<p>საფრანგეთის 10-გზის (რეკორდი) ჩემპიონმა საკუთარ "ჟოფრუა გიშარზე" პსჟ-ს უმასპინძლა და პენალტების სერიაში მოუგო <br> საფრანგეთის 10-გზის (რეკორდი) ჩემპიონმა საკუთარ "ჟოფრუა გიშარზე" პსჟ-ს უმასპინძლა და პენალტების სერიაში მოუგო.</p><p>ეს გუნდები ერთმანეთს მე-10 ტურში, "პარკ დე პრენსზე" შეხვდნენ და იმ მატჩში გამარჯვება "მწვანეებს" დარჩათ. შესაბამისად, პარიზელები რევანშისთვის იყვნენ მომართულნი.</p><p>მთელმა შეხვედრამ სტუმართა უპირატესობით ჩაიარა, მაგრამ შესანიშნავად ირჯებოდა მასპინძელთა მეკარე სტეფან რუფიე, რომელმაც საკუთარი გუნდი რამოდენიმე ეპიზოდში აშკარა გოლისგან იხსნა.</p><p>ყველაზე რეალური მომენტი პარიზელებს დამატებულ დროში, 104-ე წუთზე შეექმნათ, როდესაც ფრანსუა კლერმა საოცარი შეცდომა დაუშვა და ბურთი ესეკილ ლავეცის ჩააბარა. ამ უკანასკნელმა კი ზლატან იბრაჰიმოვიჩს გადააწოდა, მაგრამ პასი ოდნავ ძლიერი გამოუვიდა და რუფიემ ბურთის დაუფლება შეძლო.</p><p>შეხვედრის ბოლო რეალური შანსი სტუმართა მცველ სილვენ არმანს ჰქონდა, მაგრამ რუფიეს მანაც ვერ აჯობა. საბოლოოდ, "მწვანეების" მეკარემ მატჩის გმირის სტატუსი უკვე პენალტების სერიაში განიმტკიცა, როდესაც ტიაგო სილვას დარტყმული 11-მეტრიანი მოიგერია.</p><p>აღსანიშნავია, რომ "სენტ ეტიენმა" პენალტების სერიაში 1/16-ფინალშიც მოიგო, როდესაც სტუმრად "ლორიანი" დაამარცხა და მაშინაც შეხვედრის გმირი რუფიე გახდა.</p><p>მატჩის შემდეგ მწვრთნელები განსხვავებულ ხასიათზე იყვნენ:</p><p><strong>კარლო ანჩელოტი</strong> (პსჟ): <em>"გოლის გატანა ვერაფრით მოვახერხეთ. არადა, მეტოქეს ვჯობდით და საგოლე მომენტიც ბევრი შევქმენით. ფეხბურთელების ასპარეზობით კმაყოფილი ვარ, რადგან 120 წუთის განმავლობაში ვდომინირებდით.</p><p>რუფიე ძალიან კარგი მეკარეა და საერთოდ, "სენტ ეტიენი" შესანიშნავი გუნდია, რომელსაც წარმატებას ვუსურვებ".</em></p><p><strong>კრისტოფ გალტიე</strong> (სენტ ეტიენი): <em>"შესანიშნავი საღამო გამოვიდა. "პარი სენ ჟერმენის" დამარცხება კიდევ ერთხელ მოვახერხეთ, მაგრამ დღეს წინა შეხვედრაზე მეტად გაგვიჭირდა.</p><p>რა თქმა უნდა, ისინი უკეთ გამოიყურებოდნენ, მაგრამ ჩვენ ბოლომდე ვიბრძოლეთ და ჩვენზე ძლიერი მეტოქე პენალტების სერიაში დავამარცხეთ. ძალიან ბედნიერი ვარ და ნახევარფინალს მოუთმენლად ველი".</em></p><p>აქვე გეტყვით, რომ "სენტ ეტიენი" საფრანგეთის ჩემპიონი 10-ჯერ გახდა (ბოლოს 1981 წელს), ხოლო თასი კი 6-ჯერ მოიგო (ბოლოს 1977 წელს), მაგრამ ლიგის თასზე, რომელიც ამ ფორმატით 1995 წლიდან ტარდება, არასდროს გაუმარჯვია.</p><p><strong><em>სტ. ეტიენი-პსჟ 0:0 პენ. 5:3</p><p></em></strong>სენტ ეტიენი (4-3-2-1): რუფიე - კლერი, პერენი, ბაიალი, გულამი - კლემანი, ლემუანი (კოადი 88), გილავოგი - ამუმა (ა. ალონსო 83), ობამეიანი - გრადელი (ბრანდაო 65).</p><p>პსჟ (3-4-2-1): დუშეზი - ტიაგო სილვა, არმანი, სახო - ჟალე, შანტომი, მატუიდი, მაქსველი - მენეზი (ნენე 79), ლავეცი - იბრაჰიმოვიჩი.</p><p>პენალტების სერია: 1:0 კოადი, 1:1 იბრაჰიმოვიჩი, 2:1 გულამი, 2:2 ნენე, 3:2 ბრანდაო, 3:2 ტიაგო სილვა (მეკარე), 4:2 პერენი, 4:3 არმანი, 5:3 ობამეიანი.</p><p><strong>ყოველდღიური სპორტული გაზეთი "ლელო"</strong></p>
პსჟ-ს მეკარე: ძნელია მოტივაციის შენარჩუნება
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის