- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ჩელსი" - ახალი ფორვარდის აუცილებლობა
<p>"ივნინგ სტანდარდის" ჟურნალისტმა "ჩელსის" საკადრო პრობლემებთან დაკავშირებით საინტერესო ანალიზი შემოგვთავაზა</p><p><br> ბრიტანული გამოცემა "ივნინგ სტანდარდის" ჟურნალისტმა საიმონ ჯონსონმა რამდენიმე დღის წინ "ჩელსის" საკადრო პრობლემებთან დაკავშირებით საინტერესო ანალიზი შემოგვთავაზა.</p><p>საფეხბურთო ექსპერტების დიდი ნაწილი თანხმდება, რომ ჩემპიონთა ლიგის გამარჯვებულებს თავდამსხმელების სერიოზული დეფიციტი აქვთ, რასაც შეუძლია სერიოზული საფრთხე შეუქმნას გუნდის ამბიციებს.</p><p>მასალას მცირედი შემოკლებით გთავაზობთ.</p><p>იანვრის სატრანსფერო ბაზარზე ფულის ხარჯვა ხშირად აღიქმება, როგორც კლუბების იმედგაცრუების ჟესტი, რომელთაც გასავარდნად აქვთ საქმე.</p><p>"ჩელსისთვის" კი ის შეიძლება საჩემპიონო რბოლაში გადამწყვეტი ფაქტორი აღმოჩნდეს. ამ დღეებში ლონდონელებმა ამაყად განაცხადეს, რომ პირველად რომან აბრამოვიჩის ეპოქაში კლუბი მოგებაზე გავიდა.</p><p>თუმცა აშკარაა, რომ მინდორზე სერიოზული დეფიციტია და ალბათ ისევ დასჭირდებათ რუსის რესურსები.</p><p>არსებობს ეჭვი დაცვის ხაზთან დაკავშირებით. და მარტო იმიტომ არა, რომ კაპიტანი ჯონ ტერი "ლივერპულთან" მატჩში საკაცით გაიყვანეს მინდვრიდან. უკანა ხაზის "მისწრაფება" შეცდომებისადმი აშკარა ხდება მას მერე, რაც სერია მშრალი მატჩების გარეშე უკვე 9 მატჩს უტოლდება.</p><p>კლუბში იმედოვნებენ, რომ ტერის შემცვლელის ყიდვა არ მოუწევთ, მაგრამ 31 წლის მცველის არყოფნა მაინც სერიოზული დანაკარგია. თუმცა რეალური მიზეზი, თუ რატომ აღმოჩნდა "ჩელსი" მანჩესტერული გრანდების უკან, ის არის, რომ გუნდს მაღალი კლასის თავდამსხმელი აკლია.</p><p>ბევრი იწერება "სტემფორდ ბრიჯზე" ფერნანდო ტორესის ბედზე. ბოლო ორმა შეხვედრამ კიდევ ერთხელ დაგვარწმუნა, რომ "ლურჯები" კონკურენტებთან შედარებით არათანაბარ მდგომარეობაში არიან. რობინ ვან პერსიმ "ჩელსისთან" განსაკუთრებული როლი ითამაშა, არანაკლები, ვიდრე მარკ კლატენბერგმა.</p><p>იმ დროს კი ტორესი წვალობდა. ჰოლანდიელი, ვისი შეძენაც ზუსტად ორჯერ ნაკლები დაჯდა, მუდმივად ემუქრებოდა მეტოქის კარს.</p><p>ზუსტად ისე, როგორც მთელი სეზონის განმავლობაში. მაშინ, როცა რობინს ვერ გააქვს, ფერგიუსონს ამ შემთხვევისთვის რუნი, ერნანდესი და უელბეკი ჰყავს. შედარებისთვის ვთქვათ, რომ დი მატეოსთვის ერთადერთი ალტერნატივა დენიელ სტარიჯია.</p><p>მოქმედმა ჩემპიონმა "სიტიმ" კი "ჩელსი"-"ლივერპულის" მატჩამდე მოახდინა იმის დემონსტრირება, თუ რამდენი ტალანტი ჰყავს თავდასხმაში.</p><p>აგუერომ და ჯეკომ "ტოტენჰემთან" გვიანი გოლებით გაამარჯვებინეს თავის გუნდს. მოედანზე იყო ტევესიც, მარიო ბალოტელი კი ტრიბუნებზე იჯდა. ამ ფონზე ტორესის თამაში ყოფილ კლუბთან კიდევ უფრო გულისამაჩუყებელი იყო.</p><p>დროდადრო ის სახიფათოდ მოქმედებდა, მაგრამ მომენტის დაგვირგვინებამდე საქმე არ მისულა.</p><p>განსხვავებით ლუის სუარესისგან. ფაქტი, რომ სუარესი ტორესისთვის მიღებული ფულით არის ნაყიდი, კიდევ უფრო მრავლისმეტყველია.</p><p>დიდი დრო გავიდა მას მერე, რაც მეტოქეები ტორესზე აღმატებულ ტონში ლაპარაკობდნენ. თუმცა ამ სეზონში გატანილი 7 გოლი მაინც გვაძლევს უფლებას ვთქვათ, რომ ის უკეთეს ფორმაშია, ვიდრე შარშან.</p><p>მიზეზი, რატომაც გადაიხადა აბრამოვიჩმა ბრიტანეთისთვის სარეკორდო ფული ესპანელში, ის არის, რომ მას სწორედ ასეთი თამაშების ბედი უნდა გადაეწყვიტა "ჩელსის" სასარგებლოდ.</p><p>"ჩელსიმ" უნდა იყიდოს თავდამსხმელი, ვინც შეძლებს შედეგიანად დაასრულოს აზარის, ოსკარისა და მატას ლამაზი კომბინაციები.</p><p>ლონდონელთა ინტერესი "ატლეტიკოს" თავდამსხმელის, რადამელ ფალკაოს მიმართ ყველასთვის ცნობილია.</p><p>ის 46 მილიონ ფუნტად არის შეფასებული და კლუბი უფრო იაფ ვარიანტებსაც ეძებს. "ჩელსის" ყოფილმა მწვრთნელმა გლენ ჰოდლმა "სქაი სპორტსის" ეთერში განაცხადა, რომ მას ეჭვი არ ეპარება, ფალკაოს სერიოზული დივიდენდების მოტანა შეუძლია.</p><p>"კლუბის მესაკუთრეს ლამაზად მოთამაშე გუნდის ხილვა სურდა და მან ეს მიიღო. სწორედ ამიტომ შესაძლოა, მას უფრო მეტი ფულის დახარჯვა მოუნდეს, ვიდრე ოდესმე. თუკი ის ფალკაოს იყიდის, ეს იქნება გემრიელი ალუბალი "ჩელსის" ტორტზე. სწორედ ასე შეძლებენ ისინი პრემიერლიგის მოგებას," - თქვა ჰოდლმა.</p><p>მანჩესტერული კლუბები ამ მოსაზრებას ალბათ არ დაეთანხმებიან, მაგრამ ფალკაოს გავლენა იმდენად დიდია, რომ ის "ბარსელონასთან" საჩემპიონო ბრძოლაში "ატლეტიკოს" ჩაბმას უზრუნველყოფს.</p><p>მნიშვნელოვანია, რომ დი მატეო ტორესის მხარეს რჩება, იმის მიუხედავად, რომ მის წინააღმდეგ ბრალდებები სულ უფრო ხმამაღლა ისმის. "ვფიქრობ, რომ ფერნანდომ კარგად ითამაშა.</p><p>იმედი გვქონდა, რომ ის თავის ყოფილ გუნდს გაუტანდა და საერთოდაც, დამატებითი მოტივაციით ითამაშებდა, მაგრამ მეტოქის მეკარემ რამდენჯერმე იხსნა საკუთარი კარი.</p><p>რა თქმა უნდა, კარგი იქნებოდა, მას ყოველ შეხვედრაში რომ გაჰქონდეს, თუმცა პასუხისმგებლობას გაფუჭებულ მომენტებზე მე მთელ გუნდს ვაკისრებ," - განაცხადა დი მატეომ "ლივერპულთან" შეხვედრის შემდეგ.</p><p>ცხადია, გასახდელში სხვებიც იყვნენ, ვისთვისაც შეიძლებოდა მომენტების ქარისთვის გატანება დაგვებრალებინა, მაგრამ უპირველესად, სწორედ ტორესია ის ფეხბურთელი, ვისი უიღბლობაც შეიძლება იმ მიზეზად იქცეს, რის გამოც "ჩელსი" პრემიერლიგის ტიტულს ვერ მოიგებს.</p><p><strong>ყოველდღიური სპორტული გაზეთი "ლელო"</strong></p>
რობერტსონი "ლივერპულიდან" "ტოტენჰემში" გადავიდა
ოფიციალურად - "ლივერპული" ირაოლამ ჩაიბარა
შეთანხმება შედგა - მამარდაშვილის "ლივერპულის" ახალი მწვრთნელის ვინაობა ცნობილია
FIFA-მ მსოფლიო ჩემპიონატზე ვუვუზელას გამოყენება აკრძალა
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
U21. საქართველოს ნაკრები აშშ-სთან დამარცხდა
საქართველოს ქალთა ნაკრებმა ფარერებთან თითქმის მოგებული მატჩი წააგო
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
"შავმა ლომმა" "ტოიოტა ჩელენჯი" გამარჯვებით დაიწყო
BILD: აი, ასე დასცინოდა სლოტი "ლივერპულის" ახალწვეულებს
რუსი მწვრთნელი ვან დერ ვაარტს ფსიქიატრის დახმარებას დაჰპირდა
პალიკო ჯიმშელაძე ბორჯღალოსნებში ბრუნდება!
ანა ჯაფარიძე პარატაეკვონდოში რომის გრან პრის გამარჯვებულია
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
[VIDEO] არშავინმა "კვარა" მეორეაო და თბილისში წაუცეკვა
"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს
[VIDEO] "ოქროს ბურთის" ხუთი ყველაზე დიდი უსამართლობა?
მატჩის დღე! ბაჰრეინთან "მამარდას" გარეშე და "კვარასთან" ერთად