- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალია. სერია A. XIV ტური: რომაულ კლუბში რასიზმს ებრძვიან
<p>რომის "ლაციომ" "უდინეზე" უპრობლემოდ დაამარცხა და ლიდერთა ხუთეული შეკრა <br> სერია A-ს XIV ტური უჩვეულოდ დიდხანს გაგრძელდა, რადგან ოთხ დღეზე გახლდათ გაწერილი და რაც მთავარია, ოთხივე დღეს საინტერესო მატჩები გაიმართა.</p><p>შაბათს სიცილიური დერბი ვიხილეთ, კვირას იტალიური ფეხბურთის კლასიკა "მილანის" და "იუვენტუსის" მონაწილეობით, ორშაბათს "ინტერმა" და "ნაპოლიმ" გამართეს პაექრობები, 27 ნოემბერს კი ერთმანეთის პირისპირ ორი ამბიციური გუნდი: "ლაციო" და "უდინეზე" წარსდგა...</p><p><strong><span style="color: #ff0000;">ლაციოს ძლიერი მხარე: შუა ხაზი</span></p><p></strong>თავშივე აღვნიშნოთ, რომ "ლაციომ" ყველა კომპონენტში დაჯაბნა მეტოქე და სრულიად დამსახურებულად გაიმარჯვა. ეგ კი არა, მეტი სიზუსტე რომ გამოეჩინათ რომაელებს დამაგვირგვინებელ ფაზაში, უპირატესობა არა მხოლოდ გამანადგურებელი, კოლოსალური, ან გნებავთ, კატასტროფული იქნებოდა.</p><p>"ბიანკოჩელესტემ" სამი უპასუხო ბურთი გაუტანა მეტოქეს, კიდევ ბევრი მომენტი გაატანა ქარს და თერთმეტმეტრიანი გააცუდა ჯერ კიდევ სტარტზე.</p><p>გოლებს რომ თავი დავანებოთ, "ლაციომ" მაღალი ხარისხის ფეხბურთი ითამაშა... ხუმრობა-ხუმრობაში რომაელებმა საკმაოდ კარგ შემადგენლობას მოუყარეს თავი, განსაკუთრებით კი, ნახევარდაცვაში.</p><p><strong>სტეფანო მაური</strong> გუნდის კაპიტანი, სული და გულია, რომელიც თითქმის ყველა შეხვედრაში ან გოლს იტანს, ან საგოლე პასებს აკეთებს. თუნდაც "უდინეზესთან" პაექრობაში, <strong>სტეფანომ</strong> ორი საგოლე გადაცემა მიითვალა აქტივში.</p><p><strong>კრისტიან ლედესმა</strong> შესანიშნავად ამაგრებს საყრდენ ხაზს და პრაქტიკულად, არ ცდება გადაცემებში - ზუსტი პასების რაოდენობით, გაიტალიელებული არგენტინელი გასულ სეზონში ლიდერთა სამეულში იყო.</p><p>დაუმატეთ ამათ ტექნიკური და მებრძოლი <strong>გონსალესი</strong>, დაუღალავი <strong>კანდრევა</strong> დაყენებული დარტყმით და <strong>ერნანესი</strong> მოედნის იდეალური ხედვით, მაღალი ტექნიკით და ლიდერის თვისებებით. აქვე შეგვიძლია ვახსენოთ არაორდინარული <strong>ედერსონი</strong>, ბრძოლისუნარიანი <strong>კრისტიან ბროკი</strong>, სწრაფი <strong>სენად ლულიჩი</strong> და ა.შ.</p><p>მოკლედ, "ლაციოს" შუახაზში ყველაფერი რიგზე აქვს და დიდწილად, ამის ხარჯზეა ლიდერთა მარაქაში.</p><p>"უდინეზესთან" გამარჯვებით, "ბიანკოჩელესტემ" სატურნირო ცხრილში კიდევ უფრო გაამწვავა ვითარება - ლიდერთა ხუთეულში (იუვენტუსი, ნაპოლი, ფიორენტინა, ინტერი, ლაციო) იმდენად სიმჭიდროვეა, რომ თითოეული მათგანი შეგვიძლია შევრაცხოთ სკუდეტოს მაძიებლად.</p><p>ცალკე თემაა, რომ იგივე "ფიორენტინა" ჩემპიონობაზე ნაკლებად ფიქრობს და ჩემპიონთა ლიგის საგზურის მოპოვება აქვს მიზნად დასახული.</p><p>სკუდეტო იქით იყოს და ევროპის უპრესტიჟულესი საკლუბო ტურნირის საგზურებისთვის კი მართლაც უპრეცედენტო ბრძოლაა მოსალოდნელი - ხსენებულ ხუთეულს მეექვსე პოზიციაზე მყოფი "რომა" უნდა დავუმატოთ და არც "მილანის" დავიწყება ივარგებს, რომელიც ცოტა გამოცოცხლდა და თანაც, მაინც "მილანია"...</p><p>გოლების აღწერას აღარ მოვყვებით, მხოლოდ იმას შეგახსენებთ, რომ სამი გოლი ამავე თანმიმდევრობით <strong>გონსალესმა, კლოზემ</strong> და <strong>ერნანესმა</strong> გაინაწილეს.</p><p>აქვე, რომაელთა მთავარი მწვრთნელის, <strong>ვლადიმირ პეტკოვიჩის</strong> კომენტარი:</p><p><em>"სეზონის ერთ-ერთი საუკეთესო შეხვედრა ჩავატარეთ და შეგირდების თამაშით ძალიან კმაყოფილი ვარ. თუ ასე გავაგრძელებთ, ყველაფერი კარგად იქნება. რაც მთავარია, ვპროგრესირებთ და ეს პროცესი არ უნდა შეჩერდეს. საუკეთესო "ლაციო" ჯერ კიდევ არ გვინახავს, რაც ოპტიმიზმს კიდევ უფრო მიღრმავებს".</p><p></em></p><p>"ლაციო" <strong>ბენიტო მუსოლინის</strong> საყვარელი გუნდი გახლდათ და იმ დროიდან მოყოლებული, "ბიანკოჩელესტეს" გულშემატკივრები რასისტული განწყობით გამოირჩევიან. "ლაციოს" საშინაო თამაშებზე ხშირად ისმის რასისტული სკანდირება, რის გამოც კლუბი არაერთხელ დაჯარიმებულა. გუნდის ყველაზე რადიკალურად განწყობილი ტიფოზები იმ ფერადკანიანი მოთამაშეების მიმართაც გამოხატავენ აგრესიას, რომლებიც "ბიანკოჩელესტეს" ღირსებას იცავდნენ, ან დღესაც იცავენ.</p><p>ამ ფორმაციის "ლაციოში" ასეთი <strong>აბდულაი კონკო</strong> გახლავთ, უკვე წასულებიდან კი არაერთის გახსენება შეიძლება, თუნდაც <strong>ფაბიო ლივერანი</strong>, ან <strong>ჯიბრილ სისე</strong>...</p><p>"ლაციომ" ევროპის ლიგის გათამაშებაში ბოლო საშინაო შეხვედრა "ტოტენჰემთან" გამართა და მეტოქესთან ქულები გაიყო. ყველაზე უფრო საინტერესო ამბები კი სტადიონს გარეთ დატრიალდა, სადაც "ბიანკოჩელესტეს" ტიფოზები ინგლისელ ფანებს დაეტაკნენ და მასობრივი არეულობაც მოაწყვეს.</p><p>როგორც შემდეგ გაცხადდა, იტალიელები "ტოტენჰემის" ფერადკანიან გულშემატკივრებს დაესხნენ თავს, რაც დიდ არეულობაში გადაიზარდა.</p><p>ტიფოზები ტრიბუნებზეც არ დაშოშმინდნენ და როცა კი ბურთს "ტოტენჰემის" ფერადკანიანი ფეხბურთელი იღებდა, მაშინვე გამაყრუებლად უსტვენდნენ. ბუნებრივია, მატჩის კომისარმა ეს ამბავი უეფას შესაბამის ორგანოებამდე მიიტანა და ისიც კი ითქვა, რომ "ლაციოს" ამ ტურნირიდან მოხსნა, ანუ დისკვალიფიკაცია ემუქრება.</p><p>რომაელებმა მყისვე დაიწყეს თავის მართლება და საგანგებო განცხადება გაავრცელეს, რომლითაც ყოველივე რასისტულს მკვეთრად გაემიჯნენ.</p><p>ამასთან, "უდინეზესთან" პაექრობაში "ლაციომ" სპეციალურად შეკერილი მაუსირებით იასპარეზა, რომელიც წარწერით გახლდათ დამშვენებული: NO RACISM.</p><p>ამ თემაზე კომენტარი კლუბის პრეზიდენტმა <strong>კლაუდიო ლოტიტომ</strong> გააკეთა:</p><p><em>"ძალიან სამწუხაროა, რომ ისეთ სტუმართმოყვარე ქალაქში, როგორიც რომია, ინგლისელი ფანები პრობლემებს გადააწყდნენ. ვეჭვობ, რომ აქ მხოლოდ ერთი მხარე არ იყო დამნაშავე და პასუხისმგებლობა ალბათ თვითონ ბრიტანელებსაც ეკისრებათ.</p><p>რაც შეეხება რასიზმს, სიმართლე გითხრათ, ამ თემაზე საუბრით უკვე დავიღალე. კლუბი მკაცრად ემიჯნება ყოველგვარ რასისტულ გამოვლინებას და ამ მიმართულებით, პროპაგანდისტულ კამპანიაშიც ვართ ჩართული.</p><p>სამწუხაროდ, შეუძლებელია გავაკონტროლოთ რომის თითოეული მოქალაქე და თუნდაც "ლაციოს" ყველა გულშემატკივარი. კლუბი არ უნდა აგებდეს პასუხს ნებისმიერი ტიფოზის უხამს ქმედებაზე. ჩვენ ვებრძვით რასიზმს და ეს "უდინეზესთან" პაექრობისას სპეციალური აქციით კიდევ ერთხელ დავადასტურეთ".</p><p></em><span style="color: #ff0000;"><strong>იტალია. სერია A. XIV ტური</strong></span><em></p><p></em><span style="text-decoration: underline;">27 ნოემბერი</span></p><p><em><strong>ლაციო-უდინეზე 3:0</strong></em></p><p>გოლები: 1:0 გონსალესი (17), 2:0 კლოზე (31), 3:0 ერნანესი (59).</p><p>ლაციო (4-5-1): მარკეტი - კავანდა, ბიავა, სიანი, რადუ - კანდრევა (81. ლულიჩი), გონსალესი, ლედესმა (65. ცანა), ედერსონი (46. ერნანესი), მაური - კლოზე.</p><p>უდინეზე (3-5-1-1): ბრკიჩი - კოდა (87. ერუ), დანილო, დომიცი (24. ანჯელა) - პერეირა, ვილიანსი (46. რანიჯი), ალანი, ბადუ, არმერო - მაიკოსუელი - დი ნატალე.</p><p>გაფრთხილება: ლედესმა, ცანა - კოდა, მაიკოსუელი.</p><p>კუთხური: 4-3; ჯარიმა: 15-20; თამაშგარე: 0-0; კარში დარტყმა: 8-7(6-2); ბურთის ფლობა: 54%-46%.</p><p>მაყურებელი: 40 000</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/uckhouri-fekhburthi/italia/42270-italia-seria-a-xiv-turi-qnapoliq-zevith-qinteriq-qvevith.html" target="_blank">იტალია. სერია A. XIV ტური: "ნაპოლი" ზევით, "ინტერი" ქვევით</a></p><p><a href="/fexburti/uckhouri-fekhburthi/italia/42220-italia-seria-a-xiv-turi-qbeberi-qalbatonisq-logikuri-marckhi.html" target="_blank">იტალია. სერია A. XIV ტური: "ბებერი ქალბატონის" ლოგიკური მარცხი</a></p>
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა