ცხადაძე ჩემპიონობისთვის

... და ბომბარდირობისთვის აზერბაიჯანული პრემიერლიგის წინა, მე-9 ტურში ოთხი ქართული გოლი გავიდა, მაგრამ ყველაზე ქართულმა გუნდმა "ინტერმა" მტკივნეული მარცხი იგემა. ახლა ქართული გოლი ჩვენს სამეზობლოში არ გასულა. სამაგიეროდ, კახა ცხადაძის გუნდმა ძალზე მნიშვნელოვანი დაპირისპირება მოიგო. "შაფას" სტადიონზე 1,5 ათასი მაყურებელი დაესწრო "ინტერისა" და "ბაქის" დერბის, რომლის ბედიც მე-5 წუთზე გადაწყდა - დონალდო ასიოლიმ შეხვედრის ერთადერთი გოლით ცხადაძის გუნდს 3 ქულა მოუტანა - 1:0.სასტარტოში სამი ჩვენებური მოხვდა: ილია კანდელაკი, დავით ოდიკაძე (68-ე წუთზე შეცვალეს) და ვალერი აბრამიძე, სათადარიგოთა სკამზე კი ეროვნული გუნდის ექსგოლკიპერი გიორგი ლომაია იჯდა. 31 წლის გოლკიპერს 28 აგვისტოს მერე არ უთამაშია, როცა "ინტერმა" "ნეფთჩისთან" 0:2 წააგო. ვინფრიდ შეფერის (რომელსაც წყალი შეუდგა) გუნდის დამარცხების შემდეგ ცხადაძე და კომპანია 19 ქულით მესამე ადგილზეა, ლიდერ "ნეფთჩის" 4, ხოლო "ხაზარს" 2 ქულით ჩამორჩება.ქართველთაგან თავის გამოჩენის ყველაზე კარგი შანსი კანდელაკს ჰქონდა, რომელიც მატჩის დასაწყისშივე მეკარესთან პირისპირ გავიდა, ბურთი თავზე გადაუგდო, მაგრამ მეტისმეტი მოუვიდა და ის კარსაც გადაცდა."სწრაფი გოლი ძალზე დაგვეხმარა. საერთო ჯამში კმაყოფილი ვიქნებოდი, რომ არა ერთი ნიუანსი - მეორე ტაიმში ძალიან დავიხიეთ უკან. ამ თამაშით დავამტკიცეთ, რომ "ინტერი" კვლავ რჩება ჩემპიონობის პრეტენდენტად, ჩვენ ტიტულის შენარჩუნებას ვაპირებთ", - განაცხადა ცხადაძემ მატჩის შემდეგ.ზაქათალის "სიმურგმა" სტუმრად 2:0 დაამარცხა მოიკ-ი, თავი ბოლო ადგილს დააღწია და მე-10-ზე გადავიდა. ეს საინგილოს კლუბის პირველი გამარჯვება იყო სეზონში. სტუმართა 23 წლის ბომბარდირ ბაჩანა ცხადაძეს ჯერ კიდევ პირველ ტაიმში შეეძლო თავის გამოჩენა, თუმცა თავისი გოლი მან მაინც გაიტანა - ბოლოსწინა წუთზე პენალტით. ბაჩანამ 90 წუთი ითამაშა, მას უკვე 5 გოლი დაუგროვდა ჩემპიონატში, ისევე როგორც თანამემამულე გიორგი ადამიას. მათზე მეტი მხოლოდ სამ ფეხბურთელს აქვთ გატანილი: "ნეფთჩის" ფორვარდ ნასიმოვს (11), "განჯას" ბრაზილიელ ლეგიონერ ჟუნივანს (6) და აზალ-ის ლიტველ შემტევ იუშკას (6). ამ შეხვედრაში მოიკ-ის კარს აღარ იცავდა ამირან გვენცაძე, ის სათადარიგო იყო. ვეფხია გვენცაძის 23 წლის ვაჟმა აქამდე არმიელთა ყველა მატჩი ითამაშა, თუმცა 9 თამაშში 20 გოლი გაუშვა. მოიკ-ი 4 ქულით ბოლოსწინა ადგილზეა.შუა კვირაში, გადმოტანილ მატჩში "ყარაბახის" ფორვარდმა გიორგი ადამიამ დუბლი შეასრულა, ამ ტურში კი მან და მისმა გუნდმა თავი ვერ გამოიჩინეს - სტუმრად "მუღანთან" ფრეს დასჯერდნენ - 0:0. გიორგიმ კი შეუცვლელად ითამაშა, მე-18 წუთზე გაიტანა კიდეც, მაგრამ თანამსაჯმა თამაშგარე მდგომარეობის დააფიქსირა. "მუღანის" რიგებში დავით სვანაძემ შეუცვლელად ითამაშა. სალიანის ოლიმპიურ სტადიონზე თამაშს 800 მაყურებელი დაესწრო. "ყარაბახი" 18 ქულით მე-5 ადგილზეა, "მუღანი" 10 ქულით მეცხრეა.რევაზ ძოძუაშვილის "თურანი" ჩემპიონატის ერთ-ერთ ფავორიტ "ხაზარს" ესტუმრა და 0:2 დამარცხდა. ძოძუაშვილმა შალვა ფირცხალავა და გიორგი ჭედია შეუცვლელად ათამაშა. ქართველი სპეციალისტის გუნდი 4 ქულით ცხრილის ფსკერზეა. ხაზარელი ქართველი დავით იმედაშვილი დიდი ხანია ტრავმირებულია და პირველი ტურის შემდეგ ვერ თამაშობს.ლიდერმა "ნეფთჩიმ" 6:2 გაანადგურა "განჯა". ამჯერად მასპინძელთა განაცხადშიც ვერ მოხვდა ლადო ბურდული. სტუმართა შორის სასტარტო მხოლოდ ერთი ქართველი იყო, ზურაბ ძამსაშვილი შესვენებისას შეცვალეს, გიორგი სეთურიძე 84-ე წუთზე გამოჩნდა, ლევან მდივნიშვილი კი კვლავ სათადარიგო იყო. "განჯა" 14 ქულით მე-7 ადგილზეა."გაბალა"-აზალ-ის შეხვედრაში საინტერესო არაფერი ყოფილა - 0:0. მასპინძელთა ქართველმა კაპიტანმა გოგა ბერაიამ შეუცვლელად ითამაშა, სტუმარმა ნუგზარ კვირტიამ - 62-ე წუთამდე. აზალ-ს 18 ქულა აქვს, "გაბალას" - 14.სომხეთის ჩემპიონატის დასრულებამდე სამი ტურიღა დარჩა. თენგიზ უგრეხელიძის, გიორგი კრასოვსკისა და შოთა ჯიქიას "ულისემ" შინ 0:1 წააგო "პიუნიკთან" და ჩემპიონობის თეორიული შანსიც დაკარგა ("ბანანცს" 10 ქულით ჩამორჩება).მოლდოვის ნაციონალურ დივიზიონში ჩემპიონმა "შერიფმა" სტუმრად რიბნიცაში გაჭირვებით, მაგრამ მაინც დაამარცხა "ისკრა-სტალი" 1:0 და ქულებით დაეწია. "შერიფი" 26 ქულით მესამეა. ტირასპოლელთა 39 წლის კაპიტანმა ვაჟა თარხნიშვილმა შეუცვლელად ითამაშა. "დაჩია" "ნისტრუს" სტუმრად 1:1 დაუზავდა. მომენტები ჰქონდათ მამუკა ლომიძეს, ლევან კორღალიძეს და დავით გამეზარდაშვილს, მაგრამ ვერ გაიტანეს. "დაჩია" 27 ქულით მეორე ადგილზეა.ლატვიის ვირსლიგის 24-ე ტურში თამაზ პერტიას "დაუგავამ" უსიამოვნო სიურპრიზი შესთავაზა ლიდერ "სკონტოს" - სტუმრად 1:0 მოუგო. გიორგი ჩიხრაძემ შეუვლელად ითამაშა, ხოლო მამუკა ღონღაძე ბოლო წუთზე გამოცვალეს. მასპინძელთა რიგებში დავით ჯანელიძე 87-ე წუთზე გამოჩნდა. "ოლიმპისმა" 2:1 დაამარცხა "იელგავას" და ბოლო ადგილს თავი დააღწია. გამარჯვებულთა რიგებში ლაშა ღონღაძემ და კოტე ზარნაძემ 90-90 წუთი ითამაშეს, გიორგი ჩხიკვიშვილი ბოლო წუთზე გამოჩნდა.ესტონეთის ჩემპიონატში "ფლორამ" სტუმრად 2:0 მოუგო "კურესაარეს", ზაქარია ბეგლარიშვილი 71-ე წუთზე გამოცვალეს. ჩემპიონატის დასრულებამდე 2 ტურით ადრე "ფლორა" მეორეადგილოსან "ლევადიას" 4 ქულით უსწრებს. ასე რომ, თუკი 26 ოქტომბერს ქართველის გუნდი "კალიუს" დაამარცხებს, ზაქარია ესტონეთის ჩემპიონი გახდება.დანიის ვიასატდივიზიონში 30 ქულით ერთპიროვნულად ლიდერობს დავით დევდარიანის "ორჰუსი". ქართველი ბომბარდირთა დავაში 7 გოლით მეორე ადგილზეა, არადა მას ტრავმის გამო ბევრი გაუცდა. ბოლო ტურში "ორჰუსმა" სტუმრად "სკივეს" 2:0 მოუგო. 69-ე წუთზე ქართველმა მატჩის მეორე გოლი გაიტანა. ყოველდღიური სპორტული გაზეთი"ლელო"

ოფიციალურად: საბა საზონოვი “ხეტაფეს” ფეხბურთელია

კვარაცხელია და "ოქროს ბურთი" სულ უფრო რეალური ხდება - ხვიჩამ საფრანგეთიდან დიდი მხარდაჭერა მიიღო

"ამ ასპექტებში მომატება სჭირდება" - "ლიდსთან" მატჩის შემდეგ, ირაოლამ მამარდაშვილზე ისაუბრა

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

ერექციული დისფუნქცია მამაკაცებში - რა უნდა ვიცოდეთ?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

18-წლამდელთა ნაკრებმა ზედიზედ მეორე გამარჯვება მოიპოვა

"იბერია" "ლარნესთან" მატჩის გადადებას ითხოვს - თბილისური კლუბი ბრიტანეთში კერძო თვითმფრინავით გაფრინდება

"ვილიარეალმა" "ლაიფციგისგან" მეკარე შეიძინა

"ლივერპულმა" ბრედლი ბარკოლას შეძენის თაობაზე პირველი ნაბიჯი გადადგა

გრანდიოზული წვეულება და მოწვეული ვარსკვლავები - როგორი იქნება რონალდოსა და ჯორჯიანას ქორწილი

ერთ დღეში დახურული ორი ტრანსფერი - "იუვენტუსმა" გაძლიერება დაიწყო

ინფანტინო დანებებას არ აპირებს - ფიფას პრეზიდენტს დონალდ ტრამპის იმედი აქვს

ლუკაკუს "ნაპოლის" დატოვება და კარიერის MLS-ში გაგრძელება სურს

კონფერენს ლიგის წილისყრა: "იბერია 1999"-ის სავარაუდო მეტოქეები ცნობილია

გადაწყდა - პსჟ საფრანგეთის ნაკრების გარემარბს დაიმატებს

როდრი "რეალში"? პერესმა ტრანსფერს მწვანე შუქი აუნთო