<p>საქართველოს ძიუდოისტ ვაჟთა ნაკრების ყოფილმა მთავარმა მწვრთნელმა ახალ ქვეყანაში მისვლისთანავე გამოაჩინა ბრჭყალები <br> საქართველოს ძიუდოისტ ვაჟთა ნაკრების ყოფილმა მთავარმა მწვრთნელმა, ავსტრიელმა მსოფლიოსა და ოლიმპიადის ორგზის ჩემპიონმა პეტერ ზაიზენბახერმა ახალ ქვეყანაში მისვლისთანავე გამოაჩინა ბრჭყალები.</p><p>მოგეხსენებათ, ის აზერბაიჯანის ნაკრების მთავარ მწვრთნელად დაინიშნა, მოვალეობის ოფიციალურად შესრულებას 30 ოქტომბრიდან შეუდგა და მაშინვე გუნდიდან ერთ-ერთი ტიტულოვანი სპორტსმენი, ევროპის ორგზის და მსოფლიოს ერთგზის ბრინჯაოსმედალოსანი ელხან მამადოვი (90) მოკვეთა. ავსტრიელმა მიზეზად გუნდის გაახალგაზრდავება დაასახელა.</p><p>მართალია, მამადოვი 30 წლისაა და 2016 წელს გასამართ რიო დე ჟანეიროს ოლიმპიადამდე ასაკი მართლაც დაასრულებინებს კარიერას, მაგრამ 30 წელიწადი რომ საგანგაშო არაა, ეს ლონდონის ოლიმპიადის ფინალში ლაშა შავდათუაშვილის (66) უნგრელმა მეტოქე მიკლოშ უნგვარიმაც დაადასტურა - ის 32 წლისა გავიდა მისთვის ყველაზე მნიშვნელოვანი შეჯიბრების ფინალში.</p><p>თანაც, მამადოვი რაღაც სიბერის ჟამს განიცდის აღმავლობას - ევროპული მედლები 2009 (გახსოვთ - ეს ტურნირი თბილისში ჩატარდა) და 2010 წლებში მოიპოვა, მსოფლიოს ბრინჯაოს კი იმავე 2010 წელს დაეუფლა.</p><p>ამას ისიც ემატება, რომ მამადოვმა 30 ოქტომბერს აზერბაიჯანის პირველობაც უპრობლემოდ მოიგო. თანაც, ახლა 100 კილოგრამში გამოვიდა. მართალია, ამჯერად არ ჭიდაობდა ამ წონის ლიდერი, ევროპის პრიზიორი ელმარ გასიმოვი, თუმცა მამადოვს ახალ წონაში უმისოდაც რომ გაემარჯვა, მაინც არაა ეს იოლი საქმე.</p><p>ზაიზენბახერის ეს გადაწყვეტილება უცნაური იმითაც ჩანს, რომ აზერბაიჯანელებს 90-ში მამადოვის შესაცვლელად სხვა რეალური კანდიდატი არც ჰყავთ.</p><p>მართალია, ოლიმპიადამდე მთელი ოთხი წელიწადია და იქნებ ამბიციური ავსტრიელი იმედოვნებს, რომ მანამ ვინმეს გამოზრდის, თუმცა სადღეისოდ ბაქოელებს ასეთი არავინ უჩანთ.</p><p>მართალია, 2010 წელს მაროკოულ აგადირში გამართულ მსოფლიოს ახალგაზრდულ პირველობაზე შაჰინ გარამანოვმა ბრინჯაო მოიპოვა, მაგრამ გაგიგონიათ ეს ბიჭი ვინმეს? იმის შემდეგ მას არაფერი მოუგია.</p><p>საერთოდ, ბაქოში შარშან გამართული მსოფლიოს თასის შემდეგ მას, ვგონებთ, არც უჭიდავია, თუმცა რეალური კანდიდატიც რომ ჰყავდეთ მამადოვის შესაცვლელად, ასეთი მკვეთრი მოძრაობა, რაც ხელის კვრას ჰგავს, მაინც გაუმართლებლად მიგვაჩნია.</p><p>გარდა იმისა, რომ ეს უპატივცემულობაა ლიდერისა და დამსახურებული კაცისადმი, იმ ახალს კონკურენტი სჭირდება. ამ საქმეში კი მამადოვის ასაკის ხალხს დიდი დახმარების გაწევა შეუძლია.</p><p>აქვე ძალაუნებურად ჩნდება კითხვა - ზაიზენბახერი საქართველოშიც ავლენდა, ცოტა არ იყოს და აგდებულ დამოკიდებულებას ტიტულოვანი სპორტსმენებისადმი; მის ქცევაში თითქოს იგრძნობოდა "მე შენზე მეტი ვარ" დამოკიდებულება და ხომ არაა ეს ყველაფერი იმავეს გამოვლინება? ცნობისათვის - აზერბაიჯანელმა ჟურნალისტებმა უკვე დაიწყეს პარალელების გავლება საქართველოში მის სამუშაო მეთოდებთან.</p><p>ზაიზენბახერის ამ გადაწყვეტილებას წინ უსწრებდა მამადოვის ინტერვიუ იქაურ პრესაში, სადაც იმედოვნებდა, რომ ახალი მწვრთნელი მის სამსახურს ისევ მოისურვებდა და თვითონ საამისოდ მზადყოფნას გამოთქვამდა, თუმცა ამ დღეებში ავსტრიელს გუნდი ვენაში მიჰყავს კომპლექსურ სამედიცინო შემოწმებაზე, გაფართოებულ სიაში კი მამადოვის გვარი არაა.</p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
ლოჩოშვილის "ნიურნბერგმა" დიუსელდორფში გაიმარჯვა
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს