<p><span style="line-height: 1.3em;" />37 წლის ზე რობერტომ დუბლი შეასრულა <br> </span>ლიბერტადორესის თასის მორიგი სათამაშო დღის ყველაზე საინტერესო მატჩი როსარიოში, <strong>მარსელო ბიელსას</strong> სახელობის სტადიონზე გაიმართა: "ნიუელს ოლდ ბოისი" ჩილეს ერთ-ერთ გრანდ "უნივერსიდად დე ჩილეს" მასპინძლობდა. შეხვედრა მასპინძლებისთვის კატასტროფულად დაიწყო: მე-17 წუთზე ანგარიში უკვე 0:2 იყო.</p><p>ტაიმის ბოლო წუთზე "ნიუელსის" საუკეთესო ბომბარდირმა <strong>იგნასიო სკოკომ </strong>სხვაობა შეამცირა და არგენტინელებს იმედი ჩაუსახა, თუმცა მეორე ტაიმში <strong>ხერარდო მარტინოს </strong>შეგირდებმა გოლი ვეღარ გაიტანეს და მესამე ტურში მეორე მარცხი განიცადეს. ყველაფერთან ერთად, "ძველმა ბიჭებმა" <strong>გაბრიელ ჰაინცეც </strong>დაკარგეს, რომელმაც წითელი ბარათი მიიღო და "გრინგო" საკუთარ გუნდს მომდევნო ტურში ვერ დაეხმარება.</p><p>ამავე ჯგუფში პარაგვაის "რეკორდმაისტერმა" "ოლიმპიამ" ვენესუელის "დეპორტივო ლარას" უმასპინძლა. "ოლიმპია" ფავორიტად ითვლებოდა და 48-ე წუთისთვის ორბურთიანი სხვაობით იგებდა კიდეც, მაგრამ საბოლოოდ მხოლოდ ქულით დაკმაყოფილდა. მეორე ტაიმში სტუმრებმა მცირე სასწაული მოახდინეს და ანგარიში გაათანაბრეს.</p><p>სამი ტურის შემდეგ ჯგუფში ერთპიროვნულად "უნივერსიდად დე ჩილე" გალიდერდა, "ოლიმპია" და "დეპორტივო ლარა" მეორე-მესამე ადგილებს იყოფენ, "ნიუელს ოლდ ბოისი" კი 3 ქულით ბოლო ადგილზეა.</p><p>მე-8 ჯგუფს სათავეში "გრემიო" ჩაუდგა, რომელმაც "კარაკასი" გაანადგურა და 6 ქულა მოაგროვა. მასპინძელთა მხრიდან დუბლი უბერებელმა<strong> ზე რობერტომ </strong>შეასრულა, თითო გოლი კი <strong>ერნან ბარკოსმა</strong> და <strong>ვერლეიმ</strong> გაიტანეს.</p><p>მნიშვნელოვანი მატჩი მოიგო "მილიონარიოსმა" – კოლუმბიელებმა სახლში ბოლივიურ "სან ხოსეს" სძლიეს, თუმცა ძალიან კი გაუჭირდათ. გამარჯვების მომტანი გოლი 81-ე წუთზე <strong>ვასონ რენტერიამ</strong> გაიტანა და საკუთარ გუნდს პირველი ქულები დააგროვებინა. ამ გამარჯვების წყალობით კოლუმბიის 14-გზის ჩემპიონმა ჯგუფიდან გასვლის შანსი შეინარჩუნა.</p><p>IV ჯგუფში "ემელეკმა" "დეპორტეს იკიკე" დაამარცხა და ლიდერების მსგავსად, 6 ქულა მოაგროვა. ეკვადორელები<strong> მარლონ დე ხესუსის </strong>და <strong>ვინისიო ანგულოს</strong> გოლებით მშვიდად იგებდნენ, თანაც "იკიკე", 65-ე წუთიდან მოყოლებული, კაცნაკლული იყო, თუმცა ტურნირის ერთ-ერთმა საუკეთესო ბომბარდირმა<strong> მანუელ ვილიალობოსმა </strong>თავისი მორიგი გოლი გაიტანა და სიტუაცია დაძაბა.</p><p>სტუმრებს ანგარიშის გასათანაბრებლად დრო არ ეყოთ და სახლში უქულოდ გაბრუნდნენ. ამ მარცხის შემდეგ "დეპორტეს იკიკეს" ჯგუფიდან გასვლის შანსი, პრაქტიკულად, ნულის ტოლი გახდა.</p><p><strong><span style="color: #ff0000;">ლიბერტადორესის თასი. ჯგუფური ეტაპი.</p><p></span></strong></p><p><strong>IV ჯგუფი. IV ტური.</strong></p><p><strong><em>ემელეკი-დეპ. იკიკე 2:1</em></strong></p><p>გოლები: 1:0 მ. დე ხესუსი (57), 2:0 ვ. ანგულო (75), 2:1 ვილიალობოსი (78).</p><p>გაძევება: გრაბინსკი (65. დეპორტეს იკიკე).</p><p>თ მ ფ წ ბ ქ</p><p>1. ველესი 3 2 0 1 4-1 6</p><p>2. პენიაროლი 3 2 0 1 3-2 6</p><p>3. ემელეკი 4 2 0 2 3-4 6</p><p>4. დეპ. იკიკე 4 1 0 3 4-7 3</p><p><strong>V ჯგუფი. III ტური.</strong></p><p><strong><em>მილიონარიოსი-სან ხოსე 2:1</p><p></em></strong>გოლები: 1:0 პ. ფრანკო (17), 1:1 საუსედო (45), 2:1 რენტერია (81).</p><p>თ მ ფ წ ბ ქ</p><p>1. ტიხუანა 2 2 0 0 5-0 6</p><p>2. კორინთიანსი 2 1 1 0 3-1 4</p><p>3. მილიონარიოსი 3 1 0 2 2-4 3</p><p>4. სან ხოსე 3 0 1 2 2-7 1</p><p><strong>VII ჯგუფი. III ტური.</strong></p><p><strong><em>ნიუელსი-უნივ. დე ჩილე 1:2</p><p></em></strong>გოლები: 0:1 მარინო (4), 0:2 არანგისი (17-პენ), 1:2 სკოკო (45).</p><p>გაძევება: ჰაინცე (71. ნიუელსი), ხ. როხასი (77. უნივ. დე ჩილე).</p><p><strong><em>ოლიმპია-დეპ. ლარა 2:2</p><p></em></strong>გოლები: 1:0 ბარეირო (22), 2:0 ბარეირო (48), 2:1 მ. ფერნანდესი (71), 2:2 ტორეალბა (86).</p><p>თ მ ფ წ ბ ქ</p><p>1. უნივ. დე ჩილე 3 2 0 1 4-4 6</p><p>2. ოლიმპია 3 1 1 1 6-5 4</p><p>3. დეპ. ლარა 3 1 1 1 4-5 4</p><p>4. ნიუელსი 3 1 0 2 5-5 3</p><p><strong>VIII ჯგუფი. III ტური.</strong></p><p><strong><em>გრემიო-კარაკასი 4:1</p><p></em></strong>გოლები: 1:0 ბარკოსი (16), 2:0 ვერლეი (38), 3:0 ზე რობერტო (52), 3:1 სანჩესი (60), 4:1 ზე რობერტო (73).</p><p>თ მ ფ წ ბ ქ</p><p>1. გრემიო 3 2 0 1 8-3 6</p><p>2. ფლუმინენსე 3 2 0 1 3-4 6</p><p>3. კარაკასი 3 1 0 2 4-6 3</p><p>4. უაჩიპატო 3 1 0 2 4-6 3</p><p><strong>ბომბარდირები</strong>: 3 – ბარეირო (ოლიმპია), ბერნარდი (ატლეტიკო მინეირო), ვილიალობოსი (დეპორტეს იკიკე).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/samkhreth-amerika/46411-libertadoresis-thasi-rbeva-ar-shedga.html" target="_blank">ლიბერტადორესის თასი: რბევა არ შედგა</a></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!