- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვისენტე დელ ბოსკე: ესპანეთის ნაკრებში არანორმალური კონკურენციაა
<p>ესპანელი სპეციალისტი ფიფას ოფიციალურ საიტს გაესაუბრა <br> ესპანეთის ნაკრების მთავარ მწვრთნელს, ვისენტე დელ ბოსკეს წარდგენა არ სჭირდება.</p><p>სალამანკაში 61 წლის წინ დაბადებული სპეციალისტი 2012 წლის საუკეთესო მწვრთნელის ტიტულის მოგების ერთ-ერთი კანდიდატია.</p><p>"ფურია როხამ" ბოლო სამი დიდი ტურნირი (ევრო 2008, 2010 წლის მუნდიალი და ევრო 2012) კი მოიგო, მაგრამ ესპანელებს წინ ახალი მწვერვალები ელით - 2013 წლის კონფედერაციის თასი და 2014 წლის მსოფლიოს ჩემპიონატი. ამ და სხვა საკითხებზე დელ ბოსკე ფიფას ოფიციალურ საიტს გაესაუბრა.</p><p><strong>- დონ ვისენტე, თქვენი პრიორიტეტების სიაში რომელ ადგილს იკავებს მომავალ წელს გასამართი კონფედერაციის თასი?</p><p></strong>- ჩვენ მხოლოდ მოკლევადიან მიზნებს ვისახავთ. ამჟამად ესპანეთის ნაკრების მთავარი საფიქრალი მსოფლიოს ჩემპიონატის საგზურის მოპოვებაა. მომავალი წლის მარტში ორი ძალიან მნიშვნელოვანი მატჩი გველის (ფინეთთან და საფრანგეთთან).</p><p>ამის შემდეგ კი უკვე კონფედერაციის თასზე გადავერთვებით. 2009 წელს ჩვენ მესამე ადგილი დავიკავეთ და ახლა გვსურს, რომ ამ ტურნირისთვის უკეთ მოვემზადოთ და ჩვენს კოლექციას კიდევ ერთი თასი შევმატოთ.</p><p><strong></p><p>- ბევრი მწვრთნელი ამ ტურნირს ექსპერიმენტებისთვის, გუნდის უკეთ გაცნობისა</strong><strong> და შეთამაშებისთვის იყენებს. იმის გათვალისწინებით, რომ ესპანეთის ნაკრების ბირთვი უკვე დიდი ხანია ჩამოყალიბებულია, რისი მიცემა შეუძლია თქვენი გუნდისთვის 2013 წლის კონფედერაციის თასს?</p><p></strong>- ჩვენ ნამდვილად სტაბილური შემადგენლობა გვყავს, მაგრამ ნაკრებში ახალი ფეხბურთელები ყოველთვის ჩნდებიან.</p><p>ესპანეთის ნაკრებში ზოგიერთ პოზიციაზე არანორმალური კონკურენციაა და ამის გამო სელექციის პროცესი ნამდვილი თავის ტკივილია, თუმცა ეს ის შემთხვევაა, როდესაც საქმე სასიამოვნო სახის პრობლემასთან გვაქვს.</p><p>ბევრი ფეხბურთელი უკვე წლებია, საკუთარ კლუბში უმაღლეს დონეზე თამაშობს, მაგრამ სცენაზე ახალი ფეხბურთელებიც გამოდიან და ისინი ნაკრებში ნელ-ნელა უნდა გავაშინაუროთ. ჩვენი მთავარი მიზანია, რომ შევარჩიოთ ის ფეხბურთელები, ვისთან ერთადაც ტიტულის მოგების საუკეთესო შანსი გვექნება.</p><p><strong></p><p>- 2009 წელს ესპანეთმა ნახევარფინალში აშშ-სთან წააგო. როგორ ფიქრობთ, დაეხმარა თუ არა ეს მწარე გამოცდილება ესპანეთის ნაკრებს მომავალი წლის მუნდიალის მოგებაში?</p><p></strong>- ორი აზრი არ არის. განსაკუთრებული დახმარება გაგვიწია იმან, რომ ჩვენ უკვე ვიცნობდით სიტუაციას. ვიცოდით, სად მივდიოდით, რომელ სასტუმროში, მიჩვეულნი ვიყავით სავარჯიშო მოედნებსა და კლიმატს. ჩვენთვის ეს გამოცდილება მართლაც ფასდაუდებელი იყო.</p><p><strong></p><p>- რას ელით მასპინძელი ქვეყნისგან?</p><p></strong>- ჩვენ მივემგზავრებით ქვეყანაში, რომელსაც ფეხბურთის მიმართ ყველაზე დიდი ვნება გააჩნია. ესპანეთის ნაკრები გრძნობს იმ პასუხისმგებლობას, რომელიც მსოფლიოს ჩემპიონს აკისრია და ჩვენთვის კონფედერაციის თასი უმნიშვნელო ტურნირი ნამდვილად არ არის.</p><p>2013 წლის ზაფხულში ბრაზილიაში სხვადასხვა კონტინენტის ჩემპიონები შეიკრიბებიან. შესაბამისად, ძალიან კარგად ვიცით, თუ რა სიძნელეებთან იქნება დაკავშირებული ამ ტურნირზე გამარჯვება.</p><p>ესპანეთის ნაკრებისთვის არ არსებობს ამხანაგური მატჩი, ჩვენთვის ყველა შეხვედრა საერთაშორისო დაპირისპირებაა. ამიტომ თითოეულ ტურნირს თუ შეხვედრას "ფურია როხასთვის" უდიდესი მნიშვნელობა აქვს.</p><p><strong></p><p>- ფიქრობთ თუ არა, რომ 2010 წლის მსოფლიოს ჩემპიონატის მოგების შემდეგ ესპანეთის ნაკრების მიმართ დამოკიდებულება შეიცვალა?</p><p></strong>- შესაძლოა ჩვენ ძალიან ბევრს გვაქებენ, მაგრამ ეს ბუნებრივია, რადგან როცა გუნდი ჩემპიონი ხდება, მასზე ყოველთვის დადებითად საუბრობენ.</p><p>ესპანეთის ნაკრები კი არა მხოლოდ მსოფლიოს ჩემპიონია, არამედ ბოლო სამი დიდი სანაკრებო ტურნირის გამარჯვებული გახლავთ. ასეთი წარმატებული ასპარეზობა ჩვენი ფეხბურთელების ფასს ზრდის, მაგრამ ამავდროულად, იზრდება ზეწოლაც.</p><p>"ფურია როხას" გულშემატკივარი გამარჯვებებს მიეჩვია და ამის გამო ჩვენი მარცხის შემთხვევაში ქომაგი ორმაგად გულდაწყვეტილი იქნება. წაგებას კი ფეხბურთში ვერასდროს გამორიცხავ, რადგან სპორტის ამ სახეობაში ძალიან ბევრი კარგი ნაკრებია.</p><p><strong></p><p>- როგორ ფიქრობთ, ესპანეთის ნაკრები სხვებისთვის სამაგალითოა?</p><p></strong>- ჩვენს ფეხბურთელებს ის კონკრეტული მახასიათებლები გააჩნიათ, რაც ესპანეთის ნაკრების სტილს საუკეთესოდ ესადაგება. ესპანელებმა სხვანაირად თამაში არ უნდა ვცადოთ, თუმცა წარმატების მიღწევა სხვადასხვა გზით შეიძლება.</p><p>ჩვენს შემთხვევაში, "ფურია როხას" სათამაშო სტილმა პოპულარობა დადებითი შედეგების გამო მოიპოვა. არ მოგატყუებთ, თუ ვიტყვი, რომ ხალხი ჩვენ მიბაძვას ცდილობს, რაც საკმაოდ სასიამოვნოა.</p><p><strong></p><p>- 2010 წლის ჩემპიონატის ფინალში არიენ რობენს ის გოლი რომ გაეტანა და თამაში ჰოლანდიას მოეგო, ესპანეთის ნაკრების სტილი მაინც პოპულარული იქნებოდა?</p><p></strong>- ჩვენ გვიმართლებდა კიდევაც და ამას არც უარვყოფ. ევრო 2012-ის ნახევარფინალში, პორტუგალიასთან პენალტების სერიაში, ბრუნო ალვეშის დარტყმული ძელს მოხვდა და კარს აცდა, სესკის (ფაბრეგასი) დარტყმა კი ძელს მოხვდა და კარში შევარდა.</p><p>ასეთია ფეხბურთი. მთავარია, არასდროს შეგეპაროს ეჭვი იმაში, რასაც აკეთებ. 2010 წლის მსოფლიოს ჩემპიონატზე, პირველი მატჩი შვეიცარიასთან წავაგეთ, მაგრამ არჩეული გზის სისწორეში ეჭვი არასდროს შეგვიტანია და მეორე მატჩშიც ზუსტად იგივე შემადგენლობა დავაყენეთ; მხოლოდ ფერნანდო ტორესი გამოჩნდა ძირითადში დავიდ სილვას ნაცვლად და ანდრეს ინიესტა ტრავმის გამო დაგვაკლდა, თორემ დანარჩენი ცხრა ფეხბურთელი იგივე იყო.</p><p><strong>- ამ კონკრეტული ფეხბურთელების</strong><strong> გარეშე ესპანეთის ნაკრები იმავე სტილში ითამაშებდა?</p><p></strong>- მე საკუთარი საფეხბურთო გემოვნება გამაჩნია, რომელსაც ესპანეთის ნაკრების სათამაშო სტილთან ბევრი საერთო აქვს. მადრიდის "რეალშიც" ბევრი საოცარი ფეხბურთელი მყავდა და მაშინდელი გუნდიც დაახლოებით ასე თამაშობდა.</p><p>მიყვარს, როცა ჩემი გუნდი უპირატესობას ფლობს, ბურთი უჭირავს, მეტოქეს მის ნახევარზე ავიწროვებს, მოკლე და გრძელ პასებს შორის ბალანსს იცავს...</p><p>მთავარია, გუნდი ორგანიზებული იყოს, თორემ მოთამაშეების შეზღუდვა არ მჩვევია. ფეხბურთელს შეუძლია საკუთარი ნიჭი ბოლომდე გამოავლინოს, თუ ეს გუნდს არ დააზარალებს.</p><p><strong></p><p>- ყველამ იცის, რომ ესპანეთისთვის ბურთის ფლობა უმნიშვნელოვანესი კომპონენტია. იმ შემთხვევაში, თუ მეტოქემ დაგჯაბნათ, გაქვთ თუ არა სათადარიგო გეგმა?</p><p></strong>- ესპანეთის ნაკრებს, მწვრთნელის გარდა, ისეთი ფეხბურთელები ჰყავს, რომლებსაც მოედანზე გადაწყვეტილების მიღება შეუძლიათ.</p><p>ჩვენ მეტოქის შესწავლას არა გასახდელში, არამედ მინდორზე ვიწყებთ. ფეხბურთელები პირველი 10-15 წუთის განმავლობაში მოწინააღმდეგეს აკვირდებიან და შემდეგ იმის მიხედვით, თუ როგორ თამაშობს მეტოქე, შესაბამის ზომებსაც იღებენ.</p><p>"ფურია როხაში" ძალიან ჭკვიანი და ტაქტიკურად განათლებული ფეხბურთელები თამაშობენ და მათ თვითონვე შეუძლიათ პრობლემის გადაწყვეტა.</p><p><strong></p><p>- მოედანზე თქვენი მარჯვენა ხელი ვინ არის?</p><p></strong>- მხოლოდ ერთ ფეხბურთელს ვერ გამოვყოფ. ჩვენ გვყავს მოთამაშეები, რომლებსაც ლიდერის თვისებები და ანალიტიკური აზროვნების უნარი გააჩნიათ.</p><p>ნახევარდაცვაში ორი-სამი ტაქტიკურად სრულყოფილი ფეხბურთელი გვყავს - მათ იციან, როგორ დაეხმარონ დაცვას, როგორ, როდის და სად გათავისუფლდნენ და მომდევნო პასი ვის და სად გადააწოდონ. ისინი ნამდვილი საფეხბურთო ინტელექტუალები არიან.</p><p><strong>ყოველდღიური სპორტული გაზეთი "ლელო"</strong></p>
-
guja_kakhadze
"ისინი ნამდვილი საფეხბურთო ინტელექტუალები არიან". მალე ქართველ ფეხბურთელებზეც იგივე გვეთქვას!!!!
მბაპე ტრავმირებულია - "რეალს" მორიგი პრობლემა აქვს
დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა
ჟოზეს დიდი დაბრუნება? - მოურინიომ შესაძლოა, "რეალი" კიდევ ერთხელ ჩაიბაროს
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
crocobet დიდი 10 | "ბათუმი" საქართველოს ჩემპიონია!
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა