 
    
    
    <p>26 წლის მარცხენა მცველი გიორგი დარასელიას გუნდში მეხუთე ჩვენებურია <br> <strong>გიორგი ნავალოვსკი</strong> კარიერას ხაბაროვსკის "სკა-ენერგიაში" გააგრძელებს. ეს ინფორმაცია 27 თებერვალს შევიტყვეთ და აღმოჩნდა, რომ 26 წლის მარცხენა მცველი უკვე კლუბის განაცხადში შეიყვანეს.</p><p>ნავალოვსკიმ სეზონი ნოვოკუზნეცკის "მეტალურგ-კუზბასში" დაიწყო, სადაც ზაფხულში მოსკოვის "სპარტაკის" ყოფილმა დამრიგებელმა, <strong>ვლადიმირ ფედოტოვმა</strong> წაიყვანა.</p><p>26 წლის ნავალოვსკის კლუბიდან წასვლა რომ სურდა, ეს ინფორმაცია ჯერ კიდევ დეკემბერში შევიტყვეთ - საშემოდგომო ეტაპის ბოლო ტურის შეხვედრა გამოტოვა და სურვილი "ლელოსთან" დაადასტურა.</p><p>მაგრამ "მეტალურგ-კუზბასთან" კონტრაქტი მაისში უმთავრდებოდა და გვითხრა, რომ სავარაუდოდ, მეორე წრისთვისაც "მეტალურგ-კუზბასში" მოემზადებოდა, რადგან გუნდი არ უშვებდა.</p><p>მაგრამ, მისდა სასიხარულოდ, ვითარება შეიცვალა და რუსეთის მოქალაქეობის მქონე თბილისელი ბიჭი ხაბაროვსკის "სკა-ენერგიაში" აღმოჩნდა. გარიგება ოფიციალურად დაადასტურა კლუბის გენერალურმა დირექტორმა <strong>სერგეი ფელდმანმა</strong>.</p><p>შეგახსენებთ, რომ სხვადასხვა დროს გიორგი თამაშობდა თბილისის "დინამოში", რუსთავის "ოლიმპში", მახაჭყალის "ანჟიში", ბაქოს "ინტერში", ნიჟნი ნოვგოროდის "ვოლგასა" და "ხიმკიში", საქართველოს ეროვნული ნაკრების ფორმა კი 2-ჯერ მოირგო.</p><p>ხაბაროვსკის გუნდის მენეჯერი <strong>მამუკა ჯუღელია</strong>, მთავარი მწვრთნელი - <strong>გიორგი დარასელია</strong>, "სკა-ენერგიაში" ჩაირიცხნენ <strong>ლაშა სალუქვაძე, გოჩა ხოჯავა, შოთა გრიგალაშვილი</strong> და <strong>ოთარ მარცვალაძე</strong>, ნავალოვსკი კი მეხუთე ჩვენებურია.</p><p>სხვათა შორის, გიორგიმ რუს გულშემატკივრებს თავი ბევრი რამით დაამახსოვრა - კარგი თამაშით, რუსეთის თასზე სანკტ-პეტერბურგის "ზენიტის" კარში გატანილი ულამაზესი გოლითა და იტალიის ნაკრების წევრის, <strong>დომენიკო კრიშიტოს</strong> წინააღმდეგ ეფექტური თამაშით და კიდევ - ფიცხი ხასიათითაც: 2012 წელს 5-მატჩიანი დისკვალიფიკაცია იმიტომ მოიხადა, რომ ეკატერინბურგის "ურალის" სომეხი მოთამაშე <strong>ედგარ მანუჩარიანი</strong> შემოელახა.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ჩაკვეტაძე ბრუნდება - შეძლებს ნოემბერში საქართველოს ნაკრებში თამაშს?
[VIDEO] მიქაუტაძემ "ვილიარეალში" მეოთხე გოლი გაიტანა
[VIDEO] 0:3. ესეც მამარდაშვილის ბრალია? - "ლივერპული" თასიდან "კრისტალ პალასმა" გამოაგდო
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე