<p>საქართველოს თასი. მეოთხედფინალი. პირველი მატჩები <br> ბოლო 12 დღის განმავლობაში "მეტალურგმა" სამი ოფიციალური მატჩი ჩაატარა და სამივე ერთნაირი ანგარიშით (1:0) დაასრულა!</p><p>თუმცა, წინა ორი შეხვედრისგან განსხვავებით, რუსთაველებს ამჯერად პენალტით აღარ გაუმარჯვიათ, მაგრამ თავიანთი "საყვარელი" ანგარიშის დაფიქსირებით ნახევარფინალისკენაც "გაიხედეს".</p><p>რა თქმა უნდა, ამ წყვილში ყველაფერს საპასუხო მატჩი გაარკვევს, მაგრამ იმ დროისათვის მეტოქეები აშკარად არათანაბარ პირობებში რომ იქნებიან, ფაქტია: "სპარტაკს" უმაღლესი ლიგის საგზურისათვის სერიოზული მატჩები ელოდება, "მეტალურგი" კი აშკარად "დამშვიდებული" აგრძელებს ქვედა ექვსეულში ასპარეზობას.</p><p>თუმცა ყოველივე ზემოთქმული სულაც არ ნიშნავს იმას, რომ "სპარტაკმა" ამ სეზონის მთავარ პრიორიტეტად ჩემპიონატი არჩია და თასის გათამაშება მეორეხარისხოვან ტურნირად მიიჩნია: 13 მარტს გამართული შეხვედრის პირველ ტაიმში პირველლიგელმა გუნდმა ტოლი არაფერში დაუდო მასპინძლებს და აქტიური თამაშითაც დაამახსოვრა თავი "ფოლადის" სტადიონზე შეკრებილ მცირერიცხოვან გულშემატკივარს.</p><p><img src="pictures/artimages/image16/42e7841b8e636c9f93008926a9a030e2.jpg" border="0" alt="Sportall.Ge" title="მეტალურგი-სპარტაკი 1:0 - მინიმალური კმაყოფილება" width="200" style="border: 0px none; float: left; margin: 5px;" />სამწუხაროდ, ამ ბოლო დროს რუსთაველი ქომაგები ფეხბურთს დიდად აღარ სწყალობენ, ცივ და წვიმიან ამინდში კი ანშლაგი რომ არ იქნებოდა, ეს ისედაც წინასწარ ცნობილი იყო.</p><p>გამოცდილი სპეციალისტის, <strong>ვლადიმერ ხაჩიძის</strong> დამოძღვრილმა "სპარტაკმა" პირველ ტაიმში ურიგო შთაბეჭდილება ნამდვილად არ დატოვა: სტუმრები სწრაფად მოქმედებდნენ და ხშირ შემთხვევებში, პრესინგს მეტოქის ნახევარზევე ახორციელებდნენ.</p><p>ერთ ეპიზოდში "სპარტაკმა" გოლიც გაიტანა, მაგრამ არბიტრმა <strong>გრიგოლ ბედიაშვილზე</strong> თავდასხმა დააფიქსირა და ეს ბურთი არ ჩაითვალა. "სპარტაკმა" ერთი-ორჯერ შორეული დარტყმითაც სცადა გოლის გატანა, მაგრამ <strong>ზვიად მეტრეველისა</strong> და <strong>გიორგი ლემონჯავას </strong>მცდელობები უშედეგო აღმოჩნდა.</p><p>სწრაფად და ხისტად წარმართულ პირველ ტაიმში ბევრი სახიფათო მომენტი არ გვინახავს: მასპინძლებს პირველი მეტ-ნაკლებად რეალური შანსი 23-ე წუთზე ჰქონდათ, როცა <strong>გოგა ფიფიას</strong> დარტყმა <strong>გიორგი ნადირაძემ</strong> მოიგერია.</p><p>ვიდრე მეორე ტაიმის პერიპეტიებზე ვისაუბრებდეთ, ისიც უნდა ვთქვათ, რომ მასპინძლებს ტრავმებისა თუ დისკვალიფიკაციის გამო წამყვანი ფეხბურთელები აკლდნენ: <strong>რევაზ გეწაძე, ლევან კორღალიძე, ზურაბ მენთეშაშვილი, გიორგი მიქაბერიძე, ლაშა ჯაფარიძე</strong>; საკადრო პრობლემები ჰქონდა "სპარტაკსაც" - სტუმართა გუნდის განაცხადში მხოლოდ 16 ფეხბურთელი გახლდათ.</p><p>მეორე ტაიმიც ტემპიანი გამოდგა: დასაწყისში სტუმრები აქტიურობდნენ და ერთ ეპიზოდში <strong>ლევან ჭაფოძემ</strong>, ფაქტობრივად, მთელი მოედანი უპრობლემოდ გაიარა, მაგრამ ეს შეტევა ვერ დაგვირგვინდა.</p><p>ერთ წუთში სტუმრებმა ლამაზი კომბინაცია გაითამაშეს: ჭაფოძის ზუსტი პასის შემდეგ <strong>ვალერი კილასონია</strong> "ერთი შეხებით" ცდილობდა მშობლიური ქალაქის გუნდის კარში გოლის გატანას, მაგრამ დარტყმა არაზუსტი გამოდგა.</p><p>აი, ამის შემდეგ კი ტერიტორიულ უპირატესობას მასპინძლები დაეუფლნენ, თუმცა <strong>ირაკლი სიხარულიძისა</strong> და <strong>დენის დობროვოლსკის</strong> შორეული დარტყმები უზუსტო იყო, <strong>ლუკა რაზმაძის</strong> სახიფათო გარღვევას კი პარტნიორებმა შესაბამისი დაბოლოება ვერ მოუძებნეს.</p><p>ბევრს აქტიურობდა გოგა ფიფიაც, მეტოქის მცველებს არაერთი თავსატეხი რომ გაუჩინა; მატჩის ერთადერთი გოლი კი <strong>ალექსანდრე ინწკირველის</strong> ზუსტ თავურ დარტყმას მოჰყვა: "მეტალურგის" ცენტრალურმა მცველმა რთული მდგომარეობიდან ბურთი ზუსტად გაგზავნა მეტოქის კარში.</p><p>ეს იყო და ეს: მატჩის ბოლომდე მოედანზე განსაკუთრებული არაფერი მომხდარა და <strong>გიორგი ყიფიანის</strong> გუნდმაც თავისთვის კარგად "ნაცნობი" ერთბურთიანი უპირატესობა შეინარჩუნა.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"ტოტენჰემის" მეკარემ შესაძლოა, კარიერა "ინტერში" გააგრძელოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
შოთა არველაძე "ქასიმფაშას" აღარ გაწვრთნის
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა