<p><p />10 იანვარს ციურიხში 2010 წლის საუკეთესო ფეხბურთელის ვინაობა გამოცხადდება <br> გუშინ ფიფამ და "ფრანს ფუტბოლმა" "ოქროს ბურთის" მაძიებელთა ოფიციალური სია გამოაქვეყნეს. 10 იანვარს შვეიცარიის ქალაქი ციურიხი გალა-დაჯილდოვებას უმასპინძლებს, სადაც გამოცხადდება 2010 წლის საუკეთესო ფეხბურთელის ვინაობა, რომელსაც "ოქროს ბურთი" გადაეცემა. გამოვლინდება ქალ ფეხბურთელთა შორის წლის საუკეთესო მოთამაშე, წლის საუკეთესო მწვრთნელი, წლის ულამაზესი გოლის ავტორი, ფიფას "ფეერ პლეის" პრიზის მფლობელი და მრავალი სხვა გუნდური თუ ინდივიდუალური ჯილდო დარიგდება.</p><p>თუმცა ყველაზე მთავარი მაინც "ოქროს ბურთია". 23 კანდიდატს შორის უმეტესობა ესპანეთიდან და გერმანიიდანაა, რაც გასაკვირი სულაც არაა, ესპანელებმა სამხრეთ აფრიკაში მსოფლიოს ჩემპიონის ტიტული მოიპოვეს, ხოლო გერმანელებმა ნახევარფინალში დათმეს მომავალ გამარჯვებულებთან.</p><p>მაშ ასე, "ოქროს ბურთის" მაძიებელთა სია ასე გამოიყურება: ჩაბი ალონსო (ესპანეთი), იკერ კასილიასი (ესპანეთი), დიდიე დროგბა (კოტ დივუარი), ჟულიო სეზარი (ბრაზილია), ფილიპ ლამი (გერმანია), თომას მიულერი (გერმანია), ბასტიან შვაინშტაიგერი (გერმანია), ჩავი (ესპანეთი), ანდრეს ინიესტა (ესპანეთი), ლიონელ მესი (არგენტინა), ვესლი სნეიდერი (ჰოლანდია), დანი ალვეში (ბრაზილია), კრიშტიანო რონალდო (პორტუგალია), სამუელ ეტოო (კამერუნი), ასამოა გიანი (განა), მიროსლავ კლოზე (გერმანია), მაიკონი (ბრაზილია), არიენ რობენი (ჰოლანდია), დავიდ ვილია (ესპანეთი), კარლეს პუიოლი (ესპანეთი), დიეგო ფორლანი (ურუგვაი), მესუთ იოზილი (თურქეთი).</p><p>წლის საუკეთესო მწვრთნელის პრიზისთვის 10 სპეციალისტი იბრძოლებს: კარლო ანჩელოტი (ჩელსი), ალექს ფერგიუსონი (მანჩესტერი), იოახიმ ლიოვი (გერმანიის ნაკრები), ოსკარ ტაბარესი (ურუგვაი), ბერტ ვან მარვიიკი (ჰოლანდიის ნაკრები), ვისენტე დელ ბოსკე (ესპანეთის ნაკრები), ხოსეპ გვარდიოლა (ბარსელონა), ჟოზე მოურინიო (ინტერი, რეალი), ლუის ვან გაალი (ბაიერნი), არსენ ვენგერი (არსენალი).</p><p>"ბარსელონას" არგენტინელი ვარსკვლავი ლეო მესი მიიჩნევს, რომ მას "ოქროს ბურთის" მოგების ნაკლები შანსი აქვს: "მსოფლიოს ჩემპიონატზე წარმატება ბევრს ნიშნავს და ალბათ საბოლოო გადაწყვეტილების გამოტანისას მნიშვნელოვანი როლი მუნდიალის მოგებას მიენიჭება. ამიტომაც, ვფიქრობ, ფავორიტები ჩავი და ინიესტა არიან".</p><p>23 კანდიდატის ბედს მსოფლიოს ყველა ნაკრების მწვრთნელი და კაპიტანი, აგრეთვე "ფრანს ფუტბოლის" შერჩეული მედია საშუალებათა ჯგუფი გადაწყვეტს. 6 დეკემბერს ფიფა და "ფრანს ფუტბოლი" პარიზში ნომინანტთა სიას 3-მდე დაიყვანენ.</p><p>ეს პირველი შემთხვევა იქნება, როცა ფიფა და "ფრანს ფუტბოლი" ერთობლივად დაასახელებენ წლის საუკეთესო ფეხბურთელს. აქამდე ეს ორი ორგანიზაცია ცალ-ცალკე ასახელებდა პლანეტის საუკეთესო მოთამაშეებს, მაგრამ 2005 წლიდან ორივე ორგანიზაცია ერთი და იმავე ფეხბურთელს ასახელებდა. "ფრანს ფუტბოლმა" ამ ტრადიციას სათავე 1956 წელს დაუდო, პირველი გამარჯვებული კი ინგლისელი სტენლი მეთიუზი გახდა, მან 47 ქულა მოაგროვა და 3 ქულით აჯობა ალფრედო დი სტეფანოს. მესამე ადგილზე ფრანგი რაიმონ კოპა გავიდა 33 ქულით.</p><p>გაგაცნობთ "ოქროს ბურთის" ბოლო მფლობელებს: ლუიშ ფიგო (2000), მაიკლ ოუენი (2001), რონალდო (2002), პაველ ნედვედი (2003), ანდრეი შევჩენკო (2004), რონალდინიო (2005), ფაბიო კანავარო (2006), კაკა (2007), კრიშტიანო რონალდო (2008), ლიონელ მესი (2009). "ოქროს ბურთი" 3-3-ჯერ მოპოვებული იოჰან კრუიფს (1971, 1973, 1974), მიშელ პლატინის (1983, 1984, 1985) და მარკო ვან ბასტენს (1988, 1989, 1992) აქვთ. 2-2-ჯერ შეწვდნენ უპრესტიჟულეს ჯილდოს ალფრედო დი სტეფანო (1957, 1959), ფრანც ბეკენბაუერი (1972, 1976), კევინ კიგანი (1978, 1979), კარლ-ჰაინც რუმენიგე (1980, 1981) და რონალდო (1997, 2002).</p><p>ფიფამ წლის საუკეთესო ფეხბურთელის დასახელება 1991 წლიდან დაიწყო, პირველი გამარჯვებული გერმანელი ლოთარ მათეუსია. გაგაცნობთ ბოლო გამარჯვებულთა ვინაობას: ზინედინ ზიდანი (2000), ლუიშ ფიგო (2001), რონალდო (2002), ზინედინ ზიდანი (2003), რონალდინიო (2004), რონალდინიო (2005), ფაბიო კანავარო (2006), კაკა (2007), კრიშტიანო რონალდო (2008), ლიონელ მესი (2009). ფიფას წლის საუკეთესო ფეხბურთელები 3-3-ჯერ ზინედინ ზიდანი და რონალდინიო გახდნენ, ორჯერ მოიგო პრიზი ბრაზილიელმა რონალდომ.</p> <p></p><p><strong>ყოველდღიური სპორტული გაზეთი</p><p>"ლელო"</strong></p></p>
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?