- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პირველად 17 წლის შემდეგ - 1/4-ფინალი ინგლისელების გარეშე
<p>"არსენალთან" საპასუხო მატჩმა ბავარიელები იმაშიც დაარწმუნა, რომ ბასტიან შვაინშტაიგერის გარეშე "ბაიერნი" "ბაიერნი" არ არის!<span style="line-height: 1.3em;" /> <br> </span>რამდენადაც სრულყოფილია "ბაიერნი" ამ სეზონში, იმდენად ულამაზოდ გავიდა მეოთხედფინალში.</p><p>ლონდონში 3:1-ით გამარჯვებამ რეკორდმაისტერი იმდენად მოადუნა, რომ "არსენალი" ძალიან ახლოს იყო ყველა დროის ერთ-ერთ ყველაზე დიდ სასწაულთან ჩემპიონთა ლიგის ისტორიაში.</p><p>როგორც მოსალოდნელი იყო, მატჩის შემდეგ "ბაიერნის" პრეზიდენტმა<strong> ული ჰიონესმა</strong> ფეხბურთელებს მაშინვე "შემოულაწუნა" - აშკარად ავიჭერით და სასწრაფოდ გამოფხიზლებაა საჭიროო.</p><p>"არსენალთან" საპასუხო მატჩმა ბავარიელები იმაშიც დაარწმუნა, რომ <strong>ბასტიან შვაინშტაიგერის</strong> გარეშე "ბაიერნი" სხვა, არასრულყოფილი გუნდია.</p><p>თუმცა მთავარი, რა თქმა უნდა, ისაა, რომ "ბაიერნი" მეთორმეტედ გავიდა ჩემპიონთა ლიგის მეოთხედფინალში. "არსენალი" კი ამ პრესტიჟულ ტურნირზე პრემიერლიგის უკანასკნელი წარმომადგენელი გახლდათ - ჩემპიონთა ლიგის მეოთხედფინალი ინგლისური კლუბების გარეშე ბოლოს 17 წლის წინათ შედგა!</p><p>კიდევ ერთი საინტერესო სტატისტიკური ფაქტი: "ბაიერნს" ჩემპიონთა ლიგის საშინაო მატჩი ბოლოს 2011 წელს, მერვედფინალში, მილანის "ინტერთან" ჰქონდა წაგებული (2:3). აქვე ვთქვათ, რომ <strong>ხავი მარტინესმა </strong>მესამე გაფრთხილება მიიღო და მეოთხედფინალის პირველ რაუნდს გამოტოვებს.</p><p><strong><span style="color: #ff0000;">რეაქციები</p><p></span></strong><em><strong>იუპ ჰაინკესი</strong> (ბაიერნი): "სწრაფმა გოლმა ჩვენი გეგმები თავდაყირა დააყენა, "არსენალს" კი საქმე გაუადვილა. სამწუხაროდ, თამაშს ვერ ვაკონტროლებდით ისე, როგორც გვჩვევია. სიმშვიდე გვაკლდა! ცხადია, ყველაზე მთავარი ისაა, რომ მეოთხედფინალში გავედით, მაგრამ ფაქტია, რომ "არსენალმა" თვალი ჩაგვილურჯა."</p><p><strong>არიენ რობენი</strong> (ბაიერნი): "ასეთი რამ არ უნდა დაგვმართნოდა, მაგრამ დაგვემართა. თამაშის წინ ბევრი ვისაუბრეთ იმაზე, რომ "არსენალს" დასაკარგი არაფერი ჰქონდა, რის გამოც ფრთხილად ყოფნა იყო საჭირო, მაგრამ კონცენტრაცია მაინც გვაკლდა. შესაძლოა, კარგიცაა, რომ წავაგეთ - ეს მარცხი კარგი გაკვეთილი უნდა იყოს."</p><p><strong>კარლ-ჰაინც რუმენიგე</strong> ("ბაიერნის" ვიცე-პრეზიდენტი): "შეგვიძლია ვთქვათ: გაგვიმართლა, რომ ლონდონში სამი გოლი გავიტანეთ. ამ მატჩმა ბევრი რამ უნდა გვასწავლოს - საფეხბურთო ღმერთმა არ დაგვსაჯა, მაგრამ გაგვაფრთხილა."</p><p><strong>ული ჰიონესი</strong> ("ბაიერნის" პრეზიდენტი): "უნდა გვიხაროდეს, რომ უდიდესი სირცხვილი არ ვჭამეთ და ამას იქით ყურადღებით უნდა ვიყოთ. შემიძლია ვთქვა, რომ "ბაიერნმა" არც "ჰოფენჰაიმთან" და "ფორტუნასთან" ითამაშა კარგად და თუ არ გამოვფხიზლდებით, საქმეები ცუდად წაგვივა. დღევანდელმა თამაშმა დაგვანახვა, რომ თუ ჩემპიონთა ლიგის მოგება გვინდა, ყველა თამაშში მაქსიმალური კონცენტრაციაა საჭირო."</p><p><strong>არსენ ვენგერი</strong> (არსენალი): "ჩემპიონთა ლიგიდან გამოვარდნა ყოველთვის ძალიან სამწუხაროა, მაგრამ არ უნდა დაგვავიწყდეს, რომ ჩვენ ევროპის ერთ-ერთ საუკეთესო გუნდს ვეთამაშებოდით. დღეს ძალიან კარგად ვითამაშეთ და მოვიგეთ კიდეც, მაგრამ ლონდონში დაშვებული შეცდომების გამო აპარეზობას გამოვეთიშეთ."</p><p></em></p><p><strong><span style="color: #ff0000;">შემადგენლობები</p><p></span></strong>ბასტიან შვაინშტაიგერის (დისკვალიფიკაცია გაფრთხილებების გამო), <strong>ჟერომ ბოატენგის</strong> (დისკვალიფიკაცია გაძევების გამო) და <strong>ფრანკ რიბერის </strong>(ტრავმა) სახით "ბაიერნს" სამი ფეხბურთელი აკლდა. ბოატენგზე ამას ვერ ვიტყვით, მაგრამ შვაინი და რიბერი რეკორდმაისტერს აშკარად ძალიან დააკლდნენ.</p><p>იუპ ჰაინკესმა საყრდენი ნახევარმცველების დუეტი <strong>ლუის გუსტავოსა</strong> და ხავი მარტინესის წყვილით დააკომპლექტა, რიბერის ნაცვლად კი ძირითადში არიენ რობენი გაამწესა.</p><p>ლონდონელებს ტრავმების გამო <strong>პოდოლსკი, სანია</strong> და <strong>უილშირი</strong> დააკლდათ. ვენგერმა კარში ბევრისთვის მოულოდნელად <strong>ფაბიანსკი </strong>ჩააყენა, ძირითადი კიპერი <strong>შჩესნი </strong>კი განაცხადშიც არ ყოფილა.</p><p><strong><span style="color: #ff0000;">გმირი</p><p></span></strong><strong>მიკელ არტეტა</strong> (არსენალი)</p><p>"მეთოფეების" კაპიტანმა სიმშვიდით, კლასითა და მოედნის ხედვითაც გაგვაოცა. არტეტამ ორთაბრძოლების 60 პროცენტი მოიგო და ლონდონელთაგან ყველაზე ხშირად (66) შეეხო ბურთს. აქვე ისიც უნდა ვთქვათ, რომ მსაჯის მიერ დამატებულ წუთებში თამაშის წესები სამჯერ უსარგებლოდ დაარღვია, რამაც "ბაიერნს" დროის გაყვანის საშუალება მისცა.</p><p><strong><span style="color: #ff0000;">ანტიგმირი</p><p></span>ლუის გუსტავო</strong> (ბაიერნი)</p><p>შვაინშტაიგერის შემცვლელმა გუსტავომ განსაკუთრებით ცუდად პირველ ტაიმში ითამაშა - ბრაზილიელი საყრდენი თითქოს ბურთს ემალებოდა და ორთაბრძოლებშიც უკლასოდ შედიოდა. ბავარიელებს მოედნის ცენტრში კონტროლის დამყარება რომ უჭირდათ, ეს პირველ რიგში სწორედ ლუის გუსტავოს ბრალია.</p><p><strong><span style="color: #ff0000;">მსაჯი</p><p></span></strong><strong>პაველ კრალოვეცისთვის</strong> ეს ჩემპიონთა ლიგაში მხოლოდ და მხოლოდ მეშვიდე მატჩი გახლდათ (მეოთხე ამ სეზონში). შესაბამისად, ჩეხ არბიტრს გამოუცდელობა ეტყობოდა, რადგან რამდენიმე ორთაბრძოლა შეცდომით განსაჯა და ფეხბურთელებს წვრილმანებზე ეკიდებოდა. კრალოვეცმა ყვითელი ბარათი ცხრაჯერ ააფრიალა, რაც მატჩის საერთო სურათს არ შეესაბამება. ამასთან, 56-ე წუთზე ჩეხმა<strong> ნოიერთან </strong>პირისპირ გასულ <strong>უოლკოტზე </strong>თამაშგარე მდგომარეობა დააფიქსირა, რაც ასევე მცდარი გადაწყვეტილება გახლდათ.</p><p><strong><span style="color: #ff0000;">მწვრთნელები</span></strong></p><p>ჰაინკესი ნაცნობ სასტარტოელებთან ერთად პირველ რეზერვისტებს, ლუის გუსტავოსა და არიენ რობენს ენდო, ბეჯითი<strong> მანჯუკიჩი</strong> კი 72-ე წუთზე გომესით შეცვალა. ბოლო ათ წუთში "დონ იუპმა" <strong>ტონი კროოსის </strong>ნაცვლად <strong>ანატოლი ტიმოშჩუკის</strong> შეყვანით სიფრთხილისკენ დიდი ნაბიჯი გადადგა.</p><p><strong>ვენგერმა </strong>"ბაიერნს" საუკეთესო შემადგენლობა დაუპირისპირა - ერთადერთი გამონაკლისით: ძირითადი მეკარე შჩესნი ლონდონში დარჩა. 71-ე წუთზე "მეთოფეების" თავკაცმა ლოგიკური ცვლილებები განახორციელა: გადაღლილი უოლკოტისა და <strong>რემსის</strong> ნაცვლად თამაშში სწრაფი<strong> ოქსლეიდ-ჩემბერლენი</strong> და ფეთქებადი <strong>ჟერვინიო</strong> ჩართო, რასაც ეფექტი ჰქონდა, მაგრამ არა იმდენად დიდი, რომ "არსენალს" დაგეგმილი სასწაული მოეხდინა.</p><p><strong><span style="color: #ff0000;">რაც თვალში მოგვხვდა</span></strong></p><p>- მიუნხენელებმა თამაში ძალიან პასიურად დაიწყეს და ბურთი ლონდონელებს დაუთმეს. რაკი ლუის გუსტავომ და ხავი მარტინესმა მოედნის ცენტრში წესრიგი ვერ დაამყარეს, ხოლო დავიდ ალაბამ ბოლო პასი ვერ ჩაჭრა, "არსენალმა" სასურველი სწრაფი გოლი უკვე მე-3 წუთზე გაიტანა!</p><p>- ლონდონელები უთავბოლოდ და უკანმოუხედავად ნამდვილად არ უტევდნენ - "არსენალს" გეგმა ჰქონდა და ამ გეგმის მიხედვით თამაშობდა. <strong>ოლივიე ჟირუს</strong> პრესინგის დროს<strong> ტომაშ როსიცკიც</strong> აქტიურად ეხმარებოდა: ჩეხი "ბაიერნის" ბურთიან მცველს ყოველთვის ბეჯითად აწუხებდა.</p><p>- პრესინგს რემსი და არტეტაც მიმართავდნენ, რის გამოც "ბაიერნის" უკანახაზელები ხშირად იძულებულები ხდებოდნენ, გრძელი პასები გაეკეთებინათ. ბურთის მოპოვების შემდეგ "არსენალი" უმეტესად მარჯვენა ფლანგიდან უტევდა, სადაც სწრაფი უოლკოტი აქტიურობდა. ამ დროს, ჟირუს როსიცკიც ეხმარებოდა - ჩეხი გამთამაშებელი რამდენჯერმე აღმოჩნდა ცენტრალური თავდამსხმელის პოზიციაზე.</p><p>- შვაინშტაიგერის არყოფნაში "ბაიერნს" ნახევარდაცვაში ორგანიზატორი აკლდა. ლუის გუსტავო ბურთს ემალებოდა, რის გამოც ტონი კროოსს უწევდა ბურთის მოსაპოვებლად უკან დახევა. მოკლედ, უშვაინშტაიგეროდ "ბაიერნის" ნახევარდაცვის ცენტრში სიცარიელე წარმოიქმნა, რომელიც მიუნხენელებმა მთელი მატჩის განმავლობაში ვერ ამოავსეს. აუტების დროს "არსენალის" ფეხბურთელები ხშირად სრულიად მარტონი იყვნენ.</p><p>- "ბაიერნის" წინა ხაზზე მიულერი და რობენი ფლანგებს ხშირად ცვლიდნენ. რობენი ძალიან აქტიური გახლდათ და საერთო ჯამში, ფაბიანსკის კარისკენ 10-ჯერ დაარტყა.</p><p>- საფინალო სასტვენის მოახლოებასთან ერთად, "ბაიერნი" უფრო და უფრო აგრესიული გახდა. მიუნხენელებმა გარკვეულწილად კონტროლის დამყარებაც შეძლეს და შესაბამისად, ლონდონელები ბოლოს მხოლოდ მიუნხენელთა შეცდომების იმედადღა იყვნენ. "ბაიერნის" სასარგებლოდ უნდა ითქვას, რომ "არსენალმა" რეკორდმაისტერს ბოლო წუთებში შტურმი ვერ მოუწყო.</p><p>- ზუსტად ისე, როგორც ბუნდესლიგის ბოლო მატჩში "ფორტუნასთან", ბავარიელებმა კვლავ რამდენიმე რეალური მომენტი ვერ გამოიყენეს და ამის გამო კინაღამ მწარედ დაისაჯნენ.</p><p><strong><span style="color: #ff0000;">დასკვნა</span></strong></p><p>ჰაინკესი ცამდე მართალია: "ბაიერნი" ჩემპიონთა ლიგის მეოთხედფინალში ჩალურჯებული თვალით გავიდა. რეკორდმაისტერს თავდაჯერება არ აკლდა, მაგრამ "ბაიერნის" ფეხბურთელებმა ბევრი შეცდომა დაუშვეს და არაერთი მომენტი გაანიავეს. მოკლედ, მიუნხენურ გრანდს მართლაც სჭირდება გამოფხიზლება.</p><p><span style="color: #ff0000;"><strong>ჩემპიონთა ლიგა. 1/8-ფინალი. საპასუხო მატჩი</strong></span></p><p><strong><em>ბაიერნი-არსენალი 0:2 (3:1)</em></strong></p><p>გოლები: 0:1 ჟირუ (3), 0:2 კოშიელნი (85)</p><p>ბაიერნი (4-2-3-1): ნოიერი - ლამი, ვან ბუიტენი, დანტე, ალაბა - ხავი მარტინესი, ლუის გუსტავო - თ. მიულერი, კროოსი (81. ტიმოშჩუკი), რობენი - მანჯუკიჩი (72. გომესი).</p><p>არსენალი (4-2-3-1): ფაბიანსკი - ჯენკინსონი, მერტეზაკერი, კოშიელნი, გიბსი - არტეტა, რემსი (72. ჟერვინიო) - უოლკოტი (72. ოქსლეიდ-ჩემბერლენი), როსიცკი, კასორლა - ჟირუ.</p><p>გაფრთხილება: ლამი, ხავი მარტინესი, გომესი - გიბსი, როსიცკი, ჟირუ, მერტეზაკერი, კასორლა, კოშიელნი</p><p>მაყურებელი: 68 000</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/46947-baierni-arsenali-02-miunkhenshi-kinagham-sensacia-vikhileth-video.html" target="_blank">ბაიერნი-არსენალი 0:2 - მიუნხენში კინაღამ სენსაცია ვიხილეთ [VIDEO]</a></p><p><a href="/fexburti/evroturnirebi/chempiontha-liga/45939-arsenali-baierni-13-miunkhenis-qbaierniq-ukethesia-video.html" target="_blank">არსენალი-ბაიერნი 1:3 - მიუნხენის "ბაიერნი" უკეთესია [VIDEO]</a></p>
"ის "ოქროს ბურთის" უდავო გამარჯვებულია" - რაისმა თავისი ფავორიტი დაასახელა
[VIDEO] "არსენალმა" "ბაიერნთან" ფრეს მიაღწია - "რეალმა", "ასტონ ვილამ" და "ბეტისმა" მორიგი გამარჯვებები მოიპოვეს
"კომომ" "მანჩესტერ იუნაიტედი" გაანადგურა, "გალათასარაიმ" "ლილს" სძლია
მეტელკინა-ბერულავას წყვილმა საფრანგეთის გრან-პრიზე ოქროს მედალი მოიპოვა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
ახალციხემ სუპერლიგაში პირველი გამარჯვება გორის ივერიონთან მოიპოვა
[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ნიკა ამაშუკელი - ტოკიო, ლონდონი და გენუა