<p>რას ამბობენ ფეხბურთის სპეციალისტები <br> ფეხბურთის გულშემატკივარი ალბათ ბევრჯერ ყოფილა მოწმე, როცა საფეხბურთო მატჩი 0:0 დასრულებულა, მაგრამ მასზე მაინც ბევრი ყოფილა სალაპარაკო.</p><p>"სუონსი"-"ჩელსის" მატჩს ასეთთა კატეგორიას ვერ მივაკუთვნებთ. ამის მიზეზი კი ნამდვილად არ არის ის, რომ სანახაობა იყო ძალიან ცუდი.</p><p>არა, ის, რაც შეხვედრის მე-80 წუთზე მოხდა, საფეხბურთო პერიპეტიებზე წერის სურვილს გვიქრობს. მოედანზე ბევრჯერ გვინახავს წაკინკლავებული მეტოქეები; ყოფილა შემთხვევა, როცა თანაგუნდელებსაც უჩხუბიათ ერთმანეთთან, თუმცა ფეხბურთელსა და ბურთის მიმწოდებელ ბიჭს შორის ღია კონფლიქტი იშვიათი სანახაობაა.</p><p>პრინციპში, მსგავსი რამ ჩვენ ნამდვილად არ გვახსენდება. <strong>ედენ აზარმა </strong>და <strong>ჩარლი მორგანმა</strong> (ასე ჰქვია დაზარალებულს) შეხვედრის 79-ე წუთზე ბურთისთვის ბრძოლა (!) კუთხურის ალამის სიახლოვეს გამართეს, რაშიც, საბოლოოდ, "გამარჯვებული" "ჩელსის" 21 წლის ვარსკვლავი გამოვიდა.</p><p>ბელგიელს ამისთვის ბედშავი უელსელისთვის კარგა მადლიანი წიხლის ჩაზელაც კი დასჭირდა. ეპიზოდის ნახვა სხვადასხვა რაკურსით შეიძლება. საბოლოოდ შეიძლება დაასკვნა, რომ რაკი მორგანმა გამოცდილი მორაგბესავით ბურთი რაკში გადაიტანა და აზარს მისი დაუფლების საშუალებას არ აძლევდა, ედენმა ფეხით ტანქვეშ ამოდებული ბურთის გამოგორება სცადა, მაგრამ ბურთის ნაცვლად ბუცი ბიჭს მოარტყა.</p><p>გვერდითა არბიტრმა ყველაფერი კარგად დაინახა და კრის ფოის მოახსენა. არბიტრმა აზარი ფეხის არადანიშნულებისამებრ გამოყენებისთვის წითელი ბარათით დასაჯა. აქვე გეტყვით, რომ ინციდენტის მონაწილე ბიჭი "სუონსის" ერთ-ერთი დირექტორის ვაჟია.</p><p>მატჩის შემდეგ სპეციალური განცხადება გააკეთა უელსელთა პრესსამსახურმა, სადაც ვკითხულობთ: <em>"ჩარლი მორგანი მატჩის დასრულების შემდეგ "ჩელსის" გასახდელში მიიწვიეს. იდეა ფრენკ ლამპარდსა და ჯონ ტერის ეკუთვნოდათ. ფეხბურთელებმა მას ხელი ჩამოართვეს და ედენ აზარს წარუდგინეს. ისინი შერიგდნენ და ფიქრობენ, რომ საკითხი ამით უნდა ამოიწუროს. ჩარლი "ლიბერთი სტედიუმზე" უკვე 6 წელია, ბურთების მიმტანად მუშაობს და მას აქამდე არავისთან ინციდენტი არ მოსვლია".</em></p><p>საჯაროდ მოიხადა ბოდიში თავად აზარმაც. ინტერვიუ მან "ჩელსის" ტელეარხს მისცა: "ბიჭი ბურთს მთლიანად ფარავდა, მე კი მხოლოდ იმას ვცდილობდი, რომ ის მინდორზე დამებრუნებინა. ფეხი ბურთის გამოსაგორებლად მოვიქნიე. ვერ წარმოვიდგენდი, რომ მას მოვარტყამდი. ამ ინციდენტის გამო ყველას ბოდიშს ვუხდი. თამაშის დასრულების შემდეგ მე მას შევხვდი, ყველაფერი ავუხსენი და პატიება ვთხოვე. მან თავის მხრივაც მომიბოდიშა. ვწუხვარ, რომ ყველაფერი ასე მოხდა".</p><p><span style="color: #888888;"><strong><span style="color: #ff0000;">რეაქცია ინციდენტზე</span></strong></span></p><p><span style="line-height: 1.3em;">საფეხბურთო ასოციაციის წარმომადგენელი: <em>"საკუთარ თავს ასეთი რამის უფლება მისცე და თანაც ადამიანთან, ვინც შენზე ბევრ</em></span><em>ად</em><span style="line-height: 1.3em;"><em> პატარაა, აბსოლუტურად მიუღებელია. ფეხბურთელებს იმის უფლებაც კი არ აქვთ, რომ მათ ხელით შეეხონ, არათუ მიწაზე და</em></span><em>აგდონ</em><span style="line-height: 1.3em;"><em> და ფეხები ურტყან. აზარის წინააღმდეგ სანქციაზე მსჯელობას მალე შევუდგებით. ვფიქრობთ, სეზონის ბოლომდე მისი დისკვალიფიკაცია ლოგიკური იქნება".</em></span></p><p><em><strong>რაფა ბენიტესი</strong> (ჩელსი): "თამაშის შემდეგ ბიჭუნა აზარს შეხვდა და აღიარა, რომ არასწორად მოიქცა. ჩვენი მხრივაც ვაცხადებთ, რომ არც აზარის საქციელი იყო მოსაწონი. ფაქტია, ორივე მხარე შეცდა. ამის შეცვლა კი უკვე შეუძლებელია. ედენს აუცილებლად შევხვდებით ცალკე. ვიმეორებ, მის საქციელს არ ვამართლებ, მაგრამ ფაქტია, რომ მას მხოლოდ ბურთის თამაშში დაბრუნება უნდოდა. რამდენიც უნდა ვილაპარაკოთ, ფაქტია, რომ მან გუნდი სწორედ მაშინ დააღალატა, როცა თამაშის ბედის გადაწყვეტა ასე ძალიან გვჭირდებოდა".</p><p><strong>მიკაელ ლაუდრუპი</strong> (სუონსი): "ჩემი შეფასებით, აზარმა მომსახურე ბიჭს ხელი ჰკრა და მერე ფეხი ჩაარტყა. მართალია, ეპიზოდს დიდი მანძილიდან ვუყურებდი, მაგრამ გამეორებაზე ყველაფერი ვნახე და ასეთი შთაბეჭდილება დამრჩა. მეორე მხრივ, მესმის მისი აღშფოთებაც, რადგან "ჩელსი" ამ მომენტისთვის ლიგის თასს ემშვიდობებოდა. აზარი დიდი ფეხბურთელია და დარწმუნებული ვარ, რომ თამაშის მერე ინანა ის, რაც ჩაიდინა".</em></p><p><em><strong>ალექს ფერგიუსონი </strong>(მანჩესტერ იუნაიტედი): "თავი ადამიანს იმისთვის სჭირდება, რომ იაზროვნოს. ჩემი აზრით, აზარს სამუდამო დისკვალიფიკაცია ეკუთვნის. ბურთის მომტან ბიჭზე თავდასხმა ზუსტად ის არის, რასაც ვერასოდეს წარმოვიდგენდი, რომ ინგლისურ ფეხბურთში მოხდებოდა".</em></p><p>ჩვენი მხრივ, გავთავხედდებით და ლეგენდარულ შოტლანდიელს შევახსენებთ, რომ 1995 წელს "კრისტალ პალასის" "სელსჰარტ პარკზე" <strong>ერიკ კანტონას</strong> მიერ გულშემატკივრის ცემის გამო ასოციაციამ ფრანგს მხოლოდ 8-თვიანი დისკვალიფიკაცია მისცა და 20-ათასფუნტიანი ჯარიმა აკმარა. ამ ორი ეპიზოდის ერთმანეთთან შედარება კი ნამდვილად არ შეიძლება.</p><p><strong><em>სუონსი-ჩელსი 0:0</p><p></em></strong>სუონსი (4-2-3-1): ტრემელი – ბ. დევისი, უილიამსი, ჩიკო, რანხელი – კი, ბრიტონი – რუტლეჯი (65. დაიერი), დე გუზმანი, ერნანდესი - მიჩუ</p><p>ჩელსი (4-2-3-1): ჩეხი – ასპილიკუეტა, კეჰილი, ივანოვიჩი (68. ლუისი), კოული (86. ბერტრანი) – რამირესი, ლამპარდი – აზარი, ოსკარი (81. ტორესი), მატა - ბა</p><p>გაფრთხილება: არ ყოფილა</p><p>გაძევება: - აზარი (80)</p><p>მაყურებელი: 19 506</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/inglisi/44677-eden-azarma-burthis-mimtsodebel-bitcs-daartya-video.html" target="_blank">ედენ აზარმა ბურთის მიმწოდებელ ბიჭს დაარტყა! [VIDEO]</a></p>
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია