- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი: ახალი ციკლი ახალი ნაკრებისთვის
<p>27 ნოემბერს დიღომში, ძიუდოს აკადემიაში თავისუფალ ჭიდაობაში საქართველოს ჩემპიონატი იწყება <br> 27 ნოემბერს დიღომში, ძიუდოს აკადემიაში საქართველოს ჩემპიონატი იწყება თავისუფალ ჭიდაობაში.</p><p>ჩვენი ფალავნებისთვის ესაა პირველი სერიოზული შეჯიბრება ოლიმპიადის შემდეგ. ამდენად, ის ახალი ოლიმპიური ციკლის დასაწყისიცაა და ახალი ნაკრების ფორმაციასაც აქედან ეყრება საფუძველი.</p><p>სწორედ ამიტომ მისი მნიშვნელობა გაორმაგებულია და ალბათ, ისიც აქედან გამომდინარეობს, რომ ტურნირში ქვეყნის ყველა უძლიერესი ფალავანი გეგმავს გამოსვლას. ყოველ შემთხვევაში, ფედერაციის მკაცრი მოთხოვნა ასეთია და არც გათავისუფლება უთხოვია ვინმეს.</p><p>ოლიმპიური გუნდიდან სპორტიდან წასული მსოფლიოს ვიცე-ჩემპიონის, ევროპისა და ოლიმპიადის ბრინჯაოსმედალოსან <strong>ოთარ თუშიშვილისა</strong> (66) და წასასვლელ გზაზე შემდგარი მსოფლიოსა და ევროპის ჩემპიონის, ორგზის ოლიმპიურ პრიზიორ <strong>გიორგი გოგშელიძის</strong> (96) გარდა, ყველა იჭიდავებს: ევროპისა და ოლიმპიადის ვიცე-ჩემპიონი, 60 კილოგრამში გადაბარგებული <strong>ვლადიმერ ხინჩეგაშვილი</strong>, ევროპის ვიცე-ჩემპიონი <strong>მალხაზ ზარქუა</strong> (60), ევროპისა და მსოფლიოს მესამე პრიზიორი <strong>დავით ხუციშვილი</strong> (74), ევროპის ჩემპიონი, მსოფლიოსა და ოლიმპიადის ბრინჯაოსანი <strong>დავით მარსაგიშვილი</strong> (84), მსოფლიოსა და ოლიმპიადის მესამე პრიზიორი <strong>დავით მოძმანაშვილი</strong> (120), რომელმაც ფეხის ტრავმა მოიშუშა, მაგრამ ბოლომდე ვერა.</p><p>სრულად იქნება წარმოდგენილი ახალგაზრდული ნაკრების ელიტა და საინტერესო ბრძოლებს უნდა ველოდოთ.</p><p>მით უფრო, ზოგიერთ წონაში კონკურენცია გაიზარდა და 2-3 თანაბარი ძალის მეტოქეა. შესაბამისად, ნაკრების მწვრთნელებსაც დიდი სამუშაო ელოდებათ, რადგან ზოგიერთი წონა სულაც ლიდერის გარეშე დარჩა - 55, 96, ნაწილობრივ - 66-იც.</p><p>ცხადია, ყველაფერს გამადიდებელი შუშით სჭირდება დაკვირვება, რათა უმცირესი დეტალიც არ დაგვრჩეს ყურადღების მიღმა, თორემ ეს მომავალში ძვირად დაგვიჯდება.</p><p>თავის მხრივ, ძველ ლიდერებთან ერთად ყურადღებას იპყრობს ახალი თაობაც - ვნახოთ, რამდენად გამოიჩენენ ისინი ამჯერად თავს.</p><p>სხვათა შორის, ამ თაობიდან ორი ისეთი გამოვა სწორედ 96 კილოგრამში, რომლებიც განსაკუთრებულ ინტერესს იწვევენ - ხარაგაულელი <strong>თევ</strong><strong>დორე ებანოიძე</strong> და ბათუმელი <strong>მამუკა კორძაია</strong>.</p><p>ისინი შარშან ახალგაზრდებში მსოფლიოს ვიცე-ჩემპიონები გახდნენ (ებანოიძე იქ მძიმე წონაში გამოვიდა, თუმცა მანამდე ევროპაზე ბრინჯაო 96-ში მოიპოვა), მაგრამ მას შემდეგ მათი კარიერა სწრაფად ვერ განვითარდა.</p><p>არადა, ახალგაზრდულიდან ეროვნულამდე სულ ერთი ნაბიჯია, მით უფრო - 20-წლამდელებში ასეთი წარმატების შემდეგ, მაგრამ ზუსტად იმ ერთის გადადგმა უჭირს ბევრს.</p><p>იმედია, ეს ბიჭები საპირისპიროს დაამტკიცებენ. მით უფრო, ლიდერის ტახტი ჯერჯერობით ცარიელია. აქვე იმასაც გეტყვით, რომ ებანოიძე დიდწილად ტრავმებმაც შეაფერხეს, მაგრამ უკვე ყველაფერი მოგვარებულია.</p><p>ვფიქრობთ, ქომაგს მძიმე წონაშიც დიდი სიამოვნება ელოდება, სადაც <strong>მოძმანაშვილს</strong> მედგარ ბრძოლებს გაუმართავენ ახალგაზრდებში მსოფლიოს კიდევ ერთი ვიცე და ევროპის ჩემპიონი <strong>გიორგი საკანდელიძე</strong> და 18 წლის <strong>გენო პეტრიაშვილი</strong>, ახალგაზრდებში მსოფლიოს წლევანდელი მესამე პრიზიორი.</p><p>თუმცა საინტერესო პაექრობები არც სხვა წონებს დააკლდება, რაც მაყურებლის წისქვილზე დაასხამს წყალს.</p><p>შეხვედრები აკადემიაში 12 საათზე დაიწყება, ფინალები კი შესვენების გარეშე გაიმართება.</p><p><span style="color: #ff0000;"><strong>ალიევი - უჩვენოდ</strong></span></p><p>ამასობაში დაღესტნურ საიტებზე გაჩნდა ინფორმაცია, რომ ჩვენები ალი ალიევის მემორიალში გამოვლენ.</p><p>მსოფლიოს ხუთგზის ჩემპიონის ხსოვნისადმი მიძღვნილი ეს შეჯიბრება 1-2 დეკემბერს მახაჩყალაში, ტიტულოვანი ფალავნის სახელობის დარბაზში ტარდება და იქაურ მედიაში უკვე ძალუმად იგრძნობა, როგორი აჟიოტაჟით ემზადებიან შეჯიბრებისთვის.</p><p>მათი აზრით, ეს წლეულსაც გამორჩეულად ძლიერი ტურნირი იქნება, თუმცა, როგორც საქართველოს ჭიდაობის ფედერაციაში გვითხრეს, ჩვენი ნაკრები იქ არ გამოვა. დაღესტნელებს კი მივუწვევივართ, მაგრამ თბილისიდან უარი შეუთვლიათ.</p><p>მიზეზი უფულობა და ის გაურკვევლობაა, რაც ჩვენს ფედერაციაში სუფევს - ყველა რიგგარეშე არჩევნებს და ახალ ხელისუფლებას ელოდება, თუმცა ჯერ მისი გამართვის თარიღიც კი არ გარკვეულა.</p><p>ერთ-ერთი ფალავანი, ვინც ალიევის ტურნირში ქართველთა ჩასვლას ელოდება, მასპინძელთა ავარელი ფალავანი, ევროპის წლევანდელი ჩემპიონი აბდუსალამ გადისოვია (96).</p><p>ამ მართლაც ძლიერი მოჭიდავისთვის, რომელმაც ბრწყინვალედ მოიგო ევროპის პირველობა და ლონდონში ფავორიტად ჩავიდა, ოლიმპიადაზე განცდილი მარცხი მწარე ალიყური აღმოჩნდა.</p><p>ქუჩაში გასვლა არ მინდოდაო, გაიხსენა ის დღეები ფალავანმა, რომელიც ღიად აცხადებს, რომ სურს ალიევის ტურნირის მოგება და რიო დე ჟანეიროს თამაშებისთვის მზადების სუფთა ფურცლიდან დაწყება.</p><p>ამ შეჯიბრებისთვის მოსამზადებლად ის ყაბარდო-ბალყარეთის მთებში წასულა სიმშვიდესა და სიწყნარეში, რაც თურმე საზოგადოებრივი აჟიოტაჟის გამო მშობლიურ ქალაქში ასე ძალიან აკლდა.</p><p>სამაგიეროდ, რიოს ოლიმპიადისთვის ეროვნებით ყაბარდოელი - ბილიალ მახოვი (120) დაღესტანში ემზადება - ის წლების წინ სავარჯიშოდ ხასავიურტში გადასახლდა რუსთა ნაკრების ახლანდელ თავკაც მაგომედ ჰუსეინოვთან სავარჯიშოდ და იქაურთა გულის გასახეთქად ნაკრებიდან მასპინძელთა ჯილა, პეკინის თამაშების ვერცხლისმედალოსანი ბახტიარ ახმედოვიც ამოაგდო.</p><p>შეგახსენებთ, რომ მსოფლიოს სამგზის ჩემპიონი მახოვი ლონდონში მოძმანაშვილმა დაამარცხა და მერე კარგა ხანს ანუგეშებდა ხალიჩაზე დამხობილს. 25 წლის მახოვი აცხადებს, რომ ის ლონდონში დაკარგულის ანაზღაურებას ბრაზილიაში შეეცდება.</p><p>ბრიტანეთში მარცხის მთავარ მიზეზად მან ემოციური გადაღლა დაასახელა, შემდეგ - ფიზიკური, სულ ბოლოს კი არასაკმარის სატურნირო პრაქტიკასაც შეეხო, რაზეც თამაშებამდე ჰუსეინოვიც აკრიტიკებდა - დორტმუნდში არ იჭიდავა.</p><p>თურმე ნუ იტყვით და ეს ერთ დროს შეუჩერებელი მახოვი, რომელმაც სამივე მსოფლიო მეტად ულამაზო, "მიაწექი-ხალიჩიდან გააგდეს" სტილში მოიგო, ბავშვობაში მთელი სამი წელიწადი ფორტეპიანოზე უკრავდა, ვიდრე მშობლებს საჭიდაო დარბაზში არ გაექცა, მაგრამ მუსიკისადმი სიყვარულს დღემდე მძაფრად ინახავს გულში, საყვარელი მელოდიები კი ბეთჰოვენის "მთვარის სონატა" და მოცარტის ეტიუდები ყოფილა.</p><p><span style="color: #ff0000;"><strong></p><p>ყურბანოვი ტაიმაზოვის ნაცვლად</strong></span></p><p>მეტოქის ბანაკიდან კიდევ ერთი ჩვენთვის საყურადღებო ცნობა უზბეკთა მსოფლიოს პრიზიორს, ლონდონის ოლიმპიადაზე გიორგი გოგშელიძესთან ბრინჯაოს მედლისთვის ბრძოლაში დამარცხებულ ყურბან ყურბანოვს ეხება - წონას იცვლის და მძიმეში გადადის.</p><p>ეს ფალავანი უზბეკეთის ლურჯ-მწვანე დროშას კი აფრიალებს, მაგრამ სინამდვილეში დაღესტნელია, ეროვნებით ლეზგინი და სამგზის ოლიმპიურ ჩემპიონ არტურ ტაიმაზოვისა (120) და მსოფლიოს ჩემპიონ ზაურბეკ სოხიევის (84) მსგავსად (ესენი ოსები არიან), მოგვიანებითაა გადასული შუა აზიაში.</p><p>ამ დღეებში ის მშობლიური ქალაქის - მახაჩყალის კიროვის რაიონის შეფის მოადგილედ დანიშნეს. ყურბანოვი ტურნირებისთვის ისედაც მახაჩყალაში ემზადება და იმედოვნებს, რომ სპორტთან საზოგადოებრივი მისიის შეთავსებას შეძლებს.</p><p>ზედმეტი წონის პრობლემა მას თურმე ყოველთვის აწუხებდა და ლონდონშიც მთელი 10 კილოგრამი დაუკლია.</p><p>გოგშელიძესთან მარცხის მიზეზადაც ეს დაასახელა, ამის შემდეგ როგორ უნდა მეჭიდავაო. მძიმე წონაში გადასვლა თურმე აქამდეც სურდა, მაგრამ ტაიმაზოვის გამო ამას აქამდე არ აკეთებდა, ეს შეარყევდა ჩვენს მეგობრობასო.</p><p>ახლა, როცა ტაიმაზოვი მეოთხე ადამიანი გახდა საჭიდაო სამყაროში, ვინც სამი ოლიმპიური ოქრო მოიგო, სპორტიდანაც წავიდა და ყურბანოვსაც გზა გაეხსნა მძიმე წონისკენ, ის ამ შანსსაც იყენებს, ანუ მოძმანაშვილმა და საკანდელიძემ ახლა მას უნდა მიაქციონ ყურადღება, როგორც მომავალ მეტოქეს.</p><p><strong>ყოველდღიური სპორტული გაზეთი "ლელო"</strong></p>
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
[VIDEO] მაჭარაშვილი და დინგაშვილი ევროპის ჩემპიონატზე ბრინჯაოს მედლებისთვის იბრძოლებენ
თავისუფალი ჭიდაობა. მაჭარაშვილი და დანგაშვილი ევროპის ჩემპიონატის ნახევარფინალში იასპარეზებენ
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
რუსი მწვრთნელი ვან დერ ვაარტს ფსიქიატრის დახმარებას დაჰპირდა
პალიკო ჯიმშელაძე ბორჯღალოსნებში ბრუნდება!
ანა ჯაფარიძე პარატაეკვონდოში რომის გრან პრის გამარჯვებულია
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
არც კოშტა და არც სვილარი - პსჟ იტალიელ მეკარეს დაიმატებს
[VIDEO] "ოქროს ბურთის" ხუთი ყველაზე დიდი უსამართლობა?
Le Parisien: პსჟ-მ ბატრაკოვთან დაკავშირებით გადაწყვეტილება მიიღო
მატჩის დღე! ბაჰრეინთან "მამარდას" გარეშე და "კვარასთან" ერთად