ჩელსის ტორესი ძალიან უნდა

"ჩელსი" საქმიან ნაბიჯებზე გადავიდა - გავრცელდა უტყუარი ინფორმაცია, რომ ლონდონელებმა ლივერპულში, "ენფილდ როუდზე", ოფიციალური წინადადება გააგზავნეს... "ჩელსი" საქმიან ნაბიჯებზე გადავიდა - გავრცელდა უტყუარი ინფორმაცია, რომ ლონდონელებმა ლივერპულში, "ენფილდ როუდზე", ოფიციალური წინადადება გააგზავნეს. ეს გახლავთ წერილი ფერნანდო ტორესის შეძენის შესახებ, რომელშიც უკვე თანხაც წერია - დაახლოებით 40 მილიონი გირვანქაი ანუ 48 მილიონი ევრო. ეს ის ფულია, რომელსაც "ლურჯები" "წითლებს" ესპანელი ფორვარდის სანაცვლოდ სთავაზობენ. ასე და ამგვარად, ლონდონელთა რუსმა მეპატრონემ რომან აბრამოვიჩმა და მწვრთნელმა კარლო ანჩელოტიმ ზაფხულის მთავარ ტრანსფერს შეუტიეს. რას უპასუხებს "ლივერპული"? რასაკვირველია, ტორესის 40 მილიონად გაყიდვას იუარებს და ვაჭრობას განაგრძობს, თუმცა, როგორც ინგლისურმა გაზეთებმა ჯერ კიდევ მაისში შეიტყვეს, აბრამოვიჩი მზად არის ამ ვაჭრობაში სადღაც 70 მილიონ გირვანქაამდე ანუ 84,5 მილიონ ევრომდე გაჰყვეს მერსისაიდელებს."ლელოს" მკითხველს რასაკვირველია ახსოვს, რომ "ლივერპულის" ახალმა მწვრთნელმა როი ჰოჯსონმა რამდენიმე დღის წინ განაცხადა, რომ ის ტორესისა და სტივენ ჯერარდის შენარჩუნების ვერანაირ გარანტიას ვერ იძლევა. ამას, "წითელთა" კლუბის საჩოთირო ფინანსურ მდგომარეობასაც თუ დავუმატებთ, დავინახავთ, რომ "ჩელსის" შემოთავაზებაზე უარის თქმა და ესპანელის შესანარჩუნებლად კბილებითა და ფრჩხილებით ბრძოლა მერსისაიდელთა მხრიდან თითქმის შეუძლებელი იქნება.როგორც ხედავთ, ინგლისში ტორესის გარშემო დიდი ამბავია ატეხილი, სამხრეთ აფრიკაში კი, ამ დროს, მსოფლიოს ჩემპიონატია გახურებული და იქ, ტორესი საშინლად წვალობს - ცუდ ფორმაშია. ამბობენ, რომ დღეს, გერმანიის ნაკრებთან ნახევარფინალურ შეხვედრაში ის შესაძლოა აღარც კი ათამაშონ და მის ნაცვლად დავიდ ვილიას არსენალელი სესკ ფაბრეგასი ან "მანჩესტერ სიტის" ახალი შენაძენი დავიდ სილვა ჩასვან სასტარტო შემადგენლობაში. სხვათაშორის, ერთ-ერთ ბოლო პრესკონფერენციაზე თავად ტორესმა აღნიშნა, რომ აპრილში გაკეთებული მუხლის ოპერაციის შემდეგ ფიზიკური ფორმა ვერა და ვერ აღიდგინა."ფიზიკური თვალსაზრისით გაცილებით უკეთ უნდა ვიყო მომზადებული " - თქვა თავდამსხმელმა დურბანის "მოზეს მაბდიას" სტადიონზე დანიშნული დიდი მატჩის წინ.რაც შეეხება "არსენალის" ვარსკვლავ ფაბრეგასს, თუ ათამაშებენ, უთუოდ გამაყუჩებელი დასჭირდება."რა თქმა უნდა ტკივილი ცუდია და ტრავმაც გამიმიზეზდება, მაგრამ თუ დელ ბოსკეს ვჭირდები, მზად ვარ. ბოლოს და ბოლოს, რისთვის ვარ აქ ჩამოსული"?! - თქვა ფაბრეგასმა.

ახალი რეკორდი პრემიერ ლიგაში - "სიტიმ" ელიოტ ანდერსონი შეიძინა

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

"ტორპედომ" ხორვატი ფეხბურთელი დაიმატა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

ირანმა და ეგვიპტემ მათი მატჩისას სტადიონზე LGBTQ+ თემის მხარდამჭერი სიმბოლკის აკრძალვა მოითხოვეს - FIFA-ს პასუხი ცნობილია

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს