<p>ბერლინელთა სამწვრთნელო შტაბმა დისკვალიფიკაციამოხდილი ვეტერანი ქართველი გუნდის 18-კაციან განაცხადშიც კი არ შეიყვანა <br> დიდი იმედი გვქონდა, რომ ჩვენს მიმოხილვას <strong>ლევან კობიაშვილის</strong> თამაშის შეფასებით დავიწყებდით, მან ხომ ნახევარწლიანი დისკვალიფიკაცია სულ ახლახან მოიხადა და "ჰერტას" მაისურით ამხანაგურ მატჩებშიც ითამაშა.</p><p>თუმცა ბერლინელთა სამწვრთნელო შტაბმა სხვაგვარად განსაჯა და ვეტერანი ქართველი გუნდის 18-კაციან განაცხადშიც კი არ შეიყვანა.</p><p>კობის გარეშე "ჰერტამ" სტუმრად "რეგენსბურგი" 5:1 გაანადგურა და ცხრილში მეორე ადგილი კიდევ უფრო გაიმყარა.</p><p>"ბოხუმის" ამბავს კი "ლელოს" შაბათის ნომერში წაიკითხავდით. შეგახსენებთ, <strong>ალექსანდრე იაშვილი</strong> შეცვლაზე შევიდა და საგოლე პასის ავტორი გახდა, <strong>ნიკოლოზ გელაშვილი</strong> კი სათადარიგო იყო. "ბოხუმმა" გასვლით შეხვედრაში "აალენთან" ფრედ, 2:2 ითამაშა.</p><p>ჰოლანდიის თასის მეოთხედფინალში ამსტერდამის "აიაქსთან" შინ ნაწვნევი გამანადგურებელი მარცხის (0:4) შემდეგ "ვიტესმა" ჩემპიონატშიც წაიფორხილა - არნემელები სტუმრად "ნეიმეგენთან" 1:2 დამარცხდნენ და სატურნირო ცხრილში მეექვსე ადგილამდე დაქვეითდნენ.</p><p>"ვიტესი" ერთპიროვნულ ლიდერ პსვ-ს უკვე 8 ქულით ჩამორჩება.</p><p>"ვიტესის" კაპიტანმა <strong>გურამ კაშიამ</strong> ეს მატჩი სრულად ჩაატარა, ხოლო <strong>ვაკო ყაზაიშვილი</strong> მოედანზე 85-ე წუთზე შევიდა; მართალია, მხოლოდ რამდენიმე წუთით, მაგრამ ყაზაიშვილი "ვიტესის" ბოლო შეხვედრებში სისტემატურად მონაწილეობს, რაც ახალგაზრდა ქართველი ნახევარმცველისთვის უდავოდ წინგადადგმული ნაბიჯია.</p><p>თურქეთის სუპერლიგაში <strong>შოთა არველაძის</strong> "ქასიმფაშამ" "ელაზიგსფორს" უმასპინძლა. მატჩი უგოლოდ დასრულდა.</p><p>"ქასიმფაშა" მეხუთე პოზიციაზეა და ლიდერ "გალათასარაიმდე" შვიდი ქულა აშორებს.</p><p>"ქაისერისფორმა" <strong>ზურაბ ხიზანიშვილის</strong> გარეშე სტუმრად 2:1 მოუგო "აქჰისარ ბელედისფორს" და გასავარდნ ზონას ოთხი ქულით უსწრებს.</p><p>იტალიის სერია B-ში "ემპოლი" "სასუოლოს" ესტუმრა და ფრედ, 1:1 ეთამაშა. "ემპოლის" თავდამსხმელი <strong>ლევან მჭედლიძე</strong> მოედანზე 70-ე წუთზე შევიდა, მისი თანაგუნდელი <strong>ირაკლი შეყილაძე</strong> კი განაცხადში არ ყოფილა.</p><p>გადავინაცვლოთ ამხანაგურ მატჩებზე, საიდანაც ყველაზე გამოსარჩევი <strong>მათე ვაწაძის</strong> დუბლია. დანიური "ორჰუსის" ქართველმა ფორვარდმა ორი გოლი "ფრემადის" კარში გაიტანა, აქედან ერთი <strong>დავით სხირტლაძის</strong> პასით.</p><p><img src="pictures/artimages/image17/7fb4150847307202831685809e3e6627.jpg" border="0" alt="Sportall.Ge" title="ლევან კობიაშვილის ბერლინის "ჰერტას" შემადგენლობაში დაბრუნება გადაიდო" /></p><p>ვაწაძეც, სხირტლაძეცა და <strong>დავით დევდარიანიც</strong> "ორჰუსის" სასტარტო შემადგენლობაში იყვნენ.</p><p>რუმინულმა "პანდურიიმ", რომელმაც ცოტა ხნის წინ კონტრაქტი <strong>გიორგი ალავერდაშვილს</strong> გაუფორმა, მაკედონიურ "ტურნოვოსთან" ფრედ, 0:0 ითამაშა. ქართველმა თავდამსხმელმა მოედანზე პირველი ტაიმი გაატარა.</p><p>ბოლოს იმასაც გეტყვით, რომ მოსკოვის "სპარტაკის" ფეხბურთელებთან ერთად საერთო ჯგუფში ვარჯიში განაახლა <strong>ჯანო ანანიძემ</strong>, რომელიც ალბანეთთან 6 თებერვალს გასამართ ამხანაგურ მატჩში მონაწილეობას არ მიიღებს.</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></p><p></strong><a href="/fexburti/qarthuli-fekhburthi/legionerebi/44783-shotha-arveladzem-gaimarjva-levan-kobiashvili-kvlav-dzirithadshia.html" target="_blank">შოთა არველაძემ გაიმარჯვა, ლევან კობიაშვილი კვლავ ძირითადშია</a><strong></p><p></strong><a href="/fexburti/qarthuli-fekhburthi/legionerebi/44596-levan-kobiashvili-gasuli-tseli-chems-karierashi-yvelaze-cudi-iyo.html" target="_blank">ლევან კობიაშვილი: გასული წელი ჩემს კარიერაში ყველაზე ცუდი იყო</a><strong></strong></p>
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"