მიხაილოვიჩი ბეწვის ხიდზე

არტემიო ფრანკი ობსტრუქციის მოლოდინში სერია A-ს მიმდინარე სეზონის დაწყებიდან უკვე შვიდი ტურია გასული, ფლორენციის "ფიორენტინას" კი მხოლოდ ხუთი ქულა აქვს. "ვიოლა" სატურნირო ცხრილში ბოლო ადგილზეა, რაც თავისთავად ყველაფერზე მეტყველებს. ტოსკანური კლუბის მესვეურებს ზაფხულის სატრანსფერო პერიოდში დიდად არ უაქტიურიათ, თანაც ტრავმის გამო სტევან იოვეტიჩის სახით, შეტევის ერთ-ერთი ლიდერი გამოაკლდათ - გამომდინარე აქედან, სავარაუდოც იყო, რომ "ფიორენტინას" გაუჭირდებოდა, მაგრამ ასეთი კატასტროფული სტარტი მაინც ძნელად წარმოსადგენი გახლდათ. აი რას წერს "კორიერე დელო სპორტი":"ყველაზე ცუდი ის არის, რომ არ იგრძნობა პოტენციალი - გუნდს თითქოს არ შესწევს იმის ძალა, რომ შეტევაში უფრო კრეატიული იყოს, დაცვაში კი სტაბილური. კლუბის მესვეურებმა ზაფხულში იპასიურეს, რაც ძვირად უჯდებათ და დღევანდელი გადასახედიდან, ძნელი სათქმელია, როგორ უნდა გამოსწორდეს ასეთი მძიმე მდგომარეობა. ჩემპიონატი ახალი დაწყებულია და ქულების ასაღებად დრო ჯერ კიდევ არის, მაგრამ ასეთი თამაშით არაფერი გამოვა. ალბერტო ჯილარდინო საშინელ მდგომარეობაშია - ის ერთადერთი ფორვარდია სერია A-ში, ვისთანაც ბურთი უბრალოდ არ მიდის".მთავარი სასაუბრო თემა მაინც სინიშა მიხაილოვიჩი და მისი ფლორენციული მომავალია. ჟურნალისტთა ნაწილი მიიჩნევს, რომ გამოსავალი მის გათავისუფლებაში და ახალი მწვრთნელის მოყვანაშია - ამ მოსაზრებას არ იზიარებს კლუბის სპორტული დირექტორი პანტელეო კორვინო:"არა მგონია, რომ მთავარი პრობლემა მწვრთნელში იყოს, რადგან არ შეიძლება რომ გუნდი ყველაფერს მხოლოდ ერთი ადამიანის გამო აგებდეს. ვერც იმას ვიტყვი, რომ შემადგენლობა არ გვყავს - შესაძლოა გრანდებთან ვერ მივდივართ, მაგრამ არც ისეთი ცუდი კონტიგენტი გვყავს, რომ ბოლო ადგილზე ვიყოთ. ვფიქრობ, რომ ფსიქოლოგიური პრობლემებია, რასაც გადაჭრა სჭირდება. ეს გარკვეულწილად მწვრთნელის მოვალეობაც არის, მაგრამ მეორე მხრივ, თავად ფეხბურთელებმა უნდა იპოვნონ ძალა და ეს ურთულესი პერიოდი დაძლიონ".მართალია, კორვინო მიხაილოვიჩის პასუხისმგებლობაზე მოზომილად საუბრობს, მაგრამ თუ "გაძეტა დელო სპორტს" დავუჯერებთ სერბ სპეციალისტს კიდევ ერთ შანსს მისცემენ და თუ ისიც ვერ გამოიყენა, გაათავისუფლებენ კიდეც. მომდევნო ტურში "ვიოლა" "ბარის" მიიღებს და ვნახოთ, რა მოხდება ამ მართლაც საინტერესო პაექრობაში. თავად სინიშა კი იხტიბარს არ იტეხს:"რა თქმა უნდა, იოლია ყველაფერი ერთ ადამიანს დააბრალო და ჯოხი მასზე გადატეხო, მაგრამ ამ შემთხვევაში, ეს ასე არ ხდება, რაც მახარებს. კლუბის მესვეურები ნდობას მიცხადებენ და იმედია, ამ რთული ვითარებიდან გამოვძვრებით. თუმცა, თუ პოსტის დატოვება მომიწევს, ამისგან ტრაგედიას არ შევქმნი და ბოლომდე "ფიორენტინას" გულშემატკივარი დავრჩები. რატომ ვერ ვთამაშობთ? - კარგი კითხვაა, რომელზეც ცალსახა პასუხის გაცემა წარმოუდგენელია. რგოლებს შორის კავშირი არის და თითოეული ფეხბურთელი მაქსიმალურად ინდომებს, მაგრამ გოლები მაინც ჩვენს კარში გადის. იღბალიც უნდა ვახსენოთ, რომელმაც არა და არ გაგვიღიმა. ხუთი ქულა ძალიან ცოტაა, მესმის და ვითარება აუცილებლად უნდა გამოვასწოროთ".მიხაილოვიჩს ბოლო შანსზე და "ბარისთან" პაექრობაზე დაეკითხნენ: "პირადად ჩემთვის არავის უთქვამს, რომ მომდევნმო ტურში ბოლო შანსი მეძლევა. თუმცა, ეს ფეხბურთია და როდესაც შედეგები არ გაქვს, ყველაფრის მოლოდინში უნდა იყო. ამიტომ, ვერაფერს გამოვრიცხავ, თუმცა ფაქტია, რომ დღეს ამაზე საერთოდ არ ვფიქრობ. საწვრთნელ პროცესზე ვარ კონცენტრირებული და დიდი იმედი მაქვს, რომ "ბარისთან" სამ ქულას ჩავიწერთ აქტივში".იმედიან კომენტარებს აკეთებენ ფეხბურთელებიც, თუმცა გულშემატკივრებს მათი სულ უფრო და უფრო ნაკლებად სჯერათ. საერთოდ, ფლორენციელი ტიფოზები არ გამოირჩევიან აგრესიულობით, მაგრამ ამბობენ, რომ თუ "ვიოლას" "ბარისთანაც" ხელი მოეცარა, "არტემიო ფრანკის" მრავლისმნახველი სტადიონი ობსტრუქციის მომსწრე გახდება. დიახ, სულ უფრო და უფრო ხშირად საუბრობენ იმაზე, რომ "ვიოლას" ტიფოზებს მოთმინების ფიალა აევსოთ და კიდევ ერთ მარცხს სტადიონსა თუ ფლორენციის ქუჩებში შეიძლება მასობრივი არეულობა მოჰყვეს. მოკლედ, წინ საინტერესო მატჩი გველის, რომელიც შესაძლოა მიხაილოვიჩისთვის ბოლო აღმოჩნდეს "ფიორენტინას" სათავეში.და რადგან საქმე ასე სერიოზულად არის, ბუნებრივია, პრესაში სინიშას შესაძლო შემცვლელებზეც მსჯელობენ. გუშინაც გაცნობეთ, რომ "გაძეტას" ვერსიით, სერბის მემკვიდრე ბრაზილიის ეროვნული ნაკრების ყოფილი თავკაცი დუნგა იქნება. ამბობენ, კორვინო უკვე შეხვდა სამხრეთამერიკელს და გარკვეულ შეთანხმებასაც მიაღწიესო. მართალია, დუნგა ამ ინფორმაციას კატეგორიულად უარყოფს, მაგრამ კვამლი უცეცხლოდ არ ჩნდება. კიდევ ერთი კანდიდატურა, რომელსაც იტალიურ პრესაში მიხაილოვიჩის შემცვლელად განიხილავენ, ლეონარდოა. "მილანის" ექს-თავკაცი უსაქმოდ გახლავთ და თუ შეთავაზება ექნება, წესით დიდი სიამოვნებით უნდა დათანხმდეს. მისი კომენტარი სწორედ ამაზე მეტყველებს:"ჯერჯერობით, არავითარი შეთავაზება არ მიმიღია და ეს სრულიად ბუნებრივია, რადგან "ფიორენტინას" ჰყავს მთავარი მწვრთნელი, რომელიც მუშაობას აგრძელებს. მიხაილოვიჩს ძალიან დიდ პატივს ვცემ და მიმაჩნია, რომ შესანიშნავი სპეციალისტია. ისე კი, ფეხბურთში დაბრუნების დიდი სურვილი მაქვს და ადრე თუ გვიან, ამას აუცილებლად გავაკეთებ. "ფიორენტინა"? - ეს გუნდი ყოველთვის მესიმპათიურებოდა თავისი ბრწყინვალე გულშემატკივრებით".ყოველდღიური სპორტული გაზეთი"ლელო"

"იუვენტუსმა" პოლონელი მეკარე დაიმატა

[PHOTO] "ლაციოში" მუსოლინის შვილთაშვილის დებიუტი შედგა - ბოლონიას სტადიონი 100 წლის წინ იტალიის ყოფილმა დიქტატორმა გახსნა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

კვლავ პრემიერ ლიგაში - ნიკო გონსალესმა "სიტი" დატოვა

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

ფეხბურთიდან ომამდე: როგორ გადაიქცა შეხვედრა 100-საათიან ომად

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ