2012 წლის ორი კადრი: Knocking on heaven's door

ზლატან იბრაჰიმოვიჩის თუ ფილიპ მექსეს გოლი? ზლატან იბრაჰიმოვიჩმა წლის გოლი 14 ნოემბერს, შვედეთისა და ინგლისის ნაკრები გუნდების ამხანაგურ მატჩში გაიტანა.შვედმა "მაკრატელა" შეაგდო - 25 მეტრიდან. მაგრამ ეს იმ გოლის ძალიან მოკრძალებული აღწერაა. ფიფამ ზლატანის გოლი წლის საუკეთესო გოლის გამოკითხვაში ვეღარ შეიტანა, რადგან გამოკითხვა დაწყებული იყო, მაგრამ ამას რა მნიშვნელობა აქვს - ეს არის გოლი, რომელიც ძალიან დიდხანს გვეხსომება.შვედეთის ნაკრების მეტოქე იმ მშვენიერ საღამოს ინგლისი იყო, რაც იმას ნიშნავდა, რომ ეს არ იქნებოდა ერთი რიგითი ტესტ-მატჩი.90-ე წუთი მიმდინარეობდა, ზლატანს სამი გოლი ჰქონდა გატანილი და უკვე მატჩის გმირი იყო, მაგრამ, როგორც ყოველთვის, ამჯერადაც მეტი სურდა. უფრო მეტი! ინგლისელთა მეკარე ჯო ჰარტი კარიდან გამოვარდა, საჯარიმოც დატოვა და ბურთი თავითღა მოიგერია. მაგრამ არა შორს, არამედ მაღლა. ძალიან მაღლა!ბურთი ზლატანის თავზე აფრინდა. შვედი კარისკენ ზურგით იდგა და იქით არც გაუხედია. კარამდე მანძილი 25 მეტრი იყო. იბრამაც დაჰკრა და რა დაჰკრა - "მაკრატელა". სუფთა "მაკრატელა"!აყლაყუდა შვედი ჰაერში გაიჭიმა, დარტყმის შემდეგ, ბურთს თვალი მიწაზე დაშვებამდე გააყოლა. ბურთმა ყველას და ყველაფერს გადაუფრინა - გარდა კარისა! გარი კეჰილმა მხოლოდ კარის ხაზს მიღმაღა მიასწრო და ბურთთან ერთად ბადეში გაიხლართა.<div id="1595" class="ws_video" style="width: 150px; text-align: center; font-weight: bold; border: 1px solid; margin: 0px auto;">Video<img src="/media/images/videomanager/videoimages/http:/video.ambebi.ge/files/2012/11-15/sweden-vs-england-4-2qtp.jpg" border="0" alt="Sportall.Ge" title="2012 წლის ორი კადრი: Knocking on heavens door" />შვედეთი - ინგლისი 4:2</div>მატჩის შემდეგ, იბრასთვის კითხვების დასმისას არცერთ ადგილობრივ ჟურნალისტს არ უხსენებია სიტყვა "იღბალი" და არავინ გახსენებია სიტყვა "პოკერი".ყველანი მხოლოდ ამ "მაკრატელაზე" ლაპარაკობდნენ. იბრაჰიმოვიჩმა თქვა: "გავიგე, რომ წლის საუკეთესო გოლის გამოკითხვაში ჩემი არცერთი გოლი არ იყო შესული და ეს გოლი სწორედ ამ პრობლების მოსაგვარებლად გავიტანე!"მაინც ვერ მოაგვარა - გამოკითხვა დაწყებული იყო და ეს გოლი იქ ვეღარ მოხვდა.წლების შემდეგაც კი ყველა შვედი გაიხსენებს, სად იყო და რას აკეთებდა იმ დროს, როცა იბრამ ეს გოლი შეაგდო.გაიხსენებენ ისინი, ვინც სტადიონზე იყვნენ და ღრიალით წამოხტნენ. ისინიც, ვინც იმ მომენტში ლუდს წრუპავდა და გადაესხა.ისინიც, ვინც სტადიონის დატოვება ნაადრევად გადაწყვიტა, რათა საცობში არ მოყოლილიყო. ისინიც, ვინც ამ მატჩს სახლში, ტელევიზორის წინ კომფორტულად მოკალათებული უყურებდა და მით უმეტეს ისინი, ვინც 88-ე ან 89-ე წუთზე სხვა არხზე გადართო, რადგან იქ იმ დროს რამე ფილმი იწყებოდა ჯორჯ კლუნის ან ჯულია რობერთსის მონაწილეობით...ზუსტად ერთ კვირაში "მილანის" მცველმა ფილიპ მექსემ ჩემპიონთა ლიგაში ასევე მაკრატელა-გოლი შეაგდო - ოფიციალურ, მაგრამ გაცილებით უემოციო მატჩში.<div id="1625" class="ws_video" style="width: 150px; text-align: center; font-weight: bold; border: 1px solid; margin: 0px auto;">Video<img src="/media/images/videomanager/videoimages/http:/video.ambebi.ge/files/2012/11-22/anderlecht-milan-1-3qtp.jpg" border="0" alt="Sportall.Ge" title="2012 წლის ორი კადრი: Knocking on heavens door" />ანდერლეხტი - მილანი 1:3</div>ერთნი ამტკიცებდნენ, მექსეს იბრაზე ლამაზი მაკრატელა გამოუვიდაო. შესაძლოა. ეს სადავო საკითხია. მთავარი კი ის არის, რომელი გოლი უფრო დიდხანს შემორჩება ჩვენს მახსოვრობას.ამ კითხვაზე პასუხს ზლატანის გოლის გამოხმაურება გაგვცემს."ამ ტიპს გოლები კი არ გააქვს, გოლებს ქმნის!" - წერდა ფრანგული "ლე მონდი"."იბრაჰიმოვიჩი ციდან ვარსკვლავებს წყვეტს. ჩვენ ყველანი ზლატანის ქვეყნიდან ვართ!" - წერდა შვედური "აფტონბლადეტი"."თავი მაქსიმალურად დაუხარეთ მსოფლიოში საუკეთესოს!" - წერდა "ექსპრესენი"."ზლატანს ეს გოლი ღმერთებმა გაატანინეს!" - წერდა ბრიტანული "დეილი მეილი"."ეს იყო საუკუნის გოლი!" - წერდა გერმანული "ბილდი"."იბრაკადაბრა. ეს გოლი დაგვესიზმრა, თუ ნამდვილი იყო?" - წერდა იტალიური "ტუტოსპორტი"."დაიჩოქეთ ზლატანის წინაშე!" - წერდა გერმანულ "ზუდდოიჩე ცაითუნგი".ყოველდღიური სპორტული გაზეთი "ლელო"

ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა

ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ

"მინდა გვარდიოლამ ესპანეთის ნაკრები ჩაიბაროს" - დავიდ სილვა

PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა

ახალი ეტაპი "იბერიაში" - გუნდს გუგა ნერგაძე უხელმძღვანელებს

ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება

"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად

"მინდა გვარდიოლამ ესპანეთის ნაკრები ჩაიბაროს" - დავიდ სილვა

ვსა-მ დუდუ დადიანის თასი ზედიზედ მეორედ მოიგო

20 წლამდელთა ნაკრებს ვიტო კოლელიშვილი ჩაიბარებს

კონფერენს ლიგა: სიგუას ლამაზი სოლო-რეიდი და საგოლე პასი

[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო

[VIDEO] კიტეიშვილი დაბრუნდა და "რეინჯერსს" გაუტანა

The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის

კვერნაძე ერთმატჩიანი დისკვალიფიკაციით დასაჯეს

რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო

19-წლამდელები ბოსნია და ჰერცეგოვინას დაუპირისპირდებიან - შემადგენლობა

21-წლამდელთა შემადგენლობა ოქტომბრის მატჩებისთვის

კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია

"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი

"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა

"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა