<p>დანიაში პნევმატური პისტოლეტიდან სროლაში ევროპის ჩემპიონატი დასრულდა <br> დანიაში დასრულდა ევროპის ჩემპიონატი პნევმატური პისტოლეტიდან სროლაში. ჩვენი ბოლო მონაწილე ლევან ქადაგიძე იყო, რომელმაც შესარჩევ ეტაპზე 565 ქულა დააგროვა.</p><p>ზუსტად იმდენი, რამდენიც დანიელმა რენე ვოგნმა და პოლონელმა ვოიცეხ ბროდამ. უკეთესი დამატებითი მაჩვენებელი დანიელს აღმოაჩნდა და მას 43-ე ადგილი ერგო 61 მონაწილეს შორის, ქადაგიძე კი 44-ზე გავიდა.</p><p>ჩვენებურმა ტურნირი წარუმატებლად დაიწყო - პირველ სერიაში 92 ქულა დააგროვა, რაც, სამწუხაროდ, მეხუთეშიც გაიმეორა. ორჯერ სერია 95-ით დაასრულა, ერთხელ - 94-ით, ყველაზე კარგი მაჩვენებელი კი მეოთხე სერიაში აჩვენა - 97 ქულა.</p><p>ევროპის ჩემპიონი რუსთა ვარსკვლავი ლეონიდ ეკიმოვი გახდა იმის მიუხედავად, რომ ძლივს შეაღწია ფინალში - თავის უფროს თანაგუნდელს, ევროპის, მსოფლიოსა და ოლიმპიადის ბრინჯაოს მედალოსან ვლადიმირ ისაკოვს მხოლოდ დამატებითი მაჩვენებლებით გადაუსწრო.</p><p>საინტერესოა, რომ რუსთა ნაკრების სამივე წევრმა - ეკიმოვმაც, ისაკოვმაც და ანტონ გურიანოვმაც სლოვაკ იურა ზუტინსკის დარად, 578 ქულა დააგროვეს, თუმცა სლოვაკმა დამატებითი მაჩვენებლებით აჯობა რუსებს, რომელთაგანაც ისაკოვი ფინალურ ოქტეტში ზედმეტი აღმოჩნდა.</p><p>ფინალში ეკიმოვმა 199.2 ქულა დააგროვა, მეორეზე კი გურიანოვი გავიდა 198.6-ით, ხოლო ბრინჯაო ევროპის შარშანდელმა ესპანელმა ჩემპიონმა პაბლო კარერამ ირგუნა 177.2-ით, ვინც შესარჩევში მეორე იყო. საკვალიფიკაციო ეტაპის გამარჯვებული, სერბი ევროპის ორგზის ჩემპიონი და ლონდონის ოლიმპიადის ბრინჯაოს მედალოსანი ანდრია ზლატიჩი ძალზე ცუდად გამოვიდა - მხოლოდ 96.6 ქულა დააგროვა და საბოლოოდ მეშვიდეზე დარჩა.</p><p>ეს ჩემპიონატი ძველი წესებითაც რომ გამართულიყო, სავარაუდოდ, მაინც ეკიმოვი გაიმარჯვებდა - ის და კარერა 777.2 ქულას დააგროვებდნენ და მაშინ გამარჯვებულს დამატებითი მაჩვენებლები გამოავლენდა.</p><p>სამაგიეროდ, ესპანელი ვერცხლს მოიპოვებდა ანუ გურიანოვიჩს გაუცვლიდა ადგილს, თუმცა მოგეხსენებათ, ტყვიის სროლაში წესები შეიცვალა - ახლა ფინალში საკვალიფიკაციოში ნაჩვენები შედეგი არ გადაჰყვებათ და იქ ათვლა ნულიდან იწყება.</p><p>ამდენად, ევროპის აღნიშნული პირველობა უმედლოდ დავამთავრეთ - ჩვენგან საუკეთესო შედეგი ევროპის, მსოფლიოსა და ოლიმპიურ ჩემპიონ ნინო სალუქვაძის მეხუთე ადგილია. ახლა ჩვენი მსროლელები მსოფლიოს თასისთვის მოემზადებიან, რომელიც 2-10 აპრილს კორეულ ჩანჯოუში ჩატარდება.</p><p>იმედია, იქ წასასვლელად გუნდს დააფინანსებენ, ხოლო ევროპის ჩემპიონატი სპორტული პისტოლეტიდან სროლაში ივლის-აგვისტოს მიჯნაზე ხორვატულ ოსიეკში გაიმართება.</p><p><strong>ყოველდღიური სპორტული გაზეთი "ლელო"</strong></p>
ტყვიის სროლა. დიდი წარმატება ვროცლავში
ლეგენდარული ოლიმპიური ჩემპიონი, სეოკ-ის ვიცე-პრეზიდენტი ნინო სალუქვაძე ევროპის სროლის კონფედერაციის ვიცე-პრეზიდენტად აირჩიეს
პარალიმპიადაზე ლადო ჭინჭარაულმა ვერცხლის მედალი მოიპოვა
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს