<p>კომპანიის პრეზიდენტი რიჩარდ სალერი და საქართველოს წარმომადგენლობის ხელმძღვანელები ლევან ყიფიანს შეხვდნენ და სხვადასხვა საკითხზე ესაუბრნენ <br> <span style="font-size: x-small;"><em>სურათზე: ტარიელ ხეჩიკაშვილი, ლევან ყიფიანი, გოჩა თამაზაშვილი, რიჩარდ სალერი</em></span></p><p>არც ისე დიდი ხნის წინათ საქართველოში მსოფლიოში ცნობილი სპორტული ეკიპირების მწარმოებელი კომპანიის, "სალერის" პრეზიდენტი რიჩარდ სალერი გვესტუმრა.</p><p>ცნობისთვის: "სალერი" ამზადებს ბურთებს, ფორმებს, სპორტულ ფეხსაცმელს და სხვადასხვა ატრიბუტიკას; რამდენიმე საფეხბურთო გუნდისა და ნაკრების გენერალური სპონსორია და მათი ეკიპირებით უზრუნველყოფაზეც ზრუნავს. აქვს წარმომადგენლობები ამერიკაში, რუსეთსა და უკრაინაში, გერმანიაში ფლობს საფეხბურთო მაღაზიების ერთ-ერთ უდიდეს ქსელს.</p><p>მესამე წელიწადია, რაც სალერის კომპანია თბილისის ფეხბურთის ფედერაციის ტექნიკური სპონსორია, ორგანიზაციის გენერალურ მდივანთან, გოჩა თამაზაშვილთან კი მეგობრობს.</p><p>სწორედ გერმანული ბრენდის სახელს უკავშირდება ნოდარ ახალკაცის სახელობის ბავშვთა საფეხბურთო ფესტივალი, რომლის გენერალური სპონსორიც სამი წლის განმავლობაში იყო. 2009-2010 წლებში. მის მიერ დაფინანსებული ფინალური ეტაპის მსგავსი მასშტაბური ღონისძიებები არც გვახსენდება - ტურნირში დაახლოებით 700-მდე მოზარდი და 52 გუნდი მონაწილეობდა.</p><p>მაშინ რიჩარდ სალერი ქართველი ბავშვებით მოიხიბლა და გადაწყვიტა, რომ მათი ზრდისთვის მცირედით მაინც შეეწყო ხელი.</p><p>წლეულს "სალერმა" საქართველოში თავისი წარმომადგენლობა გახსნა, სპორტული კომპლექსისა და სპორტული სამოსის ცენტრის აშენებაში 5 მილიონის ინვესტიცია განახორციელა. აგვისტოში კი საქართველოში კომპანიის ოფიციალურმა წარმომადგენელმა, "იბერია ბიზნეს ჯგუფის" პრეზიდენტმა ტარიელ ხეჩიკაშვილმა ფეხბურთის ფედერაციასთან გააფორმა ხელშეკრულება.</p><p>კონტრაქტის მიხედვით, ცნობილი გერმანული ბრენდი პირველი ლიგის გენერალური სპონსორი გახდა და ლიგის ყველა, 24-ივე გუნდს სრულ ეკიპირებას გადასცემს - სავარჯიშო და სათამაშო ფორმებს, კეპით დაწყებული, სპორტული ფეხსაცმლით დამთავრებული. ამავე დროს, კომპანიამ ვალდებულება აიღო, საფირმო მაღაზიაში ყველა პირველლიგელი გუნდის ფორმა გაყიდოს, გულშემატკივარმა საყვარელი კლუბის მაისურის შეძენა რომ შეძლოს.</p><p>"სალერის" მეპატრონე თავიდან თანამშრომლობას საფეხბურთო სკოლა "საბურთალოსთან" გეგმავდა, მაგრამ მასშტაბის გაზრდა და პირველი ლიგის გუნდების დახმარება მერე გადაწყდა.</p><p>ყოველგვარი შეთანხმების გარეშე გერმანული კომპანიის წარმომადგენლობამ საჩუქარი "შავფორმიანებსაც" გაუკეთა და 100 სამსაჯო კომპლექტი გადასცა. გარდა ამისა, 5-5 ათასი ლარით დააჯილდოვებს პირველი ლიგის ორივე ზონის პირველ-მეორეადგილოსნებს, დამატებით კი სპორტული ეკიპირების თითო-თითო კომპლექტს გადასცემს.</p><p>მაშინ ტარიელ ხეჩიკაშვილმა განაცხადა, რომ სხვა სახეობების თანადგომაზეც ფიქრობდნენ. ვიზიტი ნოემბერში შედგა - რიჩარდ სალერი და საქართველოს წარმომადგენლობის ხელმძღვანელები სპორტისა და ახალგაზრდობის საქმეთა მინისტრს, ლევან ყიფიანს შეხვდნენ და სხვადასხვა საკითხზე ესაუბრნენ.</p><p>სამინისტროს პრესსამსახურის ცნობით, შეხვედრა გაცნობითი და მეგობრული ხასიათის იყო და სამომავლო თანამშრომლობაზე შეთანხმდნენ.</p><p>ტარიელ ხეჩიკაშვილი ამბობს, რომ ლაპარაკი შეეხებოდა სერიოზულ პროექტებს:</p><p>"მინისტრთან შეხვედრის დროს მნიშვნელოვან თემებზე ვილაპარაკეთ. სალერი ყიფიანის კვალიფიციური მიდგომით კმაყოფილი დარჩა. ერთი მიმართულება იქნება "საბურთალო", მეორე კი ზოგადად, ქართული ფეხბურთი და სპორტი.</p><p>ალბათ, საკმაოდ სოლიდური ინვესტიცია შემოვა და რამდენიმე მნიშვნელოვანი პროექტი განხორციელდება, რაც ჩვენი მწვრთნელების კვალიფიკაციას და ქართული სპორტის საერთო დონის ზრდას წაადგება.</p><p>ამას გარდა, ვილაპარაკეთ აღდგენითი, სამედიცინო ცენტრების გახსნაზე, საგანმანათლებლო ინსტიტუტების განვითარებასა და ინფრასტრუქტურული პროექტების განვითარებაზე.</p><p>თანამშრომლობის სურვილი არის და მალე შეიტყობთ, გერმანული კომპანია სამინისტროსთან ერთად რაზე შეთანხმდნენ".</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"