6), 1:1 სანსონე (90).</p><p>გაფრთხილება: ბერამი, ჯემაილი, დოსენა - ბაშა, ჩერჩი, სანსონე, ბრიგი.</p><p>გაძევება: მაცარი (90. ნაპოლის მთავარი მწვრთნელი).</p><p>კუთხური: 5-11; ჯარიმა: 14-19; თამაშგარე: 1-4; კარში დარტყმა: 9-7(2-4); ბურთის ფლობა: 47%-53%.</p><p>მაყურებელი: 40 000</p><p><strong><em>სამპდორია-ატალანტა 1:2</em></p><p></strong>სამპდორია (4-3-3): რომერო - გასტალდელო, კასტელინი, როსინი, დე სილვესტრი - პოლი (71. ტისონე), სორიანო, მარესკა (65. ობიანგი) - ედერი, ესტიგარიბია (77. იკარდი), მაქსი ლოპესი.</p><p>ატალანტა (4-4-2): კონსილი - რაიმონდი, მანფრედინი, სტენდარდო, პელუზო - სკელოტო, კარმონა (83. ბიონდინი), ჩიგარინი, ბონავენტურა (73. დე ლუკა) - მორალესი (82. ბრივიო), დენისი.</p><p>გოლები: 0:1 ბონავენტურა (2), 1:1 მარესკა (53), 1:2 დე ლუკა (76).</p><p>გაფრთხილება: გასტალდელო, სორიანო, ესტიგარიბია - რაიმონდი, პელუზო, კარმონა.</p><p>კუთხური: 6-2; ჯარიმა: 17-16; თამაშგარე: 1-2; კარში დარტყმა: 9-13(5-3); ბურთის ფლობა: 50%-50%.</p><p>მაყურებელი: 20 000</p><p><strong><em>სიენა-ჯენოა 1:0</em></p><p></strong>სიენა (3-4-2-1): პეგოლო - დელაფიორე, პაჩი, კონტინი (83. რუბინი) - ანჯელო, ვერგასოლა (61. კოპოლა), ბოლცონი, დელ გროსო - ვალიანი, ზე ედუარდო (46. ბოგდანი) - კალაიო.</p><p>ჯენოა (4-5-1): ფრეი - მორეტი, ბოვო (61. პიშიტელა), გრანკვისტი, სამპირიზი - კუჩკა, ანტინელი, სეიმური, იანკოვიჩი - ხორკერა (9. ბერტოლაჩი - 56. საიდი) - იმობილე.</p><p>გოლი: 1:0 პაჩი (55).</p><p>გაფრთხილება: პეგოლო, დელაფიორე, ბოლცონი, კოპოლა - ბოვო, მორეტი.</p><p>კუთხური: 5-3; ჯარიმა: 15-15; თამაშგარე: 5-1; კარში დარტყმა: 5-10(2-3); ბურთის ფლობა: 41%-59%.</p><p>მაყურებელი: 11 000</p><p><strong><em>რომა-პალერმო 4:1</em></p><p></strong>რომა (4-3-3): გოიკოეჩეა - პირისი, მარკინიოსი, ბურდისო, ბალცარეტი - ტაჩტიდისი, ბრედლი, ფლორენცი (71. მარკინიო) - ლამელა (81. პიანიჩი), ოსვალდო, ტოტი (73. დესტრო).</p><p>პალერმო (3-5-2): უიკანი - მუნიოსი, გარსია, ფონ ბერგენი - მორგანელა, კურტიჩი (53. ილიჩიჩი), ბარეტო, რიოსი, პიზანო (33. ბერტოლო) - ბრიენცა (70. დუბალა), მიკოლი.</p><p>გოლები: 1:0 ტოტი (11), 2:0 ოსვალდო (31), 3:0 ლამელა (69), 4:0 დესტრო (79), 4:1 ილიჩიჩი (84).</p><p>გაფრთხილება: ბურდისო - მუნიოსი, პიზანო.</p><p>გაძევება: დესტრო (80. რომა).</p><p>კუთხური: 14-4; ჯარიმა: 12-11; თამაშგარე: 2-4; კარში დარტყმა: 18-13(11-7); ბურთის ფლობა: 45%-55%.</p><p>მაყურებელი: 38 000</p><p><span style="color: #ff0000;"><strong>სატურნირო ცხრილი</strong></span></p><p><table style="height: 368px; width: 380px;" border="0"> <tbody> <tr style="background-color: #1a6a29;" align="center"> <td><span style="color: #ffffff;"><em><strong>ა</strong></em></span></td> <td><span style="color: #ffffff;"><em><strong>გუნდი</strong></em></span></td> <td><span style="color: #ffffff;"><em><strong>თ</strong></em></span></td> <td><span style="color: #ffffff;"><em><strong>მ</strong></em></span></td> <td><span style="color: #ffffff;"><em><strong>ფ</strong></em></span></td> <td><span style="color: #ffffff;"><em><strong>წ</strong></em></span></td> <td><span style="color: #ffffff;"><em><strong>ბ</strong></em></span></td> <td><span style="color: #ffffff;"><em><strong>ქ</strong></em></span></td> </tr> <tr align="center"> <td>1</td> <td><strong>იუვენტუსი</strong></p><p></td> <td>11</p><p></td> <td>9</p><p></td> <td>1</p><p></td> <td>1</p><p></td> <td>23-8</td> <td><strong>28</strong></td> </tr> <tr style="background-color: #cacacb;" align="center"> <td>2</td> <td><strong>ინტერი</strong></p><p></td> <td>11</p><p></td> <td>9</p><p></td> <td>0</p><p></td> <td>2</p><p></td> <td>22-10</p><p></td> <td><strong>27</strong></td> </tr> <tr align="center"> <td>3</td> <td><strong>ნაპოლი</strong></p><p></td> <td>11</p><p></td> <td>7</p><p></td> <td>2</p><p></td> <td>2</p><p></td> <td>16-7</p><p></td> <td><strong>23</strong></td> </tr> <tr style="background-color: #cacacb;" align="center"> <td>4</td> <td><strong>ფიორენტინა</strong></p><p></td> <td>11</p><p></td> <td>6</p><p></td> <td>3</p><p></td> <td>2</p><p></td> <td>16-8</p><p></td> <td><strong>21</strong></td> </tr> <tr align="center"> <td>5</td> <td><strong>ლაციო</strong></p><p></td> <td>11</p><p></td> <td>6</p><p></td> <td>1</p><p></td> <td>4</p><p></td> <td>16-15</p><p></td> <td><strong>19</strong></td> </tr> <tr style="background-color: #cacacb;" align="center"> <td>6</td> <td><strong>რომა</strong></p><p></td> <td>11</p><p></td> <td>5</p><p></td> <td>2</p><p></td> <td>4</p><p></td> <td>26-20</p><p></td> <td><strong>17</strong></td> </tr> <tr align="center"> <td>7</td> <td><strong>კატანია</strong></p><p></td> <td>11</p><p></td> <td>4</p><p></td> <td>3</p><p></td> <td>4</p><p></td> <td>15-16</p><p></td> <td><strong>15</strong></td> </tr> <tr style="background-color: #cacacb;" align="center"> <td>8</td> <td><strong>ატალანტა</strong></p><p></td> <td>11</td> <td>5</p><p></td> <td>2</p><p></td> <td>4</p><p></td> <td>10-13</p><p></td> <td><strong>15</strong></td> </tr> <tr align="center"> <td>9</td> <td><strong>პარმა</strong></p><p></td> <td>11</p><p></td> <td>4</p><p></td> <td>3</p><p></td> <td>4</p><p></td> <td>14-16</p><p></td> <td><strong>15</strong></td> </tr> <tr style="background-color: #cacacb;" align="center"> <td>10</td> <td><strong>მილანი</strong></p><p></td> <td>11</p><p></td> <td>4</p><p></td> <td>2</p><p></td> <td>5</p><p></td> <td>17-13</p><p></td> <td><strong>14</strong></td> </tr> <tr align="center"> <td>11</td> <td><strong>უდინეზე</strong></p><p></td> <td>11</p><p></td> <td>3</p><p></td> <td>5</p><p></td> <td>3</p><p></td> <td>14-16</p><p></td> <td><strong>14</strong></td> </tr> <tr style="background-color: #cacacb;" align="center"> <td>12</td> <td><strong>კალიარი</strong></p><p></td> <td>11</p><p></td> <td>4</p><p></td> <td>2</p><p></td> <td>5</p><p></td> <td>11-17</p><p></td> <td><strong>14</strong></td> </tr> <tr align="center"> <td>13</td> <td><strong>ტორინო</strong></p><p></td> <td>11</p><p></td> <td>2</p><p></td> <td>6</p><p></td> <td>3</p><p></td> <td>12-10</td> <td><strong>11</strong></td> </tr> <tr style="background-color: #cacacb;" align="center"> <td>14</td> <td><strong>პესკარა</strong></p><p></td> <td>11</td> <td>3</td> <td>2</td> <td>6</td> <td>8-17</td> <td><strong>11</strong></td> </tr> <tr align="center"> <td>15</td> <td><strong>სამპდორია</strong></p><p></td> <td>11</td> <td>3</p><p></td> <td>2</td> <td>6</td> <td>13-16</td> <td><strong>10</strong></td> </tr> <tr style="background-color: #cacacb;" align="center"> <td>16</td> <td><strong>კიევო</strong></p><p></td> <td>11</td> <td>3</td> <td>1</td> <td>7</td> <td>10-21</td> <td><strong>10</strong></td> </tr> <tr align="center"> <td>17</td> <td><strong>ჯენოა</strong></td> <td>11</td> <td>2</td> <td>3</td> <td>6</td> <td>10-15</td> <td><strong>9</strong></td> </tr> <tr style="background-color: #cacacb;" align="center"> <td>18</td> <td><strong>ბოლონია</strong></td> <td>11</td> <td>2</td> <td>2</td> <td>7</td> <td>12-17</td> <td><strong>8</strong></td> </tr> <tr align="center"> <td>19</td> <td><strong>პალერმო</strong></td> <td>11</td> <td>1</td> <td>5</td> <td>5</td> <td>9-17</td> <td><strong>8</strong></td> </tr> <tr style="background-color: #cacacb;" align="center"> <td>20</td> <td><strong>სიენა</strong></td> <td>11</td> <td>3</td> <td>3</td> <td>5</td> <td>12-14</td> <td><strong>6</strong></td> </tr> </tbody> </table> <em>შენიშვნა: სიენა -6 ქულა, ატალანტა -2, სამპდორია -1, ტორინო -1.</em></p><p><strong>ბომბარდირები</strong></p><p>8 - ელ შაარავი (მილანი); 7 - კავანი (ნაპოლი), დი ნატალე (უდინეზე), მილიტო (ინტერი), ლამელა (რომა).</p><p><strong><span style="color: #ff0000;">მომდევნო ტური:</span></p><p></strong><span style="text-decoration: underline;">10 ნოემბერი</span></p><p>კალიარი-კატანია, პესკარა-იუვენტუსი.</p><p><span style="text-decoration: underline;">11 ნოემბერი</span></p><p>პალერმო-სამპდორია, კიევო-უდინეზე, ჯენოა-ნაპოლი, ლაციო-რომა, მილანი-ფიორენტინა, პარმა-სიენა, ტორინო-ბოლონია, ატალანტა-ინტერი.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
teteee
მიჩნდება შთაბეჩდილება რო სტატიის ავტორი აშკარად იუვეს გულშემატკივრობს
arqiteqtor
ბრავო ინტერ,ბრავო სტრამა,ბრავო მილიტო
giorgi
საღოლ სტრამა, იმედია წელს ჩემპიონი ინტერი გახდება და არა ბებერი ძ@@@@
გატუზო თავის სტიქიაშია - ზოგს წაუთაქა, ზოგს სილა გააწნა
"მილანი" ადლის საუდის არაბეთში გაასხვისებს
40 წლის რაულ ალბიოლი სერია A-ში დაბრუნდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო