- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რეტრო მარია შარაპოვა
<p>ამ დღეებში WTA-ს ოფიციალურ ვებგვერდზე რეტრო-ინტერვიუ გაჩნდა</p><p><br> ამ დღეებში WTA-ს ოფიციალურ ვებგვერდზე რეტრო-ინტერვიუ გაჩნდა. ეს იყო ქალ ჩოგბურთელთა ასოციაციის მიერ ათი წლის წინ გამოქვეყნებული მასალა.</p><p>მაშინ ვებგვერდის ჟურნალისტმა ფლორიდაში იმოგზაურა და ნიკ ბოლეტიერის საჩოგბურთო აკადემიას ეწვია იმისთვის, რომ ქალთა ჩოგბურთის ამომავალი ვარსკვლავები გაეცნო.</p><p>მაშინ WTA-მ რამდენიმე კარგი ფსონი გააკეთა ქალთა ჩოგბურთის მომავალ ლიდერებზე. სტატიის ავტორები არ შემცდარან მარია შარაპოვასთან მიმართებაშიც. გთავაზობთ ამ ინტერვიუს ფრაგმენტებს.</p><p>მაშინ ყველა ერთხმად აცხადებდა, რომ მარია შარაპოვა თავის ასაკში საუკეთესო იყო მსოფლიოში და მომავალში ტოპ-ათეულის პოტენციური წევრი იქნებოდა.</p><p>ციმბირში დაბადებული რუსი ჩოგბურთელი უკვე შვიდი წელია, ფლორიდაში ცხოვრობს. ის ამერიკაში მამასთან - იური შარაპოვთან ერთად გადავიდა.</p><p>მას ძალიან უნდოდა თავისი ქალიშვილის ნიჭის განვითარება და ამერიკაში სხვადასხვა დაბალანაზღაურებად სამსახურს თანხმდებოდა, მაგალითად, ჭურჭლის მრეცხავი იყო.</p><p>აღებული ფულით იური მარიას საჩოგბურთო გაკვეთილებს აფინანსებდა იქამდე, სანამ გოგონა ცხრა წლის ასაკში ნიკ ბოლეტიერის აკადემიაში არ აიყვანეს.</p><p>მარიამ ჩოგბურთის თამაში ჯერ კიდევ რუსეთში, ოთხი წლის ასაკში დაიწყო. მოგვიანებით მისმა ნიჭმა შთაბეჭდილება მოახდინა მარტინა ნავრატილოვასა და ევგენი კაფელნიკოვზე.</p><p>მარია შარაპოვა: <em>"პატარა ვიყავი, როცა კაფელნიკოვმა თავისი საჩოგბურთო ჩოგანი მომცა და მოგვიანებით, როცა ბოლეტიერის აკადემიაში შევედი, კიდევ ერთხელ მაჩუქა ჩოგანი - ის, რომლითაც საფრანგეთის ღია პირველობა მოიგო.</p><p>შესანიშნავი იყო. ერთხელ მოსკოვში გამოფენაზე მოვხვდი, რომელსაც ნავრატილოვა სტუმრობდა. რამდენჯერმე ბურთი დავარტყი და მარტინამ მითხრა, რომ დიდი ნიჭი მქონდა.</p><p>ამიტომაც, როცა შინ დავბრუნდი, უბრალოდ გადავწყვიტე, რომ უკეთესი იქნებოდა, თუ ამერიკაში გადავიდოდით საცხოვრებლად. აქცენტი ნიკ ბოლეტიერის აკადემიაზე გავაკეთეთ".</em></p><p>მარიამ ამერიკაში თავიდანვე გამოაჩინა თავისი პოტენციალი. 2002 წლისთვის მას უკვე რვა ტიტული ჰქონდა იუნიორთა ასაკობრივ ჯგუფში.</p><p>იმავე წელს შარაპოვამ იუნიორთა შორის ავსტრალიის ღია პირველობის ფინალამდე მიაღწია. მის წინსვლას თვალს ადევნებდნენ ისეთი პროფესიონალები, როგორებიც არიან ანდრე აგასი და მონიკა სელეში.</p><p>მოკლედ, ნიკ ბოლეტიერი სრულად იყო ინფორმირებული, რომ ახალგაზრდა რუსს უდიდესი პოტენციალი ჰქონდა.</p><p><strong>ნიკ ბოლეტიერი</strong>: <em>"ის ძალიან მონდომებული გოგონაა და ამით ყველასგან გამოირჩევა. ის არის ახალი სელეში - ცოტათი ეგოისტური, რომელიც მხოლოდ თავის თავზე ფიქრობს. ამით ის ჰგავს უდიადეს მეომარს ან დიდ ბიზნესმენს, რომელიც მხოლოდ საკუთარ თავზე ფიქრობს.</p><p>არა, მე არ ვამბობ, რომ ის ძუნწია სხვების მიმართ, მაგრამ ის არის მარია შარაპოვა - ეს სახელი და გვარი საკმარისია იმისთვის, რომ საუკეთესო იყო".</em></p><p>სწორედ ამ ეტაპზე დაიწყო მარიამ პროფესიულ დონეზე თამაში. მართალია, ის ჯერ არ იყო სრულწლოვანი, მაგრამ 175 სანტიმეტრს მიაღწია და თითქმის აუღებელი მოწოდება ჰქონდა.</p><p>2002 წელს მან ინდიან უელსის ტურნირზე ითამაშა, სადაც მეორე რაუნდამდე გააღწია. მაშინ ის მხოლოდ 14 წლის იყო.</p><p><strong>მარია შარაპოვა</strong>: <em>"ეს დაუჯერებელი იყო. მოვიგე პირველი წრის თამაში, შემდეგ კი მონიკა სელეშს შევხვდი. ეს დაუჯერებელი შეგრძნება იყო - ასეთ ასაკში შენს წინ, კორტის მეორე მხარეს მონიკა სელეში დგას. მაშინ ვგრძნობდი, რომ ეს იყო საუკეთესო მატჩი, რაც კი ოდესმე მითამაშია. ეს მართლაც დიდი თამაში იყო".</em></p><p>მარიას აშკარად ეტყობოდა, რომ ის თავის წლებთან შედარებით, ჩამოყალიბებული პროფესიონალი იყო. მაშინ მას უკვე ჰქონდა გაფორმებული სასპონსორო კონტრაქტი; აგრეთვე, ხელშეკრულება დადო სპორტული მენეჯმენტის კომპანიასთან.</p><p>ყოველთვის არსებობს იმის შიში, რომ ახალგაზრდა მოთამაშე ზედმეტი ზეწოლის გამო ვერ ახერხებს კარიერის განვითარებას, მაგრამ მარია ღრუბლებში არასოდეს დაფრინავდა და მას ამგვარი პრობლემა არ შექმნია.</p><p><strong>მარია შარაპოვა</strong>: <em>"მე მართლაც მომწონს ის, რასაც ვაკეთებ. ზოგიერთებს ამ ასაკში მოსწონთ სკოლაში სიარული, სხვებს მეგობრებთან ურთიერთობა, მე კი უპირატესობას მოგზაურობასა და ჩოგბურთის თამაშს ვანიჭებ. ბევრი ვერ ახერხებს იმის გაკეთებას, რითაც ახლა მე ვარ დაკავებული".</em></p><p>მარიას პროგრესი საჩოგბურთო აკადემიაში მართლაც უდიდესი ტემპებით მიდიოდა. ტედ მიკმა, რომელიც მაშინ აკადემიის ვიცე-პრეზიდენტი იყო, ასევე აღიარებდა, რომ მარიას განსაკუთრებული ნიჭი ჰქონდა.</p><p><strong>ტედ მიქმა</strong>: <em>"თავის დროზე აქ მარტინა ჰინგისი ჩამოვიდა და რამდენიმე კვირის განმ</em><em>ავლობაში ვარჯიშობდა ნიკის აკადემიაში. ერთხელ მან გადაწყვიტა, რომ 10,11, 12 წლის გოგონებს გაჯიბრებოდა.</p><p>ბოლოს ნიკმა ჩოგბურთელები ერთ მწკრივში დააყენა და ჰკითხა მათ: "რას ფიქრობთ, ისიამოვნეთ მასთან თამაშით?"</em></p><p>ყველა გოგონა მოკრძალებითა და შიშით პასუხობდა, ხოლო როცა ჯერი მარიაზე მიდგა, მან თქვა:</p><p>"ვფიქრობ, მარტინასავით ვითამაშებ, როცა 16 წლის გავხდები". ის თავიდანვე ძალიან მიზანდასახული იყო".</p><p>თავის დროზე რუსი ანა კურნიკოვა ყველაზე სახელგანთქმული ჩოგბურთელი იყო და უამრავი სასპონსორო ხელშეკრულება გააჩნდა. 2002 წელს მარიას "ახალი კურნიკოვა" უწოდეს.</p><p><strong>მარია შარაპოვა</strong>: <em>"პატივს ვცემ ტურის ყველა მოთამაშეს, მათ შორის, ანას. უბრალოდ, ყოველთვის ვცდილობ, ვიყო მარია შარაპოვა და არა სხვა ვინმე".</em></p><p><strong>ნიკ ბოლეტიერი</strong>: <em>"ანა კურნიკოვას კარგად ვიცნობდი. მასაც უდიდესი ნიჭი ჰქონდა, მაგრამ გარკვეული მიზეზების გამო, ვერ შეძლო თავისი შესაძლებლობების სრულად რეალიზება. ვფიქრობ, მარიას შემთხვევაში ასეთი რამ არ მოხდება".</p><p></em></p><p>WTA-ს ჟურნალისტმა ფლორიდა ისე დატოვა, რომ დარწმუნებული იყო - მალე ბევრს შეიტყობდა მარია შარაპოვას წარმატებების შესახებ. წლების განმავლობაში მისი ვარაუდი დამტკიცდა კიდეც.</p><p><strong>ყოველდღიური სპორტული გაზეთი "ლელო"</strong></p>
სამწუხარო მარცხი - ბასილაშვილი რომის მასტერსს გამოეთიშა
[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა
ნაკაშიმაც დამარცხებულია - ბასილაშვილი რომის მასტერსის მერვედფინალში რუბლევს დაუპირისპირდება
ოფიციალური შეთავაზება მზადაა - ალისონი "იუვენტუსს" სულ უფრო უახლოვდება
"ასტონ ვილა" - "ლივერპული". გუნდების შემადგენლობები ცნობილია
თბილისის 7-კაცას "ლოკომოტივის ბაზა" უმასპინძლებს
ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს
ქართველი მსაჯები საბერძნეთის სუპერლიგის ბოლო ტურის მატჩს განსჯიან
"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა
მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ
WhiteBIT და FC Barcelona ხუთწლიან შეთანხმებას აანონსებენ, რომელიც მიზნად ისახავს სპორტში გლობალური ინოვაციების დანერგვას
"ასე ხდება, როცა სულელურად თამაშობ" - სნეიდერმა კამავინგა "გაამხნევა"
"ნიუკასლის" შემტევმა "ბაიერნთან" პირადი კონტრაქტი შეათანხმა
შენგელიას გამარჯვება კატალონიურ დერბიში და შერმადინის შედეგიანობა მარცხის ფონზე
[VIDEO] მბაპეს "რეალის" ფანების გამაყრუებელი სტვენა სასაცილოდ არ ეყო
"ძმაო, ვიცი, რაოდენ ბედნიერი ხარ" - თოფურიამ სერხიო რამოსს "სევილიას" შეძენა მიულოცა
შევალიეს გარეშე - დეშამმა მსოფლიოს ჩემპიონატისთვის საფრანგეთის ნაკრების შემადგენლობა გამოაცხადა
ლუის ენრიკე: ბარკოლაზე შემიძლია გითხრათ, რომ არაფერი არ შემიძლია გითხრათ
მოურინიოს დასაბრუნებლად "რეალს" "ბენფიკასთვის" კომპენსაციის გადახდა მოუწევს
კვარაცხელიასთან და დემბელესთან ერთად შეუტევს - პსჟ-ს ახალი თავდამსხმელი ეყოლება
ლევან კორღალიძე: ახლა ჩვენი ყველაზე დიდი "მტერი" არის დრო
ალისონი მიდის თუ რჩება და ვინ ჩადგება "ასტონ ვილასთან" კარში? - სლოტმა კითხვაზე უპასუხა
ქვიზი: შეამოწმე, რამდენად კარგად იცნობ პსჟ-ს ისტორიას?