<p>კადეტი და ახალგაზრდა მოფარიკავეები 25 თებერვლიდან ბუდაპეშტში ევროპის პირველობაზე მოსინჯავენ ძალებს <br> წლეულს, მარტის მიწურულს, კადეტი და ახალგაზრდა მოფარიკავეები ხორვატიაში მსოფლიოს პირველობაზე გამოვლენ. მანამდე კი, 25 თებერვლიდან, ბუდაპეშტში ევროპის პირველობაზე მოსინჯავენ ძალებს.</p><p>ამ შეჯიბრებებისთვის მონდომებით ემზადებიან ქართველი მოფარიკავეებიც. მსოფლიო და ევროპის თასების ეტაპების მრავალგზის გამარჯვებულმა და პრიზიორმა სანდრო ბაზაძემ იტალიურ უდინეში მსოფლიოს თასის ეტაპზე იასპარეზა.</p><p>ქვეჯგუფიდან პლეი ოფში 21-ე ნომრით გავიდა. იქ პირველი შეხვედრა რუს დანიილ ბუბენჩიკოვს მოუგო - 15:9, შემდეგ გერმანელ მაქსიმილიან კინდლერს სძლია - 15:12, მესამე წრეში კი უნგრელ მარტინ შინგერთან დათმო პაექრობა - 12:15 და საბოლოოდ მე-13 ადგილს დასჯერდა, თუმცა ეს შედეგიც საკმარისი აღმოჩნდა, თანატოლთა შორის მსოფლიო რეიტინგში მე-7 ადგილზე გადაენაცვლა.</p><p>უდინეს ახალგაზრდა მოხმალავეთა ტურნირი გერმანელმა რიხარდ ჰუებერმა მოიგო, რომელმაც ფინალში თანამემამულე რობინ შროედერს აჯობა.</p><p>ბრინჯაოს მედლები ანდრაშ ზატმარსა (უნგრეთი) და მაქსენს ლამბერტს (საფრანგეთი) ერგოთ. იტალიაშივე გაიმართა რაპირით მოფარიკავეთა შეჯიბრება, რომელშიც თბილისელმა ლუკა ღაღანიძემ პლეი ოფის პირველივე ორთაბრძოლა ალესანდრ ბერტოლაზისთან წააგო და 37-ე ადგილი ხვდა.</p><p>19 იანვარს სანდრო ბაზაძე პარიზთან ახლოს მდებარე დურდანს ესტუმრება და მიხეილ მარდალეიშვილთან ერთად მსოფლიოს თასის ეტაპზე გამოვა.</p><p>მომდევნო მსგავს შეჯიბრებაზე ქართველი მოხმალავენი თანატოლებს 16 თებერვალს უნგრეთის დედაქალაქში გაუწევენ მეტოქეობას.</p><p>მსოფლიო და ევროპის პირველობებისთვის ემზადება მოხმალავე საბა სულამანიძეც, რომელიც უნგრეთის დედაქალაქში კადეტებსა და ახალგაზრდებშიც გამოვა (მსაჯად არის მიწვეული საერთაშორისო კატეგორიის არბიტრი, საქართველოს ფარიკაობის ფედერაციის გენერალური მდივანი დავით სახვაძე).</p><p>გასულ უქმეებზე იგი ლონდონში კადეტთა ევროპის თასის ეტაპზე სცდიდა ძალებს, სადაც კონტინენტის სხვადასხვა ქვეყნის 76 წარმომადგენელი ეცილებოდა ერთმანეთს პირველობაში.</p><p>ჩვენებურმა მერვედფინალამდე დაუმარცხებლად განვლო გზა, იქ კი ფრანგ მეტოქეს დანებდა - 14:15 და მე-16 ადგილზე გავიდა. 15 წლის ნიკა შენგელიამ ლონდონში 48-ე ადგილი დაიკავა.</p><p>ოთხი იანვრიდან კიევში იმყოფება და უკრაინის ნაკრებთან ერთად ემზადება ბექა ბაზაძე, რომელიც 18 იანვარს ბულგარულ პლოვდივში მოხმალავეთა გრანპრიზე იასპარეზებს.</p><p><strong>ყოველდღიური სპორტული გაზეთი "ლელო"</strong></p>
სანდრო ბაზაძემ ალჟირის მსოფლიო თასი მოიგო
[PHOTOS] "როდესაც, თითქმის შიშველი ხარ" - უკრაინელი სპორტსმენის თამამმა ფოტოებმა საზოგადოება აღაფრთოვანა
გიორგი ურუშაძე სოფიაში მიმდინარე კადეტთა ციკლის ტურნირის ჩემპიონია
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს