კანადელთა დღე

ჰოკეი. NHL. რეგულარული ჩემპიონატი გუშინდელი დღე ჰოკეის ეროვნულ ლიგაში კანადური იყო - ექვს მატჩში ამ ქვეყნის ხუთი კლუბი იღებდა მონაწილეობას და ოთხმა გამარჯვებას მიაღწია."კოლორადო" სეზონში პირველად თამაშობდა სტუმრად თანადივიზიონელის წინააღმდეგ - "ზვავები" "ვანკუვერს" ეწვივნენ. მატჩის წინ გუნდებს რვა-რვა ქულა ჰქონდათ და მცირედით ჩამორჩებოდნენ ჩრდილო-დასავლეთის ლიდერ "კალგარის". ბოლო დროს "ვანკუვერს" დაცვაში უჭირს, რადგან ტრავმირებულები არიან წამყვანი მცველები სალო და ჰამჰუისი. სამაგიეროდ, შეტევაში ამ გუნდის მწვრთნელმა კარგი სამეული იპოვნა - ძმებ სედინებს ახალბედა ჯეფ ტამბელინი უწევს პარტნიორობას და ამ სვლამ აშკარად გაამართლა.სამივე პერიოდი ერთნაირი ანგარიშით - 1:1 დასრულდა. "კოლორადო" ორჯერ იყო წინ, მაგრამ მასპინძლებმა ორივეჯერ გაათანაბრეს ანგარიში, მესამე პერიოდში კი თავად დაწინაურდნენ და ახლოს იყვნენ გამარჯვებასთან. "კოლორადომ" ბოლო 20-წუთეულში მეტოქეზე ათით მეტი დარტყმა შეასრულა და ამ მონდომებამ შედეგი მოიტანა - ძირითადი დროის ბოლო წუთზე სტუმრებმა მეტოქის ზონაში ჩაგდება მოიგეს, რის შემდეგაც ჰეიდუკმა თავისუფალი დუშენი მონახა და მან შეხვედრა ოვერტაიმში გადაიყვანა.დამატებით დროში ყველაფერი ძალიან მალე გადაწყდა. თავის ზონაში "კოლორადომ" ისევ მოიგო ჩაგდება, მაგრამ ამ გუნდის ახალგაზრდა ნორვეგიელმა მცველმა იონას ჰოლოსმა ყოვლად გაუგებარ სიტუაციაში თავით კარში გაუშვა შაიბა. საბოლოოდ გოლი მეისონ რეიმონდს ჩაუწერეს.ამ მოგების მიუხედავად, "ვანკუვერი" მაინც ვერ გახდა დივიზიონის ლიდერი, რადგან თავისი მატჩი მოიგო "კალგარიმაც". "ფლეიმზს" დაძაბული ბრძოლის გადატანა მოუხდა აუთსაიდერ "ედმონტონთან", არადა, მატჩის მსვლელობისას თითქოს გადამწყვეტ უპირატესობას მიაღწია - 4:1. "ოილერზმა" მოახერხა ანგარიშის გათანაბრება, მაგრამ ფისქოლოგიური უპირატესობა ბულიტების სერიაში ვერ გამოიყენა და ამჯერადაც დამარცხებულმა დატოვა ყინული.არასტაბილურ თამაშს აგრძელებს "ფილადელფია", რომელიც ბრწყინვალე მოგებებს დასანან დამარცხებებს უნაცვლებს. თუმცა "მფრინავებს" საკუთარ მოედანზე ყველაფერი წესრიგში აქვთ და გუშინ ისინი იოლად გაუსწორდნენ "ბაფალოს" - 6:3. მასპინძელთა რიგებში ექვსი შაიბა სხვადასხვა მოთამაშეებმა გაიტანეს, მათ შორის სეზონში მეორედ გამოიჩინა თავი სათადარიგო ანდრეას ნოდლმა. ორი ქულის წყალობით "ფილადელფია" პლეი ოფის ზონაში დაბრუნდა, "ბაფალო" კი აღმოსავლეთის ორ აუთსაიდერ - "ოტავასა" და "ნიუ ჯერსის" მეზობლად იმყოფება.პლეი ოფის ზონას მიუახლოვდა "ანაჰაიმი", რომელმაც ჩემპიონატის სტარტი ჩააგდო. ახლა "იხვები" თანდათან ზემოთ მიიწევენ და ამ პროგრესს ხელი შეუწყო "დალასის" იოლად ძლევამ. კალიფორნიელთა რიგებში სამმა ჰოკეისტმა განსაკუთრებით გამოიჩინა თავი - რაიანმა (ორი შაიბა), გეტცლაფმა (ორი პასი) და სელიანემ (გოლი და პასი). "დალასმა" კი რეგულარულის სტარტზე ზედიზედ ოთხი მოგების შემდეგ თანდათან დაკარგა ტემპი.ფილადელფია-ბაფალო 6:31:1, 3:0, 2:2გოლები: 0:1 ვანეკი-4 (მონტადორი-5, დ. როუ-5), 1:1 ბრიერი-6 (კარტერი-2, პრონგერი-2), 2:1 ჟერდიოვი-2 (ჰარტნელი-3, ქობურნი-2), 3:1 პოუ-2 (ჟირუ-3, კარტერი-3), 4:1 ჟირუ-4, 5:1 კარტერი-3 (მ. რიჩარდსი-6, ბრიერი-2), 5:2 მიერსი-3 (დ. როუ-6, ვანეკი-3), 5:3 მონტადორი-1 (ტტიმ კონოლი-3, გრირი-3), 6:3 ნოდლი-1 (ბეტსი-2).ტორონტო-ფლორიდა 3:11:0, 0:1, 2:0გოლები: 1:0 ბოჟაკი-1 (კულემინი-5, ფანოფი-4), 1:1 ვიდემანი-2 (მაკეიბი-6, უეისი-2), 2:1 ორი-2 (ბრენტი-1, სიოსტრიომი-1), 3:1 კესელი-7.ოტავა-ფინიქსი 5:23:0, 0:1, 2:1გოლები: 1:0 ე. კარლსონი-2 (ფიშერი-2, ალფრედსონი-5), 2:0 კოვალიოვი-1 (რეგინი-2, ფოლინო-3), 3:0 კელი-2 (ნილი-3), 3:1 ლეპისტო-1 (რეი უიტნი-2, ბელანჟე-4), 3:2 იენდლი-1 (პიატი-2, სტემპნიაკი-2), 4:2 კოვალიოვი-2 (რეგინი-3, კამპოლი-1), 5:2 ალფრედსონი-5 (კოვალიოვი-2, გონჩარი-5).კალგარი-ედმონტონი 5:4 (ბ)2:1, 2:1, 0:2, 0:0გოლები: 1:0 ბ. მორისონი-2 (ჯორდანო-2, ბურკი-2), 1:1 ფოსტერი-1 (პააიარვი-2, რაიან უიტნი-7), 2:1 ბოუმისტერი-1 (ტანგეი-4, უაიტი-3), 3:1 გრენკროსი-2 (ბეკლუნდი-2), 4:1 ბ. მორისონი-3, 4:2 ებერლე-3 (პეკმანი-2), 4:3 პააიარვი-2 (კოლიანო-1, რაიან უიტნი-8), 4:4 გილბერტი-2 (პენერი-1, ჰემსკი-2).ბულიტები გაიტანეს: ტანგეი (კალგარი).დალასი-ანაჰაიმი 2:51:0, 0:3, 1:2გოლები: 1:0 ლ. ერიქსონი-5 (რიბეირო-8, ბ. რიჩარდსი-9), 1:1 რაიანი-3 (ვიშნოვსკი-6, ლიდმანი-1), 1:2 რაიანი-4 (ვიშნოვსკი-7, გეტცლაფი-9), 1:3 პაროსი-1, 2:3 სატერბი-1 (სეგალი-1, პეტერსენი-1), 2:4 სელიანე-5 (პერი-, გეტცლაფი-10), 2:5 პერი-4 (სელიანე-5, ლიდმანი-2).ვანკუვერი-კოლორადო 4:3 (ო)1:1, 1:1, 1:1, 1:0გოლები: 0:1 ჯონსი-3 (ჰეიდუკი-4, ჰენანი-1), 1:1 ტამბელინი-2 (დ. სედინი-5, ჰ სედინი-11), 1:2 ვინიკი-3 (რ. ო'რაილი-2, ლაილსი-11), 2:2 კესლერი-3 (ერჰოფი-3, ედლერი-6), 3:2 შაფერი-1 (ერჰოფი-4), 3:3 დუშენი-2 (ჰეიდუკი-5, კ. სტიუარტი-6), 4:3 რეიმონდი-3.ყოველდღიური სპორტული გაზეთი"ლელო"

[VIDEO] საქართველოს დავით ყიფიანის სახელობის თასზე სამი მეოთხედფინალისტი გაირკვა

[VIDEO] ლანჩხუთის "გურიამ" საქართველოს თასის 1/16 ფინალში თბილისის "დინამო" დაამარცხა და შემდგომ ეტაპზე გავიდა!

საქართველოს თასის 1/16-ფინალური მატჩები 25, 26 და 27 ივლისს გაიმართება

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

ერექციული დისფუნქცია მამაკაცებში - რა უნდა ვიცოდეთ?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

18-წლამდელთა ნაკრებმა ზედიზედ მეორე გამარჯვება მოიპოვა

"იბერია" "ლარნესთან" მატჩის გადადებას ითხოვს - თბილისური კლუბი ბრიტანეთში კერძო თვითმფრინავით გაფრინდება

"ვილიარეალმა" "ლაიფციგისგან" მეკარე შეიძინა

"ლივერპულმა" ბრედლი ბარკოლას შეძენის თაობაზე პირველი ნაბიჯი გადადგა

გრანდიოზული წვეულება და მოწვეული ვარსკვლავები - როგორი იქნება რონალდოსა და ჯორჯიანას ქორწილი

ერთ დღეში დახურული ორი ტრანსფერი - "იუვენტუსმა" გაძლიერება დაიწყო

ინფანტინო დანებებას არ აპირებს - ფიფას პრეზიდენტს დონალდ ტრამპის იმედი აქვს

ლუკაკუს "ნაპოლის" დატოვება და კარიერის MLS-ში გაგრძელება სურს

როდრი "რეალში"? პერესმა ტრანსფერს მწვანე შუქი აუნთო