- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საფრანგეთში "ქართული გუნდები" პოზიციებს თმობენ
<p>საფრანგეთის ელიტურ, მეორე და ფედერალ 1 დივიზიონებში მორიგი ტურის შეხვედრები გაიმართა <br> მაშინ, როცა მთელი სარაგბო ევროპა ნოემბრის ტესტებით ცხოვრობს, საფრანგეთის ელიტურ, მეორე და ფედერალ 1 დივიზიონებში მორიგი ტურის შეხვედრები გაიმართა.</p><p>მეორე დივიზიონში ქართველ მორაგბეთა გუნდებიდან, "ბრივის" გარდა, ყველამ დათმო პოზიციები. ანალოგიური მდგომარეობაა ფედერალ 1 დივიზიონშიც.</p><p><strong>გოდერძი შველიძის</strong>, <strong>ირაკლი ნატრიაშვილისა</strong> და <strong>დავით ხინჩაგიშვილის</strong> "ბრივმა" მე-11 ტურში შინ დაამარცხა "კოლომიე" - 33:12.</p><p>მასპინძლები უპირატესობას დასაწყისშივე დაეუფლნენ და მატჩის სადავეები ხელიდან ბოლომდე არ გაუშვიათ. ამ გამარჯვების შემდეგ "ბრივი" 34 ქულით მეორე ადგილზე დამკვიდრდა და ლიდერ "ოიონაქსს" ათი ქულით ჩამორჩება.</p><p>შველიძე ძირითად შემადგენლობაში იყო და 56-ე წუთზე შეცვალეს, ხინჩაგიშვილი და ნატრიაშვილი საქართველოს ეროვნულ ნაკრებში გამოდიოდნენ.</p><p>გათამაშების ლიდერმა "ოიონაქსმა" სტუმრად უმძიმეს ბრძოლაში დაამარცხა <strong>გურამ კავთიძის</strong> "ლიონი" - 33:31. პირველი ტაიმი ჩვენებურის გუნდმა მინიმალური სხვაობით, 14:13 მოიგო.</p><p>შესვენების შემდეგ ლიონელთა უპირატესობა თანდათან იზრდებოდა და 48-ე წუთისთვის უკვე 11 ქულით დაწინაურდნენ - 24:13. სტუმრებმა მაინც შეძლეს ძალების მობილიზება, მატჩის დასკვნითი 15 წუთი შესანიშნავად ჩაატარეს და მეტოქეს გამარჯვება თამაშის დასრულებამდე ორი წუთით ადრე გამოგლიჯეს ხელიდან.</p><p>"ლიონს" ახლა 32 ქულა აქვს და მე-6 ადგილზეა. კავთიძე სათადარიგოთა შორის იყო და თამაშში 77-ე წუთიდან ჩაერთო.</p><p>ლიონელებს ერთი ქულით უსწრებს და მეხუთე ადგილზეა <strong>დავით დადუნაშვილის</strong>, <strong>გიორგი ნემსაძის</strong>, <strong>გიორგი ჩხაიძისა</strong> და <strong>ირაკლი მირცხულავას</strong> "ტარბი", რომელმაც სტუმრად შეძლო ურთულეს ბრძოლაში "ოშის" დამარცხება - 17:16.</p><p>თამაში იმდენად დაძაბულ და უშეღავათო ბრძოლაში წარიმართა, რომ მატჩის არბიტრმა სამ მორაგბეს წითელი ბარათი უჩვენა. ამათგან ორი ტარბელი იყო.</p><p>დადუნაშვილი მოედანზე 48-ე წუთიდან გამოჩნდა, ნემსაძე საქართველოს ნაკრებშია გამოძახებული, ჩხაიძე ტრავმირებულია, მირცხულავა განაცხადში არ იყო.</p><p>"ტარბს" ოთხი ქულით ჩამორჩება და მე-7 ადგილზეა <strong>ლევან დათუნაშვილის</strong>, <strong>კარლენ ასეიშვილისა</strong> და <strong>გიორგი ნაცა</strong><strong>რაშვილის</strong> "ორიაკი", რომელმაც სტუმრად წააგო "პოსთან" - 11:22.</p><p>ასეიშვილი ძირითად შემადგენლობაში იყო და 53-ე წუთზე შეცვალეს. მასზე 22 წუთით მეტი ითამაშა ნაცარაშვილმა. დათუნაშვილი საქართველოს ნაკრების შემადგენლობაში იაპონიის ეროვნულ გუნდს დაუპირისპირდა.</p><p><strong>კახაბერ კობერიძის</strong>, <strong>ალექსანდრე თოდუას</strong>, <strong>ვახტანგ მაისურაძის</strong>, <strong>ვახტანგ ახობაძისა</strong> და <strong>გიორგი თეთრაშვილის</strong> "ალბიმ" სტუმრად წააგო "ნარბონთან" - 15:18. კობერიძე ძირითად შემადგენლობაში იყო და 43-ე წუთზე შეცვალეს, მაისურაძემ და თოდუამ "ბორჯღალოსნების" რიგებში ითამაშეს, ახობაძე და თეთრაძე განაცხადში არ იყვნენ.</p><p><strong>შალვა სუთიაშვილისა</strong> და <strong>დავით აშვეთიას</strong> "მასი" შინ დამარცხდა მესამეადგილოსან "ლა როშელთან" - 15:19 და ახლა 11 ქულით ბოლო ადგილზეა. აშვეთიამ ძირითად შემადგენლობაში ითამაშა და 51-ე წუთზე შეცვალეს, სუთიაშვილი ჩვენს ეროვნულ ნაკრებში გაისარჯა.</p><p>პარიზელებს ოთხი ქულით უსწრებს და ბოლოსწინა, მე-15 ადგილზეა ბექა შეყლაშვილის "ბეზიე", რომელმაც შინ წააგო "კარკასონთან" - 10:14. შეყლაშვილი განაცხადში არ იყო.</p><p><span style="color: #ff0000;"><strong>II დივიზიონი</p><p></strong></span><strong>XI ტური</p><p></strong>ბრივი-კოლომიე 33:12, ოში-ტარბი 16:17, მასი-ლა როშელი 15:19, ექსი-დაქსი 28:19, ბეზიე-კარკასონი 10:14, ნარბონი-ალბი 18:15, ლიონი-ოიონაქსი 31:33, პო-ორიაკი 22:11.</p><p><em>სატურნირო მდგომარეობა</p><p></em>1. ოიონაქსი - 44 ქულა, 2. ბრივი - 34, 3. ლა როშელი - 33, 4. პო - 33, 5. ტარბი - 33, 6. ლიონი - 32, 7. ორიაკი - 29, 8. კარკასონი - 29, 9. ალბი - 27, 10. ოში - 25, 11. ნარბონი - 19, 12. კოლომიე - 19. 13. დაქსი - 16, 14. ექსი - 16, 15. ბეზიე - 15, 16. მასი - 11.</p><p><strong>XII ტური</p><p></strong>ლა როშელი-პო, დაქსი-ტარბი, კოლომიე-ბეზიე, ალბი-ექსი, ოში-ნარბონი, ოიონაქსი-ბრივი, მასი-ლიონი, კარკასონი-ორიაკი.</p><p><strong></p><p>* * *</strong></p><p>ფედერალ 1 დივიზიონის A ჯგუფში მოასპარეზე ქართველ მორაგბეთა ექვსი გუნდიდან საუკეთესო შედეგი <strong>შოთა მელიქიძისა</strong> და <strong>ავთანდილ კოპალიანის</strong> "მაკონს" აქვს, რომელიც 23 ქულით მესამე ადგილზეა.</p><p>ჩვენებურთა გუნდმა სტუმრად წააგო მეორეადგილოსან "ლილთან" - 21:43. მელიქიძე ძირითად შემადგენლობაში იყო და 59-ე წუთზე შეცვალეს. იქამდე კი, 48-ე წუთზე არბიტრმა სინბინში გაუშვა. კოპალიანი განაცხადში არ იყო.</p><p>"მაკონს" ორი ქულით ჩამორჩება და მე-4 ადგილზეა <strong>ზერო პეტრიაშვილის</strong> "ვიენი", რომელმაც სტუმრად წააგო ჯგუფის ლიდერ "ბურგ ან ბრესთან" - 15:35. პეტრიაშვილი სათადარიგოთა შორის იყო და თამაშში 48-ე წუთიდან ჩაერთო.</p><p><strong>ელიზბარ ყუფარაძისა</strong> და <strong>რეზო გიგაურის</strong> "მონლუსონმა" შინ დაამარცხა <strong>გიორგი ჯაშიტაშვილის</strong> "შალონი" - 24:16. ჯაშიტაშვილი 41-ე წუთზე შეცვალეს, ყუფარაძე მოედანზე 58-ე წუთიდან გამოჩნდა, გიგაური საქართველოს ნაკრებშია გამოძახებული.</p><p><strong>გიორგი გაბელიას</strong> "სენტ ეტიენმა" შინ მოუგო "ბობინის" და ახლა 15 ქულით მე-8 ადგილზეა. გაბელია განაცხადში არ იყო. ჯგუფის აუტსაიდერმა, <strong>გიორგი სულუაშვილის</strong> "სტრასბურმა" მორიგი მარცხი იგემა სტუმრად "დიჟონთან" - 16:40.</p><p><span style="color: #ff0000;"><strong>A ჯგუფი</p><p></strong></span>ბურგ ან ბრესი-ვიენი 35:15, დიჟონი-სტრასბური 40:16, სენტ ეტიენი-ბობინი 22:16, მონლუსონი-შალონი 24:16, ლილი-მაკონი 43:21.</p><p><em>სატურნირო მდგომარეობა</p><p></em>1. ბურგ ან ბრესი - 32 ქულა, 2. ლილი - 31, 3. მაკონი - 23, 4. ვიენი - 21, 5. დიჟონი - 19, 6. შალონი - 16, 7. ბობინი - 15, 8. სენტ ეტიენი - 15, 9. მონლუსონი - 11, 10. სტრასბური - 1.</p><p><strong>IX ტური</p><p></strong>ბობინი-ბურგ ან ბრესი, ვიენი-დიჟონი, სტრასბური-მონლუსონი, შალონი-ლილი, მაკონი-სენტ ეტიენი.</p><p><strong></p><p>* * *</strong></p><p>B ჯგუფში ქართველ მორაგბეთა გუნდებიდან საუკეთესო მაჩვენებელი <strong>ბექა ურჯუკაშვილისა</strong> და <strong>თენგიზ გელანტიას</strong> "ობენას" აქვს. ჩვენებურთა ამ გუნდმა შინ დაამარცხა ირაკლი ნინიძის "რომანი" - 12:11.</p><p>ურჯუკაშვილმა სრულად ითამაშა, ნინიძე მოედანზე 54-ე წუთიდან გამოჩნდა, გელანტია განაცხადში არ იყო.</p><p>სატურნირო ცხრილის ბოლო საფეხურებზე იმყოფებიან <strong>დავით კაჭარავას</strong> "როდეზი" და <strong>გიორგი კუთარაშვილის</strong> "შატორენარი". "როდეზმა" შინ წააგო "ვალანს დაჟენთან" - 12:30, ხოლო შატორენარელებმა სტუმრად ვერაფერი გააწყვეს "ბლანიაკთან" - 3:35. კაჭარავამ ეროვნულ ნაკრებში ითამაშა, კუთარაშვილი განაცხადში არ იყო.</p><p><span style="color: #ff0000;"><strong>B ჯგუფი</p><p></strong></span>როდეზი-ვალანს დაჟენი 12:30, ბლანიაკი-შატორენარი 35:3, ობენა-რომანი 12:11, ლავორი-ბურგუენი 17:23, აგდი-ლა სეინი 19:15.</p><p><em>სატურნირო მდგომარეობა</p><p></em>1. ბურგუენი - 33 ქულა, 2. ვალანს დაჟენი - 22, 3. აგდი - 22, 4. ლავორი - 18, 5. ობენა - 17, 6. ლა სეინი - 17, 7. ბლანიაკი - 17, 8. რომანი - 16, 9. როდეზი - 15, 10. შატორენარი - 14.</p><p><strong>IX ტური</p><p></strong>ვალანს დაჟენი-ბლანიაკი, შატორენარი-ობენა, რომანი-აგდი, ბურგუენი-როდეზი, ლა სეინი-ლავორი.</p><p><strong></p><p>* * *</strong></p><p>C ჯგუფში პლეი ოფში მოხვედრისთვის იბრძვიან <strong>თედო ზიბზიბაძის</strong> "პერიგო" და <strong>ბაჩუკი გუჯარაიძისა</strong> და <strong>შოთა ცხოვრებაშვილის</strong> "სენ ნაზერი". პერიგოელებმა სტუმრად მინიმალური სხვაობით დაამარცხეს "სენ ჟან დე ლუზი" - 22:21. ზიბზიბაძემ "ბორჯღალოსნების" შემადგენლობაში ითამაშა.</p><p>"სენ ნაზერმა" კი შინ მოუგო "ვანს" - 38:18. ქართველ მორაგბეებს არ უთამაშიათ. <strong>ნიკოლოზ მაღალდაძის</strong> "მარმანდი" სტუმრად ვერას გახდა ჯგუფის ლიდერ "ტიროსთან" - 6:37.</p><p><span style="color: #ff0000;"><strong>C ჯგუფი</p><p></strong></span>სენ ჟან დე ლუზი-პერიგო 21:22, ლანჟონი-ნუარი 30:6, სენ ნაზერი-ვანი 38:18, ტიროსი-მარმანდი 37:6, სენ ჟან დანჟელი-აგეტმო 21:15.</p><p><em>სატურნირო მდგომარეობა</p><p></em>1. ტიროსი - 36 ქულა, 2. სენ ნაზერი - 33, 3. პერიგო - 25, 4. ლანჟონი - 21, 5. სენ ჟან დე ლუზი - 20, 6. ვანი - 18, 7. სენ ჟან დე ლუზი - 14, 8. მარმანდი - 11, 9. აგეტმო - 9, 10. ნუარი - 6.</p><p><strong>IX ტური</p><p></strong>პერიგო-ლანჟონი, ნუარი-სენ ნაზერი, ვანი-სენ ჟან დანჟელი, მარმანდი-სენ ჟან დე ლუზი, აგეტმო-ტიროსი.</p><p><strong></p><p>* * *</strong></p><p>D ჯგუფში ქართველ მორაგბეთა ორი გუნდი ასპარეზობს და მერვე ტურში ერთმანეთს სწორედ ისინი დაუპირისპირდნენ.</p><p><strong>ლაშა მალაღურაძისა</strong> და <strong>სიმონ მაისურაძის</strong> "ბაგნერემ" შინ მოუგო <strong>მერაბ კვირიკაშვილისა</strong> და <strong>გიორგი მჭედლიშვილის</strong> "სენ ჟუნიენს" - 21:3. მალაღურაძემ, რომელიც 72-ე წუთზე შეცვალეს, სამი საჯარიმო და ერთი გარდასახვა გაიტანა (11 ქულა), მაისურაძე ძირითად შემადგენლობაში იყო და 50-ე წუთზე შეცვალეს.</p><p><span style="color: #ff0000;"><strong>D ჯგუფი</p><p></strong></span>მონტობანი-ლანამეზანი 51:0, ლიმოჟი-ოლორონი 34:23, სენ მედარი-ლურდი 15:9, კასტანე-ნევერი 19:19, ბაგნერე-სენ ჟუნიენი 21:3.</p><p><em>სატურნირო მდგომარეობა</p><p></em>1. მონტობანი - 32 ქულა, 2. ლიმოჟი - 23, 3. ნევერი - 21, 4. ოლორონი - 20, 5. კასტანე - 20, 6. ლურდი - 18, 7. ბაგნერე - 15, 8. ლანამეზანი - 14, 9. სენ მედარი - 14, 10. სენ ჟუნიენი - 10.</p><p><strong>IX ტური</p><p></strong>ოლორონი-მონტობანი, ლანამეზანი-კასტანე, ლურდი-ლიმოჟი, ნევერი-ბაგნერე, სენ ჟუნიენი-სენ მედარი.</p><p><strong>ყოველდღიური სპორტული გაზეთი "ლელო"</strong></p>
გია ხარაიშვილს "ბარბაროსებში" უხმეს
დავით ბოლღაშვილის "მონაკომ" ფედერალ 1-ში დაბრუნება იზეიმა!
ნიკა ამაშუკელი საუკეთესო მსაჯთა ათეულში დაასახელეს
იეგოიანის "ექსელსიორმა" მორიგი მარცხი განიცადა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ
დავითაშვილის "სენტ-ეტიენმა" დაძაბულ მატჩში "ნანტს" სძლია
[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა