კახა კალაძეს შანსი ეძლევა

როდრიგო პალასიოს ტრავმის გამო შესაძლოა"ჯენოამ" ტაქტიკური განლაგება შეცვალოს მას შემდეგ, რაც "ჯენოაში" კახა კალაძე გადავიდა, ამ გუნდის მიმართ ჩვენი ინტერესი ერთი-ორად გაიზარდა. დღეს, ტრავმის შესახებ უნდა გამცნოთ, მაგრამ სამწუხაროდ, დაშავებული არა ქართველი მცველის კონკურენტი, არამედ თავდამსხმელია. როდრიგო პალასიომ წვრთნისას ფეხი იღრძო და როგორც ექიმები ვარაუდობენ, მინიმუმ ერთი თვით მოუწევს უქმობა.აღსანიშნავია, რომ არგენტინელი შემტევი ძირითადი შემადგენლობის მოთამაშეა და შესაბამისად, მას შემცვლელი სჭირდება. გამომდინარე აქედან, არ არის გამორიცხული გენუური კლუბის თავკაცმა ტაქტიკა შეცვალოს და 3-4-3-დან, 4-4-2-ზე გადავიდეს. ეს იმადაც გახლავთ საინტერესო, რომ ერთი მცველის დამატებით კალაძეს ძირითად შემადგენლობაში დამკვიდრების მეტი შანსი ეძლევა.საერთოდ, "ჯენოას" საქმეები ისე ვერ მიდის, როგორც კლუბის პრეზიდენტს გაეხარდებოდა. ამის შესახებ თავად ენრიკო პრეციოზიმ ისაუბრა: "უსაფუძვლო ოპტიმიზმი და გადამეტებული ამბიციები არასდროს მაწუხებდა, მაგრამ სეზონის სტარტით მაინც იმედგაცრუებული ვარ. შვიდ ტურში მხოლოდ რვა ქულის აღება მოვახერხეთ, რაც ჩემი აზრით ძალიან ცოტაა. შორს ვარ იმ აზრისგან, რომ აუცილებლად ჩემპიონთა ლიგის ზონაში უნდა მოვხვდეთ, მაგრამ თუ არ გამოვასწორეთ თამაში, კარგ შემთხვევაში გავარდნას გადავურჩებით. ასეთი პერსპექტივა ნამდვილად არ მხიბლავს და ვფიქრობ, გარკვეული ზომებია მისაღები".ბოლო ფრაზა მართლაც საინტერესოა, რა იგულისხმება ზომების მიღებაში? - ჟურნალისტები მწვრთნელის შესაძლო ცვლილებაზე საუბრობენ, რაც სავსებით ლოგიკურია და თუ მართლაც ასე მოხდა, გასაკვირი ამაში არაფერი იქნება. თუმცა, ნუ გავასწრებთ წინ მოვლენებს და დაველოდოთ მოვლენათა განვითარებას.ლაშა წიკლაური ინტერი ტოტენჰემთან ივაჭრებსიტალიური სპორტული პრესის მიერ გავრცელებული ინფორმაციის თანახმად, "ინტერის" მესვეურები "ტოტენჰემის" ფეხბურთელით, გარეთ ბეილით არიან დაინტერესებულნი და მის გადაბირებას ზამთარში, ან უკიდურეს შემთხვევაში ზაფხულის სატრანსფერო პერიოდში შეეცდებიან. დღეს, ჩემპიონთა ლიგის ჯგუფური ეტაპის ეგიდით მილანური გრანდი სწორედ ლონდონურ გუნდს მიიღებს და შესაბამისად, ეს ძალიან კარგ საშუალებას იძლევა, რომ მხარეებმა მოლაპარაკებები დაიწყონ."კორიერე დელო სპორტის" ცნობით, ბეილის გადაბირება მადრის "რეალის" და ლონდონის "ჩელსის" მესვეურებსაც სურთ, ასე რომ, მილანელებს სერიოზული კონკურენციის დაძლევა მოუწევთ. გამომდინარე აქედან, ჟურნალისტთა ვარაუდით, ბეილის სატრანსფერო ფასი მინიმუმ ოცი მილიონი ევრო იქნება. თუ მასიმო მორატის მიზნის მიღწევა სურს, ვაჭრობა სწორედ ამ თანხიდან უნდა დაიწყოს. ისე, "მამლების" თავკაცმა ჰარი რედნაპმა არაერთხელ განაცხადა, რომ ერთ-ერთ ყველაზე გამორჩეულ ფეხბურთელთან განშორებას არ აპირებს.ყოველდღიური სპორტული გაზეთი"ლელო"

"იუვენტუსს" ახალი მეკარე სჭირდება - გრაბარამ სერიოზული ტრავმა მიიღო

იკარდი შესაძლოა, სერია A-ს დაუბრუნდეს

უკრაინელებს საქართველოსთან მატჩში შესაძლოა, მუდრიკთან ერთად დოვბიკიც ვერ დაეხმაროს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

ზესტაფონის მარგვეთმა გორში ივერიონს მოუგო

U19 | საქართველო 2:2 ლატვია

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?

[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

სიომინი: ხვიჩა "ოქროს ბურთის" ნომერი პირველი პრეტენდენტია

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ

ფელიქსს "ბარსელონაში" დაბრუნება სურს