- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ელგუჯა გუგუშვილი: ფეხბურთი მამაცების თამაშია!
<p>სპეციალისტის აზრი: არის ტექნიკა - არის ფეხბურთი, არ არის ტექნიკა - არ არის ფეხბურთი <br> დღეს "ლელოს" რესპონდენტი გამოცდილი ქართველი მწვრთნელი <strong>ელგუჯა გუგუშვილია</strong>, რომელიც საკუთარ მოსაზრებებს აქტუალურ საფეხბურთო საკითხებზე გვიზიარებს.</p><p><strong>- როგორია თანამედროვე ფეხბურთის განვითარების ტენდენციები?</strong></p><p>- თანამედროვე ფეხბურთის არსი გამოიხატება მინდვრის სხვადასხვა მონაკვეთზე რიცხობრივი უპირატესობის შექმნაში, ხოლო ფეხბურთელის მიმართ უპირველესი მოთხოვნა გახდა დაცვიდან შეტევაში და შეტევიდან დაცვაში სწრაფად გადართვა. ეს თავის მხრივ, ფეხბურთელისგან ითხოვს ენერგიის კოლოსალურ ხარჯვას.</p><p>გაუმჯობესდა ბურთის გადაცემის კულტურა, პასი ხომ ფეხბურთის მამოძრავებელი ძალაა. შემცირდა თავდამსხმელთა რაოდენობა, თანამედროვე ფეხბურთს ვხედავ უფორვარდოდ. შეინიშნება მცველებისა და ნახევარმცველების რაოდენობის მატება. განსაკუთრებული ყურადღება ექცევა ტექნიკას. არის ტექნიკა - არის ფეხბურთი, არ არის ტექნიკა - არ არის ფეხბურთი.</p><p>თუმცა შედეგს გარკვეულწილად, ტაქტიკა განაპირობებს. მნიშვნელოვნად გაიზარდა სტრატეგიის როლი. პარადოქსულად მეჩვენება, როდესაც კლუბები ყიდიან კარგ ფეხბურთელებს, რათა სუსტებს ხელფასი გადაუხადონ.</p><p><strong>- ევროპისა და მსოფლიოს განვლილი ჩემპიონატების მატჩების უმრავლესობა საშუალო დონისა იყო. ხომ არ განიცდის ფეხბურთი კრიზისს?</strong></p><p>- ევროპისა და მსოფლიოს უკანასკნელმა ჩემპიონატებმა ფეხბურთი ვერ გაამდიდრა რევოლუციური იდეებით, თუმცა ეს არ ნიშნავს, რომ გაიყინა ფეხბურთში მომუშავე მწვრთნელების აზროვნება ან დაქვეითდა ფეხბურთელთა ოსტატობის დონე. პირიქით, ფეხბურთის გაზრდილმა პოპულარობამ გააძლიერა მისი ინტელექტუალური საწყისები. გაიზარდა მოთხოვნა ფეხბურთელთა მიმართ, როგორც ტექნიკის, ასევე ტაქტიკისა და სტრატეგიის მხრივ.</p><p>პარალელს გავავლებ - მსოფლიოში ყოველწლიურად ათასობით ფილმი გამოდის, რომელთა უმრავლესობა საშუალო ან დაბალი დონისაა. შეიძლება ამის გამო კინოს კრიზისზე საუბარი? მსოფლიო კინოფესტივალებზე ორი-სამი კარგი ფილმის ჩვენება ხდება. ასეა ფეხბურთშიც, როდესაც მსოფლიო ჩემპიონატებზე სამ-ოთხ ფენომენალურ მატჩს ვუყურებთ. ნამდვილად ვერ ვხედავ კრიზისის საფუძველს.</p><p><strong>- ხშირად ისმის კრიტიკა ჩვენი ფეხბურთის მიმართ...</strong></p><p>- კრიტიკა აუცილებელია. მის გარეშე ფეხბურთი ვერ განვითარდება. ვფიქრობ, კრიტიკა მაღალპროფესიული დონისა უნდა იყოს, საგნის ცოდნით, საფუძვლიანი და არა უაპელაციო. ჩვენ ვითხოვთ მწვრთნელების, არბიტრების, ფეხბურთელების მაღალ კვალიფიკაციას.</p><p>როდესაც ფეხბურთში დასაქმებულთა არაკვალიფიციურობაზე ვსაუბრობთ, ეს სწორია, მაგრამ გამკრიტიკებელმაც უნდა აიმაღლოს ცოდნის დონე, ეცადოს, რომ პუბლიკას, გულშემატკივარს მიაწოდოს ობიექტური რეალობის სურათი და არა დილეტანტური, ემოციური და სუბიექტური ანალიზი.</p><p>ჩვენს ფეხბურთს კრიტიკის სანათური კი არ უნდა წვავდეს, არამედ უნდა ანათებდეს. რასაკვირველია, ასეთი კრიტიკა მისასალმებელია.</p><p><strong>- რა კრიტერიუმებით ირჩევთ ფეხბურთელებს?</strong></p><p>- დისციპლინა, ტაქტიკა, ტექნიკა - აი, რა არის მთავარი. თუ ფეხბურთელს ფილიგრანული ტექნიკა აქვს, მოკლე ხანში შეიძლება მისი ფიზიკურად მომზადება. თუ არჩევანი მიდგა თანაბარი ტექნიკის ორ ფეხბურთელზე, უპირატესობას იმას მივანიჭებ, ვინც მინდორზე დისციპლინირებულია და ვისაც დავალების უკეთ შესრულება შეუძლია.</p><p>თერთმეტი ვარსკვლავი ჯერ კიდევ არასაფეხბურთო ანსამბლია. კარგად აწყობილ მექანიზმთან დამარცხება მათ იოლად შეუძლიათ. პატივსაცემია მებრძოლი ფეხბურთელი, ფეხბურთი ხომ მამაცთა თამაშია.</p><p><strong>- თქვენი შეხედულება ბავშვთა ფეხბურთზე.</strong></p><p>- შედეგებით თუ ვიმსჯელებთ, საქმე ცუდად ნამდვილად არ გვაქვს. ბევრი ახალგაზრდა ფეხბურთელისა და მწვრთნელის თაობა გვყავს. ფეხბურთში მოვარჯიშე ბავშვთა რაოდენობა სულ უფრო და უფრო მატულობს. ვუყურებ 10-12 წლის ბავშვთა გუნდების თამაშს და ვამჩნევ, რომ თითქმის ყველა ერთი და იმავე პრინციპით თამაშობს, მათი მიზანია, რაც შეიძლება სწრაფად მიიტანონ ბურთი მოწინააღმდეგის კართან.</p><p>საკმარისია, ბავშვმა მოწინააღმდეგის მოტყუების ან გადაცემის დროს დაკარგოს ბურთი, ტრიბუნიდან ისმის მშობლების ყიჟინა, რას შვრები, დაარტყი წინ, მწვრთნელების მხრიდან - დროზე მოიშორეო. ვფიქრობ, ეს დიდი შეცდომაა.</p><p>ბავშვს უნდა მივცეთ თავისუფალი აზროვნების, იმპროვიზაციის საშუალება. ფეხბურთი მაშინ არის წარმტაცი, როდესაც ბავშვი ლაღად თამაშობს და არ არის გარკვეულ ჩარჩოებში მოქცეული. ბავშვს უნდა მივცეთ ბურთი და ითამაშოს, როგორც სურს.</p><p><strong>- რა არის საჭირო იმისთვის, რომ მოზარდი მაღალი კლასის ფეხბურთელად ჩამოყალიბდეს?</strong></p><p>- ვფიქრობ, აუცილებელია ორი რამ - პირველია ნიჭი, მეორე კი შრომა. ანუ ფეხბურთელი უნდა იყო დილითაც, შუადღესაც და საღამოსაც. ტალანტი თავისი ნიჭით განავითარებს და ამდიდრებს ფეხბურთს. მწვრთნელმა უნდა დაინახოს, გახსნას და განავითაროს ფეხბურთელის სათამაშო პოტენციალი.</p><p>ბოლოს ჩემს ერთ სურვილსაც გაგანდობთ. მიზანშეწონილად მიმაჩნია, შეიქმნას წიგნი "ქართული ფეხბურთის ისტორია". ეს იქნება მეტად შრომატევადი საქმე. არ ვიცი, რამდენი დრო დასჭირდება ქართული ფეხბურთის განვითარების შესახებ სრული სურათის შექმნას, რომელშიც გაანალიზებული და განხილული იქნება ის გზები და მიმართულებები, რომლითაც იგი ვითარდებოდა.</p><p>ჩემი აზრით, ამაზე უკეთეს სამაგიდო წიგნს ფეხბურთის მოყვარულებისთვის ვერ შევქმნით.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
უნგრეთთან მატჩში საქართველოს ნაკრების შემადგენლობა ცნობილია
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან
ნიდერლანდების 7:0 საბერძნეთთან და გერმანიის მიერ სერბეთის ძლევა
18 წ. | შემადგენლობა ევროპის ჩემპიონატის ფინალისთვის
უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით
საბა ლაზიშვილი ხვალ RAF-ზე იჭიდავებს!
"ბორჯღალოსნები" | კაპიტნის ვარჯიში ტონგამდე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ
"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა
"ბორჯღალოსნები" | შემადგენლობა მე-300 მატჩისთვის
მამარდაშვილი: ისევ შეგვიძლია ისე, როგორც ევროპის ჩემპიონატზე!
სვანაძე: აღმართს დაღმართი მოსდევს - მხოლოდ ერთი ფეხბურთელი არაა მზად