<p>მინსკის საერთაშორისო ტურნირის ფინალში გასასვლელად ბალტიელთა სოლიდური სხვაობით დამარცხება და ბელორუსის ბელგიასთან გამარჯვება გვჭირდება <br> 22 იანვარს საქართველოს 17-წლამდელთა ნაკრებმა მინსკის საერთაშორისო ტურნირის მეორე ტურში მასპინძელი ბელორუსი 2:0 დაამარცხა.</p><p>დროის სიმცირის გამო ამ მატჩის მიმოხილვა ვერ შემოგთავაზეთ, ამიტომაც მოედანზე განვითარებული მოვლენების შესახებ დღეს გიამბობთ. თავიდან კი იმას აღვნიშნავთ, რომ ქართველმა 17-წლამდელებმა ბელორუს თანატოლებს შარშანდელ ტურნირზეც აჯობეს.</p><p>ეს შეხვედრა ჩვენმა გუნდმა გაცილებით უკეთ ჩაატარა, ვიდრე პირველ ტურში ბელგიასთან. სფფ-ის ვებგვერდის ცნობით, ქართველებმა ბელორუსები, უპირველესად, ბურთის ფლობით დაჯაბნეს.</p><p>გარკვეული ცვლილებები იყო <strong>გიორგი დევდარიანის</strong> გუნდის სასტარტო შემადგენლობაშიც და ტაქტიკაშიც. როგორც მოედანზე განვითარებულმა მოვლენებმა აჩვენა, ამ სიახლეებმა გაამართლა და საქართველოს ნაკრების თამაშის ხარისხმაც მოიმატა.</p><p>მაღალ დონეზე ჩაატარა მატჩი საყრდენი ნახევარმცველის პოზიციაზე გამწესებულმა <strong>ილია კერძევაძემ</strong>; ახალ ამპლუაში, მარჯვენა მცველად კარგად წარმოაჩინა თავი <strong>გიორგი თევზაძემ;</strong> მეტოქის მცველებს ტრადიციულად დიდ უსიამოვნებებს უქმნიდა <strong>ლუკა ზარანდია</strong>; უკეთ გამოიყურებოდნენ ცენტრალური მცველები, <strong>ტაბიძე</strong> და <strong>მარგველაშვილი</strong>; კარგი შთაბეჭდილება დატოვა შეცვლაზე შესულმა <strong>რომან ჭანტურიამ</strong>...</p><p>მთელი შეხვედრის განმავლობაში მასპინძლებმა მხოლოდ ერთი რეალური საგოლე მომენტი შექმნეს. ასე რომ, წინა მატჩისგან განსხვავებით, საქართველოს ნაკრების მეკარე <strong>ოთო გოშაძეს</strong> საქმე არ ჰქონია. სამაგიეროდ, იგი საგოლე გადაცემის ავტორი გახდა. მეორე გოლი ზარანდიამ სწორედ მისი გამოზომილი პასით გაიტანა.</p><p>პირველი გოლი კი ბელორუსთა საჯარიმოში შექმნილ არეულობას მოჰყვა, რითაც კერძევაძემ ისარგებლა. ხუთ წუთში კი მალანიამ თერთმეტმეტრიანი არაზუსტად დაარტყა.</p><p>აქვე დავამატებთ, რომ კერძევაძემ და ზარანდიამ ერთიმეორეზე ეფექტური გოლები გაიტანეს...</p><p>როგორც ნამატჩევს გიორგი დევდარიანმა აღნიშნა, მან რამდენიმე პრობლემურ პოზიციაზე ახალი ფეხბურთელი აღმოაჩინა.</p><p>23 იანვარს მინსკის ტურნირზე დასვენების დღე იყო და დევდარიანმა გუნდი მსუბუქად ავარჯიშა. 24 იანვარს კი გაირკვევა, შეძლებს თუ არა საქართველოს ნაკრები ფინალში გასვლას. თბილისის დროით 16 საათსა და 40 წუთზე საქართველო-ლიტვა იწყება.</p><p>ფინალში გასასვლელად ბალტიელთა სოლიდური სხვაობით დამარცხება და ბელორუსის ბელგიასთან გამარჯვება გვჭირდება.</p><p>ჩვენი ჯგუფის სატურნირო მდგომარეობასაც შეგახსენებთ:</p><p>22.01. მინსკი, საფეხბურთო მანეჟი</p><p><em><strong>ბელ</strong><strong>ო</strong></em><em><strong>რუსი-საქართველო 0:2 (0:1)</strong></em></p><p>გოლები: 0:1 კერძევაძე (20), 0:2 ზარანდია (75)</p><p>ბელორუსი: შერბიცკი, კოსტიუშკინი, ლეშკო, პავლოვეცი, შიბუნი, ვალინეცი, ბურალკინი (55. კიიკო), კოსტიუჩიკი (78. ტარაკანოვი), დედოვეცი (13. ბოგუში), სოროკინი, შევჩენკო</p><p>მწვრთნელი: ვ. გონჩარენკო</p><p>საქართველო: გოშაძე, გელაშვილი, მარგველაშვილი, ტაბიძე (71. გოროზია), თევზაძე, მალანია, ხარაიშვილი, კერძევაძე, რუხაძე (55. ჩაბრაძე), ზარანდია, კანდელაკი (47. რ. ჭანტურია)</p><p>მწვრთნელი: გ. დევდარიანი</p><p>გაფრთხილება: რუხაძე, გელაშვილი, მალანია, კოსტიუშკინი</p><p>26-ე წუთზე მალანიამ ვერ გამოიყენა თერთმეტმეტრიანი (ააცილა)</p><p><em>ა გ თ მ ფ წ ბ ქ</em></p><p>1. ბელგია 2 2 0 0 4-2 6</p><p>2. <strong>საქართველო 2 1 0 1 4-3 3</strong></p><p>3. ბელორუსი 2 1 0 1 3-2 3</p><p>4. ლიტვა 2 0 0 2 0-4 0</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/asakobrivi-nakrebebi/44619-qarthvelma-17-tslamdelebma-maspindzel-belorusebs-shansi-ar-dautoves.html" target="_blank">ქართველმა 17-წლამდელებმა მასპინძელ ბელორუსებს შანსი არ დაუტოვეს</a></p><p><a href="/fexburti/qarthuli-fekhburthi/asakobrivi-nakrebebi/44575-saqarthvelos-17-tslamdeltha-nakrebma-minskis-turniri-marckhith-daitsyo.html" target="_blank">საქართველოს 17-წლამდელთა ნაკრებმა მინსკის ტურნირი მარცხით დაიწყო</a></p>
U17 | საქართველო 0:0 ავსტრია
17-წლამდე ნაკრები შესარჩევ ციკლს ავსტრიასთან მატჩით დაიწყებს
19-წლამდელთა შემადგენლობა შესარჩევი ციკლის მეორე რაუნდისთვის
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"