<p>"ატლანტას" ქართველ ცენტრს თორნიკე შენგელიას გუნდთან შეხვედრაში სამმაგ დუბლამდე 2 პასი დააკლდა <br> 17 იანვარს NBA-ში ქართულ დერბის ველოდით, თუმცა ბრუკლინელი <strong>თორნიკე შენგელია</strong> მწვრთნელმა "ატლანტასთან" მატჩის განაცხადში არ შეიყვანა.</p><p>ეს, რა თქმა უნდა, არ მოეწონა ატლანტელთა ქართველ ცენტრ <strong>ზაზა ფაჩულიას</strong>, რომელიც თორნიკეს მატჩამდე საკუთარ სახლში გულთბილად შეხვდა და მასთან შეხვედრა მოედანზეც სურდა.</p><p>ფაჩულია ჯოშ სმიტის დისკვალიფიკაციის გამო სასტარტო ხუთეულში იმყოფებოდა და ზაზამ კარიერის ერთ-ერთი საუკეთესო მატჩი ჩაატარა. ქართველ ცენტრს სამმაგ დუბლამდე 2 პასი დააკლდა.</p><p>8 შედეგიანი გადაცემა ფაჩულიასთვის თავისთავად კარიერის რეკორდია. აქამდე ზაზას საუკეთესო შედეგი 7 პასი იყო, რომელიც ქართველმა ცენტრმა წინა სეზონში, 16 მარტს, "ვაშინგტონის" წინააღმდეგ მოაგროვა.</p><p>17 იანვარს, გამთენიისას კი, ფაჩულიამ ეს შედეგი ერთით გააუმჯობესა და კიდევ 2-იც რომ მიეთვალა, სამმაგ დუბლს გაიფორმებდა.</p><p>ფაჩულია სასტარტო ხუთეულში ჯოშ სმიტის არყოფნის გამო იმყოფებოდა. ერთ-ერთი ლიდერის არყოფნა, მით უფრო მაშინ, როცა გუნდმა ბოლო 7 მატჩიდან 6 წააგო, ატლანტელებს ურთულეს სიტუაციაში აყენებდა.</p><p>მაგრამ მასპინძელთა სასახელოდ უნდა ითქვას, რომ მათ მებრძოლი სულისკვეთება გამოავლინეს და ამ ავბედით ჟამს ლიგის ერთ-ერთი ყველაზე წარმატებული გუნდი დაამარცხეს.</p><p>"ბრუკლინს" ბოლო 7 მატჩი მოგებული ჰქონდა და ატლანტაშიც, ცხადია, მოსაგებად ჩავიდა, მაგრამ ფაჩულიას გუნდმა დიდებულად ითამაშა და საბოლოოდ 109:95 გაიმარჯვა.</p><p>ამ წარმატებაში უდიდესი წვლილი მიუძღვის ქართველ ცენტრს. ფაჩულიამ 39 წუთი ითამაშა და 13 ქულა, 11 მოხსნა, 8 პასი და 1 ჩაჭრა მოაგროვა, ბურთი კი 2-ჯერ დაკარგა.</p><p>ზაზამ 8-დან 5 ორქულიანი ჩააგდო, რასაც 6-დან 3 საჯარიმოც მოაყოლა. ატლანტელთაგან საუკეთესოდ ჯეფ ტიგი დასახელდა, რომელმაც 28 ქულა და 11 პასი მოაგროვა.</p><p>ამ მოგების შემდეგ "ატლანტა" აღმოსავლეთის ცხრილში ბრუკლინელებს მიუახლოვდა. ამ 2 გუნდს შორის სხვაობა 1 გამარჯვებაა - მეხუთეზე მყოფ ბრუკლინს 23 მოგება და 16 მარცხი აქვს, ხოლო ატლანტელთა მონაგარის შეფარდება ასეთია: 22-16.</p><p>მაშ ასე, ქართველები მოედანზე ერთმანეთს ვერ შეხვდნენ, თუმცა ამის შანსი მომდევნო მატჩშივეა: 18 იანვარს ამ გუნდების მატჩი უკვე ბრუკლინში შედგება.</p><p><strong></p><p>gbf.ge</strong></p>
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში
ბითაძის დაცვითი სამუშაო და "ორლანდოს" ზედიზედ მეორე მოგება იუტაში
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"