<p>ჩოგბურთელის სატრფოს თავისუფლად შეუძლია ტრუსებით გავიდეს სცენაზე და მაყურებელს თავისი შიშველი უკანალი უჩვენოს</p><p><br> ავსტრალიის ღია პირველობაზე, რომელიც გასულ კვირას დასრულდა, 23 წლის <strong>ვიქტორია აზარენკას</strong> ემოციურად გულშემატკივრობდა ერთი უცნაური მამაკაცი ხუჭუჭა თმებით, წვერითა და დიდი სათვალით.</p><p>ეს არის ამერიკელი რეპერი <strong>სტეფან კენდალ გორდი</strong>, მაგრამ ის უფრო ცნობილია თავისი სცენური ფსევდონიმით - <strong>რედფუ</strong>.</p><p>37 წლის ამერიკელი - საკმაოდ ექსტრავაგანტული ნატურაა. მას თავისუფლად შეუძლია ტრუსებით გავიდეს სცენაზე და მაყურებელს თავისი შიშველი უკანალი უჩვენოს.</p><p>სწორედ ასეთი პერფორმანსი ჩაატარა მან რუსეთის ქალაქ სამარაში, რითაც აღფრთოვანებაში მოიყვანა ახალგაზრდა მაყურებელი, უფრო ასაკოვანი ქალბატონები კი კარგა ხანი ვერ გამოდიოდნენ შოკიდან.</p><p>მელბურნში სკანდალური რეპუტაციის დიჯიეისა და რეპერს ასეთი რამ არ უკადრებია - ის რეგულარულად ესწრებოდა ვიქტორიას ვარჯიშებს და ეხმარებოდა მას ჩოგნების ჩანთის ტარებაში.</p><p><img src="pictures/artimages/image16/ef48889889f8d5be33e861a53a66737e.jpg" border="0" style="border: 0px none; margin: 5px; float: left;" alt="Sportall.Ge" title="ვიკა+რედფუ: აზარენკას სკანდალისტი რეპერი შეუყვარდა" />"<em>მე შეყვარებული ვარ და არ არის მნიშვნელოვანი, როგორ შეხვდა ხალხი ჩემს არჩევანს, - განუცხადა ჟურნალისტებს აზარენკამ. </em>-<em> ის უჩვეულო ბიჭია, განსაკუთრებული. თითქოს სხვადასხვა სამყაროდან ვარ</em>"<em>.</p><p></em></p><p><em>ავსტრალიის ღია პირველობირს ჩემპიონმა არ დაასახელა თავისი რჩეულის სახელი. რედფუც ქარაგმებით ლაპარაკობს: </em>"<em>ის მთელი ჩემი ცხოვრების სიყვარულია. ის არის ნომერ პირველი</em>"<em>.</p><p></em></p><p>ვიქტორია მართლაც მსოფლიო კლასიფიკაციის პირველი ნომერია. ვიკამ და რედფუმ შარშან სექტემბერში, ნიუ იორკში გაიცნეს ერთმანეთი, როცა აზარენკა აშშ-ის ღია პირველობაზე თამაშობდა, სეზონის დასრულების შემდეგ კი რეპერი ვიკასთან მინსკში ჩავიდა. მათ ერთად ხედავდნენ საჩოგბურთო კორტზე და საკალათბურთო მოედანზე, გარდა ამისა, აზარენკამ ამერიკელს მისთვის საყვარელ ადგილებზე ექსკურსია მოუწყო.</p><p>თუმცა რეპერი მშობლებს არ გააცნო - დედ-მამას, შესაძლოა, არ მოსწონებოდათ გოგონას არჩევანი. ისინი დარწმუნებულნი იყვნენ, რომ მათი ქალიშვილი ჩოგბურთელ <strong>სერგეი ბუბკას</strong> ხვდებოდა.</p><p><strong><span style="color: #ff0000;">ნახტომი მესამე სართულიდან</p><p></span></strong>ბუბკასა და აზარენკას რომანი რამდენიმე წელი გრძელდებოდა. ისინი ერთად ჩნდებოდნენ საღამოებზე და გარშემო მყოფნი ამჩნევდნენ, რომ მათ შორის დიდი სიყვარული იყო.</p><p>"<em>ის კარგი და კეთილი ადამიანია. და სრულიადაც არ არის კაპრიზული. მასში არაფერია ვარსკვლავური, - </em>ყვებოდა ნახევარი წლის წინ უკრაინელი ჩოგბურთელი.<em> - ჩვენ ყველაფერი შესანიშნავად გვაქვს.</p><p>ვიქტორია ჩამოსული იყო კიევში, მე ის ჩემს მშობლებს გავაცანი, მათ სწრაფად იპოვნეს საერთო ენა. ვფიქრობ, ამ მომენტისთვის ვიკას პრიორიტეტი </em>-<em> კარიერაა. მას ძალიან უნდა საუკეთესო გახდეს</em>"<em>.</p><p></em></p><p>აზარენკამ თავისას მიაღწია - საუკეთესო გახდა. ხოლო ჭოკით ხტომის ლეგენდის, უფროსი სერგეი ბუბკას ვაჟი ბოლომდე იმედისმომცემ ჩოგბურთელად დარჩა. ის რეიტინგის მეორე ასეულში ჩაიკარგა - "დიდი სლემის" ტურნირებზე ბუბკას აღარ იწვევდნენ.</p><p>2012 წლის ნოემბერში კი მას სულელური ისტორია შეემთხვა. უმცროსი ბუბკა მესამე სართულის ფანჯრიდან გადავარდა. ეს პარიზში მოხდა. დილით ადრე, დაახლოებით შვიდ საათზე, ახალგაზრდა ჩოგბურთელი მძიმე ტრავმებით მიიყვანეს ჟორჟ პომპიდუს სახელობის საავადმყოფოში.</p><p>თავიდან ექიმები მისი სოცოცხლის გამოც კი შიშობდნენ. ბუბკა იცოცხლებს, მაგრამ უცნობია, შეძლებს თუ არა კორტზე დაბრუნებას.</p><p>ფრანგული პრესის ვერსიით, სერგეი ტურნირის დროს თავის ერთ-ერთ მეგობართან გაჩერდა. საღამოს ბიჭები კარგად გაერთნენ და დილით გაღვიძებულმა ბუბკამ აღმოაჩინა, რომ სააბაზანოში იმყოფებოდა, კარი კი გარედან იყო ჩაკეტილი. მან უკეთესი ვერაფერი მოიფიქრა და ფანჯრიდან სცადა მეზობელ ოთახში გადასვლა, მაგრამ წონასწორობა დაკარგა და ფანჯრიდან გადავარდა.</p><p>თუმცა არსებობს სხვა ვერსია. ის შემდეგში მდგომარეობს: უმცროსმა ბუბკამ შეგნებულად სცადა თვითმკვლელობა. იმ მომენტისთვის ის უკვე დაშორებული იყო ვიქტორია აზარენკასთან და როგორც საჩოგბურთო წრეებში ჭორაობენ, მძიმედ გადაიტანა შეყვარებულის დაკარგვა. ამ გაყრის ინიციატორი აზარენკა ყოფილა.</p><p>მოგვიანებით მან საავადმყოფოში მოინახულა ბუბკა და უთანაგრძნო მას, თუმცა მიახვედრა, რომ კავშირის აღდგენა შეუძლებელი იქნებოდა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/chogburthi/44840-avstraliis-ghia-pirveloba-sharshandeli-chempionebi.html" target="_blank">ავსტრალიის ღია პირველობა: შარშანდელი ჩემპიონები</a></p>
ლეგენდარული რაფაელ ნადალი "რეალის" დირექტორთა საბჭოს წევრი გახდა
"მეტოქე შესანიშნავად თამაშობდა" - ბასილაშვილს კარგი გარჯა ალკარასმაც შეუქო
ბოლომდე იბრძოლა - ბასილაშვილი ალკარასთან დამარცხდა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა