- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს პირველობა: საჩინო დავითაია - ახალი თაობის ამბიცია
<p>სპორტკომპლექს "არენაში" ამ უქმეებზე ბერძნულ-რომაულ სტილში მოჭიდავეთა საქართველოს პირველობა ჩატარდა <br> სპორტკომპლექს "არენაში" ამ უქმეებზე ბერძნულ-რომაულ სტილში მოჭიდავეთა საქართველოს პირველობა ჩატარდა, რომელმაც ახალ ოლიმპიურ ციკლსაც დაუდო სათავე. როგორც ეტყობა, უახლოეს წლებში მნიშვნელოვან საკადრო ცვლილებებსაც უნდა ველოდოთ.</p><p>თავდაპირველად იმას გეტყვით, რომ ამ ნაკრებიდან ლონდონის ოლიმპიადის ორივე მედალოსანს ხელი მოეცარა - თამაშების ვიცე-ჩემპიონი <strong>რევაზ ლაშხიც</strong> (60) უმედლოდ დარჩა და - ბრინჯაოსმედალოსანი <strong>მანუჩარ ცხადაიაც</strong> (66).</p><p>ოღონდ ამჯერად ორივე ახალ წონაში გამოვიდა, თუმცა ლაშხმა თუ პირველად სცადა ბედი 66-ში, ცხადაია ადრეც ხშირად ჭიდაობდა 74-ში და წლეულს იქ საქართველოს ჩემპიონიც გახდა და ევროპის ვერცხლისმედალოსანიც.</p><p>განსხვავება იმაშიცაა, რომ ლაშხი არც აპირებს 66-ში გადასვლას (ყოველ შემთხვევაში, სადღეისოდ ეს საკითხი პრინციპულად არ დგას), ცხადაიამ კი ეს საბოლოოდ გადაწყვიტა.</p><p><img src="/media/images/new_photo/QARTULI/WRESTLING/Klasikuri/PIRVELOBA/pirveloba-romauli-26738356.jpg" border="0" alt="Sportall.Ge" title="საქართველოს პირველობა: საჩინო დავითაია - ახალი თაობის ამბიცია" width="297" style="float: left; margin: 5px;" />თუმცა ჯერ ამან შედეგი ვერ მოუტანა - <strong>გენადი გოგიშვილთან</strong> დამარცხდა, რომელმაც მერე საკმაოდ კარგად მოასპარეზე <strong>უშანგი ჩიტიაშვილთან</strong> წააგო და ოლიმპიური პრიზიორიც გავარდა.</p><p>აქვე ერთსაც ვიტყვით - მათი წაგებიდან ჯერჯერობით ტრაგედიას ნუ შევქმნით. ორივემ ოლიმპიადაზე დიდი ფსიქოლოგიური სტრესი გადაიტანა და ჯერ კიდევ სარეაბილიტაციო პერიოდს გადიან.</p><p>სეზონიც ახლა იწყება და ჯერ არ არიან ფორმაში, ოღონდ ევროპის ჩემპიონატიც კარს მოგვადგა და უკვე უკან დასახევი გზაც აღარ აქვთ. მით უფრო, კონტინენტის პირველობა 19-24 მარტს თბილისში ტარდება და საკუთარი ქომაგის წინაშე გამოსვლა ორმაგად მეტს ავალებთ.</p><p>"თავისუფლებისა" თუ ძიუდოისტებისა არ იყოს, ახალმა თაობამ ბერძენ-რომაელებშიც ვაჟკაცურად იბრძოლა და ომახიანი პრეტენზია განაცხადა.</p><p><img src="/media/images/new_photo/QARTULI/WRESTLING/Klasikuri/PIRVELOBA/pirveloba-romauli-34634643.jpg" border="0" alt="Sportall.Ge" title="საქართველოს პირველობა: საჩინო დავითაია - ახალი თაობის ამბიცია" width="297" style="float: left; margin: 5px;" />ალბათ, არც ამაშია დიდად გასაკვირი რამე. ჯერ კიდევ ოლიმპიადამდე ჩანდა, რომ ბერძენ-რომაელებს ძალიან კარგი თაობა მოესწროთ, თუმცა დროში ცოტა დააგვიანეს და სალონდონედ ლიდერებში დამკვიდრება ვერ მოასწრეს.</p><p>სამაგიეროდ, ისინი ასაკობრივ ტურნირებში იმდენად კარგად გამოდიოდნენ, უფროსებში მათი წარმატება დროის საკითხი იყო. ეტყობა, ეს დრო ახალ ოლიმპიურ ციკლში დადგა, რომელიც ბევრ საინტერესო პროცესს გვპირდება.</p><p>უმეტეს წონებში სწორედ ახალგაზრდებმა გაიმარჯვეს, თუმცა არ შევცდებით, თუ ვიტყვით, რომ ჩემპიონატის აღმოჩენად სენაკელი <strong>საჩინო დავითაია</strong> (66) იქცა - რაც ამ ბიჭმა იომა და იბრძოლა, რაც მან შემართება გამოავლინა, ბარე ორ-სამ ბევრად გამოცდილსაც შეშურდებოდა.</p><p>რაც მთავარია, სწორედ მან დაამარცხა ლაშხი ძირითად დროში - 2:0; 1:0. საერთოდ, დავითაიამ ყველა შეხვედრა ორ პერიოდში მოიგო და დამატებითი არსად დასჭირვებია.</p><p><img src="/media/images/new_photo/QARTULI/WRESTLING/Klasikuri/PIRVELOBA/pirveloba-romauli-436346734.jpg" border="0" alt="Sportall.Ge" title="საქართველოს პირველობა: საჩინო დავითაია - ახალი თაობის ამბიცია" width="297" style="float: left; margin: 5px;" />პირველ ორ შეხვედრაში თითო პერიოდი 7:1 და 7:2 მოიგო, რაც კარგად ადასტურებს, რაოდენ ტექნიკურად იჭიდავა და რამდენად ბევრი ქულა დააგროვა.</p><p>საინტერესოა, რომ ამ ორ შეხვედრაში მეტოქეებად <strong>ამირან შავაძე</strong> და <strong>არჩილ თურმანიძე</strong> ჰყავდა, რომლებიც (მეტადრე კი - თურმანიძე) თავად აცხადებდნენ ამ წონაში ლიდერობაზე პრეტენზიას.</p><p>მან ტურნირი ჩინებული სტატისტიკით მოიგო - 30:4. ის 4 ქულაც სწორედ იმ პირველ ორ ბრძოლაში დაკარგა, თორემ მერე უდანაკარგოდ გაიარა გზა ოქრომდე.</p><p>ფინალში <strong>ედნარ შავაძესაც</strong> დამაჯერებლად მოუგო - პირველ პერიოდში ჩოქბჯენში ჩინებულად დაიცვა თავი და ქულა არ დაუთმო, მეორეში კი იმავე მდგომარეობიდან მშვენივრად დაატრიალა და დამსახურებული გამარჯვება მოიპოვა.</p><p><strong>საჩინო დავითაია</strong> 21 წლისაა და ორჯერ იჭიდავა ახალგაზრდებში ევროპის პირველობის ფინალში. პარალელურად, ევროპის ახალგაზრდული ოლიმპიური ფესტივალის შარშანდელი გამარჯვებულიცაა. ის რამდენიმე წელიწადია, თბილისში ვარჯიშობს თავის მოგვარე დავით დავითაიასთან.</p><p><img src="/media/images/new_photo/QARTULI/WRESTLING/Klasikuri/PIRVELOBA/pirveloba-romauli-45867334.jpg" border="0" alt="Sportall.Ge" title="საქართველოს პირველობა: საჩინო დავითაია - ახალი თაობის ამბიცია" width="297" style="float: left; margin: 5px;" />კიდევ ერთი ახალგაზრდა, რომელმაც კარგი ჭიდაობით გამოიჩინა თავი, 20-წლამდელებში ევროპის წლევანდელი ბრინჯაოსმედალოსანი, გარდაბნელი <strong>რობერტ ქობლიაშვილია</strong>.</p><p>ამ წონაში არც ლონდონის ოლიმპიადაზე ნაჭიდავები <strong>ვლადიმერ გეგეშიძე</strong> გამოდიოდა და არც ქუთაისელი <strong>დავით ჩაკვეტაძე</strong> (ამ ბიჭის საკითხი ქართული სპორტის კიდევ ერთი პრობლემაა - რუსეთში მიდის კარიერის გასაგრძელებლად, რასაც უახლოეს დღეებში საგანგებოდ დავუბრუნდებით).</p><p>საინტერესოა, რას იზამდა ქობლიაშვილი მათთან პაექრობაში, მაგრამ ახლა თავისი შანსი კარგად გამოიყენა და დამაჯერებლად იჭიდავა.</p><p>საინტერესოა, რომ მან ახალი თაობის რამდენიმე ლიდერი დაამარცხა, რომლებიც წონის ლიდერობის ასევე დიდი ამბიციით გამოდიან - პირველივე შეხვედრაში ახალგაზრდებში მსოფლიოს წლევანდელი ვიცე-ჩემპიონი (ოღონდ - 74-ში) <strong>თორნიკე ძამაშვილი</strong> ორი პერიოდის ჯამში 3:0 დაჯაბნა, ნახევარფინალში კი ასევე 20-წლიანთა შორის მსოფლიოს შარშანდელ ჩემპიონ <strong>რევაზ ნადარეიშვილსაც</strong> იმავე ანგარიშით სძლია.</p><p><img src="/media/images/new_photo/QARTULI/WRESTLING/Klasikuri/PIRVELOBA/pirveloba-romauli-46347637.jpg" border="0" alt="Sportall.Ge" title="საქართველოს პირველობა: საჩინო დავითაია - ახალი თაობის ამბიცია" width="297" style="float: left; margin: 5px;" />ამ წონის ფინალში ოზურგეთელი <strong>ვალერი მურვანიძე</strong> გავიდა, რაც მოულოდნელ შედეგად უნდა მივიჩნიოთ, თუმცა ისიც სათქმელია, რომ წონის ყველა ლიდერი ბადის მეორე მხარეს აღმოჩნდა.</p><p>ქობლიაშვილი ფინალშიც საგრძნობ უპირატესობას ფლობდა, თუმცა მურვანიძის სასახელოდ უნდა ითქვას, რომ მეორე პერიოდში ჩოქბჯენში კარგად დაიცვა თავი და პერიოდებში ანგარიში გაათანაბრა.</p><p>ოღონდ ისიც სათქმელია, რომ პირველ პერიოდში ვერც თვითონ დაატრიალა მეტოქე. ალბათ იმიტომ, რომ ხელი სტკიოდა. ქობლიაშვილს კი დამატებით დროში წარმატება სწორედ ჩოქბჯენში ძლიერმა ჭიდაობამ მოუტანა, რამაც მურვანიძე ფსიქოლოგიურად გატეხა და გარდაბნელმა შეხვედრა ლამაზი გდებებით დაასრულა.</p><p>ახალი თაობიდან და ოლიმპიური გუნდიდან აღსანიშნავია <strong>ზურაბ დათუნაშვილიც</strong> (74), რომელმაც ფავორიტის იმიჯი სრულად გაამართლა.</p><p>ამ წონის მსგავსად, ახალგაზრდების ფინალი გაიმართა მძიმეშიც, თუმცა ნაადრევად შეწყდა - 20-წლამდელთა შორის ევროპის წლევანდელმა ვიცე-ჩემპიონმა <strong>ლევან არაბულმა</strong> ხელი იტკინა და ბრძოლა ვეღარ გააგრძელა.</p><p>გადამწყვეტ შეხვედრაში მისი მეტოქე არა ახალგაზრდებში მსოფლიოს შარშანდელი ჩემპიონი და წლევანდელი ვერცხლისმედალოსანი, ქუთაისელი <strong>შოთა გოგისვანიძე</strong> იყო, არამედ მისი უფროსი ძმა <strong>სერგო გოგისვანიძე</strong>, თავად შოთა კი ნახევარფინალში არაბულთან დამარცხდა და საბოლოოდ მესამეზე გავიდა.</p><p>55-შიც ახალგაზრდების ზეობა ვიხილეთ, ძველებმა კი გადამწყვეტი უპირატესობა მხოლოდ ორ წონაში მოიპოვეს - 60-ში <strong>ლაშა გოგიტაძემ</strong> გაიმარჯვა, 96-ში - ევროპის პრიზიორმა <strong>სოსო ჯაბიძემ</strong>.</p><p>თუმცა ორივეგან ფინალში ახალგაზრდული ნაკრების წევრი გავიდა - <strong>ქემალ ხარაბაძე</strong> (60) შარშან მსოფლიოს ბრინჯაოსმედალოსანი გახდა, <strong>ირაკლი ქაჯაია</strong> კი ამავე ასაკში წლეულს ევროპაზეც და მსოფლიოზეც მესამე იყო.</p><p><strong>კვარცხლბეკი</p><p></strong>55 კგ. 1. ედნარ შავაძე; 2). ზურაბ კეკელიძე; 3). ნიკა ცეცხლაძე, გიორგი გვენეტაძე (ოთხივე - აჭარა).</p><p>60 კგ. 1). ლაშა გოგიტაძე (ქუთაისი); 2). ქემალ ხარაბაძე; 3). რამაზ სურმანიძე (ორივე - აჭარა), ირაკლი ჭოჭუა (თბილისი).</p><p>66 კგ. 1). საჩინო დავითაია (სენაკი); 2). მარადი აბულაძე (აჭარა); 3). გოგიტა გოგიბერაშვილი (სამტრედია), ანტონ მამაგეიშვილი (ქუთაისი).</p><p>74 კგ. 1). ზურაბ დათუნაშვილი (თბილისი); 2). უშანგი ჩიტიაშვილი; 3). შმაგი გულიაშვილი (ორივე - გარდაბანი), გენადი გოგიშვილი (თბილისი).</p><p>84 კგ. 1). რობერტ ქობლიაშვილი (გარდაბანი); 2). ვალერი მურვანიძე (ოზურგეთი); 3). გიორგი ცირეკიძე (ქუთაისი), რევაზ ნადარეიშვილი (თბილისი).</p><p>96 კგ. 1). სოსო ჯაბიძე (ბაღდათი); 2). ირაკლი ქაჯაია; 3). მიხეილ ქაჯაია (ორივე - წყალტუბო), ჯონი მინაძე (თბილისი).</p><p>120 კგ. 1). სერგო გოგისვანიძე (ქუთაისი); 2). ლევან არაბული (თბილისი); 3). შოთა გოგისვანიძე (ქუთაისი), რამაზ დევაძე (აჭარა).</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს
"იუვენტუსმა" პოლონელი მეკარე დაიმატა
ოფიციალურად: სავინიო "ტოტენჰემის" ფეხბურთელია
კიევის "დინამოს" თავდამსხმელი შეიძლება "გალათასარაიში" გადავიდეს
"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ
"ბორნმუთმა" "იუვენტუსის" მეკარე ინათხოვრა
[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო
"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა
კვლავ პრემიერ ლიგაში - ნიკო გონსალესმა "სიტი" დატოვა
არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს
მუდრიკი სავარაუდოდ, კარიერას საფრანგეთის ჩემპიონატში განაგრძობს
15-წლამდე გოგონათა ნაკრები უეფას განვითარების თასზე იასპარეზებს
საქართველო - უკრაინა | ინფორმაცია ბილეთების შესახებ
ბუნდესლიგის დაწყების წინ ლოჩოშვილმა თასის მატჩში ტრავმა მიიღო
ფეხბურთიდან ომამდე: როგორ გადაიქცა შეხვედრა 100-საათიან ომად
"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს
"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა
"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა
ენეს მაჰმუტოვიჩი ბათუმის "დინამოს" ფეხბურთელია
ფერან ტორესი: მთლად კმაყოფილი არ ვარ