- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თავისუფალი ჭიდაობა. მსოფლიოს თასი: წილისყრამ არ დაგვინდო
<p>თეირანის "შიროუდი სპორტკომპლექსში" მეტოქედ ირანი გვერგო</p><p><br> თეირანის "შიროუდი სპორტკომპლექსში" მიმდინარეობს მსოფლიოს თასის გათამაშება ჭიდაობაში.</p><p>აქამდე მასში ბერძენ-რომაელები მონაწილეობდნენ, 21 და 22 თებერვალს კი თავისუფალი სტილით მოჭიდავეებიც ჩაებმებიან.</p><p>ბერძენ-რომაელთა ტურნირში ჩვენები არ გამოდიოდნენ, ხოლო "თავისუფალთა" შორის შესუსტებული შემადგენლობით იჭიდავებენ: გივი დავიდოვი (55), მალხაზ ქურდიანი (60), მალხაზ ზარქუა (66), იაკობ მაქარაშვილი (74), ნოდარ ეგაძე (84), ბექა ჭელიძე, თედორე ებანოიძე (ორივე - 96), თორნიკე ხიდეშელი (120) - აი, ამ ფალავნებით წავიდა ირანში ნაკრების მწვრთნელი ალექსანდრე კახნიაშვილი.</p><p>უკლებლივ ყველა მათგანი საქართველოს პირველობის მედალოსანია, თუმცა ეს მაინც არაა ჩვენი ძირითადი გუნდი - ლიდერები ამჟამად ბორჯომში იმყოფებიან შეკრებაზე და 19-24 მარტს თბილისში გასამართი ევროპის ჩემპიონატისთვის ემზადებიან.</p><p>მსოფლიოს თასის მონაწილეებს მსოფლიოს პირველობის შედეგების მიხედვით არჩევენ. ამჯერად შეჯიბრებაში, საქართველოს და ირანის გარდა, რუსეთის, აზერბაიჯანის, ბელორუსის, ბულგარეთის, თურქეთის, ყაზახეთის, იაპონიისა და აშშ-ის გუნდები გამოვლენ.</p><p>ახლავე შეიძლება ითქვას, რომ ტურნირი არც ისე ძლიერი იქნება. გაგაცნობთ რამდენიმე გუნდის შემადგენლობას და დასკვნა თავად გააკეთეთ.</p><p>მაგალითად, რუსთა ნაკრებში ნარიმან ისრაპილოვი, აზამატ ტუსკაევი (ორივე - 55), ალექსანდრ ბოგომაევი, ბატო ბადმაევი (60), სოსლან რამონოვი, ალან გოგაევი (66), კახაბერ და საბა ხუბეჟტები (74), მაგომედ იბრაგიმოვი, ბეკხან კურკიევი (84), ანზორ ბოლტუკაევი, იური ბელონოვსკი (96), ფელიქს ცარიკაევი და ალან ხუგაევი (120) გამოდიან. აქ ევროპის რამდენიმე ჩემპიონი კი იჭიდავებს (ისრაპილოვი, გოგაევი), რამდენიმე ძალზე პერსპექტიული ფალავანიცაა, მაგრამ სადღეისოდ არც ერთი არაა თავისი წონის ლიდერი.</p><p>ამ შემადგენლობიდან თქვენს ყურადღებას 74 კილოგრამს მივაპყრობთ, სადაც საქართველოდან ჩრდილოეთ ოსეთში გადასახლებული ძმები ხუბეჟტები გამოდიან, ოღონდ აქამდე საბა სლოვენიის სახელით ჭიდაობდა და ცოტა გაგვიკვირდა რუსთა შორის მისი გამოჩენა - საერთაშორისო ფედერაცია ხომ მოქალაქეობის მხოლოდ ერთხელ შეცვლის უფლებას იძლევა!</p><p>აქვე ამ კონტექსტში უპრიანია, რუსეთსა და აზერბაიჯანს შორის მაჰმუდ მაგომედოვის (55) გამო ამტყდარი სკანდალიც გავიხსენოთ, რომელიც სწორედ მოქალაქეობის შეცვლის პროცედურას უკავშირდებოდა - რუსები ევროპის მომავალ ჩემპიონს ბაქოს არ უთმობდნენ, თუმცა ის თვითნებურად მაინც წავიდა და რამდენიმე თვეში ევროპის ჩემპიონიც გახდა.</p><p>უცნაური დამთხვევით, მაშინ სადავო ტურნირად თეირანში გამართული მსოფლიოს თასი იქცა, სადაც ერთი წლით ადრე მაგომედოვმა რუსეთის სახელით იასპარეზა.</p><p>ეს სკანდალი იმით დასრულდა, რომ რუსებმა სიმართლე დაამტკიცეს, რის გამოც ფალავანს ორწლიანი დისკვალიფიკაციის მოხდა მოუწია, თუმცა ოქროს მედალი არ ჩამოართვეს.</p><p>მაგომედოვი ახლაც იჭიდავებს, თუმცა ლიდერები არც აზერბაიჯანელებს ეყოლებათ: გალიბ ალიევი (55), აგაჰუსეინ მუსტაფაევი (60), რუსლან დიბირგაჯიევი (66), აშრაფ ალიევი (74), ილია ხამიკოევი (84), ასლანბეკ ალბოროვი (96), ალი ისაევი და ასლან ძებისოვი (ორივე - 120) - აი, ასეთია მათი შემადგენლობა.</p><p>აქედან ყურადღებას ნაკრებში ევროპის პრიზიორ ისაევის დაბრუნებაზე გავამახვილებთ, თორემ ოლიმპიური ჩემპიონები - ტოგრულ ასგაროვი (60) და შარიფ შარიფოვი (84) ამათაც დაასვენეს. თუმცა მარტო ესენი კი არა, ასე მოიქცა უკლებლივ ყველა გუნდი - მასპინძელთა გარდა.</p><p>ამის მიზეზი უხეიროდ შედგენილი კალენდარია - გუნდები თავიანთი კონტინენტების პირველობებისთვის ემზადებიან, თუმცა ეს ტურნირი ყველაზე ადრე ევროპელებს უწევთ.</p><p>სამწუხაროდ, კალენდარი ჭიდაობის ევროპულსა და საერთაშორისო ფედერაციებს შორის ყოველთვის ასე უწესრიგოდ იყო განაწილებული, თუმცა ეს კიდევ არაფერია იმასთან შედარებით, რაც ახალგაზრდებსა და ჭაბუკებში ხდებოდა - იქ ევროპისა და მსოფლიოს პირველობებს შორის სხვაობა ხშირად მხოლოდ 2-3 კვირა იყო.</p><p>იმედია, მომავალში ასე აღარ იქნება და იმავე მსოფლიოს თასსაც მეტი ფასი დაედება, თორემ ახლა ზედმეტ ტვირთად აწევთ გუნდებს - არც მონაწილეობა აძლევთ ხელს და გამოუსვლელობაც ფინანსური ჯარიმით ისჯება.</p><p>წუხელ მსოფლიოს თასის წილისყრაც გაიმართა და გაირკვა ჩვენი მეტოქეების ვინაობა. ისინი B ჯგუფში მოხვდნენ ირანის, იაპონიის, ბულგარეთისა და აშშ-ის გუნდებთან. მართალია, არც ამერიკელებს ჰყავთ ლიდერები, ოლიმპიური ჩემპიონები - ჯორდან ბაროუზი (74) და იაკობ უორნერი (96), მაგრამ ჯგუფში მეტოქედ ირანი ჰყავთ და ამით ყველაფერია ნათქვამი.</p><p>ამას ისევ A ჯგუფი სჯობდა, სადაც რუსეთთან, თურქეთთან, აზერბაიჯანთან, ბელორუსთან და ყაზახეთთან ბევრად მეტი შანსი გვქონდა.</p><p>ირანში ხომ ჭიდაობა მეორე რელიგიაა და იქ ასპარეზობა ორმაგად ძნელია. მით უფრო - მასპინძელთა წინააღმდეგ.</p><p>20 თებერვალს დასრულდა ბერძენ-რომაელთა ტურნირი, რომელშიც გოგი კოღუაშვილის გაწვრთნილმა რუსეთის ნაკრებმა გაიმარჯვა. ფინალში მათ მასპინძლებს 5:2 სძლიეს.</p><p>ოლიმპიურ ჩემპიონ ნაზირ მანკიევის უმცროსმა ძმამ - ბეკხან მანკიევმა (55), ივან კუილაკოვმა (60), ადამ კურაკმა (66) და მსოფლიოსა და ოლიმპიურმა ჩემპიონმა რომან ვლასოვმა (74) თავიანთი ორთაბრძოლები მოიგეს და სწრაფად გადაწყვიტეს ფინალის ბედი.</p><p>ამის მიუხედავად, ცოტა მოულოდნელია მსოფლიოსა და ოლიმპიურ ჩემპიონ ალექსეი მიშინის (84) წაგება ტალიბ ნარიმან ნემატპურთან, თუმცა გასათვალისწინებელია მისი ასაკი - 33 წლისაა.</p><p>ამის შემდეგ რუსთაგან ნიკიტა მელნიკოვმაც (96) იმარჯვა, მძიმეწონოსანი შოხრუდი აიუბოვი კი დარზი ბაბაჯანზადეჰთან დამარცხდა და ამით შეხვედრის საბოლოო ანგარიშიც აღინიშნა.</p><p><strong>ყოველდღიური სპორტული გაზეთი "ლელო"</strong></p>
-
სერგო
პირველი შეხვედრა წავაგეთ ამერიკასთან 5;2 ამ ჩვენ ტელევიზიებს ხომ არ აინტერესებთ ასეთი ასპარეზობები და თუ ვინმეს სურვილი აქვს ინტერნეტით უყურეთ http://www.logect.com/content.php?r=368-Shabake-3-Iranian-Live-TV-Online
კონსტანტინე პეტრიაშვილმა 23-წლამდელთა შორის მსოფლიო ჩემპიონატზე ბრინჯაოს მედალი მოიპოვა
[VIDEO] დვალიშვილი სეხუდოსთან 35 წამში დამარცხდა
[VIDEO] ნუთუ ილიასთან ბრძოლაზე ფიქრობდა? - ცარუკიანი საჩემპიონო ბრძოლაში დამარცხდა
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...