<p>მანუჩარ მარკოიშვილმა "გალათასარაის" მაისურით გასულ კვირას ორი განსხვავებული მატჩი ჩაატარა <br> <span style="color: #ff0000;"><strong>თურქეთი</strong></span></p><p>მსოფლიოს გარშემო მოგზაურობა ჩვენი მეზობელი ქვეყნიდან დავიწყოთ, სადაც <strong>მანუჩარ მარკოიშვილმა</strong> გასულ კვირას ორი განსხვავებული მატჩი ჩაატარა.</p><p>17 თებერვალს "გალათასარაის" მაისურით "ეფესი" დაამარცხა, თუმცა ჯარიმების სიუხვის გამო მანუმ მხოლოდ 11 წუთი ითამაშა.</p><p>სამაგიეროდ, სწორედ 11 ქულა მოაგროვა ევროთასზე რუსულ "უნიქსთან" გასვლით შეხვედრაში.</p><p>თურქეთის ჩემპიონატში "გალა" საუკეთესო სამ გუნდს შორისაა და პირველადგილოსანს მხოლოდ ერთი მოგებით ჩამორჩება. ევროთასზე კი მეოთხედფინალში მოსახვედრად აუცილებელია, ჯგუფში პირველი ან მეორე ადგილი დაიკავოს.</p><p>ხუთი ტურის შემდეგ თურქებს 2 გამარჯვება აქვთ და ბოლო ტურში შინ სერბული "ცრვენა ზვეზდას" (მასაც 2 მოგება, 3 მარცხი) დამარცხება მართებთ. თუმცა, ბევრი რამ ჯგუფის მეორე შეხვედრაზეც იქნება დამოკიდებული - "ულმი"-"უნიქსი" (ამ ორ გუნდს 3-3 გამარჯვება აქვს).</p><p>ჯგუფში სიტუაცია ჩახლართულია. ამიტომ ყველა ვარიანტის განხილვას არ მოვყვებით. მხოლოდ იმას გეტყვით, რომ თუ პლეი ოფში თამაში უნდა, "გალათასარაიმ" 19 თებერვალს (22:00 საათზე) "ზვეზდა" უნდა დაამარცხოს, ხოლო "ულმსა" და "უნიქსს" შორის რუსების გამარჯვება აძლევს ხელს.</p><p>ასეთ შემთხვევაში პირველზე "უნიქსი" აღმოჩნდება, მეორეზე - "გალა" (ურთიერთშეხვედრებში მოგებათა რაოდენობით "ულმსაც" აჯობებს და "ცრვენა ზვეზდასაც").</p><p><span style="color: #ff0000;"><strong>უკრაინა</strong></span></p><p>ასევე მოგების შემთხვევაში გავა ევროთასის მეოთხედფინალში <strong>გიორგი ცინცაძის</strong> "ბუდიველნიკი". მისი მეტოქე ბოლო ტურში (ოთხშაბათს) რუსული "ტრიუმფი" იქნება. მატჩი კიევში შედგება.</p><p>მოკლედ, უკრაინელთა ბედი მათსავე ხელშია.</p><p>უკრაინის ჩემპიონატში "ბუდიველნიკს" საქმე უკეთესად აქვს - მისი შემჩერებელი დიდი ხანია, აღარ გამოჩენილა. 30 ტურის შემდეგ 23 გამარჯვებით კიეველები ცხრილის ზედა საფეხურზე არიან. მათ ბოლო ტურში "ფერო" სტუმრად დაამარცხეს.</p><p>როგორც ხშირად, ამჯერადაც სტაბილურად ჩაატარეს მეორე ტაიმი.</p><p><span style="color: #ff0000;"><strong>ესპანეთი</strong></span></p><p>ევროთასზე მესამე ქართველიც თამაშობს - <strong>ბექა ბურჯანაძე</strong>, რომლის "კახასოლს" ჯგუფიდან გასვლის შანსი დიდი ხანია, გადაეწურა. სამაგიეროდ, ბექას აქვს მეტი თამაშის შანსი.</p><p>შეგახსენებთ, რომ გასულ კვირას მან 12 წუთში სამი სამქულიანი გამოიყენა, ერთი ორიანი მიამატა და 11 ქულას გამორჩა.</p><p><span style="color: #ff0000;"><strong>იტალია</strong></span></p><p>იტალიის მესამე ლიგის "ომენაში" გადასვლის შემდეგ პირველი მარცხი განიცადა <strong>ნიკა მეტრეველმა</strong>, რომლის გუნდმა "ბენაკისტასთან" 79:88 დათმო.</p><p>მატჩის სრული სტატისტიკა შეჯიბრების ოფიციალურ საიტზე არ გამოქვეყნებულა, ამიტომ მხოლოდ ის ვიცით, რომ ნიკამ 19 ქულა ჩააგდო.</p><p>18 თებერვალს ღამით ითამაშა <strong>ვიქტორ სანიკიძემ</strong>. "მონტეპასკის" იტალიის ჩემპიონატში ჰაერივით სჭირდება გამარჯვებები, რადგან სატურნირო ცხრილში მისთვის შეუფერებელ მესამე პოზიციაზეა.</p><p>სამაგიეროდ, სიენელები ევროლიგაზე თამაშს თამაშზე იგებენ და პლეი ოფთანაც ახლოს არიან. გასულ კვირას მათ "კახა ლაბორალს" სძლიეს, თუმცა სანიკიძემ მხოლოდ 6 წუთი ითამაშა.</p><p><span style="color: #ff0000;"><strong>საბე</strong></span><span style="color: #ff0000;"><strong>რ</strong></span><span style="color: #ff0000;"><strong>ძნეთი</strong></span></p><p>ევროლიგაზე საოცარ გამარჯვებას მიაღწია <strong>გიორგი შერმადინის</strong> "ოლიმპიაკოსმა", რომელმაც რუსულ "ხიმკის" სტუმრად აჯობა.</p><p>ამ წარმატებით ბერძნები მეოთხედფინალში გამსვლელ კვარტეტში შევიდნენ, თუმცა ჯგუფური ეტაპის დასრულებამდე კიდევ დიდი დროა - 7 ტურია სათამაშო.</p><p>18 თებერვალს "ოლიმპიაკოსი" საბერძნეთის ჩემპიონატში კაოდ-ს ესტუმრა და ლოგიკური შედეგიც დააფიქსირა...</p><p><span style="color: #ff0000;"><strong>ლიბანი</strong></span></p><p>ბეირუთის "ჩამპვილი" სწრაფი ნაბიჯებით მიიწევს წინ. იგი უშუალო კონკურენტებს სათანადოდ უსწორდება და ჩემპიონატის სატურნირო ცხრილში მესამე პოზიციამდე ავიდა.</p><p>თუ ასე განაგრძო, "ჩამპვილი" რეგულარული ეტაპის ბოლოს პირველი უნდა იყოს.</p><p>კვირას, 17 თებერვალს <strong>ნიკა ცქიტიშვილის</strong> გუნდმა "მუტაჰედი" 98:94 დაამარცხა. სკიტამ შეუცვლელად ითამაშა და ორმაგი დუბლიც "გამოაცხო": 16 ქულა, 13 მოხსნა. მატჩის ბომბარდირი "ჩამპვილის" მეორე ლეგიონერი, ამერიკელი <strong>რეიშაუნ ტერი</strong> გახდა - 30 ქულა.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ახალგაზრდული ევროლიგის ფინალში ხატიაშვილმა "ბარსელონას" 15 ქულა ჩაუგდო
რიდი კვლავ MVP-ია - მარკისის 34 ქულა თურქეთის ჩემპიონატში
ხატიაშვილის 17 ქულა, 7 პასი და მისი გუნდის გამარჯვება "პანათინაიკოსთან"
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
"ნაპოლი" ჰოილუნდს 44 მილიონ ევროდ გამოისყიდის