ბაადურ ჯობავა ელ-ფუჯაირის ფესტივალის რეიტინგფავორიტია

პირველ ტურში ჯობავამ აშვინ იაუარამი (ინდოეთი) დაამარცხა, მეორეში კი აზერბაიჯანელ გადირ ჰუსეინოვს დაუზავდა ორმოცდათვრამეტი მონაწილიდან 31 დიდოსტატი, მათ შორის, ოთხი 2700-იანთა კლუბის წევრი - აი, ასეთმა შემადგენლობამ მოიყარა თავი ელ-ფუჯაირის (არაბთა გაერთიანებული საემიროები) საერთაშორისო საჭადრაკო ფესტივალის მთავარ ტურნირში (საპრიზო ფონდი 50 500 ამერიკული დოლარი), რომელიც ორი დღის წინათ დაიწყო.გამარჯვებულის გამოსავლენად შვეიცარიული სისტემით 9 ტური გათამაშდება. პირველ მეხუთე ადგილებზე გასულნი, შესაბამისად, 15 000, 10 000, 6 000, 4 000 და 3 000 დოლარით დაჯილდოვდებიან. სულ კი ფულად პრიზს 15 საუკეთესო მიიღებს.შეჯიბრების რეიტინგფავორიტია ქართველი დიდოსტატი ბაადურ ჯობავა (2710). მას მეტოქეობას გაუწევენ საერთაშორისო სარბიელზე გამოცდილი მოჭადრაკეები - ლე ქუანგ ლიემი (ვიეტნამი, 2705), ეტიენ ბაკრო (საფრანგეთი), 2702), ალექსანდრ მოისეენკო (უკრაინა, 2702), ლი ჩაო (ჩინეთი, 2693), ნი ჰუა (ჩინეთი, 2681), მიხეილ მჭედლიშვილი (2639) და სხვები.პირველ ტურში ჯობავამ აშვინ იაუარამი (ინდოეთი) დაამარცხა, მეორეში კი აზერბაიჯანელ გადირ ჰუსეინოვს დაუზავდა. მჭედლიშვილი პირიქით - პირველში სარავანანს (ინდოეთი) ყაიმზე შეუთანხმდა, მეორე ტურში კი ვიტა ჩალივსკას (უკრაინა) აჯობა.15 ნოემბერს მე-3 ტურის პაექრობები გაიმართა: ჯობავა-იუ რუიანი (ჩინეთი) 1:0, შეხარ სურია განგული (ინდოეთი)-იაროსლავ ჟერებუხი (უკრაინა) 1:0, ალექსანდრ მოისეენკო (უკრაინა)-კონსტანტინ ლუპულესკუ (რუმინეთი) 1:0, სერგეი ფედორჩუკი (უკრაინა)-ჩანდა სანდიპანი (ინდოეთი) 1:0, ელთაჯ საფარლი (აზერბაიჯანი)-იან ელვესტი (აშშ) 1:0. დაზავდნენ: მა ძუნი (ჩინეთი)-მიხეილ მჭედლიშვილი, ანდრეი სუმეცი (უკრაინა)-ვლადისლავ ტკაჩიევი (საფრანგეთი), გადირ ჰუსეინოვი (აზერბაიჯანი)-ეტიენ ბაკრო (საფრანგეთი).სამი ტურის შემდეგ უდანაკარგოდ განგული დაწინაურდა. 6 მოჭადრაკეს, მათ შორის ჯობავას, 2,5-2,5 ქულა აქვს.* * *სლოვენიურ მარიბორში დასასრულს უახლოვდება 8-18 წლის მოჭადრაკეთა მსოფლიოს პირველობა, რომელშიც საქართველოს 18 წარმომადგენელი მონაწილეობს.15 ნოემბერს მე-8 ტურის შეხვედრები გაიმართა. გაგაცნობთ ჩვენი გოგო-ბიჭების შედეგებს:8-წლიანები. ასია სებრონი (სლოვენია) - დიანა ლომაია 0:1, მიკიტა ციაპლოუ (ბელორუსი) - ნიკოლოზ კაჭარავა 0:1.10-წლიანები: ლუკა ობოლაძე - ბორნა დერაკშანი (ირანი) 1:0, დავით კამკია - კობი კალავანანი (ინგლისი) 0,5:0,5, რომან ვილადგამუკა (ავსტრალია) - ნიკოლოზ პეტრიაშვილი 0:1.12-წლიანები: ლილე ქორიძე - ანა ვრატიაკოვა (სლოვაკეთი) 0,5:0,5, ირაკლი ახვლედიანი - ალეხანდრო გარსია პერესი (ესპანეთი) 0,5:0,5.14-წლიანები. ალიონა სემიონოვა (რუსეთი) - ნინო ხომერიკი 0,5:0,5, ანა-ლენა შნეგი (ავსტრია) - ნინო დახუნდარიძე 0,5:0,5, მაია მუმლაძე - ჯოჰარი გამილა (მალაიზია) 0,5:0,5, ალექსანდრ დონჩენკო (გერმანია) - გიორგი სიბაშვილი 0:1, ნოე თუთისანი - აჰმად აშგარიზადეხი 0:1.16-წლიანები: ნატო იმნაძე - დენიზა დრაგიევა (ბულგარეთი) 1:0, ანა შამათავა - ბარბარა შკუჰალა (სლოვენია) 1:0. ირაკლი ბერაძე - სამდან სამდანოვი (რუსეთი) 0,5:0,5, ეგე კოკსალი (თურქეთი) - გიგლა ბენიძე 1:0, ნიკოლოზ ქუმსიაშვილი - იოარ ოლუნდი (შვედეთი) 0:1.18-წლიანები: მარია სევერინა (რუსეთი) - მერი არაბიძე 0,5:0,5.ლიდერი დაჯაბნაბერძნულ კამენა-ვორლაში, ვეტერან მოჭადრაკეთა მსოფლიოს ჩემპიონატზე, 15 ნოემბერს მე-3 ტურის პარტიები გათამაშდა. ხუთგზის მსოფლიოს ჩემპიონმა ნონა გაფრინდაშვილმა ერთპიროვნულ ლიდერ ნატალია ტიტორენკოს (რუსეთი) აჯობა და 2,5 ქულით ამჟამინდელი მსოფლიოს ჩემპიონის - გალინა სტრუტინსკაიას (რუსეთი) მძლეველ მარტინა ბელცთან (გერმანია) ერთად დაწინაურდა.თამარ ხმიადაშვილი და ნინო მელაშვილი, შესაბამისად, ელენა ფატალიბეკოვას და სვეტლანა მედნიკოვას (ორივე-რუსეთი) დაუზავდნენ და 2-2 ქულა მოაგროვეს.16 ნოემბერს, მე-4 ტურში, გაფრინდაშვილი ბელცს დაუპირისპირდება, ხმიადაშვილი ელენა აკუდინოვას (ყაზახეთი), მელაშვილი კი ნატალია ბელიაევას (რუსეთი) შეხვდება.ყოველდღიური სპორტული გაზეთი "ლელო"

მბაპე ტრავმირებულია - "რეალს" მორიგი პრობლემა აქვს

დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა

ჟოზეს დიდი დაბრუნება? - მოურინიომ შესაძლოა, "რეალი" კიდევ ერთხელ ჩაიბაროს

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა