კრასიჩი სასჯელის მოლოდინში

დიდია შანსი, სერბ ნახევარმცველს სიმულაციისთვის ორმატჩიანი დისკვალიფიკაცია მიუსაჯონ "ბოლონია"-"იუვენტუსის" შეხვედრაში საინტერესო ბევრი არაფერი მომხდარა, თუმცა იყო ერთი ეპიზოიდი, რომელმაც იტალიური სპორტული პრესის და რაც მთავარია, ფედერკალჩოს სადისციპლინო კომიტეტის ყურადღება მიიპრო.პირველი ტაიმი მიმდინარეობდა, როდესაც მარჯვენა ფრთიდან მეტოქის საჯარიმოში მილოშ კრასიჩი შეიჭრა, მეტოქეს ერთი მოძრაობით გასცდა, თუმცა შეტევის გაგრძელება არ ისურვა და მინდორზე ისე წაიქცა, რომ არავინ შეხებია. მატჩის მთავარი არბიტრი პროვოკაციას წამოეგო და თერთმეტმეტრიანი დანიშნა. მართალია, ვინჩენცო იაკვინტამ საჩუქრით ვერ ისარგებლა, მაგრამ კრეასიჩის არასპორტულ საქციელს ეს ნამდვილად ვერ გაამართლებს. სწორედ ამიტომ, დიდია შანსი, სერბ ნახევარმცველს ორმატჩიანი დისკვალიფიკაცია მიუსაჯონ, რაც იმას ნიშნავს, რომ მომდევნო ტურში, "მილანის" წინააღმდეგ ვერ იასპარეზებს. ჯერჯერობით,. საკითხი არ არის გადაწყვეტილი და ფეხბურთელი ცდილობს, რომ თავი გაიმართლოს:"მცველი მართლაც არ შემხებია, ამას ვადასტურებ, მაგრამ განზრახ წაქცევა ნამდვილად არ მქონდა დაგეგმილი. უბრალოდ, ისე წამოვიდა მეტოქე ჩემსკენ, რომ წესით უნდა წავექციე და ეს მოძრაობაც ინსტიქტურად გავაკეთე. არ ვამბობ, რომ მსაჯს თერთმეტმეტრიანი უნდა დაენიშნა, მაგრამ დისკვალიფიკაცია სრულიად ზედმეტი იქნება. იმედია, სადისციპლინო კომიტეტი სწორად შეაფასებს მომხდარს".კრასიჩის სიტყვები მაინც და მაინც დამაჯერებელი ვერ არის, თანაც იმდენად აშკარა სიმულაციას ჰქონდა ადგილი, რომ დიდი ალბათობით, სასჯელს ვერ აცდება.კრასიჩის სიმულაციამ "ბოლონიელთა" კარის დარაჯი, ემილიანო ვივიანო აღაშფოთა, რომელმაც პრესასთან შემდეგი კომენტარი გააკეთა: "ეს სკანდალია, რომელზეც სერიოზული რეაგირება უნდა მოხდეს. "იუვენტუსი" ხშირად იგებს ამგვარი მეთოდებით თამაშებს, რაც არანაირად არ წაადგება იტალიურ ფეხბურთს. გამიმართლა, რომ იაკვინტას დარტყმის მოგერიება მოვახერხე და ერთი ქულა მაინც ავიღეთ".კრასიჩის საქციელზე ლუიჯი დელ ნერისაც მოუხდა კომენტარის გაკეთება: "კრასიჩის წინააღმდეგ ყველა შეხვედრაში არღვევენ თამაშის წესებს და როგორც წესი, ძალიან ეუხეშებიან. ზუსტად ვერ დავინახე რა მოხდა ბოლონიელთა საჯარიმოში, მაგრამ მილოშს კარგად ვიცნობ და ვიცი, რომ უმიზეზოდ არ წაიქცეოდა. მის ხასიათში სიმულაცია არ ზის, ამაში ღრმად ვარ დარწმუნებული".როდესაც დელ ნერი თერთმეტმეტრიანის დანიშვნის ეპიზოდის ვიდეოფირს ნახავს, იმედი აუცილებლად გაუცრუვდება, რადგან სერბმა სწორედაც რომ სიმულაციას მიმართა. სამაგიეროდ, გუნდის თამაშით დარჩა სინიორ ლუიჯი კმაყოფილი, რაც მისი სიტყვებიდან კარგად ჩანს: "ძალიან კარგად ვითამაშეთ და გამარჯვებას ვიმსახურებდით, თუმცა ყველაფერი ისე არ ხდება, როგორც ჩვენ გვინდა. კარგია, რომ გოლი არ გავუშვით და მეტოქის კართან არაერთი სახიფათო მომენტი შევქმენით. მართალია, შედეგიანი დარტყმა დაგვაკლდა, მაგრამ ამისგან ტრაგედია არ უნდა შევქმნათ. სწორი კურსით მივდივართ და შედეგი აუცილებლად იქნება".ყოველდღიური სპორტული გაზეთი"ლელო"

იტალიის ნაკრებს სავარაუდოდ, პირლოს ჩააბარებენ

ალეგრის კოვზი ნაცარში ჩაუვარდა - ხილა "მილანში" გადავიდა და მასიმილიანო უკმაყოფილო დარჩა

უარი რუსების 20-მილიონიან წინადადებას - "ნაპოლი" არგენტინელ ფეხბურთელს იმატებს

ცნობილი გახდა, როდის ჩადგება ჩაკვეტაძე მწყობრში

"კლუბის ლეგენდად დარჩება" - იკარდი "გალათასარაიდან" წავიდა

"რეალმა" შესაძლოა, კიდევ ერთი უკრაინელი მეკარე დაიმატოს

"ბორდო" საფრანგეთის მე-6 დივიზიონში დააქვეითეს

ინგლისელები ტუხელს არ გაუშვებენ - გერმანელი მწვრთნელი უკვე ევროპის ჩემპიონატზე ფიქრობს

"კუნძულები ჩვენია" - გამარჯვებულმა არგენტინელებმა მოედანზე ბანერი გაიტანეს

საქართველოს 20-წლამდელთა ნაკრებმა ესტონეთი დაამარცხა

[VIDEO] ფეხბურთის გამარჯვება. არგენტინული საოცრება - მესის გუნდმა ინგლისურ "ავტობუსს" თამაში შემოუტრიალა და ფინალში გავიდა!

სალაჰი შეიძლება პრემიერლიგიდან არ წავიდეს

მამარდაშვილმა ირაოლასთან ვარჯიში დაიწყო - წავა ალისონი "ლივერპულიდან"?

"საფრანგეთი სრულად უკანალშია - ბედნიერები ვართ" - UFC-ის მებრძოლი

სატონი: ესპანეთმა საფრანგეთს სკალპი გააძრო

"წინ, არგენტინა მეკობრე - უზურპატორი ინგლისელების წინაღმდეგ!" - ქვეყნის ვიცე-პრეზიდენტი

პსჟ-ის რიგებს სავარაუდოდ, გუნდის 18 წლის შემტევი დატოვებს

ბრილიანტებიანი სამკაული - იამალმა თავის თავს საკმაოდ ძვირადღირებული საჩუქარი გაუკეთა

საფრანგეთის ნაკრებს მუნდიალის შემდეგ ზინედინ ზიდანი ჩაიბარებს

ოფიციალურად: ტილემანსი "მანჩესტერ იუნაიტედის" ფეხბურთელია

გამარჯვება 2 სეტში - ბასილაშვილმა ბაშტადში მოგებით დაიწყო

ბართიშვილს პირადად დააკვირდნენ - "არსენალის" სკაუტი "იბერიას" მატჩზე და ქართველის შესაძლო ტრანსფერის ამბავი

ნურმაგომედოვმა თავისი აზრით, მსოფლიოს საუკეთესო 6 ფეხბურთელი დაასახელა - მერამდენე ადგილზე დააყენა მან კვარაცხელია