<p>"ბაიერნის" სპორტულმა დირექტორმა მათიას ზამერმა რეკორდმაისტერში გატარებული ნახევარი სეზონი შეაჯამა <br> "ბაიერნის" სპორტულმა დირექტორმა მათიას ზამერმა, რომელიც ამ თანამდებობაზე ზაფხულში დაინიშნა, რეკორდმაისტერში გატარებული ნახევარი სეზონი შეაჯამა.</p><p>45 წლის ფუნქციონერი, რომელიც ბავარიელებმა გერმანიის საფეხბურთო კავშირიდან გადაიბირეს, ამ ექვსი თვით კმაყოფილია და "კიკერისთვის" მიცემულ ინტერვიუში სამომავლო გეგმებზეც საუბრობს.</p><p>"სამწვრთნელო შტაბის სრული შეცვლა, როგორც ეს ლუის ვან გაალის დროს მოხდა, "ბაიერნში" ამიერიდან კატეგორიულად გამორიცხულია, - ამბობს ზამერი ხსენებულ ინტერვიუში, - რა თქმა უნდა, ყოველთვის უნდა გავითვალისწინოთ მწვრთნელის მოთხოვნები, მაგრამ ვფიქრობ, რომ ახალი მწვრთნელისთვის ყოველთვის მხოლოდ ერთი ასისტენტის მოყვანა უნდა იყოს საკმარისი და ასეც იქნება."</p><p>მიუნხენურ გრანდში ჯერაც გაურკვეველია, ვინ იქნება მწვრთნელი გაისად - ისევ იუპ ჰაინკესი, რომელსაც ამ სეზონის ბოლოს კონტრაქტი უმთავრდება, თუ ვინმე სხვა. ზამერისთვის ერთი რამ ცხადია: ვინც არ უნდა იყოს ის, მწვრთნელი უნდა მოერგოს "ბაიერნის" მოთხოვნებს და არა პირიქით.</p><p>"საერთო ჯამში, "ბაიერნში" გატარებული პირველი ექვსი თვით კმაყოფილი ვარ. აქ ყოველი დღე მიხარია და ბედნიერი ვარ, რომ ეს ნაბიჯი გადავდგი.</p><p>კლუბის ხელმძღვანელები მენდობიან და მათ ამისთვის მადლობას ვუხდი, - აცხადებს ზამერი და დასძენს, - მინდა, რომ მიუნხენურ გრანდში ჩემი ერა შევქმნა. ჩემი სტრატეგიის განხორციელება დავიწყე და ვფიქრობ, ჩემი მუშაობა არა ახლა, ან გაისად, არამედ 3-4 წლის შემდეგ უნდა შეფასდეს.</p><p>იმედი მაქვს, რომ ამ დროში ბევრ რამეს მივაღწევთ. პრეზიდენტ ული ჰიონესთან და ვიცე-პრეზიდენტ კარლ-ჰაინც რუმენიგესთან შესანიშნავი ურთიერთობა მაქვს. მათ იციან, რა უნდა მოითხოვონ ჩემგან და მე ვიცი, რა უნდა ვაკეთო "ბაიერნის" კეთილდღეობისთვის."</p><p>მათიასის აზრით, რეკორდმაისტერისთვის ყველაზე მნიშვნელოვანი ის არის, რომ გუნდი მუდმივად მაქსიმალურად კონცენტრირებული იყოს. ზამერი ფიქრობს, რომ ბუნდესლიგაში წარუმატებლობების მიზეზი უმეტესად ყოველთვის კონცენტრაციის დაქვეითება იყო ხოლმე...</p><p><strong>ყოველდღიური სპორტული გაზეთი "ლელო"</strong></p>
40 წლის ნოიერი კარიერას ჯერ არ დაასრულებს
ტრავმირებული ნოიერი ოპტიმისტურადაა განწყობილი
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
სობოსლაი: ახლოს ვიყავი იმასთან, რომ საქართველოსთან არ მეთამაშა
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"