<p>გაზეთ "ზუდდოიჩე ცაითუნგისთვის" მიცემულ ინტერვიუში გერმანიის ნაკრების მთავარმა მწვრთნელმა შეცდომები პირველად აღიარა</p><p><br> გაზეთ "ზუდდოიჩე ცაითუნგისთვის" მიცემულ ინტერვიუში გერმანიის ნაკრების მთავარმა მწვრთნელმა იოახიმ ლიოვმა შეცდომები პირველად აღიარა.</p><p>გეხსომებათ, ევროპის ჩემპიონატის ნახევარფინალში იტალიის ნაკრებთან წაგების (1:2) შემდეგ ლიოვს კრიტიკის ქარცეცხლი დაატყდა თავს, რაზეც ბუნდესმწვრთნელს მკაცრი რეაქცია ჰქონდა - მაშინ იოგიმ ყველა კრიტიკოსს მძაფრად შეუტია, ამას არ ვიმსახურებდიო.</p><p>ლიოვს შვედეთთან 4:4-ის შემდეგაც აკრიტიკებდნენ, მაგრამ გერმანიის ნაკრების თავკაცი არც მაშინ შედრკა და კრიტიკა არ მიიღო. ახლა კი, წლის ბოლოს სხვანაირად ალაპარაკდა.</p><p>"დროის უკან დაბრუნება რომ შემეძლოს, იტალიასთან გუნდს სხვანაირად ვათამაშებდი. ახლა ვხვდები, რომ ძირითადი შემადგენლობა ოდნავ განსხვავებულად უნდა დამეკომპლექტებინა, - აცხადებს ლიოვი ხსენებულ ინტერვიუში და დასძენს, - იტალიასთან მატჩისთვის კონკრეტული და ყველასათვის გასაგები გეგმა მქონდა შემუშავებული. ცხადია, უნდა ვაღიარო, რომ ჩემმა გეგმამ არ გაამართლა."</p><p>იოგი იმაზეც საუბრობს, რომ გარკვეული შეცდომები შვედეთთან მატჩშიც დაუშვა, თუმცა მისთვის, ისევე, როგორც მთელი საფეხბურთო გერმანიისთვის, 2012 წელს ყველაზე მტკივნეული, რა თქმა უნდა, იტალიასთან წაგება იყო, რომლის შედეგადაც ბუნდესგუნდი კონტინენტის პირველობას გამოეთიშა.</p><p>"ცხადია, ვხვდები, რომ სხვანაირად უნდა მოვქცეულიყავი. ვფიქრობ, იტალიასთან და შვედეთთან მატჩების მიმდინარეობის დროსაც რაღაც-რაღაცები უნდა შემეცვალა, - ამბობს 52 წლის ბუნდესმწვრთნელი, - თუმცა შეცდომებს ყველა უშვებს და ისიც ფაქტია, რომ სამწუხაროდ, ამას უმეტესად არა იმ დროს, არამედ მოგვიანებით ვხვდებით ხოლმე."</p><p><strong></p><p><span style="color: #ff0000;">როდის იბნევა ბუნდესგუნდი</span></strong><span style="color: #ff0000;"></p><p></span>ლიოვის თქმით, იტალიასთან და შვედეთთან მატჩებმა მას თავისი გუნდის სუსტი მხარეებიც დაანახვა: "ამ მატჩებში გამოჩნდა, რომ როცა მეტოქე თამაშის დროს ტაქტიკას ცვლის, ჩემი ბიჭები ირევიან, თავდაჯერებას კარგავენ და ცვლილებასთან შეგუება ძალიან უჭირთ.</p><p>იტალიასთან პირველი 15 წუთის მანძილზე ძალიან კარგად გამოვიყურებოდით, მერე კი ჩეზარე პრანდელიმ სტილი შეცვალა - იტალიელებმა მოულოდნელად უფრო წინ წაიწიეს და აქტიურ პრესინგს მიმართეს. იგივე მოხდა შვედეთთანაც, ოღონდ შვედებმა ეს გაცილებით გვიან, სადღაც მე-60 წუთისთვის გააკეთეს. ჩემი გუნდი ორივე შემთხვევაში დაიბნა."</p><p>შეგახსენებთ, რომ იტალიასთან ევრო 2012-ის ნახევარფინალურ მატჩში ლიოვმა გერმანიის ნაკრების ძირითადი შემადგენლობა მეოთხედფინალში, საბერძნეთთან 4:2-ზე მოგებულ მატჩთან შედარებით, სამ პოზიციაზე შეცვალა.</p><p>მაგალითად, მან სკამზე დასვა მარკო როისი, რომელიც ბერძნებთან ერთ-ერთი საუკეთესო იყო. იოგიმ როისი თამაშში მხოლოდ მეორე ტაიმიდან ჩართო, მაგრამ იმ დროისთვის იტალიელები მარიო ბალოტელის დუბლით უკვე 2:0-ს იგებდნენ.</p><p>რაც შეეხება შვედეთთან მსოფლიოს 2014 წლის ჩემპიონატის საკვალიფიკაციო მატჩს: შეგახსენებთ, რომ ამ შეხვედრაში გერმანელებმა მეორე ტაიმში 4-ბურთიანი უპირატესობა გაანიავეს.</p><p>"იმედია, შეცდომებზე ვისწავლით და ასეთი რამ აღარასოდეს განმეორდება," - ასეთია ლიოვის დასკვნა.</p><p><span style="color: #ff0000;"><strong></p><p>ბალოტელი დღემდე ლიოვის კოშმარია</strong></span></p><p>რამდენიმე დღის წინ ლიოვმა გერმანიის საფეხბურთო კავშირის ოფიციალურ ვებ-გვერდსაც მისცა ინტერვიუ, რომელშიც განაცხადა, რომ მარიო ბალოტელი ღამღამობით დღემდე ელანდება: "ევროპის ჩემპიონატის შემდეგ ღამით დაძინება ძალიან ბევრჯერ გამიჭირდა და ეს კოშმარი დღემდე მომყვება.</p><p>ასეთ დროს იტალიასთან მატჩის სცენები მახსენდება და თმები ყალყზე მიდგება ხოლმე. მარიო ბალოტელი და იტალიასთან მარცხი საშინელ კოშმარად მექცა!"</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა